娛樂滿紛 26FUN - Powered by Discuz! Board

標題: 主辦國球隊真的公平嗎? [打印本頁]

作者: edifier 時間: 2006-7-1 09:48 AM 標題: 主辦國球隊真的公平嗎?

昨晚睇世界盃,見阿根廷最後互射十二碼輸左比德國,阿根廷輸係抵輸,領隊比克文調動失當,下半場中段玩龜宿,換走晒d主力,最終在last十分鐘被迫和...最後互射十二碼輸埋...但德國晉級(係晉級,唔係贏波)亦不見得實力超群,因為德國只係靠主場之利...

主場這一個問題,我個人覺得令淘汰賽式的足球賽事變得唔公平!
一支主場球隊,在法定時間內和對手打和,
加時,即係比主場球隊再打一次主場賽事
到互射十二碼,再比主場球隊利用主場之利,球迷支持下增強信心,去擊敗客隊...

這樣對客隊公平嗎?

相對來講,聯賽,歐冠及歐協等打主客場的比賽會比較公平點,起碼各支球隊各有一次主場機會,憑實力,憑地利去擊對手,即使在主場贏波亦未必贏硬,因為點都要作客1次.而決賽在中立場上演,雙方均無地利,勝出的一方亦贏得較為公平點...

但如世界盃,歐國盃等,主辦國有主場優勢,弱隊可以變成一支中型球隊,中型球隊可以變強隊,強隊更可以變成"戰無不晉級"的球隊,場上氣氛更是一面倒,那樣公平嗎? 世界大賽不是憑實力加運氣取勝嗎? 憑地利贏得錦標的球隊真是實至名歸嗎?

98年法國憑地利,加上巴西打假波疑雲下,法國最後贏得其首次世界盃冠軍...我唔覺得當時的法國實力可以贏冠軍,相反法國2年之後(即係00年)贏左歐國盃我就信服好多!
02年日韓,前者打入十六強,後者更在球證偏幫下打入四強,真的可以反映球隊的實力嗎?

我從來都唔覺得憑主場之利贏得冠軍的球隊,真的實至名歸,他們贏的,只是一時的天時地利人和而已...相反,那些"作客"的球隊,卻打生打死,不斷面對主場數萬名球迷的"開汽水"聲,被柴台,算公平?算什麼fair play?

阿根廷出局了,下一支"作客"的就是意大利...

最後,我個人感覺是真的很討厭只打主場,而唔駛作客的球隊...感覺上就是欺負他人!

[ Last edited by edifier on 2006-7-1 at 09:51 AM ]

作者: leungman 時間: 2006-7-1 10:01 AM

Originally posted by edifier at 2006-7-1 09:48:
昨晚睇世界盃,見阿根廷最後互射十二碼...

但係德國係主辦國喎，有主場之利都好正常姐，幫你hold左成個世界杯連主場之利都冇的話，邊個都唔肯攪啦。而且主辦國都可以有權去輸波嘛。上屆o既日本咪十六強止步囉。至於今屆o既德國係好波o既，連阿根廷都可以迫和，係阿根廷射十二碼射得衰姐..........

作者: funnygay 時間: 2006-7-1 10:41 AM

如果德國唔係主辦國,佢係90分鐘內係禁區剷跌阿根廷球員時就被罰左個十二碼啦

主辦國就係有依樣野,55波時球証多數吹對方foul,唔肯定既波就一定當無事

如果佢吹錯導致主辦國出局,個球証都唔駛旨意打正咁離開德國

所以我覺得德國入到四強,都只不過係靠地利人和姐

DON'T CRY FOR ME AGRENTINA!!!!!!

作者: edifier 時間: 2006-7-1 10:42 AM

Originally posted by leungman at 2006-7-1 10:01 AM:

但係德國係主辦國喎，有主場之利...

我不是主辦國唔0岩,只是覺得主辦國打比賽對比起其他對手唔係太公平...

