Board logo

標題: 深仇大恨，互相交惡，自生自滅 [打印本頁]
作者: locklock    時間: 2007-1-14 02:47 PM     標題: 深仇大恨，互相交惡，自生自滅



皇馬下令長雪碧咸　1月 14日 星期日

碧咸今季不但被皇馬教練卡比路「冷待」，在他宣布季後轉投美國洛杉磯銀
河隊後，卡比路更頒下「雪藏令」，揚言不會再派遣碧咸上陣，若「萬人迷」真的疏於
戰陣達半年，勢影響他在夏天加盟銀河時的狀態。

卡比路在周六的記者會上表示碧咸已不再是他心目中的大軍行列，他說﹕「碧咸將會繼續
隨隊操練，但他不會再披甲上陣。」換言之，上周日後備入替對拉科魯尼亞的聯賽，已成
為碧咸在西甲生涯的最後一役。當被問到碧咸會否以借用形式加盟其他球隊以保持比賽狀
態，卡比路似乎暗示將任由碧咸「自生自滅」，該名帥說﹕「這個問題你們應該去問碧咸！」

卡比路：跟操可以 上陣休想

皇馬球員封嘴避談碧咸

碧咸轉會洛杉磯銀河這個轟動消息傳出後，迅即成為各界的熱門話題。然而「碧咸轉會」
一詞已經在巴拿貝球場成為「禁語」，事關在教練卡比路的「封嘴令」下，皇馬其他隊員
都不敢貿然發表任何意見。

當西班牙傳媒在碧咸離隊消息傳開後，曾逐一致電皇馬其他球隊，但得到的答案全部都是
「要等待球會同意後才可說」。這不難令人想起卡比路「鐵腕政策」的管治，無形的
「封嘴令」已頒布。

雖然如此，皇馬主席卡達朗當然不會受「封嘴令」的限制，並率先表明對碧咸離隊感到惋
惜：「他為皇馬作出了巨大貢獻，要跟他說再見有一種與眾不同的感覺。」據悉，碧咸會
在銀河隊穿上二十三號球衣，藉此效法美國籃壇傳奇巨星米高佐敦。



[ Last edited by locklock on 2007-1-14 at 02:57 PM ]
作者: babo    時間: 2007-1-14 02:58 PM

呢單野...
有人會話卡比路小器、不近人情,因為人地轉會就雪人地-
但..咁做都不無道理..話晒碧咸都不在球會計劃之內..
唔駛煩下出唔出你好..倒不如給予其他人機會落場夾下好過..
免得碧咸落場到時有好表現仲唔知點咁=.="
不過我估季尾last一場..碧咸都有機會落場踢last一場吧--

今日呢個情況同當日o係曼聯時差唔多
只不過當時佢未話實要轉會去皇馬..
費蛇o係果段期間都仲有俾機會佢踢下..
到最後都忍受唔到佢明星級既生活..加上其他因素影響下..放棄佢--
作者: 月巴仔    時間: 2007-1-14 03:06 PM

我諗碧咸都預佐架啦
正常商業決定黎啫
作者: locklock    時間: 2007-1-14 03:08 PM

西盃 11/01/2007 客 和 貝迪斯　　 0:0(0:0)
西甲 07/01/2007 客 負 拉科魯尼亞 0:2(0:1)
西甲 20/12/2006 主 負 維爾瓦　　 0:3(0:1)
西甲 17/12/2006 客 勝 愛斯賓奴　 1:0(0:0)雲尼斯達萊49'  
西甲 09/12/2006 客 負 西維爾　　 1:2(1:1)碧咸13'  
歐聯 06/12/2006 客 和 基輔戴拿模 2:2(0:2)朗拿度87' (十二碼)88'

祝卡比路好運了，近６戰中，分別只有３人各得一球進帳！
３人更有２人是已和他交了惡，即只乘下一個雲尼斯達萊！
不計基輔戴拿模那場無關痛癢的歐冠戰，雲佬６場入１球！

今晚主場面對薩拉戈薩，祝佢好運了，如果和波，都應該唔係好收得貨落！

今日留一綫，日後好相見，碧咸每次上場都踢得十分落力，這是大家有眼見的！
更甚者碧咸已說明，只要你比機會我，我一定會幫你落力踢！
卡比路這麼高調排濟一個球員，真係唔係幾認同佢既做法。
今日你可以咁對佢，他朝有一天你又可以咁對其他人，軍心一定會亂！
都係低調Ｄ好，話曬你係名帥，人家都係名帥，重要係全球名帥哥！　與萬千少女為敵！



