娛樂滿紛 26FUN - Powered by Discuz! Board

標題: 阿米高粉絲主持 - 唔o岩就要打之歐聯8強之戰 [打印本頁]

作者: amigofans 時間: 2010-3-23 12:01 PM 標題: 阿米高粉絲主持 - 唔o岩就要打之歐聯8強之戰

歐聯經已進入最後8強階段，上星期五抽籤後，8強首兩場戲碼隨即亦會於3月30展開。

抽籤結果正所謂有人歡喜有人愁，以下落黎就同大家分析一下主要形勢...

為你既愛隊打氣也好，臭罵你最厭惡的球隊都好，歡迎大家熱烈參與討論!!

作者: Winters 時間: 2010-3-23 12:52 PM

師兄等緊你啲分析呀

作者: amigofans 時間: 2010-3-23 03:02 PM

本帖最後由 amigofans 於 2010-3-23 03:03 PM 編輯

法甲新舊皇者相遇 7屆法冠里昂硬撼上屆皇者波爾多
里昂係一片睇淡既情況下, 作客再度迫和皇馬出線, 出線後面對既, 竟係最近兩勝佢地既老對手波爾多, 大家熟路非常, 似乎分唔出咩高低...

里昂優勢：今季歐聯主場超強, 5戰4勝1和, 當中只失2球, 係面對歐聯新丁波爾多有一定心理優勢。

里昂隱憂：今季往往對住法甲前列都會失分, 加上水準非常唔穩定, 最近連勝四場後又再度低迷, 四場不勝。

波爾多優勢：今季歐聯作客亦強, 先後已經3勝1和, 好手如拜仁亦要失分, 查馬克與哥古夫大勇係佢地取分既關鍵。

波爾多隱憂：近期聯賽有回落之勢, 加上始終屬歐聯新丁, 若唔懂遊戲規則, 首回合作客不思進取, 隨時影響進級命運。

作者: amigofans 時間: 2010-3-23 03:38 PM

99年經典決賽再現拜仁慕尼黑火拚紅魔鬼曼聯

兩支8強常客又再相遇, 先由拜仁主場招乎上屆亞軍曼聯, 99年決賽舊恨, 夏格維斯對小豬, 都會係話題之作, 而勇到著火既洛賓同朗尼, 又係賽事另一亮點...

拜仁優勢：主場經已10連勝既拜仁, 今季所有賽事只係輸過一場比波爾多, 過去主場對曼聯皆無輸蝕,
而勇稅既洛賓, 曾經亦係曼聯既尅星, 加利里維利單靠經驗, 將不足以對抗佢同列貝利既來襲。

拜仁隱憂：德甲水準同歐聯既距離, 係拜仁主場成績就可見, 拜仁主場雖強, 但一對稍為硬淨既祖雲達斯同波爾多就立即現形,
面對歐聯作客超強既曼聯, 是否可以應付係一大疑問...

曼聯優勢：上季已經係曼聯連續第2年打入決賽, 似乎係平衡聯賽同歐聯上, 無咩球隊可以好過曼聯, 尤其作客超強已經16場不敗, 對上一次輸波, 已經係07年5月既事...

曼聯隱憂：曼聯過住對拜仁, 除左99年一役似乎無咩甜頭, 加上國內聯賽太激烈, 尤其與拜仁對戰中甲雜一場與車仔既冠軍前哨戰, 會分心已經係必然既事....

作者: Winters 時間: 2010-3-23 05:15 PM

本帖最後由 Winters 於 2010-3-23 05:17 PM 編輯

3# filter-052fans
法國內訌我就睇好波爾多啦

無疑今季里昂係歐聯主場成績驚人,但佢係法甲嘅成績就真係不敢恭維啦.

里昂係法甲嘅主場戰績係8勝3和3負,不及係積分榜排係佢之後嘅雷恩同摩納哥.
雖然上回合里昂贏嘅係皇馬,波爾多贏嘅僅僅係奧林匹亞高斯,
但我認為里昂贏嘅最大原因係皇馬表現大失水準...

仲有,正如師兄你所說,哥古夫大熱大勇.
雖則佢上次打西班牙個場表現得一塌胡塗,不過我諗佢會係波爾多擊敗里昂嘅關鍵人物啦.