作者: singleung1956 時間: 2006-7-1 10:59 AM

照你的意思打主客場,咁駛唔駛限制球迷的國籍?,限制每隊的支持者人數?,限制每個國家國內賽事的場數(太多會打殘哂的外援球員,令沒有出外搵食球員的國家得益)

咁世界杯打到幾時,兩個月?三個月?咁國內事幾時開鑼

作者: tvben 時間: 2006-7-1 11:53 AM

主辦國球隊真的公平嗎?
呢個論點我真係重來無諗過

其實我覺得是否主辦國, 球證的判決多小都會有錯誤既....
當然...不可否認...有主場之利絕對係有利既一方....
但都不一定說主場球隊就只係靠地利與人和才可取勝....
主場球迷既支持....的確係令球隊的士氣得以提高...
但我個人覺得這不算不公平....
唯一就係球證好多時都會因為現場氣氛...
而多多小小在吹罰時有利於主辦國就係我覺得唯一不公平的地方...^_^

另外...歐聯的決賽場地並非設於中立的場地舉行....
而係一早就公佈了決賽場地....
如果剛巧有其中一隊變了主場....
咁又是否不公平呢?? 是否應該轉換場地才算公平呢??
其實公平實在係好難做到既....
如果一句主場贏波就說係地利人和既話
我覺得就抺掉了球員既努力..反而係唔公平...haha

另外...我覺得阿根廷的確係輸得唔抵(我個人係英格蘭迷,但亦喜歡阿根廷)
但阿根廷除了係教練失當外....
迪華斯唔交波或者遲交波...令阿根廷未能領先成第二球...
阿根廷球員的表現真的比德國球員好嗎??
而德國隊球員的決心同表現又是否真的不值得晉級呢???
相反黎講...如果德國真的出局...
你又是否可以說係公平和阿根廷晉級實至名歸呢????
射十二碼你可以話德國有主場....但亦可以話主場有壓力...
但兩個龍門表現出黎既信心和技術又真係有d分野....
列文差不多球球捉到路...阿根廷既龍門(唔好意思唔記得叫咩名)就球球捉錯路
咁又是否德國真係靠地利和人和不公平地射十二碼贏左阿根廷呢???
其實是否公平...都可以說係觀點與角度喇...
但其實呢個世界根平無可能做到百分百公平既...

作者: edifier 時間: 2006-7-1 12:05 PM

Originally posted by tvben at 2006-7-1 11:53 AM:
主辦國球隊真的公平嗎?
呢個論點我...

你都講得好0岩,我認同你的觀點...

不過德國淘汰阿根廷是否實至名歸,根本無討論的價值,我對於那一隊晉級毫不關心,我只想看一場較為公平而且精彩的賽事.

而這場賽事只是一個導致我對主辦國球隊往往有反感的事件,因為無論是人為因素還是環境因素,都是傾向主隊一方...

我只是想說,在我的觀點看來,由主辦國對其他國家的賽事,多數都唔會是一場公平的比賽,因為最少個天都會幫主隊多一點主隊.

[ Last edited by edifier on 2006-7-1 at 12:16 PM ]

作者: edifier 時間: 2006-7-1 12:09 PM

Originally posted by singleung1956 at 2006-7-1 10:59 AM:
照你的意思打主客場,咁駛唔駛限制球迷...

至於你這個觀點,我不太認同...
因為我只是探討主辨國往往比較有利的不公平問題...
我不是來探討一個絕對公平的賽制.

作者: goshgod 時間: 2006-7-1 12:28 PM

世界杯實會係地球上某一個國家舉行,除非咁多個國家一齊搵個大家應為係荒島整返個世界杯球場,但亦都有好多因素導致行唔通,交通,住宿,治安等

作者: Kian76 時間: 2006-7-1 01:00 PM

相比南韓，德國非常公平公正。

作者: gundamman678 時間: 2006-7-1 01:03 PM

其實我覺得世界杯有黑幕........

因為點解次次主辦國都一定會咁好表現，有咁後殺到咁後，唔係八國都十六強........

我諗好可能係為左門票盡量好賣......因為有主辦國隊波係度越耐，d門票越賣得多........

作者: Kian76 時間: 2006-7-1 01:09 PM

Originally posted by gundamman678 at 2006-7-1 01:03 PM:
其實我覺得世界杯有黑幕........

...

如果咁講既話，下場德國輸硬，哈哈，因為就算德國輸波or贏波，佢都一樣要踢多一場波。哈哈！！

作者: tvben 時間: 2006-7-1 01:11 PM

Originally posted by edifier at 2006-7-1 12:05 PM:

你都講得好0岩,我認同你的觀點......

haha....我其實某程度上都同以你既觀點既...
不過我覺得你有小小鑽牛角尖咁....
主辦國當然係有某程度上的優勢....
我亦覺得有時候球證係有小小偏幫主隊...
但今場波我覺得除左德國球迷多之外...
無咩其他人為因素令阿根廷出局呀....
學你話事解...可能係個天幫左小小主隊喇...haha
但係我覺得90分鐘和波都幾合理呀...
至於十二碼...我始終覺得係有小小講運氣既....

