娛樂滿紛 26FUN - Powered by Discuz! Board

標題: 咪做得人男友就要受得女朋友氣???? [打印本頁]

作者: HINHIN123 時間: 2007-3-30 11:57 AM 標題: 咪做得人男友就要受得女朋友氣????

出街個陣就開心....
但平時傾電話...
佢一嬲起上黎就好野蠻...
又惡...又cut我線.....
我想發火又唔係....
叫佢唔好咁惡啦...又比佢鬧番轉頭....

我所有野都就晒佢....
又唔敢對佢有咩要求...

作者: louiwong 時間: 2007-3-30 01:15 PM

呢Ｄ其實都係一種樂趣黎既，不過，如果佢真係太過分就真係要出聲！

作者: specificness 時間: 2007-3-30 01:24 PM

Originally posted by HINHIN123 at 2007-3-30 11:57 AM:
咪做得人男友就要受得女朋友氣???? ......

梗係唔係！我唔知你女友有乜野優點令你鍾意佢要同佢喺埋一齊，但不論有甚麼優點，如果你所言屬實，她不懂得尊重人卻是事實。除非你真是愛得她無以復加了，否則這種關係是很難去長期維持的，因為除非你能將所有的自我都放棄而事事以她為中心，否則你的自我有一天會告訴你「這不能接受」。而事實上，你現在感覺到煩惱，已表示你的自我在響警號了——別誤會，這不表示你不愛她，只是表示你不能因愛她而放棄自我；而這是對的！我們不應去放棄自我。

解決方法很大程度上取決於（1）互相溝通；（2）雙方的成熟程度。你有沒有跟她表示過有某些位她會令你很難受？如果她重視你，她一定會體諒並努力尋找解決辦法。清楚了解雙方的底線，那大家都能在互相尊重的情況下享受愛情的樂趣。萬一她說無論如何也不能改變她的態度，或拒絕去互相討論和尋求解決辦法，那顯示以下其中一項（或多項）：（1）她不重視你，不覺得有必要去尊重你的自我與自尊心；（2）她覺得非要這樣才能顯示出你愛她；（3）她認為這是她一向的待人態度，她沒法子改變；（4）她覺得你除了她根本沒有其他選擇，她根本沒有必要「讓步」。

要是（1），那所表示的就很明顯了。若果是（2）-（4），這基本上都表示她沒有足夠的成熟程度去跟愛人相處，要不你教她，要不就等她成熟點才拍拖罷……因為拍拖根本就是兩個人（而非一個人）的事，如她不能去理解及尊重對方的需要，根本拍不上拖。至於（3），若果這真是她的本性而非遠改變不了，那你要好好考慮要不要一世對著這個女孩！

希望幫到你。

[ Last edited by specificness on 2007-3-30 at 01:31 PM ]

作者: louiwong 時間: 2007-3-30 01:58 PM

我覺得首先要知道當事人既年齡，係唔係已經到可以冷靜思考既年齡。如樓主所言，個女仔根本唔係唔講道理，而係佢根本唔知咩係道理。基本上，三樓所講既只會係一Ｄ拍過好幾次拖既女人既想法，而家Ｄ女仔都唔會講道理，同佢地講道理根本係天方夜譚。

後生仔女唔知咩係愛，只係覺得開心係開心，唔開心係唔開心，所以樓主女朋友一有唔滿意就會發脾氣。不過樓主提及，一齊出街時就好開心，既係話個女仔好鍾意同樓主一齊。

戀愛當然會有開心有唔開心，所以樓主都係順其自然Ｄ好，唔好刻意將戀愛理性化，忍受一下女朋友既野蠻，在不能忍受的時候便將真性情顯露一下，這樣才會舒服。

作者: trista_cheong 時間: 2007-3-30 02:18 PM

Originally posted by HINHIN123 at 2007-3-30 11:57 AM:
出街個陣就開心....
但平時傾電話......

hin hin ﹐自問唔係一個同妳女友一樣type ge 女仔﹐不過我自己就會咁覺得：

女仔通常都係需要傾訴同理解﹐所以佢有時對住你發牌氣係好正常﹐不過佢越發越大﹐你就越退多幾步咁樣會令女仔覺得你太軟弱太就佢

!

你反而對佢顯示返你ge 威嚴同自我﹐佢會對你擁有更多ge尊敬﹐所以唔駛驚咖～

不過你平時打電話o個時有冇show 到對佢ge 關心同理解﹐定係佢次次有咩要講你就同佢諗辦法解決先??

