Board logo

標題: 阿仙奴迷心痛 [打印本頁]
作者: eric911    時間: 2007-3-22 01:16 AM     標題: 阿仙奴迷心痛

身為阿仙奴的球迷，今屆真是好痛。雲格實在過於急進，太想令一班年青球員盡快上位（包括球技），又放走一班有經驗球員。皮里斯就是最佳例子。有皮理斯在陣的日子，各位有沒有發覺亨利踢得特別好，兩人在左路的進攻做得好流暢，沒有甚麼後衛可阻止他們，皮里斯雖然年過三十，但看不出有任何退化的跡象。現在的希比與路魯斯基不是不好，無論是看通戰局和臨門一腳的冷靜程度，還是皮里斯較好，真不明白雲格為何拒絕他兩年合約的要求。本人不是皮理斯的擁護者，但身為支持了阿仙奴25年的fans，感到痛心罷了。
作者: a5areal    時間: 2007-3-22 01:24 AM

Agree with you....
班後生仔逐個秤係個個勁
但冇人領軍
亨利一唔在陣佢地就踢得好亂
作者: eric911    時間: 2007-3-22 02:08 AM     標題: 亨利亦沉

其實沒有了之前的舊隊友，亨利在今屆亦踢得不太順﹗法比加斯又踢得好沉。反而覺得雷耶斯好適合阿仙奴踢法，不過他心不在阿仙奴﹗
作者: eric911    時間: 2007-3-22 02:10 AM

其實亨利不屬領軍之人，大家同意嗎？
作者: bigfish    時間: 2007-3-22 02:55 AM

阿仙奴應該重用有歸屬感o既英格蘭球員領軍先有得進步
朗尼, 林伯特, 謝拉特就係英超三雄o既領軍人物, 佢地都係本土人
作者: 王晶    時間: 2007-3-22 02:57 AM

我諗可能係雲加知道以阿仙奴既財力好難同曼聯同車仔鬥
倒不如放眼將來 用班後生打2,3年 到時 個個熟哂 隊波又夾
就係收成期 其實咁樣係一個長遠既計畫 我覺得佢其實識諗就真
作者: eric911    時間: 2007-3-22 03:07 AM

阿仙奴怎會有錢買林伯。其實今年阿仙奴都黑，唔係呢個傷就嗰個傷，係咪個軍醫有問題？
作者: 20001160    時間: 2007-3-22 03:33 AM

雲加講到佢地放眼未來
遲幾年先收成

可能你會覺得有舊將係到會好d
但係會間接影響班後生仔建立新進攻模式
我就係咁睇   唔知你同唔同意

p.s. 大魚真係好煩
作者: eric911    時間: 2007-3-22 03:45 AM

當然同意。只是見他們今年四大皆空，所以才發洩一下﹗上屆他們輸俾巴塞，我真係喊咗出來﹗
作者: Edgar_Davids    時間: 2007-3-22 07:55 AM

今季好多關鍵時刻都係辛達路斯 + 迪佐奴孭起條防線..............
尤其是每每辛達路斯有份上陣都會幫 "對手" 作出貢獻................
加上列文又無耐性......吓吓淨係識大吵大鬧........
成條防線都算係頭四中最曳喇...........
所以都難怪Ｄ新仔因為要兼顧防守而打唔出水準 ge.....


至於路斯基同希比其實唔係差既.........
起碼佢地兩個不論速度、盤扭、體力等都係皮利斯冇得比既.......
不過你話佢同亨利夾Ｄ都啱既...............
起碼佢地都係法國人嘛...........


而且雲加搞到隊波變左 "多國部隊".......
每個球員都無默契可言.......
所以隊波咪散囉.................


早年雲加用 "法國軍" 其實唔錯架.......
都唔明點解佢要放棄 Pires 等法國人之餘......
又唔搵Ｄ新血返黎...... = ="
作者: keung623    時間: 2007-3-22 09:51 AM

喂~而家阿仙奴好差咩 我又唔多覺啊喎~ 我係MAN.U既FANS 今年英超有邊隊主場同作客贏到而家第一既MAU呀!!你地諗下啦 得一隊咪阿仙奴咯~
後生仔有後生仔既好~下一年應該收成架喇~唔係亨利都差唔多老嚕~
雲格見所有杯賽出局 早D比亨利養傷 各位阿仙奴FANS
等下年啦~
作者: gn747528    時間: 2007-3-22 11:07 AM

依家用多d新人好過遲下要買人適應球會時間仲長
作者: ronja    時間: 2007-3-22 11:31 AM

Originally posted by 王晶 at 2007-3-22 02:57:
我諗可能係雲加知道以阿仙奴既財力好...
agree

Arsenal而家成績仲好過利記!