如果係因為法定時間o個球十二碼唔判....
呢個我個人就覺得判得無錯呀...(當然我既睇法未必o岩)
我覺得呢場波既球證水平已屬可以接受呀...
如果你話上屆南韓o個時d球證我就真係完全同意喇..(上屆真係偏幫得太過份...haha)
其實我覺得多數都係球證既問題...而唔係主場囉...
講真...一個真係好既球證...應該可以做到尺度一致既 (雖然真係多數都做唔到^_^)
不過...如果你真係覺得點隊晉級都無所謂...
咁應該亨受下餘下的比賽...欣賞下其他球隊既表現囉....
唔好咁勞氣喇......^_^

作者: Kev 時間: 2006-7-1 01:43 PM

作客隊伍.. 作為一個球員.. 受壓.. 可唔可以有表現.. 係技術之一..
如果因為受壓.. 打得唔好既話.. 就係你未夠班..
相對黎講..
一支主場隊伍.. 壓力重大.. 支持等於壓力..
德國.. 我個人認為.. 受既壓力重大..
至於球證問題.
有時d野.. 要吹就一定要吹.. 可以唔吹都冇辦法架..
影響實有.. 唔係d人爭主辦黎做乜.. this is one of the pt.
不過有咁多對眼睇實.. 有咩問題. 第日報紙都玩死佢.. 工都可以冇得做..
所以問題都只出於55波..
55波.. 咁就冇得講啦..

作者: HansChan 時間: 2006-7-1 01:47 PM

冇聊!!
哩個世界去邊度揾一樣嘢可以有絕對公平??
甘以後世界盃唔好有主辦國喇.....
上月球或者火星踼啦!
邊份報紙揾啲甘無聊白癡人寫啲甘既冇聊白癡嘢呀??

作者: slwong3 時間: 2006-7-1 02:11 PM

Originally posted by edifier at 2006-7-1 10:42 AM:

我不是主辦國唔0岩,只是覺得主辦國打比賽對比起其他對手唔係太公平...

.......
but the World Cup has to have a hosting country.....

if not, where else can you go to play the World Cup?

作者: supportMU 時間: 2006-7-1 03:02 PM

提出呢個論點架都低b架~
如果係咁唔洗搵人攪啦~ 要明白呢個世界好大~ 交通費好貴, 你估個個人都可以去主辦國支持自己國家架咩?? 好似千里達, 同其他非洲國家咁, 可能1場波得果最多1000人入場, 好可能得1000人有經濟能力到德國, 咁點呀?? 好似你地咁講公平呀?? 例如英格蘭對千里達, 個場明明可以坐50000人, 但因為要公平, 所以英格蘭球迷就算有20000人身在德國,但都只可以入1000人入場, 如果唔係會對千里達做成唔公平, 因為如果射12碼英格蘭球迷會多d, 就會影響賽果, 白痴!! 咁搵鬼做主辦國呀?? 咁已後得啦~ 為左公平起見, 世界盃從此閉門進行, 只做衛星直播咪得囉, 仲要用機器做球証同旁証, 有咩唔清楚咪睇reply做決定囉~ 一定公平公正~
咁已後d什麼英超, 西甲, 意甲全部閉門進行, 因為要公平架足球賽事, 所以唔可以有主客分別~
各位只坐係屋企望主個電視就大叫要公平架人, 唔該諗下呢個現實世界啦~ 做得主辦國當然有一定經濟能力同社會穩定, 先可以做主辦, 你地d覺得唔公平架人, 要怪只好怪阿根廷窮, 唔係經濟強國吧啦~ 哈~ 公平....笑死人....

[ Last edited by supportMU on 2006-7-1 at 03:05 PM ]

作者: brightman 時間: 2006-7-1 03:37 PM

Originally posted by gundamman678 at 2006-7-1 01:03 PM:
其實我覺得世界杯有黑幕........

...

