娛樂滿紛 26FUN - Powered by Discuz! Board

標題: 英超第四大激鬥 [打印本頁]

作者: 28083003 時間: 2006-2-20 11:16 PM 標題: 英超第四大激鬥

頭三名基本上係果三隊咖啦,而家大家都好關心第四會係邊隊,而有機會嘅球隊最少有6隊,究景變隊可以踢歐聯外圍賽呢???而家睇阿仙奴會唔會好似利記上年以衛冕身份成為第5支英超隊踢歐聯確係無乜可能,所以我排除左li個結果~~~
熱刺今年極力擴軍,o係祖爾帶領下現居第4.li次位於倫敦嘅球會近年常居於阿記,車仔之下,但今季現時能得到li個成績其實並不出奇,由於不用踢歐洲賽,對於一線尾,二線頭黎講嘅熱刺,今季完全不受傷兵影響.只不過剛過嘅非洲盃因米度要回埃及踢所以打亂了熱刺嘅強勢.無米度嘅4場波只得4分.今季簽下了戴維斯,贊拿斯,魯迪治,李榮鏢,當中由以戴維斯對熱刺產生最大作用!!佢帶住一班年青球員踢出應有嘅水準.陣中以當臣,連農,卡域克最為悅目,面對強隊都毫不怯場.
餘下賽程:
5/3    Tottenham  v  Blackburn             ***
11/3 Chelsea  v  Tottenham             *****
18/3 Birmingham  v  Tottenham       **
27/3 Tottenham  v  West Brom          **
1/4    Newcastle  v  Tottenham             ****
8/4    Tottenham  v  Man City             **
15/4 Everton  v  Tottenham                ****
17/4 Tottenham  v  Man Utd             ****
22/4 Arsenal  v  Tottenham                *****
29/4 Tottenham  v  Bolton                ****
7/5    West Ham  v  Tottenham          ****

最後5輪比賽對熱刺來說都係硬仗,當中4隊都係有份爭第4,而曼聯仍要和利記爭第2,所以熱刺要贏第4絕不容易,但陣容完整是一大優勢.

其餘幾隊遲下再寫

作者: brightlee 時間: 2006-2-20 11:37 PM

I am waiting for your articles~~~!!!

yeah!~!!!
+6

作者: 艾力克 時間: 2006-2-20 11:37 PM

睇講 manu 想換 aaron lennon, 我睇好此子, 他日必成大器, 但暫時 tot 較適合佢
我都想 tot 攞第4, 但如果arsenal冇第4, henry 又好可能會走, 咁又唔係咁好, 但ars以依班波拎第4又唔係好合理

所以我支持 tot 第4, ars 第5

始終依幾年o既世界未屬於 arsenal

作者: 28083003 時間: 2006-2-20 11:53 PM

如果阿仙奴下年踢唔倒歐聯,肯定係咁多隊中最令人失望嘅一隊,甚至會出現星散嘅危機(A高爾,蘇金寶,亨利等可能離隊).今季可以話大當黑嘅阿記先後有A高爾,奇列治,蘇金寶,施根,基拔,羅倫.Eboue,托尼又於前排回非洲踢非洲盃,後防可以話死傷慘重......近排甚至要用防中踢兩對匣,如果唔係列文有超水準表現,失波數字肯定唔會係現時失波第三少.一月買來了艾迪巴約,迪艾比,walcott,前兩者已馬上取得正選位置,但明顯仍未能見倒有即時反彈嘅表現.前場亨利大跌watt係阿記支炮濕左水嘅主因(Gunners),分心踢歐聯令阿記聯賽不穩定,希望最後能得第4吧(我捧阿記嘅......sor.....)
餘下賽程:
25/2 Blackburn  v  Arsenal                ***
4/3    Fulham  v  Arsenal                   ***
12/3 Arsenal  v  Liverpool                *****
18/3 Arsenal  v  Charlton                **
25/3 Portsmouth  v  Arsenal             **
1/4    Arsenal  v  Aston Villa             ***
9/4    Man Utd  v  Arsenal                *****
15/4 Arsenal  v  West Brom             **
17/4 Man City  v  Arsenal                ***
22/ 4 Arsenal  v  Tottenham             ****
29/4 Sunderland  v  Arsenal             *
7/5    Arsenal  v  Wigan                   ***
餘下賽程對唔少中下遊球隊,但大多作客,對於今季作客取得3勝3和7負此戰績嘅阿記來說是''好睇唔好食'',遍遍主場又要踢強隊......列文~~~靠你啦!!!

