娛樂滿紛 26FUN - Powered by Discuz! Board

標題: [愛情診療室] 唔該幫幫手吧【蛙+】 [打印本頁]

作者: 2Pac 時間: 2006-2-28 04:14 AM 標題: 唔該幫幫手吧【蛙+】

我是大學year1學生
在第一個學期上某一科既時候，我遇到一個我覺得好靚既女仔
但我地班同學一係就原校升讀既，一係就其他大學黎既
就咁就分開左兩面，情況好尷尬，河水不犯井水
佢地有佢地傾計我地有我地傾咁樣
但我做present時，因為佢負責計時，我會不時借故望住佢，佢也知道我望住佢
我做present時會搞一些玩笑，佢會笑得好開心，我也會滿足
不過因為河水不犯井水，加上我性格被動，我唔敢同佢講野

到了今個學期
我又有一科同佢一班，而河水不犯井水情況持續
有一次做堂課，要周圍搵同學答問題，她竟然主動向我介紹自己同問我拎答案。
而那堂我又再開左d玩笑，其他同學包括阿sir同佢都笑得好大聲
我覺得佢應該對我有d印象
我好想識佢同佢傾計做下朋友，但我唔敢

希望你地明白我打乜，同埋幫手獻下計
你地既大恩大德小弟一定沒齒難忘，謝謝

[ Last edited by toro on 2006-2-28 at 01:16 PM ]

作者: godsonno 時間: 2006-2-28 08:00 AM

search下個女仔d 資料先, 搵d話題親近下佢, 最好投其所好,往往事半工倍, 同埋注意下俾佢0既第一次印象(唔計係堂度再開玩笑,i mean私底下),等佢印象對你唔錯咁、之後做左朋友,初頭可以icq/ msn下, 熟左少少傾下電話係必要gala,then有機會就安排d節目、攪驚喜攪新意, 增加親密度啦.

你0既情況同我之前好似! 可惜佢有男朋友(即時放棄

)... 同埋識左之後發覺冇咩話題好傾, 唔岩咀形

作者: 2Pac 時間: 2006-3-26 07:54 PM

唉......
到現在我仍然係咁內向
只係有一堂做小組討論，咁Q抽中我同佢一組
而我只係繼續大放笑彈，佢都係笑得好開心
但因為同我地同組既另外兩個人都係佢相熟既同學
所以儘管做完討論我都冇勇氣問佢拎電話
我之前提過個contact list其實係有佢電話number
但我覺得問佢拎好似好d，不過到現在，我亦然唔敢同佢講野，何況拎電話

而其實除左英文外我仲有一科同佢一班
有一次佢冇番學而咁Q比左功課
但我都只係託另一個女仔同學用SMS提佢有功課做
而佢亦有回覆我個女仔同學，話唔該，話我同學好好人，同埋遲D見
呢個女仔朋友係我同佢之間既溝通橋樑

仍然，當我見到佢同佢相熟既同學一齊既時候
我又怯了......

作者: Rika 時間: 2006-3-27 06:08 PM

電話 number, 直接問好D, 勇敢D, 快D拎左佢電話先啦~

作者: wind19831221 時間: 2006-3-28 12:44 AM

往好既一面唸，最起碼拒對你有留低一ｄ印象啦，以後接近拒都唔會太難，
你梗系要主動出擊啦，你要知道，靚女一向身邊唔愁無人架．．．
既然系大學，你可以提議同班同學搞ｄ活動，你仲有"橋樑"啊嘛，然後好自然咁問拒聯絡方法，
再．．．．哼哼哼，唔使講啦

作者: 2Pac 時間: 2006-5-3 08:56 PM

終於，有一日放學我係電腦室見到佢一個人做功課
剛巧我未做晒，佢見到我，我就伸利，佢笑呀
之後我坐係佢隔離一齊做
一路做下一路傾下計，佢主動問我係唔係做緊野
之後傾左好多野，我都搞左好多個笑位
內容包括工作呀、學業呀、現在同以前既校園生活等等呀
佢仲記得我之前搞過既gag，流程幾smooth，我覺得同佢傾得算投契 (第一次黎講)
做左一個鐘功課之後交左啦
之後我鼓起勇氣問佢拎contact方法，問佢MSN會唔會online
佢話會once a week，
結果我比晒所有contact方法佢 (但我冇問佢拎)
同佢係電腦室留左個半鐘就走
原本我想請埋佢食飯，但佢約左人......
美中不足既地方係我冇問佢拎contact方法，變左被動，只有「等」