作者: Winters 時間: 2010-3-23 05:40 PM

本帖最後由 Winters 於 2010-3-23 05:42 PM 編輯

4# filter-052fans
兩隊季前打過場熱身賽,結果係曼聯係十二碼射輸比拜仁

不過黎到歐聯梗係唔同講法啦

身為一位曼迷,我梗係想睇一場好似99年決賽咁精彩嘅球賽啦.
不過有別於其他人,我就唔認為兩隊左右兩翼嘅對決會出現啦.
近幾場華西同蘭尼的確著哂火咁,不過同洛賓同列貝利兩個比始終差咁啲

但另一方面,就算唔係同呢排狀態大勇嘅朗尼比,拜仁嘅前鋒都係...

其實睇返上場波,拜仁出到線真係幸運到無倫,入個兩球都係遠射.
仲有成場波嘅組織真係好少,仲有失個兩球就可以睇到佢啲後衛有幾遍高水準...

雖然話99年之後曼聯對親拜仁都無乜甜頭,但而家嘅拜仁,同祖記一樣,已經今時唔同往日啦.
我就覺得曼聯好大機會晉級四強啦.

話時話,有無師兄可以講我知點解呢到咁多filter,同埋仲乜"ami go"呢個字都filter埋,我真係諗唔到呢個字同咩敏感野有關

作者: 奇 時間: 2010-3-23 06:47 PM

等我預測下...

4強
曼聯vs里昂
中央陸軍vs巴塞

作者: amigofans 時間: 2010-3-25 05:23 PM

本帖最後由 amigofans 於 2010-3-25 05:27 PM 編輯

費比仔重遇母會亨利倒戈戰舊主阿仙奴決戰巴塞隆那

呢場肯定係8強最好既戲碼, 兩隊娛樂性最高最悅目既球隊互撼, 而且大家都有主將對戈, 話題比曼拜大戰有過之無不及,單係睇美斯同費比加斯已經值回票價....

阿仙奴優勢：翻查佢地歐聯主場既成績, 恐怖非常, 原來由04-05球季開始, 33戰係24勝8和1負, 輸比既正正係老對手曼聯, 6年黎只輸過一場咁大把, 另一方面兵工廠有愈打愈順之勢, 賓特拿復出又多一瓣, 最後直得一提, 佢地近年既攻擊重心, 雲佩斯快將復出...

阿仙奴隱憂：無錯佢地係悅目非常, 但正正也係弱點, 觀英超聯賽往往會見到, 佢地不切實際歇斯底里式既短傳, 當遇上熟路既對手, 或老謀既領隊時往往無計可施, 聯賽輸比車路士同曼聯可見一斑...

巴塞優勢：美斯！美斯！美斯！無錯無論點讚巴塞既狀態, 戰術同往績都係多餘, 因為最後都會講到去美斯身上，近日佢既表現已經確立球皇級既地位, 有佢在陣, 絕對可靠一己之力改寫一切...

巴塞隱憂：作客英倫三島, 佢地向來無咩甜頭, 加上今年歐聯作客4戰, 亦只勝1場, 而同阿仙奴一樣, 佢地既弱點正正係優點之一, 就係美斯太強, 巴塞漸似一支一人球隊, 英式旱將絕對唔似西班牙人同你客氣, 踢人唔踢波消滅對手式踢法或會出現, 到時要靠江河日下既亨利, 定係見親英式就腳軟既伊巴謙?

作者: Winters 時間: 2010-3-25 08:02 PM

8# filter-052fans
先講主客場呢個因素.
阿仙奴主場一向勁揪,不過今次歐聯係對巴塞有利,因為巴塞先客後主.

