娛樂滿紛 26FUN - Powered by Discuz! Board

標題: 小小經歷 [打印本頁]

作者: CopperRed 時間: 2009-9-5 06:41 PM 標題: 小小經歷

一如已往,今年我慶祝生日既節目都係食飯唱K飲酒直至不醒人事,唯一有變的是,從前愛我的她已不再.所以當晚心情亦很一般地跟一班朋友盡慶,

不過亦都係我E+想同大家講既故事既開始,就等我帶大家返去醉醒既早上重頭講起.Dodododododo..電話響起.我帶起眼鏡連忙拎起電話一看

[[[[來電隱藏]]]]...餘光看到時鐘顯示著07:14呢幾個數字,心里罵了幾句髒話之後,很不情願但還是接聽了  [ 喂 ] ......  ... 突然聽到一把久違了而且

又很熟識的聲音.我係腦里面就不停咁嘗試係記憶搵返呢把聲既主人,係呢0.7幾秒既時間我已經將佢鎖定係某人度,而佢既第二句証明左

我既超能分析記憶力係直迫金田一既,[  生日快樂呀,冇嚇親你丫嘛  ]...我頓時收起睡意既開心又出奇咁答[  你係??(扮唔認得佢中)....

[  我係Karen呀  ]..Karen!!冇錯,佢就係我琴晚最想佢陪伴我身邊既人,亦即係我既前女友.跟著落黎既30分鐘就圍繞住我地既近況交談.係呢30分鐘

里面我地仿如回到我地已往熱戀中既氣氛,佢亦都不時有意無意地講起我地之前既一d回憶 [  今晚我黎接你收工啦,E+唔阻住你繼續訓覺

啦.BYEBYE  ]..呢句野我聽得一頭無緒,換著係一年前既我唔會覺得驚奇,但係經已分手大半年兼近乎零聯絡既我地,未免過份親暱了點,雖然我一直

都係單身XD,跟住個日我就一直咁諗住佢,好快就到我收工前既一個鐘啦.個陣我都重未知道個晚將會上演o係我感情史上極為震撼既一幕.( 細欣 )

呢個係我共事多年既知己.曾經我地本來可以成為一對情侶,不過有緣無份,我地只好默默咁祝福對方,不過唔知係唔係個天想比個機會我,係我忙碌

完想抖下之際,佢走埋黎同我講  [  阿迪呀,送比你架,生日快樂  ] 因為識佢咁耐都未試過收過佢半份禮物,而佢隻眼又話比我聽佢好似想

採取行動了,一個我地多年都唔敢開口既決定,佢話 [  今晚你得唔得閒呀,我想同你兩個人慶祝你既生日,我有d野想同你講呀 ]..OMG!!..[  好..好呀  ]

我未經任何思考我就應承左佢,跟住我就發晒姣咁走去照爆塊鏡,準備收工同佢去撐枱腳,正當我諗緊去邊度慶祝既時候突然見到5隻英文字

行緊過黎,K.A.R.E.N.

                                                                                                            一待續一

作者: kalos 時間: 2009-9-5 06:53 PM

唔好意思, 我想問係咪真係你嘅親身經歷嚟o架

點解好似故事咁嘅?
不過好都緊張吓喎~
期待你繼續post落去~~

作者: selena127 時間: 2009-9-5 07:15 PM

不怪我直言 , 樓主 d 經歷有 d 假 !!

作者: kakeidevil 時間: 2009-9-5 07:27 PM

真亦假時假亦真, 善哉善哉

當故仔睇都唔錯丫

作者: CopperRed 時間: 2009-9-5 07:28 PM

回上的大大。確是我經歷沒錯，不過我好辛苦將佢轉做故仔咁講。係想比大家睇之餘。最重要係比自己睇，如果嫌棄小弟文筆太差我跟住會用

返口語Ｄ同大家分享我既小小經歷，可能細節上不能盡錄，但求大家睇完有啖笑

作者: kalos 時間: 2009-9-5 08:05 PM

原帖由 CopperRed 於 2009-9-5 07:28 PM 發表
回上的大大。確是我經歷沒錯，不過我好辛苦將佢轉做故仔咁講。係想比大家睇之餘。最重要係比自己睇，如果嫌棄小弟文筆太差我跟住會用

返口語Ｄ同大家分享我既小小經歷，可能細節上不能盡錄，但求大家睇完有啖笑 ...

