Board logo

標題: 英軍正選何去何從？ [打印本頁]
作者: eric911    時間: 2007-9-13 05:04 AM     標題: 英軍正選何去何從？

相信無人會想到巴利、希斯基、胡禮仔可成為英軍回魂丹，羸了以色列不算甚麼，俄羅斯亦只是比以色列好少少，但至少睇到英軍踢出了隊型，和各球員的分工清晰。這11人也踢得咁順，到底林伯、DB23、加利仔、夏格維斯傷癒後，麥記怎辦？細看希斯基的頂上二傳功夫，比高洽的名中率還要高﹔巴利的全場奔走兼遠距離傳送，又比林伯穩定﹔DB23傳球無人能及，但胡禮仔的高速過關斬將亦不差呀﹗加上年青力壯的李察士，加利仔在後備席廂亦應無問題吧﹗而在夏格維斯表現不差的情況下，可憐的巴利大有機會成為「過客」﹗(法國主場輸波，輸死埋人﹗)
作者: amigofans    時間: 2007-9-13 09:11 AM

Originally posted by eric911 at 2007-9-13 05:04 AM:
相信無人會想到巴利、希斯基、胡禮仔...
其實加利仔碧咸呢對雙寶礙於年紀, 世杯之後已經逐漸淡出,
碧咸個位一早有swp同連農, 而家加利仔個位李察士睇黎已經成功上位,
碧咸同加利仔又未至於要擔心唔入選, 但隨住呢次新人既成功表現,
加速左佢地做後備或唔入選既機會...

至於夏格維斯, 相信仍然係防中首選!

其實我覺得要問何去何從既反而唔係上述幾位, 要擔心自己前途既反而係...

布歷治, 迪科爾, aj 同卡域克等....

巴利同希斯基上位係直接衝擊佢地既入選機會 !!

個人覺得巴利終於吐番口烏氣, 其實佢早該入選, 仲應該係正選!
因為佢上年已經好狀態過什麼 a.cole,布歷治呢d明星球員,
奈何麥生反應遲鈍咁解....

希斯基亦係因緣際會, 佢番得到黎國家隊, 絕對要多謝高洛治...
不論艾歷臣, 賓尼迪斯到麥卡倫都想佢打希斯基果家波,
只可惜高洛治係技術形鍾意用腳多過個頭....

佢咁玩亦間接玩死同owen打法相類似既aj同迪科爾....
因為連英國d老鼠都知 rooney同owen係一定會入選既...
作者: amigofans    時間: 2007-9-13 09:18 AM

Originally posted by eric911 at 2007-9-13 05:04 AM:
相信無人會想到巴利、希斯基、胡禮仔...
而於法國, 其實仲簡單不過, 佢地由施丹第一次退出國家隊開始,
到到現在, 根本無解決過個問題, 無左施丹, 到底係點踢既呢?

個人覺得06世杯仍要重用施丹, 雖然入到決賽但要付出代價,
佢繼續踢係直接阻礙列貝利上位, 同阻礙亨利擔大旗既機會....

即如果當年舒利亞賴死唔走, 又或者艾歷臣唔係咁夠膽色,
朗尼有無咁快可以上到位 ??

無左施丹既法國, 又變番果隊渡識入波既法國....唉...
作者: capicapi    時間: 2007-9-13 10:11 AM

我覺得....英格蘭唔應該再用雙特戰術....
同埋要比多d機會 d 冇咩名氣但又好波ge 人..
巴利就係其中之一
作者: chicken    時間: 2007-9-13 10:32 AM

Gary & Beckham must be out because they are over 30 and now W.Philips & Richards can replace them.

Gerrard, Lampard can not be playing at the same time because they are too similar in playing style.