其實有時女仔只係需要聆聽ge對象咖ja~~

[ Last edited by trista_cheong on 2007-3-30 at 02:22 PM ]

作者: sakura310 時間: 2007-3-30 02:38 PM

就而家樓主所講,的確係你女友做得過分

或許是女友被竉壞了吧~
女仔係要人鍚的,但唔係竉
好可能係一開始,樓主就俾左一個"千依百順"ge形成你女友
不過都有可能係你女友野蠻

說真~(我並不是說樓主女友不好)
有d女仔以為有人追,有仔自己就好有滿足感
下下都要人就佢,唔就佢就話人地唔鍚佢,唔鐘意佢,甚至唔愛佢
唉~有個男友已經俾好多單身ge女仔好,仲要嫌三嫌四,實在有點過分啦~

拍拖要兩個人付出ga ma(不論是甚麼),雖然未必會係「對等」,但至少要「對應」ar
總不能由一方經常就哂另一個
不論男女,成日都諗住唔可以俾另一半食住自己(有d人仲衰到去教唆人地去食住另一半)
呢d想法就係唔要得,如果你真係諗住對方會食住自己,咁係咪代表你唔信任你ge另一半呢?定還是代表你沒信心去維持平均關係呢?

可能在拍拖初期,大家係會好就對方(因為要取悅對方ma)
我覺得主要係溝通,其次係行動
一開始時發覺有無理要求時就要學會say no,忍住忍住,咁下次就真係俾對方食住
可能方法係唔0岩啦,但如果我女友對我提出無理要求,我解釋完佢又唔聽,我諗我會唔理我女仔,等佢自己諗清楚,過一段時間,大家心平氣和再講過,特別係人越成熟,自然懂得自己係真係0岩(對方錯)定係撒嬌(想對方鍚)

我諗無人會無條件下樂意做出氣袋的,而且也沒這個必要
兩人相處在乎溝通,樓主試下多d同你女友講下,在你尊重佢ge同時,亦都要佢尊重你

作者: HINHIN123 時間: 2007-3-30 03:02 PM

多謝咁多位，但真係有點不知所措

作者: HINHIN123 時間: 2007-3-30 03:06 PM

佢咁樣我覺得佢在玩我
有時真係好想散左佢大家冷靜諗下
但係我個心真係好鍾意佢
佢要咩我都可以盡量比佢
但佢咁對我完全唔知點算好
真係好煩唉

作者: HINHIN123 時間: 2007-3-30 03:12 PM

Originally posted by trista_cheong at 2007-3-30 02:18 PM:

hin hin ﹐自問唔係一個同妳...

我打比佢又覺得我煩，唔打比佢又話我唔理佢
我諗　我都係放棄啦！　同我一齊　跟本大家都唔開心快樂　不如就由他完結了吧

作者: brian33122 時間: 2007-3-30 04:01 PM

等我話你知啦~~
有好多女仔係明知自己唔岩~但係都要發脾氣~
如果你咁都忍得佢,佢會覺得你錫佢

作者: littlecat200566 時間: 2007-3-30 05:35 PM

港女係咁ga啦，超低能，勁攪笑…

作者: sas 時間: 2007-3-30 06:03 PM

係咁嫁啦
既然你同得佢一齊，就要接受佢的優點同缺點嫁啦
如果你成日食甜野，又點會知咸的味道
食得咸魚就抵得渴啦
但係又唔係叫你全部就晒佢，唔通比人踩到上頭都唔出聲咩
如果真得真係完全不能接受的話，咪分手囉
呢個世界又唔係得一棵樹，係咪？
拍拖呢門學問係要自已領悟的
好好咁學習下啦

作者: 悟飯 時間: 2007-3-30 10:32 PM

我自己啱啱拍拖,都可以作為參考

作者: eric1874 時間: 2007-4-5 10:53 PM

Originally posted by louiwong at 2007-3-30 01:15 PM:
呢Ｄ其實都係一種樂趣黎既，不過，如果佢真係太過分就真係要出聲！

如果自己覺得開心先係樂趣

作者: eric1874 時間: 2007-4-5 10:58 PM

睇下你性格係點，你受得ge咪ok lor，拍拖就好似砌積木，2舊野可以好唔同，但砌得埋咪得lor~~~不過你出得lee個post我估你都係唔開心ga喇，咁你要同佢講你ge感受，如果佢覺得自己無問題ge個人認為佢太自我中心，lee d人唔識去愛人，唔適宜拍拖。你亦都無謂勉強自己，總之拍拖係為左開心，如果拍到唔開心成日受氣ge做咩要拍拖je？自己1個咪仲開心。anyway你同佢傾下先，同埋你唔可以盲目就佢，除非你已經有左受佢一世氣ge打算la，否則要為自己打算下，盲目就佢佢就會覺得自己無錯，變本加厲。其實拍拖有少少似"揍"細路，你越寵佢，而佢又唔識諗，唔識珍惜ge話，只會越黎越難搞

歡迎光臨娛樂滿紛 26FUN (http://26fun.com./bbs/)