作者: 28083003 時間: 2006-2-21 12:11 AM

其實我都好贊成賣亨利走,唔係話佢入唔入倒波,轉左型踢邊多定點樣呀,佢真係完全無heart去踢好一場波,阿記贏米堡7蛋果場佢就係贏得開心先踢得落力D,其他........佢又唔追波又唔交,隊友無比波佢又嘈,交失波又黑面.前排話人地雲佩斯獨食,只顧個人表現,但人地果輪交足貨,場場有波入,你自己呢???之前又係你話D隊友唔肯射,死cup爛cup,咁人地而家咪射囉,你想點???作為隊長,你要幫隊友,維護隊友,必要時先鬧,唔係家下係唔係都鬧.一尾就話球隊唔買人,你睇球會一個禮拜比幾多錢你,你如果係真係咁關心隊波,咁想阿記買人,你收少一半錢啦笨!!!
最記得佢以前串奧雲話佢淨係留人係前場唔回防,懶!人地係射手,回咩防???但你睇下自己而家點???都唔洗你回防,叫人走去艾迪巴約隔黎接應佢頭鎚二傳,你就死企o係左邊等隊友傳,嘅然巴塞咁想要20m賣倒我實制

作者: 艾力克 時間: 2006-2-21 12:11 AM

強隊不應有此作客成績(3勝3和7負), 所以我認為 arsenal 黎緊依年唔夠資格踢歐聯 (just my opinion~)

作者: 28083003 時間: 2006-2-21 12:25 AM

咁又唔係,阿記今年歐聯都叫做15分不敗大熱入16強,雖然對手......但睇得出歐聯都唔係隊隊車仔米蘭巴塞利記啦,只不過係英超4個位佢個後備人腳好似唔夠踢歐洲賽姐,你睇紐卡素,熱刺,保頓等,人地班強大後備先夠踢歐聯的嗎,唔係話D人會傷,你都一時時要比D正選休息下,你睇阿記,聽晚對皇馬佢前鋒得亨利一個,艾迪巴約踢過唔出得,雲佩斯傷,伯金去唔倒(已確定),walcott,rayes有傷未必放落場.後衛唔洗講啦,你話咁樣點踢歐洲賽呢??

作者: 28083003 時間: 2006-2-21 12:44 AM

排第6嘅係韋斯咸,乜話???第6???無錯,聯賽5連勝嘅韋斯咸已經升到去第6位啦,正當大家笑緊佢地做左大水魚,7m買艾斯唐,韋斯咸班後生仔已經成熟左好多,季初小弟入場睇曼城對韋斯咸,韋斯咸班波都唔係路,進攻雜亂無章,希亞活似十足希斯基......家下作客3:2贏阿仙奴,希亞活聯賽入左12球(排第6)......韋斯咸~~~講聲對唔住啦,你都係無機踢歐洲賽咖啦,因為...
餘下賽程:
4/3 West Ham  v  Everton                ****
11/3  Bolton  v  West Ham                   ****
18/3  West Ham  v  Portsmouth          **
25/3  Wigan  v  West Ham                   ****
29/3  Man Utd  v  West Ham             *****
2/4 West Ham  v  Charlton                ****
9/4 Chelsea  v  West Ham                *****
15/4  West Ham  v  Man City             ***
17/4  Middlesbrough  v  West Ham       ****
22/4  West Ham  v  Liverpool             *****
29/4  West Brom  v  West Ham          **
7/5 West Ham  v  Tottenham          ****
你地餘下賽程嘅係地獄賽程,下年再黎過啦

作者: brightman 時間: 2006-2-21 12:54 AM

4/3 West Ham  v  Everton                ****
11/3  Bolton  v  West Ham                   ****
18/3  West Ham  v  Portsmouth          **
25/3  Wigan  v  West Ham                   ****
29/3  Man Utd  v  West Ham             *****
2/4 West Ham  v  Charlton                ****
9/4 Chelsea  v  West Ham                *****
15/4  West Ham  v  Man City             ***
17/4  Middlesbrough  v  West Ham       ****
22/4  West Ham  v  Liverpool             *****
29/4  West Brom  v  West Ham          **
7/5 West Ham  v  Tottenham          ****

對西布朗都好難踢, 護級球隊通常係季尾會有異常既表現.

作者: 28083003 時間: 2006-2-21 01:02 AM

我都有諗過,其實我從來唔當西布朗係弱隊,季中以簡奴踢全能中場起倒意想不到嘅功用,佢地仲係全英超有最多前鋒嘅球隊(但平均一場都入唔倒一球),我比兩粒星係諗到佢地有可能已經提早護級,所以比住兩粒星

