娛樂滿紛 26FUN - Powered by Discuz! Board

標題: 錯了後~失去後~迷失後~靜待了~ [打印本頁]

作者: Kian76 時間: 2007-7-19 11:18 PM 標題: 錯了後~失去後~迷失後~靜待了~

早前曾發post說過一件對我來說很難接受的事，最後証實了是誤會，我錯了，我誤會了我的朋友，原來他只是為了一個很久遠的言語之爭而故意在我喜歡的人面前踢爆我，不是想追我喜歡的人。而且其他很多事也出奇地巧合~~~

但~~~壞事情終是不停地出現，也是最絕望的事情，我愛的人，再一次與她的EX走在一起了，是早幾日的事~~~~

我告訴她我接受不到，她對我說還有更好的女孩，不要為了一棵樹放棄整個森林，我很心痛，很心痛~~~

我迷失了好幾天才打得出這個post，我不想放棄，但前日聽了她說她與她的EX相處得開心，早就知道了，熱戀期~~~~但還是很失落，我也只能虛偽的對她說：開心咪好囉~~~最驚你唔開心姐~~~

我決定明天send一個sms告訴她無論何時何地有需要我的地方，想找人傾訴、幫忙，也可以找我，我一定會去幫去聽，我不再想強求改變甚麼，只要你開心便夠了，最緊要你唔好忘記我便很滿足了。

我決定給自己半年時間，靜待她那不知會否一直不響起的聆聲~~~~

作者: mcsimon0574 時間: 2007-7-19 11:25 PM

樓主...變左心既女人..有時真係好難去變...
我唔係話唔支持你去等你女朋友,,,
拎你d誠意出來....盡左力都問心無愧......

作者: 自由神 時間: 2007-7-19 11:36 PM

唉！你其實一早有曬心理準備嫁啦！
你唔係真係接受唔到呀？

等？半年？半年之後又半年！
你想等呢個女仔幾多年呀？
我知！我知你仲後生！
大把時間去等
有緣既，最終都會o係埋一齊呀！
但係你點知自己係咪佢最後果一個男人呀！

個女仔係咪騎牛搵馬呀？
心照啦！
咩叫出面仲有大把好女仔？
佢唔通認為自己真係好女仔？
佢係好女仔既，就唔好拖拖拉拉咁玩你咁耐啦！
一句到尾：受定唔受！
佢就係唔講受唔受，不斷要你估，不斷要你煩

最終？佢搵到第二個啦！
你呢？開始都開始，你就被取消資格啦！

放手啦！佢心入面根本由頭到尾都無你嫁！
佢過一排同而家呢個分手，就會番黎煩你，之後又出現第三個
我明！愛一個人唔需要得到佢。
只要佢開心就夠，係咪？
不過值得咩？
佢真係咁好？

講真！叫你一事間忘記佢好難
不過...........呢樣係對你最好既方法
你諗清楚啦！
你一日唔主動放手，你一日都唔會度過呢個階段嫁！

作者: 'nice' 時間: 2007-7-20 01:01 AM

Ex?點解她會選返她的Ex先?如果她可以選返她的Ex的,唔擔保她遲D都會選返你呢個"EX"!! right?
你自己想清楚究竟你係未真的鍾意她,or為口氣想爭返個女朋友先?

我覺得你俾一段時間自己冷靜係正確的,你可能起呢段時間裡發現你更加愛你的Ex,或者有你真正的lover出現呢~ 努力面前先係正確的!!

作者: specificness 時間: 2007-7-20 09:53 AM

你那個想send的sms我個人覺得不send也罷。因為，這個message她應該一早就知道的了。她知道了，但仍作出這個選擇，就表示這個sms對她來說是「多餘」。在這個狀態下，她收到你的sms，如果不至於嗤之以鼻的話，至少會無動於衷，應該不會被你的message感動到；這無疑是自己再割自己一刀，傷上加傷。

原諒我選擇用這種殘忍的方式去表達，因為我認為，你覺得我對你殘忍點都好過她讓你覺得她對你殘忍。我對你來說只是一個不相干的人，你覺得我對你殘忍，你最多不過詛咒我；之但係，若你覺得她對你殘忍的話，可以想像對於你那是多麼的痛苦。

既已成事實，我覺得你應該勇敢面對，展望將來。不是說甚麼「節哀順變」的話；想表示的是，你只有振作（即使痛苦地、即使是「裝作」），你才會有將來的可能——不論是與她復合的可能，還是發展另一段更美好的感情的可能。因為，假設你只愛她一人，若你不斷像這幾天沉淪下去，那只會令她覺得你是一個拿不起、放不下的人，跌倒了不能自己爬起來，絕不能附託終身；這只會令你的情況更壞。只有努力振作，才能有機會令她對你令眼相看。與期去send這個sms，不如將這份心意留在心中，保護這份心意，不要現在把它講出來，令它受傷，等有一日機會來臨時，才將這份心意展現出來。