唔係, 我就係覺得好好睇先問吓啫~
期待你快d寫埋落去~

作者: CopperRed 時間: 2009-9-5 08:48 PM

係呢一刻我終於醒起我原來已經約左karen,心諗呢次死梗,冇理由同其中一個講唔得閒架,更加冇可能三人行去慶祝,都怪自己一時大意,唯有用

我影帝般既演技搏一搏,就係扮病.係!我都知條橋好水下,不過小弟才絀,而個天又出埋d咁王晶式既電影橋段黎比我嘆,咁我就同佢講我唔多舒服都

係第日先再同佢補返餐飯,跟住佢就問我有冇事,有咩唔舒服,今朝打比你都冇聽你講既,嚴重到飯都食唔到??..一時間我只好答佢我發緊燒重有d喉

嚨痛..一堆H1N1流感病徵搬晒出黎,務求要佢知難而退,但係佢毫不顧忌咁兩隻手摸下我個頭同塊面, [ 你唔想去咪唔想去囉,洗唔洗作D咁既大話

呀 ]..我當堂劣左一劣,心急向佢解釋,不過佢已經轉身行人,我都好冇癮咁費事再出醜,行埋一二邊等收工,因為我同細欣係同公司不過唔同崗位,我唔

知佢知唔知我既前女友上左黎搵我,到收工個刻我去搵埋佢一齊走,而佢亦都好似咩都唔知咁,所以我都廢事多講,收拾o岩o岩比人噴完既心情,同佢

一齊去食飯,我地去左尖咀間Club Havana,順帶一提個度氣氛真係一流,我地叫左一杯whisky同埋一杯cocktail,一個小食拼盤,個個環境加上酒

精落肚,我地兩個當然盡訴心底話,佢講下呢幾年當我拍拖既時候佢幾咁不悅無奈我又講下佢d前度男友幾咁質素麻麻,個晚我地冇刻意去表白或者

去追求一個情侶既身份,因為我地都肯定左大家係大家心里面既地位."盡在不言中呀"跟住我地一直坐到11點幾差唔多12點先走,出到門口我地已經

十指緊扣咁離開,難以忘懷既戀愛滋味又再一次咁沖擊我既大腦,我送完佢返屋企之後亦一直煲電話粥煲到我返到自己屋企樓下,好溫馨既告別結束

完,小碎步式的往家樓下密碼門走過去,突然 [ 阿迪 ]..我回頭一望,Karen慢慢行近.Karen呢剎那嬌俏身影係我既眼中顯得非常之沉重,係我從來都

未試過既感覺,因為呢一晚我已經搵到我人生既另一半,而我都估到七成karen黎搵我既目的,我向來對住呢個习蠻公主都很沒輙,我怕一時既心軟會

傷害左另一個女仔對我既真心

一待續一

作者: CopperRed 時間: 2009-9-5 10:17 PM

Karen走到我面前,雙眼通紅咁望住我,相信好多男士都有一樣通病"心軟",更何況係我呢d情場新手,面對住一個想喊想喊既舊情人,我梗係淆晒底啦,

我唔敢同佢對望,所以我既視線望黎望去,佢眼看著我既眼光不停咁飄向第度, 佢就有愛無法言,有苦說不出,我地就咁樣呆企左5分鐘,不過佢終於打

破沉默了 [ 不如我地係返埋一齊丫 ]  大家唔好以為我地之前係不歡而散,其實我地一齊個8個月係好溫馨亦都好平淡咁過既,雖然分手之後既大半

年我一直都放唔低佢,所以我都估唔到會有呢一幕既發生.

[ 你唔鐘意我?我唔明囉,今朝你同我講左咁耐我唔信你一d都感覺唔到,我明明約左你食飯,黎到你公司你都可以講大話呃我,你真係咁唔鐘意我咩?  ]

講真,個時我真係唔知點答佢,唔通要我同佢講係短短10幾個鐘里面我已經搵到真愛??事實上又真係wor..不過今朝同佢傾電話未返工見到細欣之

前,我又真係單身架wor,一直以黎佢都唔知有細欣呢位紅顏知己既存在,我本身都唔係一個好有異性緣既人,數黎數去都係得細欣一個知己,所以

Karen一直都以為除左佢唔會再有一位異性會咁快令我心動,佢不停咁問我鐘意與否,係佢呢一輪排山倒海既攻勢之下,我都不禁猶豫起黎,究竟我重

鐘唔鐘意佢呢,佢見我都重係唔出聲  [ 咁你即係重鐘意我啦  ]  我冇否認到.我居然忘記左呢個問題既重點係邊度,個重點就係我已經有女朋友,我好

後悔我冇當場拒絕佢,我當日既"心軟"導致日後兩個女仔既創傷.