咁每隊球隊點都要一段時間去建立嘅,兵工廠呢班新血起馬可以玩三五七年!!雲加好嘢!!
作者: fss16    時間: 2007-3-22 03:46 PM

Originally posted by bigfish at 2007-3-22 02:55 AM:
阿仙奴應該重用有歸屬感o既英格蘭球員領軍先有得進步
朗尼, 林伯特, 謝拉特就係英超三雄o既領軍人物, 佢地都係本土人
郎尼領軍...
作者: Edgar_Davids    時間: 2007-3-22 05:20 PM

Originally posted by keung623 at 22-3-2007 09:51:
喂~而家阿仙奴好差咩 我又唔多覺啊喎~...
同樣輸過比護級中既 Man. City , Fulham + Sheffield Utd. wor ~~
作者: smallPotatos    時間: 2007-3-23 11:35 AM

可能因為佢老掛...e家成team人都年青化ar ma...我覺得阿仙奴比人睇通d 路係進攻方面...不過防守又好左ge..
作者: 157x571    時間: 2007-3-23 04:30 PM

後防線最大問題係辛達路斯
佢根本就夠班
本來迪佐奴,賀迪呢兩個打得都好差下
但係佢地一直有進步 直到而家有能力擔任正選
而家後防線任何一個位置 佢地都可以勝任
中場我覺得放走皮里斯係好事
上季佢係阿仙奴打法不如以前 太錫身
雖然龍格堡已經老 但係打法一樣 一樣有火
所以我覺得放走皮里斯無問題
而家路斯基同希比無傷 中場兩邊的確幾強
基拔圖一直都有穩定表現 法比加斯技術逐漸成熟
最大問題係前鋒線
亨利同V.persie 成日有傷
得返艾迪巴約,阿里阿迪利,巴迪斯達,walcott
但係佢地都唔係夾到 所以攻力唔夠強

以上個人意見而已 不喜勿插
作者: alantai    時間: 2007-3-23 08:30 PM

某程度同意樓主
不過Pires開始退化,係不爭既事實
防守上我覺得都ok
但進攻上
冇左柏金一針見血既傳送
冇左pires恰到好處既入楔同執雞
冇左韋拉快速轉守為攻
冇左韋托特既前線鑽營
就變成呢隊睇到人好無奈既退色班霸
不過改朝換代係必經既階段
相信雲加比我地更清楚阿仙奴需要d乜
身為球迷可以做既就係繼續支持佢

作者: pakho    時間: 2007-3-23 09:31 PM

Originally posted by Edgar Davids at 2007-3-22 07:55 AM:
今季好多關鍵時刻都係辛達路斯 + 迪佐...
好耐之前好似話簽列貝利.....近住冇哂聲氣
作者: iknow    時間: 2007-3-23 11:02 PM

Originally posted by pakho at 2007-3-23 09:31 PM:

好耐之前好似話簽列貝利.....近住冇哂聲氣
應該係阿仙奴唔想俾咁高ge價錢...
好似要成二千萬鎊咁...
作者: iknow    時間: 2007-3-23 11:05 PM

Originally posted by keung623 at 2007-3-22 09:51 AM:
喂~而家阿仙奴好差咩 我又唔多覺啊喎~...
但果兩場都唔係贏得好有說服力
作者: daniel65    時間: 2007-3-24 05:37 PM