假設你們將來不能在一起，那你不斷這樣就更傻了，因為這無疑令你心目盲了，看不到四週更綺麗的美景。只有振作，你才能開拓另一個眼界。我又覺得不必抱著「要活得比你好」那種偏激的心態，因為我們活著雖然不必只為了自己，但也不是只為了愛情，「要活得比你好」就隱含了「我活著只是為了你，就算不能為愛你而活，至少要活得比你好」——其實這表示你的活著仍是離不開她。其實我們活著還為了許多人許多事呢，為了許多其他愛你的人，為了你的父母家人，為了你的好友，為了你的事業與理想。到有一日，你發現人生是多麼的多元化、人生有太多更有意義的事之後，驀然回首，你就會發現今天的痛苦已經過去了。

這是過來人之言。我受這種沉淪之苦的日子絕對不會比你短的。我知道這些不必是今日就立即做得到，但最好心中有這個目標，幾天的沉淪過後，可以比較快的嘗試去站起來，不似我用了這許多日子。讓自己放任地傷心幾日罷，但記得，幾日好勒，幾日之後，就要回來，就要振作。祝你早日康復，也希望早日見到你振作。

[ Last edited by specificness on 2007-7-20 at 10:39 AM ]

作者: 小强 時間: 2007-7-20 01:48 PM

點解將你顆心封鎖起來﹖

擔心你再傷一次會起唔到身。。。。

作者: saron135 時間: 2007-7-20 03:43 PM

it is silly

作者: 自由神 時間: 2007-7-20 11:03 PM

Originally posted by saron135 at 2007-7-20 03:43 PM:
it is silly

我知！你好clever，不過都唔好當所有版友都silly先得嫁
至少呀！你唔好當戀愛版既版主係silly先得嫁！
你回親都話人silly ppl，你又唔話俾人知你有幾醒！

http://www.26fun.com/bbs/viewthr ... p;page=1#pid2180574
http://www.26fun.com/bbs/viewthr ... p;page=1#pid2245768
http://www.26fun.com/bbs/viewthr ... p;page=1#pid2212770
http://www.26fun.com/bbs/viewthr ... p;page=1#pid2209150
http://www.26fun.com/bbs/viewthr ... p;page=1#pid2140465
http://www.26fun.com/bbs/viewthr ... p;page=1#pid2154305
http://www.26fun.com/bbs/viewthr ... p;page=1#pid2157728

作者: luxiaofung 時間: 2007-7-22 04:26 AM

sigh...why still have to wait her again?look another girl better man

作者: Kian76 時間: 2007-7-22 07:02 AM

多謝大家給了我很多很多的鼓厲及意見，這是我沒有找她的第三天，睡不著~~~~

有時候靜下來又會再一次想起她~~~~

我看還是要時間去治療這感覺吧......但我己決定在月尾她生日時送上一束花以表心意，留下一張字條希望她收到後會開心，但我己決定末來一個月內也不會主動找她，除非她找我。

作者: Kian76 時間: 2007-7-23 12:44 AM

今晚一定要訓，再唔訓我驚我崩潰~~~但一訓就會發夢~~~~上次發夢佢同佢個EX在地鐵車廂中~~我望住佢地，最後佢望倒我之後我醒左~~~~但其實我末見過佢個EX的，但夢中佢個EX係一個傻氣十足既肥仔~~~sosad~~~~

作者: GoodPic 時間: 2007-7-23 04:14 AM

月頭女朋友分手同我分手　佢話對我無哂Feel　但係我仲愛佢　頭３日真係好難去過　比ｄ時間比自己喇　用兩個星期比自己發洩　喊又好　咩都好　兩個星期攪掂佢　放唔低好辛苦　...

（分手後十日　我係街見番我個EX.同緊第二個男仔拍拖 ...　最初大家都話過唔明心可以搵番大家傾下msn　或者做番朋友　講真　其實係自已呃緊自己）

[ Last edited by GoodPic on 2007-7-23 at 04:20 AM ]

作者: trista_cheong 時間: 2007-7-23 01:18 PM

Originally posted by 自由神 at 2007-7-20 11:03 PM:

我知！你好clever，不過都唔好當...

