娛樂滿紛 26FUN - Powered by Discuz! Board

標題: [愛情診療室] 我每夜向天禱告不要再愛她,為何上帝不願細聽? [打印本頁]

作者: ian2910 時間: 2007-2-11 04:55 PM 標題: 我每夜向天禱告不要再愛她,為何上帝不願細聽?

小師妹既已不屬我,本應心死再算!

為何連好知己也不能再做落去?

早一排終於知道對方有BF,傷心痛苦過後諗通左,於是疊埋心水做好朋友!

我真係做得好成功嫁!連我自己都放低晒!

我地兩個乜都雞啄唔斷,有時一齊食飯都傾得好投契!佢有時講佢同佢BF d 生活鎖事,我一d都唔介意,仲比好多意見佢添!

早一排佢同我講話佢做野做得好唔開心,我見我公司有位,咪叫佢過泥我度幫手囉!(我真係無諗其他野!祇係想幫一個好朋友姐!)

於是佢過左泥做,我地大家好合拍,而且好friend,而佢都笑容多左!開心左!

作為好朋友我都覺得好開心,亦都無其他所求!

我唔想搶人女友,所以我一直以泥都無越過好朋友呢個界線,佢亦好信任我!

但係呢排我發覺我上司竟然開始追緊佢,而家叫做互耍花鎗階段..............

我上司唔知佢有BF,因為小師妹無講,可能亦係佢無乜戒心咁!

而家見到佢地兩個咁,我個心竟然會覺得好唔舒服,若果個女仔注定要離開佢而家個BF,但係佢因為唔知我曾經暗戀佢而選擇左我上司..........咁我就好戇居!

但係如果我而家主動追人,就算追到,我就做左人第三者,我點都會有條刺係個心度..........

我唔係扮聖人,我都有私心,但係我一直以泥都克制得好辛苦,佢肯當我係好朋友我已經好滿足..........

而家我真係唔知點做好!!!

[ Last edited by ian2910 on 2007-2-11 at 05:46 PM ]

作者: specificness 時間: 2007-2-11 05:21 PM

「你既無心我便憂」，真的是那麼容易做到嗎？當然不是！否則這句話就不能歷久常新，可以長久以來都如此觸動人心了。所以，別要為「我怎樣也忘不了她」而太過煩惱，因為你越為此煩惱，你就會越忘不了她。嘗試把心思放在別的地方罷，工作也好，讀書也好，義工都好，同時將對她的思念化做準備自己的力量，默默用努力來預備她隨時接受你。漸漸，你會發現，時間慢慢會癒合你的傷痛。我自己認為，這裡上帝是幫不了我們的，只有時間和自己的努力可以。

祝君安好。

作者: ian2910 時間: 2007-2-11 05:45 PM

我ge立場就係,如果個女仔係要同佢BF分手,我希望可以比佢知道我心意,如果佢接受我就最好,唔鐘意我我都會死心.....如果個女仔本身同佢BF重有得孟,我希望佢唔好比我上司動搖到!

人人都有私心ge!自己得唔到個女仔都唔希望第二個人得到...但係至少我唔願意主動做人第三者!呢個就係我同我上司ge分別!

作者: ian2910 時間: 2007-2-11 05:49 PM

Originally posted by specificness at 2007-2-11 05:21 PM:
「你既無心我便憂」，真的是那麼容易...

或者呢個係唯一既方法,多謝你既好意!thanks a lot!

作者: ian2910 時間: 2007-2-11 05:56 PM

有人可給我當頭捧喝嗎?

作者: specificness 時間: 2007-2-11 06:37 PM

頭先回既時候你仲未出哂你既故事……睇完之後，更給你感動到了。你已經盡了你的能力去保護對方了，這樣做，起碼你自己應該跟自己說：在為對方設想這一點上，我是無憾了。我想，如果可以，你在以朋友的身份跟她閑話時，看看會不會知道她跟現在男友是否已經無望；如果不是，以你為她設想的作風（重覆：這是令人敬佩的作風），你應該會跟她一起想辦法看看如何補救。如果已經無望，你應（1）探聽她的意向，看她是否真的希望找過一個更好的（與舊男友分手不等如想發展一段新感情，她可能想休息一下也說不定）e.g. 真的喜歡了上司；（2）想辦法表明自己的想法！其實，她是不是對你一點感覺都沒有？還是，她一點也不知道你對她的感覺？抑或，她在等你做一些事情？也許她有感覺而不清楚你的動向，故不敢表露也說不定！這就要靠你的感覺了。如果你自問不比上司差，而且真心希望給予小師妹一生幸福，那你應該表明態度，因為如果你是真心有誠意的，應該就當仁不讓——別人也許根本不能像你那麼愛她疼她！

我自己以為，對於一個女孩子來說，有人真用誠意去感動她，她會感應得到的。而且，如果我是那個女孩子，就算我真的不喜歡那個男子（最壞的打算），當我知道他是真心的，我斷不會因為自己不喜歡他而變成恨他。我會很感激那個男孩。你想想，你小師妹是不是這種人。如果是，大不了就衰左，然後做一對更好的朋友！

別以「好戇居」、「私心」去想這問題；所想的、所要做的，一切以她的幸福為大前提，正如你一向所做的。我相信，你最起碼會對得住自己，對得住呢段關係。

最後，祝你幸福及成功！

另，我頭先打錯字，不是「你既無心我便憂」，應該是「你既無心我便休」；一字之差，意思大大不同，不好意思。

作者: 20001160 時間: 2007-2-11 06:52 PM

我覺得其實好多問題都係因為唔夠溝通或唔敢去溝通
如果你同佢講曬所有野或者簡單d 比呢個網址佢
同佢講我等你幾有型呀
雖然好似拆散人地咁但係點都要起碼比佢知你諗乜先la
其實講就易自已都未必做到加油吧希望幫到你

作者: ian2910 時間: 2007-2-11 06:58 PM

Originally posted by specificness at 2007-2-11 06:37 PM:
頭先回既時候你仲未出哂你既故事……睇...

