娛樂滿紛 26FUN - Powered by Discuz! Board

標題: 睇到AC搞成咁,我都唔知可以講d咩..... [打印本頁]

作者: johnlaisin 時間: 2007-12-26 01:17 PM 標題: 睇到AC搞成咁,我都唔知可以講d咩.....

成上半季聯賽主場不勝
冬季轉會話唔買人
成隊波無kaka機本上輸咗6-7成
班霸差到咁又唔做嘢可以講d咩....

作者: chinchung 時間: 2007-12-26 01:19 PM

睇黎今季又要主攻歐聯....

作者: 艾力克 時間: 2007-12-26 01:54 PM

等球季完結時"購入"mourinho, 然後由佢決定

作者: ##123## 時間: 2007-12-26 01:59 PM

真係估唔到歐聯冠軍竟然可以係o甘, 我都好失望...

作者: johnlaisin 時間: 2007-12-26 02:19 PM

以AC現時人腳
歐聯和聯賽好可能兩頭唔到岸
到時聯賽無前四連下屆歐聯都無份踢
當當班霸搞到咁都唔知邊個錯??????

作者: fabric 時間: 2007-12-26 02:26 PM

中場控唔到波, 前鋒冇料到, 後防年齡大, 轉身慢, 種種因素.....

作者: 沙維 時間: 2007-12-26 02:33 PM

希望A米快D黎個大改革

作者: eqhigh 時間: 2007-12-26 02:33 PM

安帥話佢仲有一個秘密武器係手，並認為佢一定可以以一已之力救番球隊，並且改善埋球隊攻力不濟既問題。
所謂既秘密武器就係巴西超新星─柏圖(Alexandre Pato)，依位年紀輕輕，只得17歲，但身價已高達一億五千萬，曾經係世青杯大放光芒，能傳擅射既小將。
佢因為年齡問題，要係０８年既一月先可以為AC上陣，但安帥對佢已經有極大既期望。

就即管睇下依勻安帥有冇壓錯注喇

作者: 文彼得 時間: 2007-12-26 03:14 PM

炒肥安換新人!!!!!

作者: van仔魚 時間: 2007-12-26 03:36 PM

但係我想問呢個班底係咪上屆歐聯同埋聯賽班底黎ga!

作者: edward1906 時間: 2007-12-26 04:18 PM

聯賽踢得差因為ac呢套陣容已經踢用左幾年
意甲既對手已經識對付
相反歐聯對d隊好少對,所以成績就有分別

作者: johnlaisin 時間: 2007-12-26 08:10 PM

講真每次輸波都換沙真奴出來,但又幫唔到手
你話AC個陣容有幾爛......

作者: shehboy 時間: 2007-12-27 12:22 AM

贏左歐聯同世界球會盃, 已經夠向班主同球迷交待, 根本佢地已經放棄左聯賽, 再者兵又老人又缺, 根本應付唔多咁多賽事.

作者: Kian76 時間: 2007-12-27 12:47 AM

Originally posted by shehboy at 2007-12-27 12:22 AM:
贏左歐聯同世界球會盃, 已經夠向班主同球迷交待, 根本佢地已經放棄左聯賽, 再者兵又老人又缺, 根本應付唔多咁多賽事.

認同，費sir早幾年咪又係要面臨重組，d短視既人咪會鬧佢囉。

但講真，我都好想鬧AC米蘭，但針對既係加利安尼呢條粉人。

作者: 奇 時間: 2007-12-27 12:58 AM

Originally posted by 艾力克 at 2007-12-26 01:54 PM:
等球季完結時"購入"mourinho, 然後由佢決定

巴塞都想要

作者: brightlee 時間: 2007-12-27 03:10 AM

Originally posted by Kian76 at 2007-12-27 02:47:

認同，費sir早幾年咪又係要面臨重組，d短視既人咪會鬧佢囉。

但講真，我都好想鬧AC米蘭，但針對既係加利安尼呢條粉人。

yes.. look at Bayern Munich last year....

