標題:
[轉貼]惹鬼陰童
[打印本頁]
作者:
wer
時間:
2007-9-23 09:33 PM
標題:
[轉貼]惹鬼陰童
惹鬼陰童
「喂！哦……你o地已經到o左機場哪？好o既好o既！我而家馬上o黎接你o地。」說罷，CY便漡q話掛斷，並回頭向拿拿淋說：「我今日想走先，我表哥一家人由加拿大返o黎香港，我而家去機場接機。」
拿：「反正我今日都冇特別事，我陪埋你一齊去o勒。」CY和拿拿淋一同離開事務所，駕車往機場接機，CY跟闊別多年的表哥、表嫂見面，彼此都十分高興，並互相問候一番。
CY表哥向自己的兒子說：「小志，叫人啦！」
小志一言不發，不但不肯跟CY和拿拿淋打招呼，還躲在母親背後，好像對CY抱有戒心。
CY表嫂溫柔地問兒子：「小志，你做咩呀？點解唔叫人o牙？你平時好乖o架？」但小志十分堅持，怎麼也不肯與CY接觸。
CY表哥有點惱怒，說：「小志，你再唔叫人，我就罰你……」
CY馬上打圓場，說：「算啦！細路仔怕生保，我同佢又未見過面，佢驚我都唔出奇。」
CY表嫂維護著兒子，「係呀，生保o牙！小志見多幾次表叔就唔怕o架喇！」
CY表哥怒氣稍減，沒有再強逼小志。
CY這位表叔看了小志一眼。小志只有五歲，樣子活潑可愛，怎麼也不像那種頑皮、愛鬧脾氣的孩子，不禁令CY感到有點奇怪。
當晚，CY和拿拿淋送了表哥一家人回家。
CY表哥一家回港後，很快安頓下來，幾天之後，他邀請CY和拿拿淋回家吃飯。
當晚，奇怪事又發生了。CY和拿拿淋剛到了表哥表嫂家，本來好端端在客廳中玩耍的小志，突然躲進自己房間，拒絕與CY和拿拿淋接觸。
CY表嫂關心兒子，拍門問道：「小志，你做乜匿入房呀？出o黎見o下表叔啦！」
小志沒有回應。
CY表哥忍不住發作：「小志！出o黎呀！做乜咁冇禮貌呀？」
CY即時勸阻，說：「算啦表哥，咁樣會嚇親細路仔o架！」
CY表哥冷靜下來後，CY就借故告辭，「我唸今晚都係唔留入o向度食飯喇。」CY表哥：「咁樣邊好意思o牙!你兩位專誠上到o黎。」CY：「唔緊要。不過我有個請求，聽晚麻煩你出街食飯，我想靜靜上睇小志間房。」
CY表哥信任CY，也沒問原因便應承，「冇問題。」
CY和拿拿淋離開表哥寓所後，拿拿淋問：「你睇得出小志有唔妥哩？」CY：「小志好唔尋常，佢好怕我兩個，尤其係我。」拿：「聽日我o地去佢間房睇o下就知道佢有冇惹到靈體啦！」
第二天晚上，CY和拿拿淋趁表哥一家人外出晚膳時，去了表哥家，並仔細調查小志房間。
CY感覺到房間內佈滿邪氣，並在小志床底發現一些白色、不知名的粉末。
拿：「呢o的係咩粉o黎o既呢？」
CY：「我都唔知，喂！幫幫手，我要o向小志呢間房安部攝錄機偷拍，我想知道小志夜晚有冇異常舉動。」
CY和拿拿淋完成安裝工作後，便馬上離開。第二天取回那盒偷拍的影帶一看，馬上有發現。片中見到小志整晚朝著窗戶自言自語，狀甚古怪。
拿：「一定係同靈體有關，我o地今晚再去你表哥屋企，我想開眼睇一睇。」
CY與拿拿淋再到表哥家，作最後的查證。
拿：「CY，借o的靈力俾我開眼！」CY應了一聲，並將手搭向拿拿淋，拿拿淋即時看通小志房間內情況，但一下子呆了。拿拿淋看見房間內充斥著無數靈體，數量之多，實在難以形容。
CY：「我明白喇！床下底o既白粉係骨灰，全部都係靈體o向呢間房o既時候帶入o黎o既。但點解小志會引到咁多靈體，我就唔多清楚。」
CY和拿拿淋和表哥表嫂詳細傾談言時，得悉到小志的一個秘密。CY恍然大悟，「原來係咁！我明喇！小志o既出生日期同時辰，其實咁o岩係陰年陰月陰日陰時，唔怪得之佢咁易惹到污糟o野啦！因為佢可以同靈體溝通。
拿：「所以小志佢怕我o地，尤其係CY你呢個靈力特別強o既表叔。」
CY表哥十分憂心，說：「其實小志由細到大都成日自言自語，起初我都唔為意，唉……事到如今點算好呢？」
CY：「我有方法幫小志，但會令佢大病一場，你o地搏唔搏o牙？唔搏o既話小志有朝一日會性命都保唔住o架！」
CY表哥表嫂商量後，表示願意一搏。CY和拿拿淋先將小志房內骨灰掃乾淨，再把窗密封，逼小志住在這間沒有窗戶的房間七七四十九日，並唸咒作法協助他。
後記：如CY所料，小志在房內大病了一場，但幸好改變了他天生的「陰命」，以後再沒有惹鬼，保住了一條小命。
歡迎光臨 娛樂滿紛 26FUN (http://26fun.com./bbs/)
Powered by Discuz! 7.0.0