講到呢度大家可能會諗,我係花心,一腳踏兩船,玩弄感情,滿口道理黎掩飾自己既一個人...我唔知...我知既係我唔會忘記,否認我既過錯,我更加知道

好多野返唔到轉頭,一路走來,無數人對我既評論,批評我都欣然接受,我只係知寫呢篇野既呢一刻我對 {{佢}} 係真心不變,絕無動搖.

                                                                                          一待續一

作者: 自由神 時間: 2009-9-5 10:41 PM

原帖由 CopperRed 於 2009-9-5 07:28 PM 發表
回上的大大。確是我經歷沒錯，不過我好辛苦將佢轉做故仔咁講。係想比大家睇之餘。最重要係比自己睇，如果嫌棄小弟文筆太差我跟住會用

返口語Ｄ同大家分享我既小小經歷，可能細節上不能盡錄，但求大家睇完有啖笑 ...

既然你話真是你的經歷~

我就信你嫁啦

我真的很樂意睇到你講落去

每一篇都加分

作者: Maxson85 時間: 2009-9-5 11:09 PM

你好野！！我決定bookmark你匿頁睇埋下半場~

作者: lalaso 時間: 2009-9-5 11:45 PM

樓主應該係第一次寫咁長既野啦~
老實說, 有幾度我都睇得唔係好明, 仲好似前後矛盾
唔知係我理解力差, 還是你表達得還差些少啦
點都好啦, 我無惡意的, 只是想你組織一下先再寫啦
寫得清楚d, 讀者睇得明快d, 自己d思路都好d啦

作者: CopperRed 時間: 2009-9-6 12:14 AM

首先多謝大家既回覆,回上的大大,小弟真係第一次寫野重要係情史,所以文筆上,流暢度,理解度都很差的說,希望大家多多包涵,如果有D地方唔明

我好樂意解答返你,有D地方我係誇張小小黎講,令大家覺得似睇緊故事我都幾開心,有D地方可能簡略左或未有提及,還請各位大大提點一下

o岩o岩睇黃子華,e+繼續打我既小小經歷同大家分享.

作者: 自由神 時間: 2009-9-6 12:52 AM

原帖由 CopperRed 於 2009-9-6 12:14 AM 發表
首先多謝大家既回覆,回上的大大,小弟真係第一次寫野重要係情史,所以文筆上,流暢度,理解度都很差的說,希望大家多多包涵,如果有D地方唔明

我好樂意解答返你,有D地方我係誇張小小黎講,令大家覺得似睇緊故事我都幾開心, ...