[ Last edited by locklock on 2007-1-14 at 03:13 PM ]
作者: kengaroo    時間: 2007-1-14 03:20 PM

碧咸使乜驚, 佢去美國根本似足球大使多於足球員, 就算唔踢得都起碼睇得
作者: MaxFigo    時間: 2007-1-14 03:40 PM

卡比路咁做一d都唔出奇
其實之前佢一路都唔想用碧咸
只係苦於受各種壓力，令碧咸起碼仲有後備上陣的機會
情況同佢係祖記時的迪比亞路一模一樣，當時迪比亞路大部時間只能擔當後備
但礙於隊長係祖記德高望重，卡比路最終都郁唔到佢
而如今碧咸宣布離隊，正好比藉口卡比路棄用佢唔鐘意o既球員

不過佢咁做究竟對皇馬是福是禍，我諗卡比路完全無考慮過...
作者: locklock    時間: 2007-1-14 03:57 PM

Originally posted by MaxFigo at 2007-1-14 03:40 PM:
卡比路咁做一d都唔出奇
其實之前佢一...
碧咸又點會係一個毒瘤咁誇，反而朗拿度就真係一個又肥又大的毒瘤！
碧咸已有後路，所以佢最多都係和卡比路在人生交往上交惡。
但朗拿度就正正代表了皇馬的巴西邦，卡比路要整佢，就預佐同巴西邦過唔去！
再上一任盧森保高就同阿根廷邦過吾去，玩大清洗，反而重用了巴拉圭邦！
現在的皇馬主席又行條舊路，買來一大堆不知名的阿根廷邦，分化內部矛盾會越演越烈！
又係巴西和阿根廷的內鬥，重要加個意大利人係中間，真係祝佢好運啦！
看看巴塞，列卡特手中也只有一個阿根廷人，但都是以巴西邦為主道。
如今皇馬到低想偏向那一邊？還是想學現在的國米，阿根廷和巴西兩邦和平共存？
但看現在情況，他這樣對碧咸，巴西邦一定會對他產生忌彈，看來下一場內鬥將會是
以朗拿度為首，卡路士為副，羅賓奴跟尾的森巴內鬥！看看到時佢又可以點高調處理！



[ Last edited by locklock on 2007-1-14 at 03:59 PM ]
作者: MaxFigo    時間: 2007-1-14 04:05 PM

Originally posted by locklock at 2007-1-14 03:57 PM:

碧咸又點會係一個毒瘤咁誇，反而朗...
即使係巴塞...唯一阿根廷人沙維奧拿亦是教練列卡特打壓o既對象

而皇馬情況...
巴西幫中，大哨、卡路士走硬，艾馬臣走下玻，羅賓奴越黎越不受重用
施仙奴更加唔駛講
盧森保高時代係威係世的巴西幫早已不復再
本來係e個時候引入加高、古希恩等阿根廷幫，
對進行改革中的皇馬都係個不俗ge時機
但馬些路呢？？引入這名巴西新秀...令人對卡比路想法大惑不解
作者: locklock    時間: 2007-1-14 04:14 PM

Originally posted by MaxFigo at 2007-1-14 04:05 PM:
即使係巴塞...唯一阿根廷人沙維...
亂囉！我現在看不到了皇馬今季會在任何比賽上拿盃的些微署光。
應該下半季也是在內鬥之中道過，巴西幫唔傳波比阿根廷幫！
就好似韋斯咸咁，無端端有兩個阿根廷人到來，格格不入！
需然說阿根廷和西班牙同聲同氣，但係皇馬唔係以西班牙人為主道的球隊。
一向作風是聯合國式運作，現在要玩種族大清洗，真係唔多樂觀！
而卡比路又是意大利人，真的有點像拉丁人打壓南美洲人的味度！

