娛樂滿紛 26FUN - Powered by Discuz! Board

標題: 盧志軒足球夢碎　 [打印本頁]

作者: 0000001 時間: 2008-5-7 06:25 PM 標題: 盧志軒足球夢碎　

逃過大限　裝心臟除顫器　不能踢波
足球夢碎　盧志軒痛哭
【本報訊】「你需要身上植入心臟除顫器，以後唔可以踢足球。」一周前在旺角花墟球場亞協盃比賽途中突然暈倒的 19 歲傑志球員盧志軒，在接獲醫生通知後晴天霹靂。足球是他的希望，足球是他的夢想，而今當足球員夢碎，他哭了一整晚，院方昨日派出心理醫生作出輔導。記者：吳國威

盧志軒昨天的精神狀況表面看來正常，其實他相當疲累，說話很慢，思考力下降。醫生指是腦神經缺氧一段時間的後遺症，並形容他能夠在昏迷 36 小時後蘇醒，已算是一項奇。軒仔在廣華醫院的心臟科病榻上向胞兄透露，醒來後不知道自己如何暈倒，也不知在何處暈倒；至前晚他才漸漸回憶起是在球場出事，記起暈倒一刻有很多人圍住他，但對其他事情則覺腦海一片空白。

夢想是參加世界盃

熱愛踢足球的盧志軒，夢想是參加 2012 年世界盃外圍賽。資料圖片

軒仔的兄長說，醫生前晚向軒仔透露其心律有問題，需要植入心臟除顫器，而且以後也不能夠踢足球；由於情況緊急，院方將安排在這數天進行有關手術。不過，軒仔的夢想是參加 2012 年世界盃外圍賽，現在不但不能踢外圍賽，連足球運動也要告別，他當場放聲大哭，並哭了一整個晚上。由於其情緒極度低落，院方恐他會做事，叮囑家人要好好照顧。
昨晨院方派出心理醫生替軒仔作心理輔導，至下午亦安排做心理評估，希望能紓緩他身心所受壓力。軒仔的父親失業一年，母親任散工，兄長最近亦失業；為了徹底照顧軒仔，一家人分三更，不分晝夜地照料和開解他。軒仔兄長說：「醫生話植入心臟除顫器需要成 10 幾萬蚊，我成家人都冇做，真係唔知點算好！」據知心臟除顫器可監察心律情況，在有危險心律出現時，釋放電擊使心室回復有規律的跳動。

未必符合工傷賠償

盧志軒上周三在亞協盃比賽期間，突然暈倒。

軒仔昨日在病床上費力地向記者說：「多謝大家關心，希望自己身體盡快康復，家唔想諗咁多住。」但其家人憂慮軒仔由於把所有興趣、事業、未來都寄託於足球上，今後不可以踢足球，對他打擊很大。
壞消息似乎接踵而至。有傑志球隊的人致電盧家，說翻看球賽的錄影帶，指軒仔是自己倒地，未必符合工傷賠償資格。記者致電傑志足球隊總領隊伍健，他表示不知道軒仔今後不能踢足球，稍後會聯絡其家人了解。盧家的遭遇極待熱心市民援助，希望集合眾人的力量，幫軒仔度過困境。
盧志軒於上周三在旺角花墟球場踢亞協盃，於下半場被派出場，但作賽僅七分鐘突然暈倒，送院搶救一度情況危殆。

執番條命都算係咁
做人睇開d會好d ge..

作者: bigfish 時間: 2008-5-7 06:47 PM

傑志領隊都冇血性 geh, 係咁搵藉口拒絕賠償, 之前成日話辦外隊賽想損錢, 原來一有事就唔肯賠

佢可能會成為香港三杉淳, 每場都o係危急關頭先落場

作者: -仔仔仔- 時間: 2008-5-7 07:14 PM

仲保住性命已經算好了
雖然唔可以再踢波
但希望佢係其他方面都有好既表現啦
盡快回復心情同身體先最重要

作者: iknow 時間: 2008-5-7 07:58 PM

Originally posted by bigfish at 2008-5-7 06:47 PM:
傑志領隊都冇血性 geh, 係咁搵藉口拒絕賠償, 之前成日話辦外隊賽想損錢, 原來一有事就唔肯賠