你繼續寫，量同質都岩既話
分數陸續有來

我相信好多版友等緊你既Story
不過盡可能少D誇張多D平實

作者: CopperRed 時間: 2009-9-6 12:54 AM

續上,佢雖然得唔到佢最想要既答案,不過佢認為最起碼我唔討厭佢,唔拒絕佢既表白,佢既挽回.而我,亂七八糟既心情令我無法思考,佢既眼淚隨住

我既一言不語變得一發不可收拾..[ 我真係好鐘意你架 ]..我重未黎得切回神佢就已經環抱住我,係聲淚俱下既情況我根本冇辦法拒絕佢呢個擁抱,之

後我做左個好錯既決定,我應承佢一齊返左去我既住所,當門匙打開門既瞬間,係漆黑一片既環境下佢已經好駕輕就熟咁將我門前棧燈同埋冷氣打開

,換上我一直都冇掉棄既情侶拖鞋,基本上關於佢既一切一切我都冇掉到,甚至乎佢既擺設,化妝品,衣物既位置我未曾移動過分毫,記得半年前我重放

唔低佢,日日都以淚洗面,昐望佢會返黎我身邊既時候,以為佢唔上黎拎走D野,即係我地重有機會復合,我送比佢既每一隻公仔我都會令佢地一塵不

染,不過隨住時間流逝,我對佢既種種都不再情深,執著,估唔到曾經日盼夜盼佢再次踏入我家門既情境,發生左既呢一刻係幾咁不情願同埋不知所惜,

[  你係唔係好唔想我上黎?? ]..[  點會呢  ]..佢好似發現左好多佢以前用過既野都冇變到,好明顯睇到佢有一絲絲既喜悅,不過我就真係笑唔出啦,大

概記得個陣時係1點半鐘左右,電話響起,[ 喂.你訓左未呀  ]..細欣佢好溫柔咁問我..但係我個時唔可以比佢聽到阿Karen係我屋企,所以我對細欣

講左一個大話,[  我訓緊啦,今日好攰,想早d休息,我聽日訓醒先打比你丫 ]..跟住佢就唯有同我say goodnite啦,當然我講電話既同時,Karen聽到晒咁

滯,事關個時冇開電視機,間屋有幾多隻烏蠅我都聽到,何況係電話既對話,不過我係刻意冇隱瞞咁比阿Karen聽到晒d對話,咁樣總比我親口同佢講個

事實黎得簡單,容易.我本以為佢聽到晒之後會有d過激既反應,但係佢冇,反而意外地咁平靜,重問我  [  你女朋友黎架?? ] 女人既直覺同埋加上佢對

我既認識,對話內容唔洗好清楚佢都可以feel到電話個個同自己個男人大概係咩關係,當然係冇掩飾既情況底下啦,所以對於佢呢種咁冷淡對待呢個

真相,我反而更擔心,[ 你今朝講既野都係大話黎架啦?? ]..(其實我只不過係講過我係單身而已,並唔係一早已經同佢復合)..我冇辦法否認我講左單身

呢個大話,如果我講我o岩o岩先開始新一段情我怕呢個答案會令佢更失望,[  對唔住,係我呃左你,我的確係有女朋友  ]..

佢剛剛先平復完既心情又再一次咁爆發

                                                                                                      一待續一

作者: cyc1 時間: 2009-9-6 03:46 AM

I like your story, keep up man

作者: kalos 時間: 2009-9-6 03:57 AM

你搞到我都好緊張, 因為我都試過好似你咁, 跟住就出晒事

咁你係咪揀咗細欣呀~

作者: CopperRed 時間: 2009-9-6 02:28 PM

今次我知道我唔可以再繼續心軟落去,雖然講永遠都係叻過做,不過為左我自己,更加為左細欣,我要決斷d同佢講清楚我地係冇可能復合既.

15分鐘過了..狀況還是僵持不下,佢仍然係度喊緊,我又仍然遲遲開唔到口講埋個句,好采..電話響起..不過唔係我響,係佢部響,佢緩慢地咁拎起個

電話黎聽,我就去左廁所,費事聽到晒人講電話,雖然我o岩o岩突登比佢聽到晒,我隱約聽到佢一路喊一路嘰哩咕嚕咁講野,過左幾分鐘我好似聽到

關門聲,等左一陣之後發覺冇晒聲氣跟住我就出去睇睇,原來佢已經走左,但係當時咁夜我唔係幾放心比佢自己一個女仔返屋企,所以我沖左出去

拿拿聲搭lift落去睇下見唔見到佢,到我落到去既時候見到佢已經係對面馬路截緊的士,我冒住比人掉花盆既生命危險大聲咁叫住佢,但係佢

冇理到我,只係望左一望就上左車,咁我當然都係好唔放心,畢竟發生左咁多野一日之間,而且我又係罪魁禍首,一路擔心就一路打電話比佢,

但係佢死都唔肯聽我電話,大概3點鐘既時候,已經打左成個鐘咁滯,都未肯聽,到最後已經轉為熄左電話了,咁我就唯有打sms比佢,打到成篇作文咁,

個晚唔洗講大家都知我肯定"失眠"啦.眼光光等天光既我到朝早9點梳洗完就出門口去食早餐,當然亦不忘再打比Karen啦,不過今次只係打左

一次就通啦,重要有人聽既tim [ 喂, 我冇事架啦,你唔洗擔心,我唔講啦,byebye ] 雖然我一句說話都講唔到,不過聽到佢咁講個心都安落d..