Plus England really need a powerful forward like Heskey to suit their tactics. So Owen and Rooney should not be playing at the same time too.
作者: sas    時間: 2007-9-13 03:10 PM

佢成日用死雙特
根本一路都唔比機會其他人
攪到英格蘭好似來來去去都係得果幾個人咁
現家1個2個傷晒
焗住用他人，你睇功效幾咁顯著
無礙林8係國家隊的成績完全比唔上係車仔
理應放棄林8
謝4都還比較好
雖然呢兩場的對手並唔係咩強隊，但當練兵亦不失一個好機會
作者: 男生圍    時間: 2007-9-13 03:26 PM

我覺得雙特應該唔用林8
用哂2個好似多左個咁冇咩實力既增強
唔用一個用其他人可能會好d
謝4好明顯勁過林8
so 唔用林8
作者: lsths    時間: 2007-9-13 08:56 PM

夠薑就用依個陣︰
                   科士打
    a高爾   費迪南  泰利  李察士
        巴利   夏格維斯  碧咸
        奧雲   希斯基  朗尼
作者: 艾力克    時間: 2007-9-13 10:05 PM

Originally posted by capicapi at 2007-9-13 10:11 AM:
我覺得....英格蘭唔應該再用雙特戰術....
同埋要比多d機會 d 冇咩名氣但又好波ge 人..
巴利就係其中之一
其實全世界都知依個道理, 但偏偏麥卡倫就因為輿論壓力而出最出名o個幾個
逐個計, lampard, gerrard係好過barry, 但依幾場都睇倒個synergy effect, 希望麥生醒覺啦
作者: amigofans    時間: 2007-9-13 11:08 PM

Originally posted by sas at 2007-9-13 03:10 PM:
佢成日用死雙特
根本一路都唔比機會...
其實我唔相信 "雙特" 擺晒比黎唔得,
因為利物浦都可以出 謝拉特+艾朗素
車路士都可以出 波歷克+林柏特...

人家一樣打得咁好, 點解會唔得...
個問題絕對唔係謝拉特或林柏特身上,
而係d領隊!!
作者: 艾力克    時間: 2007-9-13 11:41 PM

Originally posted by filter-052fans at 2007-9-13 11:08 PM:


其實我唔相信 "雙特"...
乜波歷克+林柏特打得好好咩
作者: jincaunhoo1103    時間: 2007-9-13 11:50 PM

就算係利記，謝四都要跟邊黎就沙比啦，始終要雙特踢中路暫時都係叫失敗，無場好過咁濟。
作者: Foxcom    時間: 2007-9-14 01:54 PM

Originally posted by filter-052fans at 2007-9-13 23:08:


其實我唔相信 "雙特"...
可能你的說法是對, 而麥卡倫甚或之前的領隊都各有一定的問題, 但有甚麼理據來支持問題不是雙特本身而是領隊呢? 始終雙特合作多年幾乎都沒有多少場好戲做過, 有這種假設想法(雙特問題)看來比較合理

而且上屆用波歷克拍林伯特, 車仔確是沒有前屆的無堅不催, 這當然有很多其他的因素影响車仔的表現, 但他們各自都沒有了前屆的鋒芒表現卻是事實

不過, 其實雙特是否同場也不重要, 只要英格蘭試到咩陣能最強化他們的戰鬥力便成
作者: mikeycwebb    時間: 2007-9-14 11:25 PM

其實我仲想睇多一個人 - 路蘭
上季打得咁好都入唔到選...真係好可惜！
作者: hongkongpeople    時間: 2007-9-15 09:24 PM

我想針對不同對手用不同的組合吧...........
作者: chesta    時間: 2007-9-17 12:31 AM

Originally posted by mikeycwebb at 2007-9-14 11:25 PM:
其實我仲想睇多一個人 - 路蘭
上季打得咁好都入唔到選...真係好可惜！
路蘭已經有好幾年表現得十分出色了,
可惜不是效力大會，
所以一直也沒有得到國家隊的徵召。
唉，
究竟實力緊要還是名氣緊要？
真希望路蘭、巴利之輩早日出頭，
替一眾實而不華，
而又一直努力不懈的球員爭一口氣。
作者: 20001160    時間: 2007-9-17 12:44 AM

數多個
柏加
作者: amigofans    時間: 2007-9-17 01:05 AM

Originally posted by chesta at 2007-9-17 12:31 AM:


路蘭已經有好幾年表現得十分出色...
話雖如此, 但當d對手再唔係以色列或俄羅斯之流,
當佢呢兩場既高峰狀態回落之後, 俗語所謂"過左度氣"之後...

相信大家會睇到巴利同夏格維斯, 謝拉特同林柏特既分別所在...

個人覺得佢係應該入選球隊之中, 係主力一定唔係佢!!



歡迎光臨 娛樂滿紛 26FUN (http://26fun.com./bbs/) Powered by Discuz! 7.0.0