Board logo

標題: 一閃即逝新星?可惜!! [打印本頁]
作者: timyu    時間: 2007-6-14 12:02 PM     標題: 一閃即逝新星?可惜!!

一閃即逝新星?

1.卡丹馬達利 (ex-愛華頓/巴拉福特) 當年同奧雲同期出道, 但就一閃即逝

3.謝菲斯(ex-愛華頓/阿仙奴)個陣講到天才咁, 家下冇咗影

7.美羅(ex-利物浦) 啱啱出嚟 ge 時候幫利物浦入咗好多 Money Goal , now冇咗影

8.布歷捷斯(ex-紐卡素) 一出道第一年入左19球, 傷左之後就越黎越差, 果陣重話佢係new舒尼亞

10.沙柏(ex-曼聯) 如果個陣唔係giggs, 佢都唔會無曬影, 記得佢個陣叫過英格蘭新希望

12.丹尼臣(ex-森巴) 以前佢d插花幾好睇, 真係幾難搶到佢個波, 估唔到過一排就

13.萊爾 (ex-森巴10號) 94世界杯前發光發熱, 成全巴西人民偶像, 小組賽壯態底沉, 最後隊長交左俾左鄧加, 仲輪為大後備, 世界杯後一直沉, 沉到退休

15.蘭天尼(ex-AC) 車禍...威風八面到傷患摧殘嘅天才球員, 曾經破轉會費紀錄去AC, 不過玻璃腳好快就收皮, 意國球壇悲哀

16.巴亞(ex-AC) 個頭五顏六色, 速度奇快既右翼, 球迷都對佢寄以厚望, 結果係AC踢到不知所謂

17.哥利摩亞(ex-利物浦) 800萬鎊身價既佢,第一年的確打得幾好, 但係之後掛住嫖飲吹, 結果要去巴拉福特, 奧維多呢D小型球會

18.高高(ex-ac) 初出道比人話係新馬甸尼

可惜嘅一群.....大家俾啲回覆啦
作者: chong2002    時間: 2007-6-14 12:06 PM

真係令人心up呀...
好心唔好因為一陣既表現就叫佢地做天才or 明日之星啦
作者: arthur8088    時間: 2007-6-14 01:07 PM

Originally posted by timyu at 2007-6-14 12:02:
一閃即逝新星?

1.卡丹馬達利 (ex-...
where are 2,4,5,6,9,11,14...??
PASTE it out please~~~
作者: amigofans    時間: 2007-6-14 01:24 PM

Originally posted by timyu at 2007-6-14 12:02 PM:
一閃即逝新星?

1.卡丹馬達利 (ex-...
沙柏, 丹尼臣吾算下ma, 只不過係26 7果時吾係大家預期咁進步咁解o者, 即係似而家既希斯基, 基維爾果類.

萊爾更加吾可以算係啦, 假假地攞過世界杯, 南美自由杯, 只不過係成名早之後沉左落黎咁解o者, 同埋踢聖保羅, 有幾勁或者幾差大家都吾知啦, 都無得睇...
作者: Erocky    時間: 2007-6-14 01:54 PM

唉, 其實我覺得最可惜就係 15.蘭天尼，
係外型技術兼備既天才球員，
如果當年唔係炒車炒左鑊咁勁既，
我諗佢既發展應該會好好～
作者: Aristo~    時間: 2007-6-14 02:57 PM

7.美羅(ex-利物浦) 啱啱出嚟 ge 時候幫利物浦入咗好多 Money Goal , now冇咗影


美羅其實質數唔差
幣在撞正賓sir
賓sir既前鋒選擇係好特別既
佢放走巴士, 買入魔連迪斯, 高治
到賣走魔連迪斯, 買入比拿美
再加多隻古治..
前鋒配搭咁多選擇, 新兵都唔係場場正選
何況美羅呢
作者: Rated-R    時間: 2007-6-14 04:52 PM

迪斯拿~出度時外號德國奥雲,速高傳送一流更被譽為德國未來10年的楝樑,但無厘頭地傷完又傷,再傷,之後又因女友系黑人中女而染上精神病,結果收山
作者: khkeung    時間: 2007-6-15 02:44 AM

睇個名單咁多英國人就知
英國 d 所謂新星打好少少就比人盤上天
講到好那勁

真係笑大人個口
作者: amigofans    時間: 2007-6-15 10:23 AM

Originally posted by khkeung at 2007-6-15 02:44 AM:
睇個名單咁多英國人就知
英國 d 所謂新星打好少少就比人盤上天
講到好那勁

真係笑大人個口
我要攻擊你呢個偏見, 其實fans多既球隊都係咁架啦,

你吾講下代代都有馬勒當拿接班人既阿根廷? 列基美艾馬, 加拿度, 奧迪加, 沙維奧拿一出黎何嘗吾係比人捧到上天?