跟住好快咁就去食完個早餐返工啦,返到公司先記得要同女朋友報到,因為琴晚同唔到佢傾電話,我諗佢唔多唔小都有d失落既所以我即刻

去買個愛心早餐比佢食,我知道佢不嬲都唔食早餐,不過佢見到我之後當堂胃口大增..哈..陪完佢食之後我就返返去我既崗位做野啦..接落黎

個一日就不停咁釣魚,非常之hea咁過啦.又夠鐘收工啦,我第一時間諗住去搵埋女友拍拖去,但係Karen無啦啦呢個時候打黎,其實晏晝佢已經

打過黎一次,不過我個時好忙,所以講兩句好快就cut左佢線,咁我就聽啦 [  你一間洗唔洗陪女朋友呀,我想見一見你呀 ]..[ 其實我今晚約左人呀,

Sorry呀"我地改約下次丫 ]..[ 約左你女朋友?? ]..[ 係..] 佢冇出聲,慢慢咁聽到佢既呼吸聲有一絲哽咽 [  唔緊要啦,咁我再打比你啦,唔阻住你啦

,byebye ] [ 喂..喂 ]我想叫停佢既時候電話已經掛起了,我知道我又再一次咁令佢難受,隨住Karen突然既出現,復合既前奏挽回既失望,我既心情

亦都低落起黎,其實我個時真係好唔明,點解佢突然間咁鐘意我,又咁緊張我,但係又偏偏要等到我接近心死先出現呢,更何況我已經覓到另一個她,

唔通真係瘦田冇人耕,耕開有人爭??我唔明既唔單只係佢既心,就連我亦都開始懷疑自己.究竟係我地一直都放唔低大家??定係只不過係一個

華麗既藉口,好讓我地能夠填補彼此既空虛呢"個一刻我冇再諗太多,細欣見我咁耐都未去搵佢,已經走左過黎孖我收工,佢既粉紅笑臉令我

頓時輕鬆多了,好似咩都唔再重要咁,其實個晚我係細欣度已經搵到我最想要既答案,無奈既係我遲遲都未發覺.

俗語話"你最鐘意個個未必會係你既終生伴侶"呢一刻我深深體會到.

                                                                                                      一待續一

作者: CopperRed 時間: 2009-9-7 01:39 AM

自從個晚之後,呢一個月再冇聽到Karen打黎,人就係咁,總愛想東想西,偶然間就會有沖動想打比Karen,但係我亦都控制住自己唔好打比佢,

每一日都同細欣過得好開心,唔想失去呢段期待已久,剛開始既感情,打消左一切有關於Karen既念頭,不過係我同細欣既感情踏入第二個月

既數天,冇聯絡大約兩個月既Karen終於send左一個短訊比我,內容係 [ 我呢一陣子諗得好清楚架啦,我唔會再期望你d咩,我地可唔可以做返

朋友呀 =) ]..雖然我已經將佢慢慢淡忘,但係睇到呢個訊息真係好開心.. [ 當然可以啦,幾驚你會嬲我成世 ]..跟住我地個日就不停咁玩sms啦,

人生總要有三五個知己,既然細欣已經榮升左做我女朋友,前女友又肯同我做返朋友,相信呢個都係大家好樂意睇到既結局,不過可惜呢個

故仔只係發展左一半.如是者.又過了一個月多,我同細欣既感情依然咁甜蜜,因為我地相識已久既關係,對大家有很深既了解同信任,所以感情

都非常之咁穩定,至於我同Karen既關係就由前女友變做朋友再變做好朋友,兼且也不時同佢去下街,食下飯睇下戲咁,佢又會成日關心下我同

細欣既感情近況,不過我一直都冇向細欣講過關於我同Karen做返朋友既事,佢都唔會多問我同邊個出街,我亦都冇可能將佢地介紹比大家認識,

因為我之前拍親拖都會同細欣分享,所以如果佢一聽到Karen就會知道係我既前女友,我相信好小女仔會鐘意自己個男人同前女友做好朋友掛.