之後既一晚佢MSN竟然add左我
到現在為止我同佢傾左四次MSN，每次都超過一個半小時
傾左好多野，
佢之前一星期都未必online一次，但現在我逢星期六會問佢on唔online
佢都會話online，同佢傾談功課、工作同健康問題

我之後問埋佢手提電話
之後就開始SMS同每天早上或晚上都傾電話
SMS每日約兩三個，電話每次起碼都有三四個字
我問佢會唔會覺得自己煩同阻到佢，佢話唔會之餘仲話要學我點搞gag
記得第一次傾電話佢已經主動同我講佢自己公司既情況同面對既問題
因為我同佢既職位一樣所以佢好開心，話搵到知音人
我幫佢分析一下同比d提議佢，佢都接納左
我地通電話期間我仍然成日funny，佢成日笑同話我低B同衰人

近日我出現健康問題，頗嚴重
我同佢講晒整個情況，其他人我都冇講過
佢成日鼓勵我，又話唔准我做呢樣個樣，
佢仲問佢D同事拎中醫D資料，話如果想去試下就同佢講，佢會陪我去
因為健康問題我唔好開心
但亦因為咁我可以成日打電話比佢，佢都成日叫我take care

但上堂期間，見到面都仲係唔同佢講野
其他知情既相熟同學都話又話MSN，點解見到面又唔傾
我仍是膽小，但我地有對望過，好幾次......

我今日同佢講，我病好左就有一個心願 - 請佢睇戲同吃飯
佢竟然答好，仲話要快d好番
我好開心

希望你地可以睇晒咁長既近況，我想知
我同呢個女仔有冇可能......？我唔會急，會慢慢來
希望你地比d意見我

作者: cwleung1988 時間: 2006-5-3 11:26 PM

Originally posted by 2Pac at 2006-5-3 08:56 PM:
終於，有一日放學我係電腦室見到佢一...

有機啦你....你試下當佢已經接受左你甘...
放個心出黎...同佢傾計...
係佢d朋友面前...都唔駛怕...
因為你係鍾意佢...你就要做出黎比人睇...
我愛你依三個字...你唔講邊有人知??
佢甘關心你...你不如試下好返之後直接同佢講好多謝佢甘關心你.,
依段你病左既時間...你發覺自己已經慢慢甘鍾意左你..
問下佢會唔會同你一齊...

作者: abcc 時間: 2006-5-5 08:35 PM

我覺得你最好經常同佢去D大家有共同興趣GE地方
增進感情同時最好識識佢D FD!!

作者: yungting0623 時間: 2006-5-6 09:25 PM

希望你早日康復,跟住成功同佢表白,但願你地有情人終成眷屬~~~~加油呀~~~

作者: 2Pac 時間: 2006-5-7 01:06 AM

謝謝各位，尤其yungting0623
成功表白易，結果成功難
我覺得雙方仍然有保留，好似想約佢吃飯佢唔會去，寧願自己去第二度買野吃
現在仍然只係維持住電話/SMS/MSN傾計既狀態

[ Last edited by 2Pac on 2006-5-7 at 01:08 AM ]

作者: yungting0623 時間: 2006-5-7 01:38 AM

Originally posted by 2Pac at 2006-5-7 01:06 AM:
謝謝各位，尤其yungting0623
成功表...

唔緊要呀,咪做住朋友先囉,等大家再了解下對方,之後先再有進一步行動都未遲.....
始終追女仔係要耐性........