作者: amigofans 時間: 2007-12-27 09:32 AM

Originally posted by brightlee at 2007-12-27 03:10 AM:

yes.. look at Bayern Munich last year....

要重組當然係問題啦, 但同拜仁一樣, 有樣野大家無留意,
佢地球員老化或青黃不接, 倒底係邊個造成既呢?

拜仁為左要縮皮, 吝嗇果一個幾毫唔同波歷克續約,
再係轉會市場上, 吝嗇果一個幾毫唔簽雲尼斯達萊,

ac亦一樣, 見錢開眼賣走皇牌射手舒夫真高,
收左個3000萬, 到底有幾多係洗番落去買新球員?
定係袋袋平安? 見到條老化既防線, 會方做左d咩??

強隊都會老化要重組, 但如果會方真係有心攪既, 唔會如此爛成績,
皇馬, 巴塞, 曼聯都不知重組過n次, 但好快又會攞番冠軍,

而且講差, 呢3隊波總唔會攪到半季主場不勝or無歐聯踢...

當然公道講, 電話門事件可能直接改變左ac高層既方針,
領隊可能係有問題, 但"巧婦難為無米之炊", 想佢點?

有朋友性幻想摩連奴會黎教ac, 但若果ac既心態係求錢多過成績,
即係唔會洗太多錢去重組既, 下季ac球迷只會見到摩生係巴塞羅拿出現....

作者: amigofans 時間: 2007-12-27 09:40 AM

Originally posted by eqhigh at 2007-12-26 02:33 PM:
安帥話佢仲有一個秘密武器係手，並認...

如果要寄望一個17歲牛奶咀去救隊波既話, 真係折墮之極....

安生或者都比個安慰歐洲其他同業, 佢地都可以講...

列卡特: 我都有個秘密武器係手, 就係度斯山度士..
賓尼迪斯: 我都有秘密武器係手, 就係勞卡斯利華...

作者: johnlaisin 時間: 2007-12-27 10:25 PM

Originally posted by filter-052fans at 2007-12-27 09:32 AM:

要重組當然係問題啦, 但同拜仁一...

安帥其實不差,起碼交到穩定的成績
差在陣容上,機本上變無可變

同埋唔好講到摩佬係神,當年阿布任佢買人,
都可以歐聯入唔到決賽,聯賽冠軍比曼聯得到手
如果計死數,安帥重好過佢

AC唔係差在主帥,而係人腳.....

作者: kuru 時間: 2007-12-27 11:09 PM

球員年紀都好大下, 黎梗歐聯對阿仙奴, 大家識點買喇~

作者: ch4 時間: 2007-12-28 08:40 AM

成班老人兵團，之前仲買朗拿度，令平均年齡又升

都吾知佢哋有幾多分鐘氣

作者: leungman 時間: 2008-1-11 02:52 PM

如果佢地keep住依家o既陣容係有表現的話，我地就唔會係咁鬧A米啦

作者: Kian76 時間: 2008-1-11 07:33 PM

Originally posted by ch4 at 2007-12-28 08:40 AM:
成班老人兵團，之前仲買朗拿度，令平均年齡又升都吾知佢哋有幾多分鐘氣

we咩.............?

老將最大問題係易傷、長時間戰鬥末能回氣。

但一場半場絕對係應負倒，特別係米蘭班人，除左費華利之外個個都好fit，但就係因為米蘭應負既比賽太多，同埋真係咁唔好彩d人成日傷，陣容防中多到出唔晒，換人只可換防中或中堅下..........sosad...........