直至到我放大假既月份黎臨,我有10日假放呀,心情當然輕鬆,咁就緊係想同細欣去旅行啦親呢個機會,但係個日既下午聽到一個好失望既消息,

就係細欣唔可以同我一齊放啦!!因為公司已經編排好晒一小部份既員工放大假,而咁唔好采不包括佢,咁我就梗係走去問下佢上司啦,因為我地

一早向上面申請左孖住放,但係都係冇批到,咁呢10日假最後我都選擇會放既,因為我平時OT都有好多個鐘要補返比我,細欣不停安慰我叫我

唔好咁失望,但係我一早計劃好晒,唔多唔小條氣都有D唔順.放假既第一日"訓到好晏好晏先起身既我,你估下我會去邊??知唔係去左同細欣食

Lunch囉,佢都不知幾開心"我放假都返去同佢食lunch,之後去左影相直至接佢收工,個晚同佢拍完拖之後依舊送佢歸家,係我返到屋企沖緊涼

既時候,聽到我既電話係咁響,心諗咁快就掛住我打比我,咁我就拿拿林沖完出去諗住覆返佢,不過睇到個未接來電原來係Karen黎架bor,

當然我都打返去睇下佢咁夜搵我係咪想呃水吹啦,跟住我地就忘晒形咁吹左個幾鐘,傾到慶起之際細欣終於打黎搵我啦,之後就轉左對象黎滿足

我既傾電話慾望啦,但係傾左唔夠半個鐘我地就好似冇咩野講之後就收線訓覺,個晚我發現左完來我同Karen係咁好傾,點解同佢一齊個時唔覺既,

而對住細欣點解好似冇做朋友個時咁夾既大家.到左第二朝晨咁早係我熟睡中既時候突然門鐘響起..我心里面既髒話終於忍唔住要係個口講啦!!

半睡半醒半粗口咁行去睇下邊個咁大整古,點知係防盜眼見到佢既出現" [ Karen ?? 咁早上黎搵我既?? ]

一待續一

作者: 自由神 時間: 2009-9-8 01:10 AM

嘩~就黎入戲“肉”

作者: kalos 時間: 2009-9-8 07:33 AM

佢停咗一晚無打, 搞到我瞓唔著

作者: CopperRed 時間: 2009-9-8 06:36 PM

續上,我個心真係打左個突,佢買左我最鐘意食既早餐,佢呢種咁親切既舉動,唔單止冇令我覺得抗拒,重令我暖在心頭tim,係輕微既陽光照射底下,

佢既淡妝同埋樸素既街坊打扮個刻睇落去係非常之咁迷人,佢同我一齊個時我好小會見到咁既情境,一黎佢係唔會咁早起身,就算有都係我買

早餐比佢食既時候,同埋佢係個d出親街都要化到行一行妝既女仔黎,當然我亦都唔會干涉佢呢d野,不過呢朝早既佢確實係幾吸引到我,係佢變左??

抑或係我變左呢??"我地一路食早餐一路傾計,佢得知我放大假呢個消息之後問我有冇打算出外旅遊,咁我就同佢講女朋友拎唔到假所以

取消左,比佢咁樣提一提,我又諗到炆炆地,[  唉.. ]  [ 唔緊要丫,我陪你去丫" ] ＯＭＧ！我半份早餐差D噴返晒出黎 [  你唔係好想去咩??你o岩o岩

你有D同事都放假架咩??不如搵多幾個人一齊去丫" ] ,我咁大反應做咩呢,人地一早諗住幾個人去,係你自己心多,但係聽到佢咁講我又好似

有小小失望,雲迪呀雲迪!!你做人點可以咁架!!!我地係好朋友,唔可以諗埋晒D無謂野, [  都好wor,不過都唔知有冇人去,講住先啦  ] 之後佢約左人,

係我家中逗留多一陣就走左啦, [  佢都係講下既姐.唔洗咁認真既,反正公司d同事又唔係咁o岩玩 ] 本身想去旅行都係因為想同細欣製造多d回憶

同埋浪漫下,但係呢一刻我又好想扔低細欣同第二個去,究竟我係想同細欣去丫,定係同Karen??不禁自言自語起黎,就係咁..到左夜晚凌晨時份,

我忍唔住拎起個電話打,[  喂,xxx呀,冇呀..想問下你有冇興趣去旅行之嘛 ] 雖然咁夜打比人係有d唔o岩"但連續打左數個之後,經我一問之下,

終於比我搵到一Pair人有興趣架啦,我其實有想過只係叫Karen同我去,不過一男一女去旅行又怕細欣亂諗,更加怕自己亂諗.第二日,我同Karen

同埋我既一對情侶朋友就去左食飯同埋傾下去玩既詳情,最後我地選擇左去台灣,咁個日我地就兩Pair人咁去左成日街到左夜晚我地分開左

得返我同Karen既時候,我地去左Tsuen Wan Plaza Oliva Ristorante食晚飯,呢間野我之前同Karen都幾常去下,因為方便佢住得近,自從同佢分開

