娛樂滿紛 26FUN - Powered by Discuz! Board

標題: [愛情診療室] 佢係咪呃緊我??// 大家來講我知.【蛙+】 [打印本頁]

作者: mcsimon0574 時間: 2006-3-3 05:56 PM 標題: 佢係咪呃緊我??// 大家來講我知.【蛙+】

件事發生係今日...佢係我女朋友 , 但係未到可以互相信任既地步.
我同佢都係學生.
今日佢話我知佢唔舒服. 想我陪佢去睇醫生 .
我特登早走,過到去....佢就係學校整d早退手續 .
我就係正門等 .

等左一陣..我就4圍行下...見到個女仔係學校行出來 .
因為係好遠..我就行第二邊過番去 .
我同佢一路sms, 佢就話我知佢仲係學校 .
我打比佢...佢就話老豆來接佢, 巳經上左車啦..去緊睇醫生 ..
咁算啦..我都沒咩野.....
但係佢d說話好有可疑 , 佢老豆係佢學校附近返工...但係老豆今日dayoff點解咁快就可以去到?

佢地就去左睇醫生 , 我就諗住佢今日唔舒服 , 想比個驚喜佢..特登去左佢屋企樓下巴士站等佢.

點知..好耐都成個鐘 . 佢一個電話都沒接, 我打左6次 ... 我記得我係27分打過去佢屋企沒人聽 .
我38分打多次手提..佢就話返左屋企訓覺 , 聽唔到電話 , 訓左成半個鐘 .老豆都係屋企 , 咁我諗住佢都係個總站落車 , 點知佢話早左一個站落 , .....之前我送佢返屋企都係早一個, 因為佢話想搵個地方坐下..

我問佢.可唔可以落一落來 , 我特登去到佢屋企樓下. 都係想見下佢..
但係佢就話唔落啦 , 好累..想訓 . 咁我就話我上來搵你啦 . 佢就話..都唔好啦 , 你快d返屋企啦 , 今日個樣好殘 , 唔想比我見到.........

大家覺得佢係咪呃緊我??/

[ Last edited by toro on 2006-3-7 at 01:44 PM ]

作者: simon888 時間: 2006-3-3 06:05 PM

好明顯係啦.....

作者: kakeidevil 時間: 2006-3-3 06:14 PM

呃你就應該係...

但呃你乜就唔知喇?! 可能真唔係唔想你擔心呱...

你自己又見唔到有野發生,親眼見到就話啫~

睇黎有驚喜果個係你喎

作者: 周衡 時間: 2006-3-3 06:26 PM

但係點解佢又要叫你陪佢去睇e生呢?

作者: mcsimon0574 時間: 2006-3-3 06:37 PM

我就係諗緊依個問題.....
原本今日話去接佢放學..

我諗如果佢有野..都唔會叫我過去陪佢睇醫生....
但係佢d內容都幾可疑~>.....好驚佢呃我~.

作者: chun_singho 時間: 2006-3-3 06:49 PM

有驚無喜, 打電話俾佢問清楚啦

作者: 周衡 時間: 2006-3-3 07:16 PM

好怪啵,叫左你去,之後又話唔駛你,都唔知佢做咩
女人心,海底針

作者: Azuma 時間: 2006-3-3 09:30 PM

男女朋友
講個信字姐
你唔信佢
係因為你覺得件事好可疑

但係點解你係到問一o的你唔識gei人
都唔去問下自己女朋友.................
係你想得太多
定係佢身有屎

對我而言
我有病咩人都唔想見.......................
你唔信人又點解而繼續拍拖?

作者: cwleung1988 時間: 2006-3-6 09:51 PM

好簡單...如果你覺得佢呃你...
你就問清楚左佢...
你一日搞唔清楚左件事...你個心都唔安落..
自然會對佢冇甘好...
對你地兩個都唔好...
一來對你女友又唔公平...
佢如果真係冇呃你...冇啦啦甘樣比你話
佢又唔知咩事....
自己一個人諗好易諗左去一邊...
一係你就信晒佢...一係你就問個明白...

