娛樂滿紛 26FUN - Powered by Discuz! Board

標題: De Rossi踢咩位?? [打印本頁]

作者: mj1234456 時間: 2007-6-27 02:11 PM 標題: De Rossi踢咩位??

想問下踢羅馬個迪羅斯(De Rossi)係踢咩位?

係咪踢防中???同埋佢係左腳定右腳球員???

thx...

作者: ppcat 時間: 2007-6-27 02:26 PM

防中右腳

作者: peikasiu 時間: 2007-6-27 03:40 PM

CMF is better for him...

作者: sas 時間: 2007-6-27 03:47 PM

基本上防中，右腳

作者: 自由神 時間: 2007-6-27 03:51 PM

Originally posted by mj1234456 at 2007-6-27 02:11 PM:
想問下踢羅馬個迪羅斯(De Rossi)係踢咩位?

係咪踢防中???同埋佢係左腳定右腳球員???

thx...

一出度果陣打中場中，Winning既CMF
之後就攻擊中場又打過，防中都打過
而家o係羅馬，多數都係CMF
不過o係意國國家隊就打防中！

石腳好過左腳，不過左腳都得！

作者: sky308 時間: 2007-6-27 09:25 PM

佢cf 攻中防中都打得
但我個人覺得佢打cf 或攻中好d
因為佢射術唔差打防中好似浪費左少少

作者: 自由神 時間: 2007-6-27 09:26 PM

Originally posted by sky308 at 2007-6-27 09:25 PM:
佢cf 攻中防中都打得
但我個人覺得佢打cf 或攻中好d
因為佢射術唔差打防中好似浪費左少少

但係1.84m既身高，打防中可以清好多波嫁喎

總之就打咩都好啦！

作者: mj1234456 時間: 2007-6-27 09:39 PM

Originally posted by ppcat at 2007-6-27 02:26 PM:
防中右腳

icic

岩岩無聊無野做....睇番羅馬對曼聯場波

見到佢谷到咁上入球咁靚

仲以為佢唔係打防中tim

thx every body

作者: Edgar_Davids 時間: 2007-6-27 09:42 PM

我打 winning 鍾意用佢打中堅

貪佢夠靈活, 清波又準又快又靚~~~

作者: bigfish 時間: 2007-6-27 09:55 PM

上次睇佢踢波已經係曼聯入球 show o個場了

作者: 000595445 時間: 2007-6-27 10:00 PM

佢幾好波，皇馬上季都想簽佢!

作者: locklock 時間: 2007-6-27 10:49 PM

食羅斯

，羅馬未來旗手，托迪接班人，佢下一個接班人都有了，
就係ｕ２１意大利既阿古蘭尼，羅馬中場真係人材仔仔！

食羅斯其實兩隻腳都咁勁，兩隻腳都可以遠射，
打法有點像派路，身材比派路更好。

回歸10週年了！

作者: Kian76 時間: 2007-6-27 11:31 PM

Originally posted by locklock at 2007-6-27 10:49 PM:
食羅斯，羅馬未來旗手，托迪接班人...

佢似派路~~~=.=第一次聽~~~~

迪羅斯無諗點樣睇都唔似派路~~~~sosad~~~~佢反而似西班牙既巴拉查，唔係乜野較炮手，但就係一個中後場既連接關鍵，後上勁，活力夠，但佢相比巴拉查有更強的活力，更強的後上入球能力，但當然大局觀較巴拉查弱。

再者，阿古蘭尼只係細迪羅斯少少，咁就叫接班？？sosad~~~

阿古蘭尼反而係謝拉特式既全能中場，活動範圍大，進攻意識及後上得分能力更強，但當然，相對地防守能力較弱。但他的腳下功夫係更加幼細，即係佢係技術幼細版既謝拉特，卻沒有謝拉特既力氣。

[ Last edited by Kian76 on 2007-6-27 at 11:42 PM ]

作者: hoderek 時間: 2007-6-28 10:53 PM

迪羅斯係托迪接班人?嘩...笑死......佢完全唔係前鋒既資質.....都唔識盤球突破
射波都只係屬於防中類型既後上硬射.....叫佢射curling收得皮~

作者: ppcat 時間: 2007-6-29 03:36 PM

Originally posted by hoderek at 2007-6-28 10:53 PM:
迪羅斯係托迪接班人?嘩...笑死......佢完全唔係前鋒既資質.....都唔識盤球突破
射波都只係屬於防中類型既後上硬射.....叫佢射curling收得皮~

話佢係接班人根本同打法無關第一任羅馬王子簡連尼究同托迪打法唔同落
你睇下人地射d波先啦
http://www.hk-soccer.com/portfolio_of_player/2007/06/daniele-de-rossi-new-roma-prince.html

邊個笑死人??

作者: locklock 時間: 2007-6-29 04:43 PM

Originally posted by ppcat at 2007-6-29 03:36 PM:
話佢係接班人根本同打法無關第...

其實好多人都係想當然咁認為托迪係無敵，無人可以替代，
但係托迪王子，現在應稱之為王帝，都有番咁上吓年紀了，
羅馬一直都在找和他一樣模式的接班人，先要條件是有番咁上吓身材，
和靚仔，才有做王子的體格，而迪羅斯和阿古蘭尼兩者都有這種氣質，
但要三代同膛咁係個場上面踢，又唔想佢地撞位，
所以迪羅斯和阿古蘭尼都會打後少少，比托迪頂在前面，
其實他們兩者都可以打托迪個位，但一隊波無理由全部人一齊向前插，
所以其實現在的羅馬和以往一樣都有三叉擊，只係向後移，往了中場，
而反觀前場就無前鋒，十分有趣的陣式，詳情真係要問問史巴利堤，
將來無佐托迪，迪羅斯或阿古蘭尼會再往前一點，到時就會變成第二和第三個托迪。
托迪重炮十分出名，而迪羅斯亦有重炮，阿古蘭尼在Ｕ２１意大利用重炮收卡臣檔！

回歸10週年了！

[ Last edited by locklock on 2007-6-29 at 04:45 PM ]

作者: ppcat 時間: 2007-6-29 06:14 PM

Originally posted by locklock at 2007-6-29 04:43 PM:

其實好多人都係想當然咁認為托迪係...

