娛樂滿紛 26FUN - Powered by Discuz! Board

標題: 愛情是甚麼 [打印本頁]

作者: tlkwan 時間: 2010-6-7 11:38 AM 標題: 愛情是甚麼

愛情係需要負出, 但更重要你需要接受。
愛情係唔需要說話, 但係對方都聽到你既心底話!
愛情係順其自然, 但係亦需要你苦心經營, 咁先會將來.
當愛情要走既時候, 你要點留都留唔住, 但當愛情要來的時候, 你亦擋都擋唔住.
當愛情出現的話, 一定要主動出擊, 因為雖然愛情係需要你耐心等侍, 但係愛情係唔會等你!
當愛情尚未出現, 你可以好好裝備一下自己, 靜心等侍, 咁等到佢來臨既時候, 就可以大大提高命中率! 但係切忌自我增值之後, 自以為今非昔比, 跟住就提高要求, 咁只會令你成為天殺孤星, 孤獨終老!
愛情係一門學問, 唔單只每日都要打電話報到慰問交下工課,
定時定候例如過時過節, 佢生日, 情人節, 聖誕, 相識週年...又或者佢呀媽呀爸生日既日子, 仲會有小測甚至大考，
最驚係有時佢心情不佳既時候仲會一個突擊測驗!
唔只呀, 仲有一旦你入學之後, 你就永遠都無假放, 而且你仲無得升班, 更加唔洗指意可以畢業!
雖然愛情係咁難以捉摸, 仲咁大投資! 但係你仍然都係咁願意同佢講一句我愛你 ! 對於愛情, 相信每個人都有一套自己既解說, 但不論當中有幾多相同或不同既睇法都好,
愛情總係逃不過要你講一句『我愛你!』
『我愛你』哩三個字, 有人覺得係一句將自己情感既表達既句子,
但同時亦有人認為係一個對對方既承諾!
『我愛你』這句話, 雖然難開口, 但係話難話難, 人生中起碼都講過十次八次. 但係試回想一下你講咁多次當中, 雖然每次都係同樣既一句說話, 但係意思就好唔同.
『我-愛-你』當中既『你』每次都係另一個人.
當中既『愛』又會隨住你過去既多次失敗而令你有唔同既解說,
又或者隨著你對佢既信心而有唔同既程度既增減.
而你以為『我』就最無改變啦, 咁你就錯, 有可能『我』係變得最多, 而只係你自己唔查覺!
所以從今以後當要講『我-愛-你』既時候, 講別太順口, 攪清楚怎麼是『我』『愛』『你』! 請別順口許下這承諾!

作者: yakyi 時間: 2010-6-8 05:40 AM

a very right article about love

作者: gakuflaze 時間: 2010-6-10 12:01 PM

愛情係需要"付"出...

歡迎光臨娛樂滿紛 26FUN (http://26fun.com./bbs/)