作者: 28083003 時間: 2006-2-21 01:31 AM

上年前年都係排15嘅布力般而家位居第7,今年前鋒可以話係大汁位!!!引入比拿美,賓特利,kuqi三位前鋒共攻入15球,M柏達臣今季著火,已攻入7球,相信大家都仲記得佢CALING cup入曼聯球世果波啦.剛剛再借得龐高尼,攻力之強真係不能睇少.攻得勁,守都唔弱bor,以沙華治,圖基兩個老鬼打中場,薑確係越老越棘!!!我好想睇下比拿美+賓特利+龐高尼3個一齊出~~~跑狗戰術~~~
餘下賽程:
25/2 Blackburn  v  Arsenal             *****
5/3 Tottenham  v  Blackburn          *****
11/3 Blackburn  v  Aston Villa          ***
18/3 Blackburn  v  Middlesbrough       ****
25/3 Sunderland  v  Blackburn          *
3/4 Blackburn  v  Wigan                ****
8/4 Portsmouth  v  Blackburn          **
15/4  Blackburn  v  Liverpool             *****
19/4  Birmingham  v  Blackburn          **
22/4  Blackburn  v  Chelsea             *****
29/4  Charlton  v  Blackburn             ***
7/5 Blackburn  v  Man City             ***
好怪嘅賽程,對D好勁同好屎嘅隊......但如果最尾對果3場人地放下水的話~~~真係有D機
車仔提早贏冠軍留力歐冠.....
查爾頓同曼城又唔洗降但又無得升的話.......
之前對韋根,米堡,維拉,利記,阿記又全主場.......
我第6感話我知佢地最少有第6踢歐協盃

作者: brightman 時間: 2006-2-21 04:00 AM

布力般主場威力強勁, 入波數量極多, 所以主場只要拿下同自己同級既球隊, 打入六名內是很樂觀.

作者: 28083003 時間: 2006-2-21 09:07 AM

先不提韋根今季最終會排第,佢地今季能夠一直長居於頭10名已經係超額完成,carling cup更殺敗阿記打入final對曼聯,兩對車仔都只以一球先負,如果唔係11-12月果6場地獄賽程(只能於紐卡素身上取得3分)令佢地應接不下,可能佢而家仲留守緊top5.球隊以保列特(龍門),迪斯奧,軒索斯,占邦達等為首嘅防線一直於前半季保持穩定嘅表現,可惜該對加埋超過70歲嘅中堅明顯地因賽程過密,於後半季出現''捱唔住''嘅情況,近7場聯賽只取得6分,該個半月內一共踢了7場聯賽,2場carling cup(決賽),3場FA cup(敗於曼城出局).本季最重要收購為占邦達,能攻善守,其代表作為今季對富咸於補時飛頂替韋根以1比0勝出,在接下來對樸刺茅夫嘅聯賽再入一球~~~~助韋根取得6連勝.
餘下賽程:
6/3 Wigan  v  Man Utd                *****
11/3  Sunderland  v  Wigan             *
18/3  Man City  v  Wigan                ****
25/3  Wigan  v  West Ham             ***
3/4 Blackburn  v  Wigan                ****
8/4 Wigan  v  Birmingham             *
15/4  Newcastle  v  Wigan             ****
18/4  Wigan  v  Aston Villa             ***
22/4  Fulham  v  Wigan                   ***
29/4  Wigan  v  Portsmouth             *
7/5 Arsenal  v  Wigan                   *****
韋根餘下賽程其實幾有利,對手並唔係好強,但係佢地嘅近況真係唔得,我相信佢地最終只能以第7/8名完成今季

作者: 28083003 時間: 2006-2-21 09:37 AM

保頓現居第9,但比前面嘅球隊少賽2-3場,所以此排名並不反影佢地今季表現如果佢地少賽果幾場全勝的話,會比第4嘅熱刺更高2分,所以絕對不能睇漏保頓.保頓嘅班費係全英超咁多支球隊最底,但同時和米堡一齊踢緊歐洲足協盃,足總盃仲未出局,今季確係勁!!!
以實制嘅踢法兩勝阿記,一條中場線能攻能守,又大件又好體力,要贏保頓真係唔易(我極度相信保頓係一支有踢假波嘅球隊).中場球員有路蘭,史必,迪奧夫,中田,奧高查,加特拿,艾雲金保,簡拿高普路斯,菲爾等組成,當中以路蘭今季表現最好,這條中場線合共攻入23球(佔77%),你話li條中場勁唔勁???
餘下賽程:
26/2  Bolton  v  Fulham                   **
4/3  Newcastle  v  Bolton                   ****
11/3  Bolton  v  West Ham                ***
18/3  Bolton  v  Sunderland                *
26/3  Middlesbrough  v  Bolton          ***
1/4  Bolton  v  Man Utd                   *****
9/4  Liverpool  v  Bolton                   *****
15/4  Bolton  v  Chelsea                   *****
17/4  West Brom  v  Bolton             **
22/4  Bolton  v  Charlton                   ***
29/4  Tottenham  v  Bolton             ****
7/5  Bolton  v  Birmingham                *

