娛樂滿紛 26FUN - Powered by Discuz! Board

標題: 「資格論」 [打印本頁]

作者: tlkwan 時間: 2010-4-30 10:51 AM 標題: 「資格論」

我發覺現在的時下年青人很有趣。他們很喜歡談資格。

我想，大家對這類老掉牙的歪理已經見慣不怪：「你唔好喺度指指點點懶巴閉啦，你寫到本書出嚟咩？有咩資格話人哋呀？你咁叻你自己寫本丫笨！」記得當時鄧麗欣被網民炮轟，就有很多粉絲們訴諸這一點，捍衛自己的偶像。他們說，批評是要講資格的，如果你自己都未能做到別人所能做到的，你就沒有資格就別人的事提出意見。

當然，對我們這類每天都在網上流連虛度青春的人來說，每天在論壇上看著數以萬計的粉絲們，用著同一招來為偶像擋駕，我們就算多麼不留心，都會變得對此等謬論熟悉不已，不費吹灰之力就能夠一眼堪破其中荒謬之處。只需簡簡單單反問一句：「咁係咪即係話講波佬就一定要識踢波，食家就一定要識煮嘢，影評人就一定要識拍電影？」，論點就不攻自破了。

然而，我最近發覺，恐怖的事情是，年青人不只在捍衛偶像時候訴諸謬論，就連談到社會上不公義的事件的時候，都開始引用起此等荒誕之談來，替邪道辯護！譬如說，美國電影《The Cove》揭露了日本人濫殺海豚的實況——日本太地町每年從九月至二月大量屠殺海豚，取其水銀量大大超標的海豚肉，販賣給自己的人民，更企圖將此等嚴重危害人體健康的海豚肉，放入全國的小學生的午餐裡，毒害兒童。幾位美國人，冒著生命危險，潛入「海豚灣」，拍下日本人的惡行，公諸於世，希望能停止海豚的濫殺，卻惹來年青人的批評：「我們不也都每天吃肉嗎，你們美國人不也都每天吃肉，殺掉幾十萬隻牛、雞、豬嗎？我們其身不正，憑什麼去指摘日本人殺海豚、吃海豚肉？」

乍聽之下，此話甚有理，然而，細想之下，此話簡直荒謬絕倫！

這種論調，就等於說，一個人偷竊，而我又偷竊，我因此就「其身不正」沒有「資格」指摘對方，所以我就不應該站出來指證他，甚至應該由得他、支持他的偷竊行為。這種論調，就等於說，因為你偷竊，我又偷竊，所以偷竊就霎時間變成一種可以接受的行為，甚至是一種該得到尊重的行為！

屠殺海豚的事情明明就是不對，不會因為你吃草吃肉吃什麼也好，而變成一件對的事！一件錯的事情，就是錯，不會因為你有沒有所謂的「批評的資格」，而變成對！再者，這種野生海豚的屠殺是沒有可持續性的、影響生態環境的，不像牛、豬、雞的屠殺那樣用了人工飼養的方法來減少對環境的影響。而且，最重要的一點是，海豚肉根本就水銀量嚴重超標，不適宜食用，兒童或孕婦吃下的話，後果可大可小，因此食用海豚肉不但危害海豚，更危害到日本國民。吃牛和吃海豚兩者在邪惡的程度上根本有明顯的分別，哪能視之如一呢？

年青人太過鑽牛角尖，以為凡事只有黑與白，殊不知世上事情的好與壞大都無法清晰界定。他們往往走極端，只認可絕對的正義，而其他的「lesser evil」，一概歸納為絕不可取的邪惡。這種拒絕妥協的心態的確是值得欣賞，然而，拒絕妥協，最終通常都落得什麼也做不成的下場，因為絕對正義實在世間罕有。如我們苛求絕對正義，在不能確保絕對正義之前就什麼都不做，那麼我們永遠連第一步都不會踏得出來。因此，很多時候，我們必需取其「lesser evil」，雖然明知道也是邪惡，但起碼是一個進步，總好過原地踏步。

最後，我想提醒大家，沉迷在這種「資格論」裡面是很危險的。當你還在掙扎著自己有沒有「資格」指摘不公義的事情的時候，不公義的事情已經迅速地擴散，禍及更多的人。錯就是錯，事情的本質不會因為你有沒有「資格」而改變。真的，不要以為世界圍著你公轉。每一個人都有義務站起來，斥責不公義的事情、打擊邪惡的勢力，莫等到事情發展到無法挽回的地步才來發聲。

作者: win715 時間: 2010-4-30 11:23 AM

先平反一點,,唔係時下年青人先中意講資格
亦都唔代表個個/大部分都中意講資格
作者講既"時下年青人",,睇怕都只係講緊個D流連網上世界
活躍係討論區,論壇既人罷了
個D..其實都可能不全是年青人,,是嗎?

作者說資格...睇怕真係會討論到天荒地老
因為資格並不獨立存在,,佢亦都有唔同既解釋,

首先要搞清楚一點 -- 說話既資格的確唔係人人有
我地有既只係權利!
說話既資格受著人的身份,為人,過去既說話行為而不同....
(post, situation, personality)
同埋件事切身既程度有幾大

其身不正無可厚非會令人講野既大大減低!
呢個時候講既野又有幾多人會聽呢?
舉個例如果而家張先生話佢自己人工低,,你都會話佢冇資格咁講啦!

語氣用詞又係另外一個問題
指摘同埋比意見其實只係一線之差

指出別人既錯誤其實亦係比意見既一種
但係用詞既不同會影響其"被接受性"
令人反感自然說話既價值都低左
令到人地會為你比既"意見"作出平反
係無計可施之下唯有講出資格既問題
間接其實亦證明左對方講既野既真確性
呢個只係為反駁而反駁既特別例子....
個d所謂既資格只係出自無知

但係又係唔係代表哂所有既"資格"呢?
每個人都一定試過既就係
當你唔識做一樣野既時候你係會去搵人個對呢件事熟悉既人黎問
間接其實你都係承認緊佢既資格嫁姐.
佢係某事情上叻,佢就有資格去教人..
係學校入面既老師,,佢地都係經過好多好多既資格試,
先至有老師呢個post,, 先有資格去教人.

資格論其實一直都存在
亦都冇咩話好定唔好,,只係用佢黎話人既人既心態同著墨點係邊
資格論亦都唔會因為某一二事件而變得一文不值
因為社會既現實係時時刻刻都講緊資格!

宏觀一點,,資格論確實唔係好成立...
但我地微觀一d....睇下身邊唔同既事
其實時時刻刻都會搵到資格既足跡

世上冇話絕對岩絕對錯
正如以上所提及既所有例子
即使係岩哂/錯哂都總有一點係相反既
但係係唔係又要執著個一點去理論呢
不要再浪費時間了

歡迎光臨娛樂滿紛 26FUN (http://26fun.com./bbs/)