娛樂滿紛 26FUN - Powered by Discuz! Board

標題: 騙人的英文學名 [打印本頁]

作者: win715 時間: 2011-10-26 12:38 PM 標題: 騙人的英文學名

這期幸福出了新廣告，向大家介紹了一個水蛇春咁長既名：Chlorpheniramine。這些醫藥的東東，向來喜歡用英文學名來拋書包，讓人覺得這隻藥很 pro。其實Chlorpheniramine這化學物在很多敏感藥也是主要成份，敏感藥最常用於收鼻水，所以你求其去公共診所到同醫生講你流鼻水，一包 Chlorpheniramine (maleate)就輕鬆到手，話埋頭痛又多包Paracetamol用。這個Chlorpheniramine真的是賣點嗎？

以益達曬駱駝為例，成日話Xylitol可以保護牙齒乜乜物物，其實Xylitol只係一隻代糖，佢所謂既預防蛀牙能力被無限放大，就變得好像神一樣。其實所謂既預防蛀牙能力只不過係佢唔會被細菌分解變成侵害牙齒，而佢保住其他糖份唔被細菌分解既能力我就真係唔知有幾大。

再以Lactacyd為例子，我聽到廖姐姐話含有lactic acid，我就真係撓頭，lactic acid咪即係乳酸，又係賣點？咁我就咁搽D奶落去咪得囉？(其實都唔關我事)。人自然會分泌酸性物質去保持佢既酸度，硬係有人多此一舉，之後請幾個明星捧熱，之後就個個用完都話舒服左。到底係心理上感覺終於有野可以用黎洗下所以好似舒服左？定還是真係舒服左？

要酸？不如用氫氧酸(hydroxic acid)啦！即係咩？即係一氧化二氫(Dihydrogen Monoxide)囉！如果睇到呢到你重係唔知佢係咩，咁你就真係好易俾人用英文學名欺騙。氧是O，氫是H，一個O同兩個H咪即係H2O囉，即係水。

1990年Eric Lechner同Lars Norpchen以一氧化二氫這個名來惡搞過：

一氧化二氫的危險包括：

．　又叫做「氫氧基酸」，是酸雨的主要成分；對泥土流失有促進作用；
．　對溫室效應有推動作用；它是腐蝕的成因；過多的攝取可能導致各種不適；
．　皮膚與其固體形式長時間的接觸會導致嚴重的組織損傷；
．　發生事故時吸入也有可能致命；
．　處在氣體狀態時，它能引起嚴重灼傷；
．　在不可救治的癌症病人腫瘤中已經發現該物質；
．　對此物質上癮的人離開它168小時便會死亡；
．　儘管有如此的危險，一氧化二氫常常被用於各式各樣的殘忍的動物研究；
．　美國海軍有秘密的一氧化二氫的傳播網；
．　全世界的河流及湖泊都被一氧化二氫污染；
．　常常配合殺蟲劑使用；
．　洗過以後，農產品仍然被這種物質污染；
．　在一些「垃圾食品」和其它食品中的添加劑；已知的導致癌症的物質的一部分；

然而，政府和眾多企業仍然大量使用一氧化二氫，而不在乎其極其危險的特性。

（以上資料來自wikipedia）

所以大家聽到什麼什麼學名的時候，不妨上網做一做功課，不要盲目聽到好像很pro的雞腸就撲過去，不要成為奸商的奴隸。

歡迎光臨娛樂滿紛 26FUN (http://26fun.com./bbs/)