咁嘅情況,就算你阿仙奴主場可以羸到巴塞,去到魯營個情況都會好尷尬

當阿仙奴主埸以1:0小勝巴塞,
(呢個係我嘅假設.你可以話阿仙奴贏到巴塞2球或以上,因為足球世界乜都有可能.
不過我就100%唔信阿仙奴可以贏到巴塞2粒

)
去到魯營,阿仙奴可以守,不過以咁嘅人腳,可以同舊年嘅車仔比咩?可以守得住有主場之利嘅巴塞咩?
2比1嘅話仲弊,比巴塞入1球先就要焗攻,即係等於自尋死路

若果阿仙奴係主場打和即頭大獲.好似史特加咁,主場1:1,去到魯營被迫同巴塞鬥攻,最尾落得比巴塞大炒4球嘅下場

主埸輸嘅話就唔駛講啦

作者: SCM 時間: 2010-3-25 09:52 PM

其實個人覺得巴塞美斯點強都好睇沙維同恩尼斯達如果後兩者唔掂美斯可能會出現返打國家隊個時既劣勢

作者: Winters 時間: 2010-3-26 12:24 AM

10# SCM
求先講完主客場呢個因素,就係想講呢樣野

無錯美斯經已可以稱得上係球王級球員,同埋有憑一己之力可以改變球賽嘅能力,
但話巴塞係一人球隊?我就絕對唔認同啦

最好例子就係尋日贏2比0個埸波,美斯成埸無乜表現,仲幾獨食下.
最後無錯係贏波,不過關鍵係恩尼斯達同柏度,而唔係美斯.
好似SCM版主話齋,係巴塞,大部份時間美斯打得好唔好都係睇沙維同恩尼斯達派唔派到牌.
其實唔止睇佢地兩個,係睇巴塞成條中場線.睇下美斯係國家隊,無人分到波比佢就知

至於亨利,一來近排已開始上返力,二來有柏度保讚係度,唔係太擔心呢個問題

另外巴塞對住咩球隊都係個種踼法,仲有雖然阿仙奴近排越大越好,不過以佢地前鋒嘅質素,真係比都無得比

作者: 奇 時間: 2010-3-31 07:46 PM

里昂3:1波爾多

拜仁2:1曼聯

作者: Winters 時間: 2010-4-1 10:26 PM

巴塞真係地上最強...
不過尋晚嘅結果同時反映兩隊領隊能力差距,
兩位係後半階段都有換人,不過換出唔同效果

作者: 屠膠含三世 時間: 2010-4-2 12:17 AM

係有差距, 主場出戰都表現麻麻, 成皇敗寇無得講...

但今季阿仙奴太受傷兵困擾, 雲佩斯唔在講, 法比仔長傷,
戴亞比, 禾確特上半季又傷一大輪, 基力治都好番無幾耐,
路斯基, 達斯華時不時間歇性地傷, 近期又到加拿斯,
比近乎full team的巴塞唔被大炒算偷笑...

唔好忘記史特加對巴塞上半場, 一樣攻到巴塞有氣無碇企

作者: Winters 時間: 2010-4-2 12:20 AM

係有差距, 主場出戰都表現麻麻, 成皇敗寇無得講...

但今季阿仙奴太受傷兵困擾, 雲佩斯唔在講, 法比仔長傷,
戴亞比, 禾確特上半季又傷一大輪, 基力治都好番無幾耐,
路斯基, 達斯華時不時間歇性地傷, 近期又到加拿斯 ...
屠膠含三世發表於 2010-4-2 12:17 AM

我之前都係咁講

若果阿仙奴係主場打和即頭大獲.好似史特加咁,主場1:1,去到魯營被迫同巴塞鬥攻,最尾落得比巴塞大炒4球嘅下場
[url=redirect.php?goto=findpost&pid=3408392&ptid=223593]Winters 發表於 2010-3-25 08:02 PM[/url]

作者: 奇 時間: 2010-4-2 08:02 PM

下回合佩奧,比基停賽,艾沙雲,加拿斯,法比受傷(法比唔傷都停賽)

作者: Winters 時間: 2010-4-2 08:36 PM

下回合佩奧,比基停賽,艾沙雲,加拿斯,法比受傷(法比唔傷都停賽)
奇發表於 2010-4-2 08:02 PM

小白都好似復出

作者: 奇 時間: 2010-4-4 10:24 PM

小白都好似復出
Winters 發表於 2010-4-2 08:36 PM

伊巴突然受傷...不過好彩艾比度復出

作者: 奇 時間: 2010-4-5 08:03 PM

岩岩聽903,朗尼有機對拜仁復出wo

作者: Winters 時間: 2010-4-6 12:52 PM

岩岩聽903,朗尼有機對拜仁復出wo
奇發表於 2010-4-5 08:03 PM

今朝睇報紙...40%窩

歡迎光臨娛樂滿紛 26FUN (http://26fun.com./bbs/)