迪羅斯出道個時打艾馬遜個位到現家打防中(再前少少係比沙路柏路達或者泰迪) 都未試過打前好難話佢頂到托迪個位
二來阿古一開始的確打攻中呢兩年俾史巴拉堤轉打中場中但佢只不過是後備轉型是因為史帥發掘佢能力就算托迪腳傷缺陣個後時間都無用阿古打托迪個位到現家佢都係同比沙路輪流打cmf 又何來為了唔同托迪撞位而後移呢?

作者: Kian76 時間: 2007-6-30 01:39 PM

Originally posted by ppcat at 2007-6-29 03:36 PM:

話佢係接班人根本同打法無關第...

其實羅馬王子之名有幾個重點要求：

靚仔
球隊名氣最大之一
土生土長
踢法優雅
球隊的最重要影響力選手

而羅馬皇帝只有一個，就係科高。
之後任何笨合這些條件的本土選手就會請稱為羅馬王子。

而暫時傳了兩代，第一代是簡連尼，較為像一個中場司令塔多一點的球星，即是較像舊式攻擊中場一樣。但一樣靚仔+腳法秀麗，被人形容為魔術腳。

而之後到托迪，他比簡連尼踢得更直接，是完美的九號半球員，一樣是球隊最重要的球員，也靚仔，而且腳法也同樣秀麗令人意想不到。

現在兩位候選人：迪羅斯和阿古蘭尼，每人都有著不同的足球風格，要阿古蘭尼接迪羅斯班是不可能的，因為他們年紀實在太接近，所以只有一個人能成為真正的羅馬王子接班人。

先論外表，迪羅斯五觀也不差，也幾靚仔，但可惜他的靚是健康型，而且更剪個青頭~~~而阿古蘭尼也靚仔，但也繼承了托迪、簡連尼的一頭長髮型像，是意大利典型小生。

名氣：暫時迪羅斯還遠大於羅馬第12人阿古蘭尼，但不可忽視的就是阿古蘭尼在U-21的搶鏡演出，相信己大大引起球迷們的注視，而相關的轉會消息也傳出了，費倫天拿正打著阿古蘭尼的主意，這是成名的第一步呢！！！

土生土長就更用多說了，大家也是土著來的。

跟法優雅：這方面迪羅斯便不能與阿古蘭尼相提並論了，迪羅斯初出道時是中場中後上重炮為主，當時的迪羅斯所展現的是後上時機出奇地準確，而且他的足球智慧也很高，踢法非常聰明，這是托迪的其中兩項強項，但及後迪羅斯開始決澤發展方向，始終他的前方有托迪和卡斯辛奴，所以迪羅斯必然選了後移，而這決定也是對的，因為迪羅斯雖然有高度的足球智慧、後上攻門能力強以及強壯的體魄，但卻有一個最大的弱點：腳下功夫粗糙！！！他停球的能力很弱，把他放在前場與其他前腰一比拼便完全是兩回事，但若放他在後場，他這弱點便不太被重視，而且他強勁的身體能力更能得到充份的發揮，到最近這一季迪羅斯的停球能力才開始得到較明顯的提升而己。

而阿古蘭尼方面，他一出身就是攻擊中場，但卻更多被放在左、右中場，初頭他不太習慣放在邊線，他抱怨過，而他的優點是高身及速度不錯，而且腳下功夫實而不華，控球能力強，很多基本功也很熟練，但身體對抗性實在太弱，不能放得太後，所以在前場成長的他也只能當一個後備，而且更遇上重傷......不過今季的阿古蘭尼開始初步成熟，就連他之前抱怨過的左、右中場位置他也能踢得頭頭是道，活躍非常，而且在中場中路時，他的控球能力為羅馬中場線提供了一個很好的節奏控制器，他那比迪羅斯更可怕的後上意識也造就了他經常取得入球或攻門機會，現在U-21中發現他連罰球也精通了，他的這些優點很難不拿他與托迪相比較，但以位置上來看，他反而更像簡連尼~~~

對球隊的影響力：這方面迪羅斯就勝了，因他踢的是4141的關鍵位置之一，單一防守中場，他踢的位置是中場最後的，要負起最大的防守責任，這方面今季的迪羅斯成長了很多，防守時不再只懂食牌，更多的是成功安全地攔截，而且還能保持一定的後上攻門表現，後上分球也經常出現，雖然這也要歸功於史巴研列堤對陣式的調教，放兩名有防中經驗的派洛達、比沙路在前面，甚至是時前時後的阿古蘭尼，也能與之做出你上我回的效果，令羅馬攻擊時更難以捉摸，現在要找到一個足球智慧如此強而且攻守能力如此全面的防守中場球員踢羅馬這位置，相信很難找了。而阿古蘭尼的重要性就或於為球隊提供變化，他是意大利足球裡非常少有的謝拉特式中場選手，他在中場所帶外的攻守活力和強大活動範圍是為羅馬很重要的變化，但他始終也是後備選手，在重要性之上難與迪羅斯相提並論。

最後，我個人總結就是，我會較看好阿古蘭尼正式當上羅馬王子。

歡迎光臨娛樂滿紛 26FUN (http://26fun.com./bbs/)