咁clever 每個silly 就deserve 5分﹐既然咁聰明﹐我就唔delete佢d 咁有見地ge post la~

順便一提：係戀愛板﹐真誠分享加分澎澎聲﹐所有涉及人身攻擊或無意義post 扣分都扣得澎澎聲ga~~

作者: trista_cheong 時間: 2007-7-23 01:19 PM

Originally posted by Kian76 at 2007-7-22 07:02 AM:
多謝大家給了我很多很多的鼓厲及意見...

唉.............. 都唔知年中有幾多傻佬栽係呢d女仔手上............

Kian 你太傻啦﹐何必要浪費心思係呢d 你口中ge"好女仔"度呢?

一個好女仔如果明知同你冇可能會斬釘鐵鐵同你講bye bye(甚至儘可能唔好令佢唔鐘意ge人愛上佢)﹐起碼唔會好似依家咁﹐成日搵水泡﹑隱隱約約俾人希望﹐就係想有一份被好多人追GE 優越感JA..........

不過當局者迷﹐睇黎都係要大大鑊痛一次你先識醒./...

[ Last edited by trista_cheong on 2007-7-23 at 01:22 PM ]

作者: red0011101 時間: 2007-7-23 01:38 PM

放棄 la.......if not.......... only 痛 exist

作者: lastwing 時間: 2007-7-23 02:20 PM

時間係愛情既最佳見證．．．
我地可以係好短時間裏愛上一個人，但係要用好長好長時間，先發現自己其實沒有自己以為的那麼愛他．．．
愛不對人就不要太認真，當做一次人生的經歷吧！但如果愛錯仲要執迷不悟，你可能會因此錯過一段更美好既愛情，而且你係折磨緊自己．
唔好諗住你係電視劇既男主角，個女主角會有朝一日會回心轉意返去你身邊．．．
用另一個方向睇，佢可能唔係女主角，只不過係一個小小既女配角，唔好再浪費時間係佢身上，搵一個愛你既人，搵一個真正既女主角．

作者: cgdmzlam 時間: 2007-7-23 04:12 PM

人地講果既說話
我重黎重去都無意思

我只想講一句：『私自變左心既女人，你唔值得同情佢，唔值得再為佢做任何野』

作者: belate 時間: 2007-7-23 06:24 PM

Kian你好,

好似大家咁講,除非佢同返你一齊,如果唔係你一日放唔低,一日都會唔開心落去..

其實你可以由佢既角度諗吓呢件事,

就好似你同一個女仔一齊,有d好感但又唔係好鍾意佢,對之前個女朋友反而仲鍾意,仲一直等緊另一個更加啱心水既女仔出現...
你同呢個女仔一齊,只不過係想有人陪,有人錫...
到咗有一日,你以前個女朋友搵返你,你有得揀,當然揀個自己鍾意d既,而放棄呢個女仔..
個女仔做d咩會令你鍾意佢多d?
好難架喇...

你明白嗎?

佢有幾鍾意你?我可以肯定答你唔多.

有第2個啱心水既男仔出現,佢又可能放棄佢個ex.
就算佢好專一,同ex.好開心一齊好耐都好....佢鍾意你既程度都唔會改變

希望你諗得通,日後遇到個都咁鍾意大家既女仔.

作者: k248806990 時間: 2007-7-23 08:00 PM

DDDDDDDDDD

作者: k248806990 時間: 2007-7-23 08:01 PM

DDDDDDDDDDDDDDD

作者: SCM 時間: 2007-7-23 08:04 PM

Originally posted by k248806990 at 2007-7-23 08:01 PM:
DDDDDDDDDDDDDDD

你玩夠未!!!!!!

作者: Kian76 時間: 2007-7-23 09:25 PM

多謝大家，我決定了，最後的一個嘗試，失敗的話便死心，應該話她無動於衷的話便撤底死心，今個月尾她的生日，我會送上一束鮮花到她的公司，當然不是我親自送，而是叫花店送貨，裡面放一張心意咭希望她開心，且看她會否給我一個回應，不回應的話我也不會再去發夢了。

而今日也如常沒有找她，直到她生日，才會送上那一束花和一個生日短訊。就是這麼簡單。

[ Last edited by Kian76 on 2007-7-23 at 09:27 PM ]

作者: belate 時間: 2007-7-23 10:08 PM

我都明白,乜都唔做好似唔知點咁,所以佢生日送花同send短訊都好..

但希望你心入面要有最壞打算...

佢無反應,你可以死心,咁反而仲好.

我驚佢對你拖拖拉拉,講d:"仲有d鍾意你","有時都會掛住你"...呢d說話,但佢依然同個ex一齊...

到時你唔好覺自己仲有機會,等佢返你身邊呀...
你可以直接問佢:"咁你揀我定你而家個男朋友?"佢話俾時間佢諗又好,唔知又好,你俾一個時限佢啦.(雖然佢咁答已經等於答咗..)例如5日...都唔揀你既話,就放棄喇.

