標題: 暢遊(唱遊)安全地帶 [打印本頁]

---

作者: simon_nt    時間: 2010-9-28 04:02 PM     標題: 暢遊(唱遊)安全地帶

安全地帶香港演唱會實況佈道

未入場前一如所料, 大部分買飛睇安全地帶的都係阿叔阿姨 (啱晒我年紀 ), 80後觀眾寥寥可數.

演唱會遲開近20分鐘, 開場第一首歌是「令人著急」, 玉置似有飲大咗嘅跡象, 口齒不清, 台風古怪, 果然係令人著急...... 不禁擔心演唱會會否像之前日本國內的演唱會一樣爛尾收場, 令中日關係進一步惡化, 中日大戰一觸即發, 安全地帶從此不再安全…… (咦我講咗去邊??).


言歸正傳, 幸好唱完兩三首歌之後, 玉置應該是酒醒了, 加上現場觀眾反應不錯, 玉置心情大好,  表現漸入佳境, 之後還用勉強可以聽得出係廣東話嘅廣東話同大家打招呼 「你好嗎?」「食咗飯未?」「I Love Hong Kong!」


到演唱會中段的一節Unplugged 環節, 玉置連續唱出多首煞食名曲如「酒紅色的心」
「藍眼睛的愛麗絲」
「藍月亮」 等, 觀眾亦開始投入, 氣氛漸漸高漲. 到了唱 「We’re Alive」 時, 字幕打出 “Thank you for coming to our show tonight. Turn on the light and let me see your face” 全場燈光突然亮起, 身邊的友人情不自禁大叫——咁快唱完? 唔係化?



好彩唔係, 否則又會同場加影歌迷同樂隊的罵戰.......在避過一場風波的同時演唱會亦正式進入高潮, 全場觀眾拍手附和, 氣氛熱烈. 之後的「夏日之神話」再將觀眾的情緖推至高峰.不少觀眾站立跳動.


我相信現場大部份的觀眾都和我一様不懂日文, 但到了演唱會尾聲, 玉置唱出首本名曲「向悲哀說再見」時, 竟然出現了由不懂日文的觀眾大合唱日文歌的奇景, 場面令人既驚奇又感動, 看得出台上的玉置亦深深被歌迷的熱情打動, 十分陶醉, 不停叫歌迷重複合唱, 又和隊友逐一撃掌慶祝, 直到歌迷開始覺得"唔對路"時才停止 (喂! 而家係我地開演唱會定你地開演唱會呀?)  演唱會到此亦正式結束.


歲月不留人, 老實說, 玉置的殘樣真是嚇了我一跳, 不過想深一層, 玉置都五張幾啦, 殘D都係正常, 比起果D打羊胎素, 食防腐劑嘅蠟像人自然得多! 演唱會由頭唱到尾, 唱足近兩粒鐘全無冷場, 都算有交代啦. 我們這些6, 7 字頭嘅觀眾也重溫了很多美好的集體回憶


(美中不足是好似冇唱到小弟最喜歡嘅「戀愛預感」 可惜!)

---

作者: soulja    時間: 2010-10-12 04:37 AM

very goood

---

歡迎光臨 娛樂滿紛 26FUN (http://26fun.com./bbs/)

Powered by Discuz! 7.0.0