巴西都有丹尼臣, 法蘭卡......

意大利, 德國, 法國, 西班牙都有一大埋呢d球員,

你要數我陪你慢慢玩!
作者: Rated-R    時間: 2007-6-15 10:39 AM

李察胡禮~出道時是葉士域治鋼門,需打英甲仍能入選國腳,葉士域治升上英超更作出多個世界級撲救,繼而高調加入阿仙奴,可惜長期活在施文陰影下,從而走下坡,近年返回英冠揾錢
作者: tree728    時間: 2007-6-15 11:06 AM

新星呢個詞語被人亂用一通
明明只是一個年輕新人   踢得好少少
就比人話係新星    跟住轉會
轉會後   球隊風格唔同     踢法有所改變
大家都知   有幾多大球會一買個二十不足既新人會即重用啊
出場時間少    後生想踢多D波    被借去其它球會
踢得好既咪返返原本既球會囉    踢得唔好就慢慢消逝
一出道被記以厚望    壓力自然大
壓力唔係人人受得到   受唔到既新星一閃即逝

英超更多呢D"新星"既出現
當然其它國家也有  但不比英國多
英國D報紙出曬名   一有買左球隊用高價買年輕球員
就話係咩咩新星    當年有C朗   今有蘭尼
英國既球迷專愛自己既球隊   有D更加係瘋狂
新星   天材球員就係呢D人同報紙佬講出黎嫁

一買就新星?   唔使睇人地轉會後踢成點既?
未踢就比咁大壓力人   好聽D就磨練   唔好聽D就折磨
作者: amigofans    時間: 2007-6-15 11:29 AM

Originally posted by tree728 at 2007-6-15 11:06 AM:
新星呢個詞語被人亂用一通
明明只是...
呢d就係做年輕球員必經既, 受吾到壓力永遠做吾成巨星...

當年施丹被譽為新柏天尼, 結果96euro踢到一劈屎咁, 被人媽到飛起, 佢就係受得到呢d來自fans同傳媒既壓力, 先成為一代巨星...

你踢大國家, 踢大球會, 受壓係必然既, 朗尼, c7, 洛賓, 普度斯基, 卡卡都要面對呢d問題,
c7同卡卡就係可以克服到先有咁既表現!

碧咸, 大哨踢國家隊就係你彈極佢地都吾死,

相反好似班尼斯, 魯爾踢國家隊就麻麻地...受吾起壓力也, 邊個叫你踢英格蘭西班牙吾係踢列支頓士登...

所以要做star, 壓力係必然既, 無得怨!
作者: 王晶    時間: 2007-6-15 02:01 PM

中田英壽

打日職打到火紅火綠比佩魯賈睇中 之後轉到羅馬雖然拎到意甲冠軍
但係佢事業就面臨低潮 變成人球 國寶之名被中村取代 以29歲之齡收山

曲波

代表中國參加世青賽  光芒四射 引起熱刺注意並通過試訓 打算收歸旗下
後因勞功証影響 未能登錄英超 自此一蕨不振 只能在國內球會落班
作者: 王晶    時間: 2007-6-15 02:04 PM

Originally posted by timyu at 2007-6-14 12:02 PM:
18.高高(ex-ac) 初出道比人話係新馬甸尼
佢就唔抵爭 自己攞黎衰 比ac放棄仲唔知衰
去曼城試訓 一邊練波 一邊煲煙 皮雅斯即刻叫佢執野走 唔洗再試
作者: amigofans    時間: 2007-6-15 02:09 PM

Originally posted by 王晶 at 2007-6-15 02:04 PM:


佢就唔抵爭 自己攞黎衰 比ac放棄仲唔知衰
去曼城試訓 一邊練波 一邊煲煙 皮雅斯即刻叫佢執野走 唔洗再試
哈哈 皮雅斯真係正, 贏曼聯果次, 已經3比1, 科拿射吾成4比1, 佢發火兜野掟支水落地, 真係有性格
作者: Rated-R    時間: 2007-6-15 02:25 PM

雲達美迪~出度時是與洛賓,雲派斯及雲達華治齊名的荷蘭4大新生翼鋒,因名氣極盛而被國米收購,但未能打出水準,後轉投愛華頓,仍未能有脫變,自始被洛賓,雲派斯及雲達華治拉遠距離,成為一個半紅不黑的普通球員
作者: khkeung    時間: 2007-6-15 02:26 PM