如果唔係一路俾佢拖落去,你既傷心亦只會延長....

立定決心啦!!!我信你可以既!

作者: 自由神 時間: 2007-7-23 10:16 PM

Originally posted by Kian76 at 2007-7-23 09:25 PM:
多謝大家，我決定了，最後的一個嘗試，失敗的話便死心，應該話她無動於衷的話便撤底死心，今個月尾她的生日，我會送上一束鮮花到她的公司，當然不是我親自送，而是叫花店送貨，裡面放一張心意咭希望她開心，且看她會否給我一個回應，不回應的話我也不會再去發夢了。
而今日也如常沒有找她，直到她生日，才會送上那一束花和一個生日短訊。就是這麼簡單。

回應？你想要咩回應呀？
無動於衷的話？你想佢點？

想佢同你講：我而家同男友分手，同你一齊！
定係.....定係你想同像講：你係好男人，不過我無呢個福份同你一齊！
定係：我心仲有你o係度嫁！

你真係認為呢D大話好好聽？

我明白佢o係你心目中既地位
我明白你為左佢點都得，等一世都得呀ma！係咪？

你花可以送，sms可以send
不過你唔好期待佢既回應啦！
你當係送俾佢既最後祝福啦！
已經完結嫁啦！你諗清楚啦！

作者: trista_cheong 時間: 2007-7-23 10:36 PM

Originally posted by SCM at 2007-7-23 08:04 PM:

你玩夠未!!!!!!

我諗佢唔想都要玩夠ga la~

作者: eric911 時間: 2007-7-23 11:34 PM

熱戀是目中無人的﹗你的她既然走了，由她吧﹗不要存厚望她會回到你身邊﹗
戀愛有時也要現實一些，分開了就盡量不要聯絡，她悶、想找人傾訴，也未必會找你。就算真的找你，她也是想有個人依靠一下，令到自己有點安慰吧﹗你要決心去忘記她，不然，你會很辛苦的。她走得一次，也可走第二次，所以她已不再享受和你的日子了，你也要重新振作，再找一位真的喜歡你的她。

作者: Kian76 時間: 2007-7-24 08:40 PM

我清楚了，我會盡可能抽身出來看，不希望糾纏著不開心。

作者: 自由神 時間: 2007-7-24 10:54 PM

Originally posted by Kian76 at 2007-7-24 08:40 PM:
我清楚了，我會盡可能抽身出來看，不希望糾纏著不開心。

你諗通啦！
真係醒！

作者: trista_cheong 時間: 2007-7-25 12:29 PM

Originally posted by Kian76 at 2007-7-24 08:40 PM:
我清楚了，我會盡可能抽身出來看，不希望糾纏著不開心。

極級抵錫

睇到呢個版個個都咁有心﹐好感動

作者: specificness 時間: 2007-7-25 02:41 PM

Originally posted by Kian76 at 2007-7-24 08:40 PM:
我清楚了，我會盡可能抽身出來看，不希望糾纏著不開心。

絕對係值得慶賀的事！！你咁快就想清楚，真係難得！

想是一回事，做好多時又是一回事，也許仍會有好一段日子不開心的，但不要氣餒，那些日子一定會過去的。不開心的話就到這裡大家談談天罷

又或者是我過慮了，可能你明天就生龍活虎！

總之一切隨緣罷，不要困自己在痛苦當中，也不必要刻意要扮作即刻完全無事，要求自己立即開心，令自己困在另一個痛苦當中。

作者: Kian76 時間: 2007-7-26 07:02 PM

而家抱自由身既心態去活著，己一段時間沒有找過她，但當然，我一樣會送花，送上心意咭，但這可能是最後的心意~~~

不過唔知係咪太過剋意去做自由身，跟一些一向關係比較密切而又沒有開始過的女性朋友講野開始語無倫次~~~完全正經唔倒~~~~唉，唔知點解會咁，覺得自己傾得好輕挑好隨便咁~~~~但唔知點解反而唔知點解約左出街~~~~~我仲係迷一樣唔知點解~~~~~又唔覺開心，又唔係唔想，唔知點咁。

作者: 自由神 時間: 2007-7-27 09:50 AM

Originally posted by Kian76 at 2007-7-26 07:02 PM:
而家抱自由身既心態去活著，己一段時...

可能兄弟你，之前有好一排時間俾個女仔用曬你所有心機
以致而家面對其它女性朋友唔太習慣姐。

你約其它女仔出的街係好開始黎嫁！你要加油呀！

歡迎光臨娛樂滿紛 26FUN (http://26fun.com./bbs/)