左都冇再黎過,雖然事隔咁耐,但係E+身份唔同左,食落肚既味道會唔會又唔同左呢,答案係冇既"咁平既價錢,個度既格局同埋d牛扒都算合格~

[  我今日好開心,好耐都未過同你咁樣去街啦 ] .. 其實我個心都係咁諗,[  係咩?咁就好啦,我重怕你同佢地唔熟會好悶,點知今日我地4個都好好傾,

相信去左台灣實幾好玩 =) ]..食完之後佢就返去佢tsuen wan既住所,個晚我同細欣傾下我去旅行d野,我聽得出佢都好想去,我覺得自己好自私,

扔低佢一個我自己走去玩,但係佢死都話唔介意叫我去,關於呢個台灣之旅我只係同佢提及到一個男性朋友同兩個女仔,因為佢唔知道一齊去既友人

之中包括Karen,所以我利用左佢對我既信任黎暪住佢講左大話.

                                                                                                      一待續

作者: キセキ 時間: 2009-9-8 07:30 PM

一齊去得旅行, 一定癩o野la

作者: ado777 時間: 2009-9-9 02:19 AM

快D講落去
好鬼死緊張呀大佬,,,

作者: CopperRed 時間: 2009-9-9 07:51 PM

終於到左出發前既一個鐘,我地4人行咁係機場影黎影去,因為我同我個男仔朋友都喜愛攝影,兩個女仔都很投契,臨上機前都不忘打下比細欣,

不過心情就開始尷尬起黎,雖然我冇做過d咩,但係都覺得對細欣唔住咁,始終一段感情唔可能建築係謊言上面,我知我講左今次呢個大話,

對日後既我地都係有害無益,不過見到Karen我就更加矛盾,我見到佢開心個樣又點開口拒絕佢今次邀請我一齊旅行呢,再諗都係徒然,因為我地一行

人已經到左中正機場啦!!我地一路拍DV一路步出機場,我既鬼馬朋友帶比我地既歡樂重記憶猶新,跟住我地先到台北車站,再來就是上左天成

大飯店check in,上網Seach過資料呢間酒店算係幾好,但價錢偏貴,不過比起旁邊既凱撒已經便宜,係4個人入面我算係最有主見既一個,所以

我地好多決定都一致快捷咁交晒比我,不過呢次其實係我地第一次黎台灣,所以我地都份外興奮,我地第一站就搭捷運去淡水老街度買手信,

雖然比我預期既小野睇,之不過d野食就好o岩我口味""我相信去過台灣既朋友都一定會試過唔同特色小食,係商店街呢度我最欣賞既係臭豆腐

同豆花~諗起都想食,眼見佢地呢對拖友你一口我一口咁喂黎喂去,我都睇到有d眼紅,心諗細欣係度咪好囉,不過Karen好似知到我諗咩咁,令人

心甜既笑容加上佢喂比我甜到溜既豆花,真係甜上加甜"! [ Davy,係我既男性朋友,Elisa,係佢既女朋友 ],Davy都算幾清楚我既感情生活,

所以佢對Karen一d都唔陌生,而佢女朋友係第一次見,包括我都係,但係佢同Karen一見如故,重friend過我同Davy,我地完全好似兩對情侶係

商店街度係咁吵吵鬧鬧,我同Karen雖然都好清楚我地既身份係點,但係細欣呢個隔膜隨住Karen既細心舉動慢慢咁動搖,我地邊食小食邊趕去

搭公車去漁人碼頭睇日落啦,終於到左情人橋啦,誘人既碼頭風景,落日黃昏"~我地到既timing o岩o岩好呀,日落的餘光令天空小小泛黃,漁船既燈光

配埋海水既藍,周圍都傳黎講廣東話既遊客,我地就咁呆望左幾分鐘,享受風景之餘亦都沉醉係我同Karen呢個咁暖味既關係"

一待續一

作者: CopperRed 時間: 2009-9-9 07:54 PM

好多謝大家對我既故事咁關心同支持,這陣子公事繁忙

我會盡量抽多d時間黎打我既小小經歷."

至於我選擇左邊個,希望大家係故事既最後搵到答案"

作者: tom0y0202 時間: 2009-9-18 12:25 AM

真係好好好好睇,有冇加長版大結局=.=?

作者: pomp 時間: 2009-10-7 11:10 PM

故事來的嗎???