佢可能會成為香港三杉淳, 每場都o係危急關頭先落場

三杉淳...
你估真ge咩-,-
如果真係ge話...三杉淳呢位仁兄應該一早就死左-.-

唉...真係幾慘...
人地總算為你球隊出過力, 亦喺代表球隊ge賽事攪d咁ge事...
就唔符合, 都好應該私下作出適當的援助

作者: PoohRyan 時間: 2008-5-7 08:05 PM

Originally posted by -仔仔仔- at 2008-5-7 07:14 PM:
仲保住性命已經算好了
雖然唔可以再踢波
但希望佢係其他方面都有好既表現啦
盡快回復心情同身體先最重要

同意~好似前烏拉圭國腳達里奧施華，佢撞車重傷而且要放棄其中一隻腳才能保住條命；
佢不但冇放棄，現在更代表烏拉圭出戰獨木舟項目；所以不要放棄!!

作者: infjlam 時間: 2008-5-7 09:34 PM

軒仔，無論將來做什麼，都唔好放棄，加油！支持你！

http://hk.youtube.com/watch?v=uBwsxd1c1LY&feature=related

作者: littlepig 時間: 2008-5-7 10:01 PM

Originally posted by iknow at 2008-5-7 07:58 PM:

三杉淳...
你估真ge咩-,-
如果真...

都唔係冇既......尼日黎亞國腳、前阿仙奴射手簡奴心臟都出現問題,不過後來醫好左

作者: 三叔公 時間: 2008-5-7 10:36 PM

轉行買報紙,買下生果都揾到食

作者: ronald001120 時間: 2008-5-7 11:22 PM

香港踢波係甘既la
人工低
福利又唔好

作者: saviola 時間: 2008-5-7 11:47 PM

雖然唔可以再踢波係可惜左少少...
不過總好過無左條命呀....
等遲 d醫學進步, 或者可以醫返好呢...
到時先再踢返波囉......^^

作者: iknow 時間: 2008-5-7 11:49 PM

Originally posted by littlepig at 2008-5-7 10:01 PM:

都唔係冇既......尼日黎亞國腳、前阿仙奴射手簡奴心臟都出現問題,不過後來醫好左

係喎~重有kanu呢...忘記了...
不過...例子不多...
再加上...三杉淳成日都痛住黎踢=口=應該真係會死...
最西利係佢自己醫好自己-.-

作者: bigfish 時間: 2008-5-8 01:17 AM

Originally posted by PoohRyan at 2008-5-7 08:05 PM:

同意~好似前烏拉圭國腳達里奧施...

放棄中間o個隻得唔得?

唔知佢中學讀邊科, 如果讀 science, 入U 時可以考慮下揀 medical, 做醫生醫返好自己

作者: arthur8088 時間: 2008-5-8 01:23 AM

Originally posted by littlepig at 2008-5-7 22:01:

都唔係冇既......尼日黎亞國腳、前阿仙奴射手簡奴心臟都出現問題,不過後來醫好左

yes...but he was treated with world best doctors....it's very very very costly~~

I doubt he would able to afford this high medical expenses~~

作者: 迷途小羔羊 時間: 2008-5-8 01:28 AM

Originally posted by bigfish at 2008-5-8 01:17 AM:

放棄中間o個隻得唔得?

唔知佢中學讀邊科, 如果讀 science, 入U 時可以考慮下揀 medical, 做醫生醫返好自己

放棄中間o個隻得唔得?=="

作者: littlepig 時間: 2008-5-9 12:21 AM

或者換個角度諗, 夢想還夢想,係香港踼波前途有幾多,大家心知肚明,有幾多個年過百萬既鄭兆聰? 好多香港球員將青春獻給足球,可惜退役後生活潦倒,令人心酸。

現實係殘酷, 不如趁後生及早夢醒,悲痛過後重新振作,計劃一下將來要行條點樣既路。

歡迎光臨娛樂滿紛 26FUN (http://26fun.com./bbs/)