標題:
近期買既碟
[打印本頁]
作者:
tlkwan
時間:
2010-9-27 12:14 PM
標題:
近期買既碟
未寫我買既碟之前，寫一寫我見到既碟先：林峰先生既演唱會Live碟有幾件事想提：首先封面真係好嚇人，其次係，若果林峰真係咁受歡迎咁亞太區，無理由要Live CD跟DVD一Pack出碟，俾我係唱片公司都賺到盡（例子就好似張學友隻Jazz Live，明明一隻碟可以出係要拆做雙CD，仲要又出DVD同Blu-ray），咁，係咪反映呢個風真係唔係好強呢？
仲有幾隻唔知點解仲出碟既歌手：首推戴夢夢《Guardian Of Love》，真係唔Check都唔知佢一年一碟，都咪話唔厲害！唔知邊度有班咁有Taste既人買呢？同一例子有葉文輝啤梨，竟然有新碟出！《The Six Sense》，最初仲要與狄易達隻新EP孖住出，然後依家獨立上市。孖住出呢個Idea唔係好明：邊個幫邊個邊個害邊個呢？
好，近期買既碟首推呢個：知唔知有間唱片公司叫娛樂唱片？知唔知佢地曾經好惡，版權勁貴，跳左槽既歌手開演唱會唱番舊歌都好難錄落碟？好喇，聽聞最近版權終於賣左俾人，市面上推出一系列娛樂唱片五十周年金碟，好多我都唔多有興趣（即咁我雖然老），除左呢隻：麥潔文小姐精選，好歌包括：
斷
、
夜夜痴纏
（呢首就係出晒名半夜電台唔播話佢惹鬼既名曲喇）、
電光霹靂舞士
、
唐吉珂德
等等，唔識？哦！
王力宏新碟都有買，聽左幾次，整體感覺好過上次，暫時最鍾意係
你不知道的事
，
柴米油鹽醬醋茶
，另一樣就係果類中式快歌有進步，起碼唔會聽到你覺得『又係呢ｄ？』既感覺。消化一下再決定寫唔寫呢隻碟。
胡琳全新翻唱大碟《Jazz Them Up》揀選四大天王既歌黎翻唱，不過劉華既歌特別多，相信佢特別喜歡劉天王。唱得好，改得好唔錯，而且音樂做得好出色，音色好靚，唯一唔明白係：佢依家叫胡琳定小琳？大家對佢認識都唔深，改名仲改到唔湯唔水，點樣紅呢？
Swing全新EP《電》當然有買，五首歌五首Instrumental Remix，玩八十年代英倫電子感覺，派台兩首
無如果
與及
隔三日見一面
都不及我最愛既
男人不可以窮
，歌詞超正配上Bossa Nova節奏，正！
莫文蔚小姐與張亞東合作全新國語大碟《寶貝》聽左好多次，唔係話唔好，不過上次《回蔚》咁正，呢隻就驚喜不大，唔係話唔好聽既，但佢地既合作應該有更多火花！不過最嬲係：竟然出港版，送三首廣東歌，攪錯！
王菀之《Octave舞台劇原聲碟》原來揀左佢個人幾首歌入去，無睇個劇，呢隻碟都好唔錯，不過係咪唔駛出之前隻EP呢可？
德永英明先生Singles Best雙CD精選，買入原因因為真係唔少歌係改佢既，一首
藍雨
一首
Don't Say Goodbye
已經好正，但有一首我好想搵番個廣東版，就係呂方既
回來吧
，唔知邊個有呢首歌呢？
二手碟呢期只係買入旺福2004年同名大碟《旺福》，聽得好開心，仲要廿八蚊咋播！執執下都搵到佢地幾隻二手碟，只差《旺福誌》。
好，仲有一隻無買但好想講：羅敏莊小姐依家係大熱，所以有公司出左隻唔湯唔水精選碟《Very Meaningful》，首先，封面個卡通完全唔似樣，入面選曲奇奇怪怪，仲要將收錄係《一顆恨嫁的心》既
兄弟
寫左第二隻碟，其實係出精選都係華納幫佢出啦，下話！
黎緊都有幾隻碟想買：一峰二汶果隻啦，徐佳瑩啦，與及黃凱芹、許哲珮與及恭碩良。
歡迎光臨 娛樂滿紛 26FUN (http://26fun.com./bbs/)
Powered by Discuz! 7.0.0