唔駛咁激既 aimgofans

你要數其實大家好歡迎
可以得到更多資訊

但係英國一有個年輕人打好一兩場
就會上左天
什至有天價轉會
我指既 "笑大大個口" 只係呢個意思
你睇下呀 Nugant (not clear the spelling) 宜得話要幾錢?
只是對 Andorra 入了一球
就值 7M 以上

好難唔笑
作者: amigofans    時間: 2007-6-15 03:19 PM

Originally posted by khkeung at 2007-6-15 02:26 PM:
唔駛咁激既 aimgofans

你要數其實...
但其實度度地方都係咁架啦, 西班牙意大利巴西阿根廷德國都係一樣, 問題係英超曝光率最高咁解o者, 因為英語最多人識ma.

有幾多記者識西班牙文意大利文德文同葡文先? 睇得最多英超資料實以為係英國先係咁啦..

年青球員係寶黎既, 當年我都吾明車仔點解用成1000萬買個平平無奇既林柏特番黎, 過左4年我先明白!!

吾止你所講既紐根特, manu果2件都好貴, d.bent有傻佬用1800萬去買tim, 我都覺得好好笑,
但好笑歸好笑, 個遊戲係咁玩法, 你估拜仁買普度斯基吾洗用錢咩?

我吾係激, 係癲! 不過癲得黎都有條路既!
作者: tree728    時間: 2007-6-15 06:08 PM

Originally posted by filter-052fans at 2007-6-15 11:29 AM:


呢d就係做年輕球員必經既, 受吾到...
老實講   近十年出過既"巨星"有幾多個   兩隻手數得曬   
但又有幾多"新星"消失?

以你既例子
普度斯基被人叫到新星   今年不論國家隊定球隊都踢得差
大哨同魯爾都難再入國家隊    難作評論

新星唔係球員自己叫自己   而係報紙稱D新人叫新星
人地想唔想做星   大家都唔知   但無啦啦咁叫人
比壓力人    講得衰D   害人一世
作者: khkeung    時間: 2007-6-15 07:10 PM

1000m 買 Lampard 果時佢都叫有名有堂啦
係未到最勁姐

Podolski 今年係打得差     
起碼係世界杯真係打得好
攞左最佳新人
唔係只係被傳媒攪上天咁簡單

到到都有人被叫新星
我既重點係
英國自己果 d 係"特別"比人叫新星
同埋特別貴姐
我所指既貴
係身價遠超本身價值果隻貴

英球會有錢我無野講
但係唔值    貴好多   
就係事實

想加多個 point
由其係 keeper 位
英國既 keeper 就更加係好笑
我知少有既野係貴 d
但係 Kirkland 果陣打好幾場就 8m
我真係拍手鼓掌
作者: amigofans    時間: 2007-6-15 08:51 PM

Originally posted by khkeung at 2007-6-15 07:10 PM:
1000m 買 Lampard 果時佢都叫有名有堂...
再講一次, 基本上個trend係咁, 年青球員就值錢, 吾信自己check下世界各地高水準聯賽果d年青球員係咩價錢交易, for example, 皇馬買加高同希古恩用左幾多錢? 皇馬吾買加高, 你識吾識佢係咩水?

吾係英超先會吹大d年輕球員, 全世界都係咁既, 而家法國既馬賽拿斯利亦比捧到上天, 買佢亦係天價!!

大家覺得英超係咁, 係因為香港傳媒只識英文, 大家睇到有關英國以外既足球消息都係香港記者譯英國既報導既第3手消息, 就因為係咁, 香港人永遠吾會留意其他國家都係咁捧自己既明日之星!

你信d記者會上網睇下法文, 再話你知拿斯利有幾勁?
作者: khkeung    時間: 2007-6-16 12:34 AM

拿斯利幾勁我有眼睇
佢真係幾有 potential
如果佢都唔值 1800 萬 咁 D.Bent 就真係超硬直啦
作者: amigofans    時間: 2007-6-16 04:17 AM

Originally posted by khkeung at 2007-6-16 12:34 AM:
拿斯利幾勁我有眼睇
佢真係幾有 potential
如果佢都唔值 1800 萬 咁 D.Bent 就真係超硬直啦
你點知d.bent第日吾得? 施丹, 利維特20果時你知吾知有呢個人?

年代吾同啦, 而家係年青人有少少表現都會貴, 全世界係咁, not only 英超!



歡迎光臨 娛樂滿紛 26FUN (http://26fun.com./bbs/) Powered by Discuz! 7.0.0