作者: 20001160    時間: 2007-1-14 04:58 PM

會唔會諗得太多= =
作者: 155220    時間: 2007-1-14 05:38 PM

卡比路未免太沒容人之量了

做野唔經大腦，佢咁樣做人地會點諗？
做出如此幼稚的事，影衰晒皇馬～～（本人不是兩者的支持者）
作者: hugh090702    時間: 2007-1-14 05:49 PM

佢專心教好d波好過啦
遲早又俾人抄
作者: MaxFigo    時間: 2007-1-14 06:06 PM

Originally posted by 20001160 at 2007-1-14 04:58 PM:
會唔會諗得太多= =
唔會，國米就已經係一個好例子
巴塞列卡特亦深明此道，若非隊中有眾多巴西兵，佢斷唔會無原無故排斥沙維奧拿

而事實上，早係盧森保高時代
皇馬內部就已經有巴西幫同西班牙幫內鬥...

[ Last edited by MaxFigo on 2007-1-14 at 06:10 PM ]
作者: iknow    時間: 2007-1-14 06:21 PM

Originally posted by MaxFigo at 2007-1-14 03:40 PM:
卡比路咁做一d都唔出奇
其實之前佢一...
咁我真係登上季ge迪比亞路可憐...
又唔係踢得唔好喎...但只係因為同卡比路唔岩牙...
so...唉...
卡比路唔止係一個鐵腕教練...係一個皇帝式教練...
作者: YUEN_LOUIS    時間: 2007-1-14 06:32 PM

Originally posted by iknow at 2007-1-14 06:21 PM:

咁我真係登上季ge迪比亞路可憐...
又唔係踢得唔好喎...但只係因為同卡比路唔岩牙...
so...唉...
卡比路唔止係一個鐵腕教練...係一個皇帝式教練...
足球界的薩旦姆
作者: MaxFigo    時間: 2007-1-14 06:36 PM

Originally posted by iknow at 2007-1-14 06:21 PM:

咁我真係登上季ge迪比亞路可憐...
又唔係踢得唔好喎...但只係因為同卡比路唔岩牙...
so...唉...
卡比路唔止係一個鐵腕教練...係一個皇帝式教練...
所以佢係祖記都唔係人人服佢
除左迪比亞路外
甘莫蘭尼斯、保方，甚至現已退休的費拉拿都同佢有牙齒印
作者: qqqaoc    時間: 2007-1-14 06:45 PM

卡比路咁做都啱ge.....
無理由仲出一個即將走ge人出場ga ma
不如排好陣,試下另一d球員仲好la
作者: iknow    時間: 2007-1-14 08:27 PM

Originally posted by MaxFigo at 2007-1-14 06:36 PM:



所以佢係祖記都唔係人人服佢
除左迪比亞路外
甘莫蘭尼斯、保方，甚至現已退休的費拉拿都同佢有牙齒印
基本上卡比路唔識同球員建立良好ge關係...
作者: 奇    時間: 2007-1-14 08:27 PM

Originally posted by MaxFigo at 2007-1-14 06:06 PM:



唔會，國米就已經係一個好例子
...
關咩事又唔見佢打壓美斯?最近野兔都多番機會...
野兔問題係高薪,唔用佢未必係列卡特主意
作者: Aristo~    時間: 2007-1-14 09:01 PM

計我話碧咸冇得出, 佢自己就最開心
唔駛做, 又有人工
得閒拍下廣告, 最happy係佢..

"捱"完呢半年, 就去美國掘金
呢半年咪休息下囉, 唔駛踢波踢到嘔嘛! 係咪!
作者: iMacc    時間: 2007-1-15 11:10 AM

我覺得卡比路雪碧咸無問題~
最大問題係講出嚟做乜~?
做到好小家咁~
你咪雪囉~
都雪咗咁耐~
認真覺得佢唔有大將風範~

反觀碧咸咪世界仔囉~
你話雪我..我仲更加話要幫你~
呢d咪道行高囉~
作者: locklock    時間: 2007-1-15 01:43 PM

卡比路的事後詭辯！修補高調的不智！

皇馬主帥卡佩羅稱,封殺貝克漢姆是技術組一致決定　1月 15日 星期一　路透馬德里電

皇家馬德里主帥卡比路表示，將英格蘭球星碧咸打入冷宮並非其個人主張。

在碧咸決定加盟美國大聯盟球隊洛杉磯銀河之後，卡比路稱，在本賽季結束之前不會讓
碧咸進入出場名單。

「這是球隊技術組的決定，技術組的成員不僅包括我，還有我的助理巴爾蒂尼(Franco Baldini)
以及做決策的運動總監米賈托維奇(米積杜域)，」卡比路周日在記者會上說。