阿仙奴其實最笨賣走雷耶斯如果雷耶斯加上雲尹斯wonderful
作者: HansChan    時間: 2007-3-24 08:33 PM

我就兩睇甘睇啦!
皮里斯走係可惜......但佢同龍格堡最發揮到係有伯金時.....伯金走咗.....皮里斯用處係降得好利害的....
而最要害其實我覺得係享利......問題係之前幾季佢都差唔多場場都踼.....鐵人都死啦......老雲始終揾唔到一可以同享利相提並論既前鋒......又冇一個伯金類形既前鋒....
偉拉又係啦....佢既地位,誰能代替呢???
所以可以話老雲今季係難為左佢.....根本係球隊過度既一年......過埋今季吖.....路斯基同稀比會大大成熟.....希望佢買到一個可以獨當一面既前鋒,唔駛太依靠享利......
仲有防中.....巴西佬都係差少少.....但冇咗佢仲死多兩錢......
但.....下季阿仙奴重生o架喇!
作者: Chingy    時間: 2007-3-24 09:34 PM

Originally posted by daniel65 at 2007-3-24 05:37 PM:
阿仙奴其實最笨賣走雷耶斯如果雷耶斯加上雲尹斯wonderful
雷耶斯借o者。唔係賣
作者: kaichun88    時間: 2007-3-25 12:12 AM

阿仙奴今季最大的問題係未能有效利用球場闊度以及把握力欠佳,後防又大意,每次對住體力化的球隊都會陷於苦戰,破唔到密集,又欠缺耐性,經常在對方八,九個番晒後場的情況下夾硬比直線或做撞牆,完完全唔知點解要做依D毫無把握的波,與其比咁多無把握的波,傳去邊線,踢多d側撃好過,依家已經被人睇通晒條路,毎場波都踢得好辛苦,其實,阿仙奴完全有能力踢側撃,歐聯次循環對漢堡,英超次循環對曼聯,聯賽杯對熱刺等都係靠右路側擊贏波,另外,路斯基,費比加斯,艾迪巴約等進攻球員今季遭撻的機會多不勝數,後防又輪住犯錯,輸d冤枉波(最深刻對Sheffield Utd連最穩定的Kolo Toure都因玩波被人偷甩個波爆過射入埋)
把握力可以綀,經驗累積可減少失誤,但阿仙奴應檢討這一味靠地面一成不變的踢法
作者: rfky    時間: 2007-3-25 12:34 AM

不如你再睇長線d
話唔定會開心d
作者: GorillazzMO    時間: 2007-3-28 11:04 AM

唔係呀
佢條後生中場線OK ge
比D時間佢...
作者: terencey    時間: 2007-3-28 11:23 PM

Wenger is planning for the future. I think the purchase of Rosicky or Hleb in the previous seasons will replace Pires and Ljungberg in long term.

For the youngsters, I am really impressed when I watched the League Cup Final. If Liverpool can train some youngsters like these talents, then I will be more happier.
作者: 奪命老妖    時間: 2007-3-30 04:17 PM

Originally posted by Chingy at 2007-3-24 09:34 PM:



雷耶斯借o者。唔係賣
睇佢會同皇馬正式做球員交易,落實換巴迪斯達番黎
作者: ~心水~    時間: 2007-3-30 11:18 PM

我雖然唔係好大 睇波都唔係好耐
不過我曼鍾意就係阿仙奴
當時水銀潟地既攻勢肯定令唔係阿記FANS都佩服.
而家睇得番咩? 睇到既只係圍住對手 行軍又慢.
我同意上面咁講....
冇柏金 冇致命直線
冇皮旦 左路死晒
冇電單車   冇左個快翼

換尼既係
根本唔覺得似柏金既雲佩斯.
根本同法比加斯同希比同一類人既路斯基
根本同艾迪巴約差唔多浪費機會既巴迪斯達.

中場3個keyman咁濟...同冇翼冇分別.
龍格堡又唔多重用. 搞到佢冇態 冇緊個不停搵機會既人.
艾迪巴約 阿蘭亞迪尼 根本冇用.
仲有.  大家仲記得柏奴亞?  果個效率高既全面替工.
法明尼唔係佢果班.


所以而家阿記個個都好勁.  不過夾埋成隊波都唔係咁踢 同原有既戰術唔夾.