仲有2場re-match未排時間,對米堡(H),伯明翰(A)          ***/**

4月連對頭3位,如果頂得住其實餘下賽程對保頓黎講唔難踢,取得第4多機會幾高

作者: 28083003 時間: 2006-2-21 09:48 AM

估計:
阿仙奴---於歐聯慘敗於皇馬出局,專心聯賽下取得第4
保頓---餘下賽程過密,最終只能取得一席第5
布力般---於後段發力取得第6,因韋根未能擊敗曼聯,以第6名參戰歐洲足協盃
熱刺---最後5輪比賽只取得2分,慘得第7,又因車仔取得足總盃冠軍而幸運參戰歐洲足協盃
韋根---以第8名完成賽季
韋斯咸---因最尾12場只取得8分,更被曼城,愛華頓,紐卡素過頭,只取得第12位

作者: brightman 時間: 2006-2-21 04:32 PM

好詳盡的分析, 在下佩服

作者: iknow 時間: 2006-2-21 09:47 PM

熱刺較大機會喎......
米度又返左黎,羅比堅尼又有態,中場又有一定實力,加上祖爾好野~

作者: 28083003 時間: 2006-2-22 01:03 AM

Originally posted by iknow at 2006-2-21 09:47 PM:
熱刺較大機會喎......
米度又返左黎,羅比堅尼又有態,中場又有一定實力,加上祖爾好野~

前鋒線最熱嘅唔只佢兩個,迪科爾近3場正選上陣入3球+1助攻添,但前鋒有態又代唔代表球隊成績就會好,近兩場聯賽和韋根,~新特蘭~,成績唔穩定嘅球會去到季尾更難踢出好成績,加上最尾7場有6場硬仗,li班年青球員去到危急關頭如果輸了頭一場會唔唔受影響呢??

1/4    Newcastle  v  Tottenham
紐卡素之所以現時排得咁後係因為球員不滿桑拿士先特登踢得差黎逼佢走,佢一走就聯賽馬上二連勝,加上已傳出奧雲服出嘅好消息,而紐卡素仍有機會爭一席歐洲足協盃,li場主場出戰贏嘅機會甚高
8/4    Tottenham  v  Man City
曼城今季作客成績排15位,相信熱刺可順利贏出
15/4 Everton  v  Tottenham
愛華頓於後半季成績才越,現時仍有踢歐洲足協盃,近7場得19分(6勝1和),熱刺贏嘅機會唔大
17/4 Tottenham  v  Man Utd
你話曼聯會唔會放熱刺一馬??
22/4 Arsenal  v  Tottenham
你話阿仙奴會唔會放熱刺一馬??
29/4 Tottenham  v  Bolton
你話保頓會唔會放熱刺一馬??
7/5    West Ham  v  Tottenham
我相信熱刺li應勝出

li7場我估佢地只會攞倒7-8分,要攞第4絕對唔易
不過大家都係得個估姐,可能熱刺遇強越強,最尾先黎料都唔出奇

OT,因為小弟讀數,所以幾睇重stat.

作者: brightlee 時間: 2006-2-22 02:28 AM

正如01-02年你都估唔到阿仙奴最後十場連勝

作者: brightman 時間: 2006-2-22 02:37 AM

Originally posted by brightlee at 2006-2-22 02:28 AM:
正如01-02年你都估唔到阿仙奴最後十場連勝

今季阿仙奴打得咁差係其中一個因素係傷兵多. 季初亨利傷, 而家高爾, 雷耶斯又傷, 金寶又玩抑鬱..但如果季尾可以砌番隊full team或者有理想既表現

作者: brightlee 時間: 2006-2-22 02:48 AM

如果有士氣,再加上同心,可以的

作者: VictorTan 時間: 2006-2-25 11:11 PM

Very Good Topic ! The Forth Spot Should Be In Between Arsenal & Tottenham Hotspur.

作者: 28083003 時間: 2006-2-26 01:04 AM

阿仙奴雖於歐聯以1比0爆冷作客贏皇馬,但聯賽客場成績持續不濟,剛以1比0敗於布力般手上.此外,保頓剛於歐洲足協盃不敵馬賽出局,能專心聯賽下有力一爭第四,英超第四名之爭阿仙奴嘅機會顯得越來越渺亡...

作者: alantai 時間: 2006-2-26 01:51 AM

Originally posted by 28083003 at 2006-2-26 01:04 AM:
阿仙奴雖於歐聯以1比0爆冷作客贏皇馬,...

今日阿仙奴做左皇馬, 布力般做左阿仙奴, 中場唔夠硬淨, 亨利更加係夢遊.
雲加仲未諗到計對付呢D體力化既爛仔波, 作客可以繼續捧對家
爭第四都睇怕好(蚊)水

歡迎光臨娛樂滿紛 26FUN (http://26fun.com./bbs/)