「如果一名球員已經與其他球隊簽約，繼續把他當作自己人是不明智的。」

皇馬周日在主場以1-0擊敗皇家薩拉戈薩，期間碧咸一直在看臺上作壁上觀。

而賽後的記者會也有些劍拔弩張。有記者問卡比路，與碧咸有約在身但已另覓去處相比，
他在十年前仍執教皇馬時卻決定返回AC米蘭的舉動有何不同。「不同的是，美國大聯盟是從
4月開戰，而意大利聯賽不是。另外我先向球隊主席報備，而且當時我還沒有真正與
AC米蘭簽約，」卡比路回答到。



其實卡比路低低調調咁做咪好囉，到碧咸走人時再放佢出去踢完個告別賽，咁唔係好好嗎？
皇馬近年對球星的退休或離去莫不關心，可話是人情冷暖！這方面的人際關係老是攪不好，
要萬眾一心咁奪冠既可能性便會減低！費高施丹的離去也是暗然，而碧咸現在更以恥辱
式結速，看來朗拿度可能將會死得更慘！



[ Last edited by locklock on 2007-1-15 at 01:48 PM ]
作者: vally    時間: 2007-1-15 01:45 PM

唉...卡比路咁做即係自殺....唔用碧咸 前場d人好難拎到波..而中場有無咩人有創造性 .進攻方面一定大大下降
同埋咁做法...令到隊入面d人 驚晒....開始會有不和..而碧咸就正啦....唔洗踢 就可以有更多錢...
遲d去到美國掘金..可能踢得好既話...俾大家有好印象....d人民可能幫佢整埋俏像tin
作者: 奇    時間: 2007-1-15 04:55 PM

Originally posted by vally at 2007-1-15 01:45 PM:
唉...卡比路咁做即係自殺....唔用碧咸...
唔覺碧咸有咩創造性,古迪好佢多多聲
作者: 1974714    時間: 2007-1-15 09:40 PM

咁做法都預佐架啦! 係咪!
作者: locklock    時間: 2007-1-16 09:47 AM

卡比路豎中指對球迷！！！
咁鬼無品！！！

皇馬會長﹕碧咸等收山 鐵腕政策惹柴台 卡比路豎中指　1月 16日 星期二

皇家馬德里在周日的西甲以1︰0小勝薩拉戈薩，被打入冷宮的「萬人迷」碧咸只能在貴賓
廂作壁上觀。教練卡比路的鐵腕政策則惹來班拿貝球迷的不滿，「滾蛋」之聲不絕於耳，
被激怒的卡比路賽後更失態地向球迷做出不文手勢。

一如賽前所料，碧咸沒有被列入出場名單，只能與母親在看台上為隊友打氣，但皇家馬德
里缺少了這名英格蘭中場反而打破悶局，憑前鋒雲尼斯達萊的入球以1︰0擊敗薩拉戈薩，
結束聯賽2連敗的頹勢。當碧咸決定加盟美國大聯盟球隊洛杉磯銀河之後，卡比路便宣布今
季不會再派遣他上陣，卡比路解釋全因碧咸先斬後奏︰「碧咸未有和皇馬交代一聲就與別
的球會簽約，我覺得這不太適當，繼續把他當作自己人是不明智的，但這不是我的個人主
張，我的助理巴甸尼以及體育總監米積杜域都有份決定。」
（輸波就用碧咸打正選，贏波碧咸就做後備，唔知係邊個安排得咁差？有腦既都會走人
　啦！你估人地傻架，唔知你整佢，穫穫輸波入佢數！）

卡比路斥碧咸先斬後奏

有傳媒質疑碧咸此舉，與卡比路在10年前執教皇馬中途宣布會在翌季轉投AC米蘭有何分
別，卡比路解釋︰「當年我在離開前早早就通知了皇馬會長，而且我也沒有事先跟任何人
簽約。」會長卡達朗表示支持卡比路，又指碧咸已踏入職業生涯的尾聲︰「球壇的精英都
在歐洲比賽，當一個球員轉戰美國，代表他已準備退休。」
（邊有人咁無品，就算係費高去沙特，莫拉都唔會公開評論費高去沙特退休啦！）