作者: wplau 時間: 2009-10-11 07:04 PM

look forward to the rest of story

作者: mycar422 時間: 2009-10-11 10:14 PM

樓主！請快些抽時間講埋下去呀！thxｔｈｘ

作者: 艾官 時間: 2009-10-16 04:19 AM

幾精彩丫~但文筆有待改善~

作者: CopperRed 時間: 2009-10-18 02:26 AM

我地嘆完呢度既風景之後覺得唔係好夠喉,我地搭返公車回淡水捷運站,再搭去捷運劍潭站轉免費專車去台灣第二大既美麗華百樂園摩天輪啦""~聽人講呢度可以媲

美日本東京台場摩天輪架""摩天輪令台北市越夜越美麗,對於冇懼高症既朋友來講,光是睇炫目既燈光就很過癮啦,我地等多左廿幾分鐘終於等到個透明車廂,因為只係

得兩個,不過物以罕為貴丫嘛~值得既,印象之中距離上一次玩摩天輪已經係4年前既事啦"所以我一上到去就起勢咁影呀影~"鏡頭里面既Karen好迷人,我慢慢咁移開

鏡頭,不自覺呆左咁望住佢  [  你呆晒咁望住我做咩呀" ] 她害羞了一下,我也傻笑了一下, 吸引住我既唔單單只係夜景,我眼球停留係Karen身上既時間比起摩天輪上

既風景更耐,隨住摩天輪既高度緩緩升降,展至眼前既夜色又係截然不同既景緻,有幸我可以搭到全透明玻璃既車廂"踩住透明既地板,望向地面街道上既迷你汽車,

睇到我心跳加速,興奮至極,我好羨慕Davy呀,可以係咁好既環境同喜歡既人牽手浪漫下,無奈既我只係可以期待下次細欣陪我再黎,Karen佢冇好似o岩o岩咁有d咩

熱情既舉動,佢比我更清楚應該係我身邊既人唔再係佢.我同Karen雖然欣賞到難忘既台北夜空,但係浪漫係需要兩個人的,缺少左另一半既我比起Davy真係蝕晒"

當我地步出車廂,Elisa便向我訓示一番,大概佢以為我正向Karen追求緊而又冇勇氣吧,[  咩你做男仔咁架,大膽d啦  ] 我暗示Davy停住佢女友既說話,免得場面變得

更僵,我地4個只有佢唔知道Karen同我既關係,Karen聽到佢一路叫佢比機會我,真係唔知好嬲定好笑,最後佢從Davy口中得知真相,佢個樣真係尷尬到不行,哈""

(苦笑) 玩完摩天輪~~係時候滿足下購買慾啦,"美麗華百樂園購物中心"其實都如一般百貨公司d大路野,冇咩收獲之後便是Dinner time 啦,經過一日落黎咁緊迫

既行程,我地已經好肚餓啦,原本想去IMAX電影院睇返場戲,不過時間唔許可,都係選擇返醫肚."伍角船板" 由鐵皮,木頭同石板塊混合既建築，重有兩尊達悟族跳舞

女仔既雕像,唔睇食物,靜係睇佢個設計咁特別都加分,都算快既等候時間,輪左唔洗廿分鐘就有位啦,受歡迎程度可見一般,入到去入面,無論係手工既陶器,重口味既

燒烤同蕃薯飯都象徵住台灣既特色美色,不過d座位同個環境唔多match,我同Davy完成叫野食呢個任務之後,就去左邊影相邊等食,除左處處可見既雕塑,同埋個

特色廁所之外,基本上都冇咩想影了,當我回到座位既時候冇幾耐D野食就黎到啦,佢呢度都係以套餐為主,賣相OK,食落都幾好味,最為欣賞就係個櫻花蝦炒飯同個

鵝肝沙拉,一日落黎實在太餓,食相係可以用"fi哩啡呢"黎形容,係我食得起勁既時候Karen突然叫停我,佢好自然咁拎起張紙巾幫我輕輕擦一下嘴吧,我地尷尬咁笑了

一下,食飽飽之後我地就帶住兩袋奶泥離開呢間"伍角船板"啦

                                                                                                            一待續一

作者: 自由神 時間: 2009-10-18 02:29 AM

31# CopperRed 番黎啦

歡迎光臨娛樂滿紛 26FUN (http://26fun.com./bbs/)