尋日係廣東台聽陳sir講話fifa最想見到主場球隊起碼能夠打入四強. 因為如果主辦國太早出局既話就會令到當地世界盃氣氛減半, 從而令到有關世盃相關既商業活動 [如酒店, 精品]受到打擊.
但係唔知咁樣同球証執法有無關係 ?

作者: joeyyung713 時間: 2006-7-1 07:04 PM

我覺得唔關主辦國事,係個球証既問題,禽晚(阿根廷vs德國)好明顯係個球証偏袒德國la.....o甘德國有無做過d野令個球証o甘做,就各位自己諗la.....

作者: sonyguy 時間: 2006-7-1 07:53 PM

唔可以盲目咁要求公平...
我覺得世界杯呢個賽際(主辦國等等制度)...
已經係能力裡可以做到既最公平既方法...

主辦國既賽制...
我覺得:
1) 因為所有國家都可以爭辦...唔係某幾個國家壟斷左...所以已經係公平...
2) 除非主辦國安排一d 地方好特別既球場進行比賽...(例如海拔好高既地方)...否則...無唔公平既地方...

作者: nashisthebestpg 時間: 2006-7-1 08:19 PM

球證誤判呢d野真係無辦法......仲好記得02年西班牙輸得幾咁慘........

天時.地利.人和等優勢我就覺無乜問題, 係強隊的話就應該克服呢d問題........
最大問題係球證誤判啫........
都唔明點解足球唔引入科技去解決呢d問題.....什麼阻礙比賽流暢度......多餘.....

有問題成堆球員嘈成分鐘, 睇慢境廿秒就搞掂la.........
網球,nba 都開始用科技搞掂呢d問題...........
而家世界杯,差唔多場場都有球證誤判,有場仲要一場唔只一次, 咁對每隊球隊好唔fair....

作者: supportMU 時間: 2006-7-1 09:11 PM

Originally posted by joeyyung713 at 2006-7-1 07:04 PM:
我覺得唔關主辦國事,係個球証既問題,禽晚(阿根廷vs德國)好明顯係個球証偏袒德國la.....o甘德國有無做過d野令個球証o甘做,就各位自己諗la.....

軒斯有幾野專登踢人, 仲有一野特登踢落普度斯基塊面到, 前面又有告魯斯開手肘打到lahm右邊面"魚"左, 都只係黃, 如果偏德國的話, 果時德國仲落後緊, 一定send 佢 off 啦~

仲有一樣野, 就係應唔應該用機器睇reply黎判決, 如果真係用, 一定會減低足球賽架趣味性, 唔好話我知唔會, 就係有d灰色我地先有得討論, 先可以有d野俾敗方賴下東, 賴下西, 賴下地硬, 如果樣樣都咁清楚就唔好玩, 又冇咁激烈. 覺得唔低果方右會"張"d仇怨bring落去下次對決, 咁先係足球

p.s 如果下下用科技睇到清清楚楚, 就唔會有上帝之手架出現, 沒左呢球, 仲有冇球皇第2球1過7架經典入球?? 真係天先知. 如果沒呢兩球, 果次過唔過到英格蘭都成問題, 邊有佢地d阿根廷fans咁大個口係度大叫自己係世界強隊, 輸得好唔低!!! 咁樣呀?? 唔好話我知過左去架野冇得講番轉頭呀!! 如果唔係就會變成輸打贏要架啦....

作者: edifier 時間: 2006-7-1 09:39 PM

Originally posted by tvben at 2006-7-1 01:11 PM:

haha....我其實某程度上都同以你...

哈哈,我都覺得我有鑽牛角尖!

其實我唔討厭德國,德國在上屆世界盃打敗南韓時我不知幾高興! 但就是每次一有這些大賽事,我都唔多喜歡主隊,總希望佢地可以快快出局.可能我覺得主辦國(特別是強隊)恃強凌弱,才有鋤強扶弱之心吧!

還是希望剩下幾隊波有一隊可以打敗主辦國啦.

作者: bigfish 時間: 2006-7-2 12:01 AM

阿根廷 fans 唔好再賴 la
阿根廷都做過主辦國, 仲靠軍政府恐嚇天下球星, 令佢地唔敢去參賽, 最後更懷疑收買球證同對方龍門捧盃添
如果冇主辦國制度, 阿根廷仲係一屆冠軍都未有架

歡迎光臨娛樂滿紛 26FUN (http://26fun.com./bbs/)