比我就收番電單車. 用埋walcott 唔用希比. 淨用cesc.
打雙防中 等後防壓力冇咁大  辛特路斯其實唔差  只係大家對佢冇信心啫. 何況denilson同diaby都唔錯.
亨利打單戰.  用番快攻 好似上年歐聯咁.
作者: bigfish    時間: 2007-3-30 11:23 PM

Originally posted by ~心水~ at 2007-3-30 11:18 PM:
我雖然唔係好大 睇波都唔係好耐
不過...
如果你大多幾年, 成熟d, 你就會鍾意曼聯多過阿仙奴了
作者: Fung2004    時間: 2007-3-31 01:57 AM

Originally posted by bigfish at 2007-3-30 11:23 PM:

如果你大多幾年, 成熟d, 你就會鍾意曼聯多過阿仙奴了
如果你大多幾年,膠少陣, 你就唔會成日比人插了
作者: Fung2004    時間: 2007-3-31 02:08 AM

我覺得阿仙奴都係穩定性既問題,同利物浦差唔多
(雖然打法係唔同)
阿記順起上黎嗰陣真係隊隊都驚左佢,差起上黎又可以輸比d中游,護級份子
點解會咁?我覺得一黎係太多後生仔,二黎係佢地既打法
講真,你地睇咁耐波有幾可見一隊爭標球隊隊正選有6-7個後生仔架?點有天份都好啦,其實要佢地場場都可以打得好其實真係冇咩可能
佢地打法有咩問題?簡單d黎講就係好睇唔好食...冇錯呀,佢d波係最好睇....但足球既野係計比分,唔係計有幾多控球時間,有幾多靚波,靚走位的....佢地咁樣成隊不斷走位既踢法其實係好消耗體力....同埋佢地好似真係冇咩其他辦法入波,冇mud死球入波,中距離特波唔多,頭鎚更少...對住d爛仔波時真係冇mud計的...
我唔會否定雲加既對阿記既貢獻,但我又唔覺得佢地隊波又真係如外界講到咁有前景咁
作者: harry_cfc    時間: 2007-3-31 11:34 AM

Eirc911兄, 其實又唔可以講雲加太急進, 要班年青球員咁快上位,
因為上一代重心球星 (柏金, 皮里斯, 龍格堡等), 不是老去又或者
走了, 所以被迫之下先要快ｄ要班細路成熟！
作者: Juventus-2    時間: 2007-3-31 12:43 PM

希比,路斯基根本唔適合打翼.
又可能雲加要求兩邊出波留番比後上既兩閘去做,搞到佢兩個經常帶波番入中路.
其實禾確特打翼係最佳選擇,問題係佢唔識扭,季初後備出場果時佢出d波唔差,不過最近反而退步左.
作者: hong223    時間: 2007-3-31 06:01 PM     標題: ......

個人不是阿仙奴fans..
但個人認為5年內阿仙奴會成為三冠王...
阿仙奴是現今球壇少數肯用後生仔擔綱既球隊...
但論質素...佢地d後生仔其實好超班....
作者: emily12    時間: 2007-3-31 07:47 PM

其實亨利不屬領軍之人
作者: alhambra    時間: 2007-3-31 09:22 PM

阿仙奴係有前途, 不過可惜作為一間英格蘭球隊, 佢地實在太少英格蘭人...少到有d過份
作者: iknow    時間: 2007-3-31 09:48 PM

Originally posted by Juventus-2 at 2007-3-31 12:43 PM:
希比,路斯基根本唔適合打翼.
又可能...
對...
就算放希比和路斯基在左右邊線,
他倆都會自動走回中間作遠射或者直線
不如直接定他們在場上的工作是進攻中場, 不是更好嗎??
作者: abcdeok    時間: 2007-4-1 10:25 AM

Originally posted by ~心水~ at 2007-3-30 11:18 PM:
我雖然唔係好大 睇波都唔係好耐
不過...
講得好岩, d人完全唔岩, 搞到冇戰術可言
作者: kmlui3    時間: 2007-4-1 11:33 AM

har.........heart down la..........

This year nmy lovely team dun have any good result gum....

Hope Arsenal has a good result next yr.....hope the younger player develop fastly and successfully.
作者: samluk88    時間: 2007-4-1 02:51 PM

而家阿記個個都好勁.  不過夾埋成隊波都唔係咁踢 同原有既戰術唔夾.



歡迎光臨 娛樂滿紛 26FUN (http://26fun.com./bbs/) Powered by Discuz! 7.0.0