作者: mcsimon0574 時間: 2006-3-7 08:02 PM

我問左佢啦....樣樣野都好似好岩咁...
但係依幾日我對佢好似真係差左.......

今日佢仲同佢前男朋友去街......
咁我可以點wo~>.唔通唔比佢去嗎 ?
定係可以笑住口同佢講話..去得開心d啦~....

更住佢仲同我講話佢前男朋友買左$8xx元野比佢...
但係我仲係個學生....何來沒啦啦用$8xx買野比佢.....

你地會唔會為左女朋友而死儲錢來買d野比佢 . tum 佢開心?

作者: cwleung1988 時間: 2006-3-8 12:55 AM

講真個句...依家好明顯個女仔係嬲左你..
...如果你再唔理佢...佢好易就會返去佢前男友身邊
.....$8xx唔係一個問題....佢依家係要你講sorry...

但係我個人覺得你女朋友之前病左...點解唔要你上去...
好可能同個男仔有關....

作者: cwleung1988 時間: 2006-3-8 12:59 AM

你話得比你聽佢同前男友去街,佢又送野比佢..
明顯地係想你有d表示,點都好,做一d會令佢開心既事
唔一定要送好貴既野既,
不過如果依一刻,佢囉個男仔同你比,
你就輸甘半個馬位...

如冇意外...依家個女仔係一半一半...
你留唔留得住佢...
就要睇你既功力啦...

作者: mcsimon0574 時間: 2006-3-8 04:41 AM

但係之前都試個...我係果個男仔手中搶左女朋友返來....
佢地成日都嘈.....而且女朋友都講明..唔會再有任何機會...
今日我都問清楚佢...果日佢真係係屋企...老豆都可以做證...

仲有..點解你話佢會嬲我?

作者: cwleung1988 時間: 2006-3-8 05:13 PM

甘依家證明左你女友冇呃你...一天都光晒啦 ^^"

你之前米話過依幾日我對佢好似真係差左...
加上佢應該知道左你唔相信佢...
我諗你都要做返d野嫁...

作者: mcsimon0574 時間: 2006-3-9 01:06 AM

依幾日..佢又好似唔開心..
其實女仔係咪好鐘意男朋友唔係佢身邊既時間就亂諗野呢..
...
我之前果個女朋友又係咁...
而家依個女朋友又係咁..

有沒女仔可以話我知點解..

作者: siredes 時間: 2006-3-9 11:55 AM

Originally posted by mcsimon0574 at 2006-3-9 01:06 AM:
其實女仔係咪好鐘意男朋友唔係佢身邊既時間就亂諗野呢..

多數都係, 因為女人需要自己男友俾到安全感佢, 當女方覺得缺乏安全感o既時候, 就會開始"居安思危".
最後, 提提你一句, 如果你覺得佢前男友真係想用"銀彈政策""返溝"你女友, 我唔建議你用錢同佢鬥, 因為咁做分分鐘會搞到你最後"人財兩失". 反而用你o既心思同誠意去留住你女友個心仲好.

作者: kakeidevil 時間: 2006-3-9 12:20 PM

Originally posted by siredes at 2006-3-9 11:55 AM:

多數都係, 因為女人需要自己男友...

銀彈政策

如果佢女朋友真係咁樣走左去都唔使恨牙,貪錢既女人不要也把...
留低既都只係鍾意你d錢,唔係鍾意你個人...希望你女友唔係d咁既人la

作者: siredes 時間: 2006-3-9 12:39 PM

Originally posted by kakeidevil at 2006-3-9 12:20 PM:

銀彈政策
如果佢女朋友真係咁樣走左去都唔使恨牙,貪錢既女人不要也把...
留低既都只係鍾意你d錢,唔係鍾意你個人...希望你女友唔係d咁既人la

誠然, 你的看法和我完全一致.
但本人覺得, 貪慕虛榮的港女, 現在可說比比皆是......尤其是20歲以上的...

以上純屬個人意見.

歡迎光臨娛樂滿紛 26FUN (http://26fun.com./bbs/)