作者: 2Pac 時間: 2006-5-13 11:11 PM

這個星期因為要趕功課，我話會番學校做
結果有兩晚我單獨同佢一齊做
期間講既野唔多，但我有一晚帶左野食番去比佢食
我見到佢食晒個心都好滿足
另外一晚做到十二點，佢知道我病冇胃口冇咩點食野
就扯住我隻手去食茶餐廳
我地有講有笑，而且開始傾d較為深入既話題，例如拍拖之類
傾左一個多鐘就送佢搭巴士走
原本那時有表白既衝動，但可能之前失敗過有陰影，最後冇講

第二日我send左封email比佢
同佢講我好想好番之後可以繼續約佢吃飯睇戲 (唔止病好那一次)
佢話 I am happy to be invited，但佢話一定要我病好先

不過我感覺到，當有其他同佢相熟既同學一齊既時間
我打電話比佢，佢會陰聲細氣同好尷尬
問佢係咪阻住佢，佢會話唔會但講野都仲吞吞吐吐咁
我唔知道點咁，好尷尬同唔自然

係呀我之前表白過一次但失敗，陰影
有個好朋友同我講，你同她不止是朋友咁簡單
你地覺得呢？我有機會嗎？謝謝你地比意見

[ Last edited by 2Pac on 2006-5-13 at 11:19 PM ]

作者: homan~ 時間: 2006-5-14 08:35 AM

Originally posted by 2Pac at 2006-5-13 11:11 PM:
這個星期因為要趕功課，我話會番學校...

bro~

恭喜晒 !

你好大機會tim !!!!

有機啦

佢當你係普通friend gei,
又點會咁close ??????

因為依家仲未定局
佢唔想俾人知住者

你知啦
俾識你既friend 知
實俾人傳同唔知講咩
有咩你兩果知咪算law

cro,
咁好正常者

你同佢出黎睇戲
睇下點先啦

作者: 2Pac 時間: 2006-7-5 01:37 PM

我終於表白左啦，陣亡了......
佢話佢對任何人都會/可以咁好
佢大我年半，佢話唔想個感覺好似照顧緊人咁
佢話佢的確有諗過我地可唔可以發展，但佢話要做人現實d
佢過慣一個人既生活，想搵個人照顧佢......
同埋佢媽媽都同佢講唔可以搵一個細過自己既男朋友......
我話咁冇計啦......大家都話可以繼續做好朋友，唔會避對方
個心有d酸，覺得有d唔抵......

之後個日要上堂，我同佢都係同一班
因為其他同學唔知道我地之間既所有事
所以我要死撐扮冇事，我要繼續幽默同埋同d同學有講有笑
放學既時候，我同佢對望左兩眼但大家都冇野講
就係當晚，佢打電話比我，佢竟然喊......
佢唔明點解發生左咁大件事我都仲可以冇事，同人有講有笑
佢話佢自己就唔可以好似我咁
我忍夠了，我發晒脾氣咁問佢係咪想我上堂時發晒癲先開心......
其他人唔知道有呢件事發生，我係為緊佢著想先要若無其事咁上堂......
我自己都好辛苦，但我冇得揀
此時佢喊得好犀利，成半個鐘，我只係聽到佢既喊聲，大家都冇再出聲......

點解佢拒絕左我都仲要喊？我其實聽到佢為呢件事喊我都唔開心.....

作者: BOYDWAN 時間: 2006-7-5 04:56 PM

Originally posted by 2Pac at 2006-7-5 13:37:
我終於表白左啦，陣亡了......
佢話...

2Pac，佢對你有feel係不容置疑嘅事實；
人就係咁，總有好多物事同環境因素等枷鎖去左右自己情感，從而製造千個萬個理由 (藉口？)去解釋令自己信服同接受，就係咁無奈~
毋須灰心，亦毋須難受，比多d時間大家去了解清楚自己、了解清楚對方，最內心深處需要d乜先.......一切順其自然啦~
如果男係有情，女係有意，一切問題總會迎刃而解；要對自己信念貫徹始終先可以令對方感受到呢一份信心、對將來所面對問題能夠勇於面對，所以你一定要清楚自己立場先~