我諗我明你意思,先諗下個女仔同佢BF仲有無得孟,如果有就幫下佢,如果無而佢又想有新戀情,我就要去爭取!

作者: specificness 時間: 2007-2-11 07:06 PM

Originally posted by ian2910 at 2007-2-11 06:58 PM:

我諗我明你意思,先諗下個女仔同佢BF仲有無得孟,如果有就幫下佢,如果無而佢又想有新戀情,我就要去爭取!

不錯！唔好「諗下」勒，搵個機會「問下」！

希望將來喺度聽到你成功既消息

作者: ian2910 時間: 2007-2-11 07:24 PM

Originally posted by 20001160 at 2007-2-11 06:52 PM:
我覺得其實好多問題都係因為唔夠溝通...

我明白,但係我心裡面過唔到自己,搶人女友我千萬個不願............

作者: specificness 時間: 2007-2-11 08:00 PM

Originally posted by ian2910 at 2007-2-11 07:24 PM:

我明白,但係我心裡面過唔到自己,搶人女友我千萬個不願............

點解你要將佢睇成為「搶人女友」呢？你當小師妹是可以「搶」回來的嗎？你覺得有人可以用「搶」的態度而得到小師妹的芳心？這種想法是假設了小師妹沒有自主能力。一隻手掌是拍不響的，如果小師妹對你沒有感覺，你怎樣用力「搶」也担保你「搶」不到。相反，給她知道你的想法就不等於去「搶人女友」，因為你並沒有要求她與現任男友分手去跟你好。如我上面所說，只有當他跟現任男友無望時你才跟她表白的話（如她仍愛她男友的話你只好繼續守在她身旁），那你所做的只是表白，與及給予大家一個機會，無論如何都沒有「搶」的成份。

對，搶人女友是千不該萬不該，但你不是喎。

作者: ian2910 時間: 2007-2-11 11:31 PM

Originally posted by specificness at 2007-2-11 08:00 PM:

點解你要將佢睇成為「搶人女友」...

聽你咁講,或者我首先要做ge,就係比佢知道自己心意先,係咪?

作者: specificness 時間: 2007-2-12 01:14 AM

Originally posted by ian2910 at 2007-2-11 11:31 PM:

聽你咁講,或者我首先要做ge,就係比佢知道自己心意先,係咪?

基本上是這樣說，不過，講不講/甚麼時候講當然要取決於（1）小師妹的人品（我相信當然是好的），是否願意再見亦是朋友（2）小師妹的意向，她是否已對現任男友完全失望，或她是否有意再發展一段新關係。於是，如我最初所說，先探探她的口風罷。

但其實可能我是想太多了，感情也許不能斤斤計較，也許是需要點勇氣及衝動。這正是我所沒有的，所以我也不敢說我的一定是對。我心裡是實實在在是覺得，遲或早也希望小師妹可以知道你的心意。如果你要一生人都將這事埋在心中，實在太慘了。當然，如果你能成功，那就更加美滿了。祝你成功！

作者: Yi5 時間: 2007-2-13 12:30 AM

小弟初到  貴境，請恕在下直言。

清楚拒絕事件簿於多年前發生，在下建議樓主找個機會請事主吃頓飯，問問事主的感情生活近況，順口地以說笑的方式問問事主「現在會否有機會呀」等等的直接問題，讓自己知道事主在這多年之後的想法有否改變。追求女生絕不是甚麼不可見光的事情，必須果斷地勇往直前，不能勇敢的追求女生，才是丟臉。失敗了但至少努力過，此生無憾啊!!  「莫道你在選擇人，人亦能選擇你」，所謂天涯何處無芳草，最重要是清清楚楚，勿拖泥帶水。當然，勉強是不會有幸福，因為這個「勉強」到底可以勉強多久?喜歡一個人，雖然不能跟她走在一起，但也應向她送上祝福，知道她能獲得幸福，你也應替她高興啊!!
只要你不是令人生厭之徒，失敗了應該仍可是事主的好友啊!!  加油呀!!

作者: Teletubbies123 時間: 2007-2-13 12:56 PM

Originally posted by Yi5 at 2007-2-13 12:30 AM:
小弟初到貴境，請恕在下直言。

...

I think that you'd better talk to her in order to know what's thinking. I am not saying that you make her to choose but you should let her know how to do so. (Because she has boyfriend!) It is not good for all the guys! (You, her boyfriend and the boss------although he want to......)This may make the problems seriously later if she don't face it reality!

歡迎光臨娛樂滿紛 26FUN (http://26fun.com./bbs/)