作者: Kian76 時間: 2008-1-15 01:36 AM

柏圖驚人處子戰，5：2炒拿玻里。^^

作者: Kian76 時間: 2008-1-15 01:37 AM

睇完整場米蘭對拿玻里的賽事，以下是我的一點感想。

首先米蘭現在的問題好明顯出現在左閘之上，馬甸尼在不為人知的情況下顯現了他的回防或補位速度己出現問題，除了助攻時的質素比費華利高之外，現時防守的穩定性比費華利差，但兩人也沒有90分鐘的體力，各上半場很合理。

另外，邦利拿比初加盟時穩定了不少，雖然有一球手球危機，但整體上他在右路封住了對手不少攻勢，拉維斯要走到米蘭左路或強行由米蘭左路爆到去右路搵食。

拿玻里依舊攻強於守，後防保羅簡拿華路踢法與哥哥相反，踢法較進取，波底更佳，可惜較為輕出，而且位置感不足，沒太多犯錯，但就是失球時永遠看不到他的蹤影，這也表明了他的失位要為失球負上一定責任。

而進攻還是那三人組：拉維斯、咸錫、中鋒(薩拉or蘇沙)，進攻用盡球場寬度，有節奏不亂打快攻，但一打就見血......質素之高完全不可以升班馬來衡量。

而主角巴西三人組方面先說兩人，朗拿度把握力依舊配合少少運，完成了兩個重要的入球，而他還是那麼懶......走動極少，但在靜止踢球中也能多次帶出威脅傳、射，實在難得，而卡卡今場明顯踢得很輕鬆，對手對他的防守鬆了，但可能還是因為拿玻里防守較弱所致，不太明顯變化，一如平常的他，轉身一射顯功架，但明顯助攻還是他的弱項........

施多夫今場再次當上了英雄，無論傳射也盡顯功架，是米蘭的真正核心，沒有他今場米蘭肯定勝不了。

最後談一談柏圖，對於一名新秀來說，是非常出眾的表演，他出乎意料地是一名射手，不是一名輔鋒球員，他給我的印象是速度高，但單薄，平衡感不太差，主要受制於草地，而他的盤傳控給我最大印象是傳球多數傳失.........這是數據顯示不到的.........默契也是問題，但他明顯不太懂傳球，當第二前鋒暫階段最多是沙維奧拿、蘇比斯、保贊等小個子踢法。

他的走位不算是十分聰明，但他有足夠的護球能力，而也經常升上來主動要球，起動快，轉身靈巧，最難得的他可能就是當今世上眾新秀中射術最好的其中一人，可惜沒有頭球......

整體來說，他是一名射手，不是一名輔鋒。(從技術特點來看)

作者: Kian76 時間: 2008-1-15 01:37 AM

另外，強烈要求米蘭收購拿玻里全能中場：咸錫。

他是我看過的，其中一名最能代替施多夫的天才之一。

後防左閘位置必需加強，中堅也要多一名，門將也要。

希望會有四名合心水的球員來投，明顯森保達是其中之一，另外那位中堅倒希望是甘比連尼或巴薩利，而門將還是希望是費爾或卡連尼。

作者: bunce2806 時間: 2008-1-15 09:59 AM

Originally posted by eqhigh at 2007-12-26 02:33 PM:
安帥話佢仲有一個秘密武器係手，並認...

Yes, there's a lot of hype around Pato and AC fans are right to feel exciited (a bit like seeing the 17-year road Ronaldo turn professional after he became a star of Brazil's champion junior World Cup team). But one man cannot save the whole team - let's hope Ancelotti has some answers.

作者: 無聊市民 時間: 2008-1-15 08:10 PM

pato第一場表現唔錯，不過後防仍然有問題~

作者: johnlaisin 時間: 2008-1-15 09:09 PM

我覺得現時AC的攻擊力可大大減輕後防的壓力
AC後防不穩係鐵一般事實,而冬季轉會無買人亦係事實
咁唯有以入球來抵消後防失誤
加入柏圖和朗拿度復出令AC攻力倍增....

歡迎光臨娛樂滿紛 26FUN (http://26fun.com./bbs/)