作者: 艾力克 時間: 2006-7-5 11:21 PM

Originally posted by 2Pac at 2006-5-13 11:11 PM:
這個星期因為要趕功課，我話會番學校做
結果有兩晚我單獨同佢一齊做
期間講既野唔多，但我有一晚帶左野食番去比佢食
我見到佢食晒個心都好滿足
另外一晚做到十二點，佢知道我病冇胃口冇咩點食野
就扯住我隻手去食茶餐廳
我地有講有笑，而且開始傾d較為深入既話題，例如拍拖之類
傾左一個多鐘就送佢搭巴士走
原本那時有表白既衝動，但可能之前失敗過有陰影，最後冇講

第二日我send左封email比佢
同佢講我好想好番之後可以繼續約佢吃飯睇戲 (唔止病好那一次)
佢話 I am happy to be invited，但佢話一定要我病好先

不過我感覺到，當有其他同佢相熟既同學一齊既時間
我打電話比佢，佢會陰聲細氣同好尷尬
問佢係咪阻住佢，佢會話唔會但講野都仲吞吞吐吐咁
我唔知道點咁，好尷尬同唔自然

係呀我之前表白過一次但失敗，陰影
有個好朋友同我講，你同她不止是朋友咁簡單
你地覺得呢？我有機會嗎？謝謝你地比意見

睇到依度你所講佢o既表現, 我都覺得佢係鍾意你, 但就有d mind同你一齊, 再睇耐d先知原來佢係'介意'你細過佢
其實而家香港社會都已經冇大冇細喇, 好多女仔都唔介意依d, 不過想問...佢思想係較為傳統定開放呢?
因為如果係佢mind(唔係受mum影響), 咁就算你地o係埋一齊, 佢心入面都會有條刺
話就話拍拖係兩個人o既事, 但拍落就知唔係咁簡單喇, 話晒第時又要結婚又要叫面嘛

不過你就鍾意佢, 佢又鍾意你, 又駛乜咁mind依d呀
我諗你 at least 要證明倒自己唔係細路仔(思想上), 始終女仔都係鍾意俾人照顧, 俾人錫, 如果你keep住唔係太講野都唔係太好, 所以你都要俾佢知你思想都好成熟, 好識諗, 好細心(caring), 可以令佢過得開心o既

但有個重要o既問題就係...你仲鍾唔鍾意佢?(我知你仲鍾意佢, otherwise你都唔會咁難受); 其次就係...你仲想唔想同佢一齊, 同埋一齊面對依個問題...
依樣野都幾重要, 有時兩個人一齊, 有d野係要一齊承擔一齊share, 佢有咁o既諗法只係介意人地點睇, 但佢真係好鍾意你(佢都唔會好過), 所以只要你o既表現俾其他人好就ok喇, 對自己有信心d啦~~

作者: 2Pac 時間: 2006-7-6 02:51 AM

Originally posted by 艾力克 at 2006-7-5 11:21 PM:

睇到依度你所講佢o既表現, 我都覺得...

謝謝你同BOYDWAN的回覆！

佢思想的確係比較傳統，但其實我根本唔清楚由拒絕我到喊，佢究竟點諗、諗d咩，我唔知佢當我係咩野......

作者: 艾力克 時間: 2006-7-6 10:00 PM

Originally posted by 2Pac at 2006-7-6 02:51 AM:

謝謝你同BOYDWAN的回覆！

佢思想的確係比較傳統，但其實我根本唔清楚由拒絕我到喊，佢究竟點諗、諗d咩，我唔知佢當我係咩野......

你有冇睇電視? 好多女仔話分手or離開另一半時, 其實都係想睇下對方有幾重視佢, 會唔會留住佢~
佢鍾意你, 但同你一齊有顧慮; 但佢話唔係咁想一齊你就即刻當冇事發生, 佢個心梗係有d唔舒服, 因為你冇挽留過佢, 當冇野發生又好似唔緊佢, 佢都唔知你想點, 你諗咩, 你係咪真係鍾意佢, 你有幾鍾意佢等等, 佢諗得多野情緒當然唔係咁好

佢係一個好女仔, 但思想傳統, 有時仲會諗埋其他人點諗, 所以佢要煩or諗o既野係比人多
我諗你繼續'追'佢, 緊張佢, 佢終有一日會感動心軟o既, 時間亦都唔會好耐

我知道你已經好辛苦, 唔知"去唔去"好, 不過你真係想同人一齊, 就真係俾d心機啦, 睇得出你好煩, be relax~~

作者: 10A 時間: 2006-7-13 11:19 PM

支持你~勇往直前
我地等著你同個女仔[color=red][size=20]開花姑結果[color=red][size=20]

作者: markk 時間: 2006-7-14 07:15 AM

作者: 極樂 時間: 2006-7-15 05:36 PM

事隔咁耐,唔知你發展成點.....
我只係覺得個女仔同你係處理感情方面....
你都係比個女仔成熟........