雖然卡比路得到球會高層撐腰，但他的強硬態度卻得罪了很多皇馬球迷﹐對薩拉戈薩一戰
便有人怒罵卡比路在碧咸背後插了一刀和對朗拿度毫無人情味，並拉起「朗拿度留下，卡
比路滾蛋」的標語。卡比路賽後除了面帶不屑外，更向球迷豎起中指。事後卡比路為此道
歉︰「我絕不應該做這樣的手勢，但自從我來到皇馬的第1天開始，就有兩名球迷不斷辱罵
我，我的手勢只針對那兩位球迷。不過作為皇馬的教練，我必須向大家道歉。」
（卡比路果然是詭辯天才，一隻中指對住整個看台上的一兩個人，唔知有無紅外線定位！）

看來皇馬以後都不會再有一級球星願意加盟了，取非會長和領隊換了人，他們的言論好像
是在和天下人過唔去！為成積是無可口非，但公開迫害球員，只會另事情鬥得更糟！
放長相眼看看朗拿度如何帶領巴西幫，另皇馬高層知錯！朗拿度的勢力遠勝碧咸數十倍！



[ Last edited by locklock on 2007-1-16 at 09:54 AM ]
作者: locklock    時間: 2007-1-17 03:56 PM

[center]

卡比路的中指是面向全世界，不單只是兩個球迷！[/center]
卡比路賽後發火向兩名球迷豎中指，將遭皇馬罰款　1月 17日 星期三

路透馬德里電 - 皇家馬德里周二宣布，主帥卡比路因在周日1-0擊敗皇家薩拉戈薩賽後向兩
名球迷作出不雅手勢，將被處以罰款。

「體育主管人員將會聽取主帥的解釋，以依據俱樂部(球會)的紀律規章，判定罰款數額…他
本人已對比出不雅手勢表達了歉意，」皇馬俱樂部網站(www.realmadrid.com)中的聲明表示。

卡比路在周日主場比賽結束後，向坐在替補席附近的部分球迷兩度豎起中指，他已為此致歉。
（我都看到你的中指面對我，面對千千萬萬的球迷，而不是你詭辯中的兩員！）

「從我來到皇馬的第一天起，坐在替補席後的兩個人就不停攻擊我，今天更是過分，」
卡比路在賽後記者會中表示。

「他們10年前就在那裡作同樣的事，但我不該那麼做。」



[center]有其帥！必有其主！向米飯班主發炮！
[/center]
卡爾德隆開講砲轟皇馬球員及球迷，事後低頭道歉　1月 17日 星期三

路透馬德里電 - 皇馬主席卡爾德隆(Ramon Calderon)在對大學生的一次演講中大肆批評皇
馬球員和球迷後，周二為此道歉。

「我要向任何可能被冒犯的人道歉一千次，」卡爾德隆對皇馬電視臺表示，「但是我希望
人們明白，我到任後所做的一切事情都是為球會好。」

卡爾德隆在比亞努埃瓦大學的一次學生集會所發表的演說，在皇馬方面不知情的情況下被
錄音，隨後透過國家電臺播出。

「他們虛榮、自大，都認為自己是超級明星，」卡爾德隆對學生們這樣描述皇馬球員。

「皇馬球員從不會為任何事情付出代價。你們都很有教養和文化，這是他們大致上缺乏的。」

皇馬的球迷也難逃卡爾德隆的炮火，他稱伯納烏體育場(巴拿貝體育場)的球迷很難取悅。

他說，「球迷把看球當成像看電影一樣，他們不支持球隊，與意大利和英格蘭的球迷大異其趣。」
（看看你能交出什麼成積，這麼大的口氣，看看誰能為力賣力！球迷和球星們一起被你指罵了！）



[ Last edited by locklock on 2007-1-17 at 04:03 PM ]



歡迎光臨 娛樂滿紛 26FUN (http://26fun.com./bbs/) Powered by Discuz! 7.0.0