我會覺得你已經同個女仔一齊左........
你地既問題出於"年齡" 方面......
個女仔有一段掙扎期.....
如果你無放棄到, 而且可以表現到成熟果一面......
佢應該可以放低年齡既問題而同你一齊......

希望我無睇錯啦.....

作者: 2Pac 時間: 2006-7-16 03:22 AM

多謝大家既回覆......

我現在好似表白之前咁，有約佢吃飯，同佢單獨溫書
但做呢d野都照舊係偷偷摸摸既，因為其他同學唔知我地既事
佢都話我地係同學以上男女朋友以下既關係，
我問佢，既然請我食檸檬就算啦，點解又要喊又要一齊吃飯溫書？
佢話佢自己唔知道點解......
佢自己好怕做決定，話未ready好拍拖，同埋好享受現在我同佢咁既狀況

可能短期內我可以做既野只係維持現在既close關係......

作者: Rika 時間: 2006-7-18 02:00 AM

Originally posted by 2Pac at 2006-7-16 03:22 AM:
多謝大家既回覆......

我現在好似...

你地而家算係好曖昧

曖昧讓人受盡委屈
找不到相愛的證據
何時該前進　何時該放棄
連擁抱都沒有勇氣

不過我總係覺得你可以令佢感動

作者: 2Pac 時間: 2006-7-27 02:54 AM

某一日，我話我地應該要有個共識，究竟要進定退
因為我之前提過既健康問題而家嚴重左，呢件事已經令我好煩，
我想同佢搞清楚我地之間既事......
佢話如果幾日唔搵對方咁就會忘記大家......
我好愕然，我地明明做既野已經唔止係朋友，我唔明點解佢要揀退.....
佢之後又喊左出黎，話我成日迫佢......
我話大家應該認真面對呢件事，而唔係逃避，成日話唔知/亂做決定
原來，佢除左未ready拍拖之外，佢仲話好擔心我既健康，
除左我悲觀之外，佢話如果我地開始左，而我既病又嚴重左，佢只會更唔開心
我一時間接受唔到原來我既健康問題影響到佢，影響到我地之間既事
我話我控制唔到個病，佢話講完呢個原因比我知之後好後悔
結果，我地決定九月，未知我既健康狀況之前，繼續維持現狀先
佢話無論我將來發生咩事都一定要同佢講......
但我覺得如果更差，講左比佢知只會累左佢，我唔想佢唔開心，仲要係因為我
佢話唔可以唔講，仲話佢九月會請假陪我去醫院睇報告......
其實我想佢試下放開心理包袱去試下進......
畢竟佢個心肯唔肯放開，佢係可以控制到
我覺得如果佢講既野係真，佢係擔心我既健康既話，
我覺得佢話唔習慣就只會係藉口......
之後SMS，佢話如果見到我健健康康，佢就會開心
佢話佢會試下放開心理包袱，又叫我樂觀面對個病......
SMS的最後，佢話：Always Be With You.....
我真係好內疚，自己病竟然要佢擔心......

[ Last edited by 2Pac on 2006-7-27 at 04:46 AM ]

作者: Rika 時間: 2006-7-27 03:18 AM

Originally posted by 2Pac at 2006-7-27 02:54 AM:
某一日，我話我地應該要有個共識，究...

我都真係唔知講咩好，睇完你既回覆，我個心好唔舒服

加分比你都幫唔到你d乜，天意弄人，有情人點解咁難終成眷屬

希望你克服到，戰勝病魔

歡迎光臨娛樂滿紛 26FUN (http://26fun.com./bbs/)