娛樂滿紛 26FUN - Powered by Discuz! Board

標題: 我對 AC米蘭 vs 曼聯既賽後感 [打印本頁]

作者: yuripenny 時間: 2005-3-9 01:34 PM 標題: 我對 AC米蘭 vs 曼聯既賽後感

我諗你地唔係好同意我既講法~~~

我覺得係一埸技術性擊倒既賽事, 無論個球波入唔入, 邊個犯錯都好 (我就覺得冇人犯錯, 只係基斯普頂得太靚姐), 曼聯都冇機會贏, 場波仲幾一面倒tim, 猶其係下半場, a米等曼聯黎攻, 根住打反擊, 但係曼聯既攻勢.......無論傑斯, C朗等唔好話想斬波, 就連話想落地線就唔得, 只怪e+唔係打緊英超, 冇d雪糕桶 (英超D後衛) 俾C朗拿度扭啦@@, 加上仲要係對住既係卡富&馬甸尼, 世界級既防守, 朗尼&雲尼就更加唔好提, 雲尼雖然係世界一級中鋒, 但係對住當今世界最佳既中堅就冇野好講啦, 個朗尼直頭唔知成場係度做咩啦, 只怪自己未夠班啦, 加上a米控球能力太好, 當輸緊個時, 曼聯想控制中場都唔得, 加度素都應記一功的, 所以曼聯輸波係好合理的

雖然我都唔鍾意睇防守足球, 但係睇到AC個d防守, 又再次睇到咩叫防守既藝術, 係抵贏的

不過對曼聯黎講都係好既, 猶其係D後生仔 ( C朗,朗尼,軒斯) 平時係英超以為自己好勁, 出到黎歐洲就知咩叫做世界級水平啦, 好似C朗咁, 平時扭得咁開心, 但係E場, 俾加富偷左幾O次波, 打到尾段, 踢到發晒脾氣咁, ed後生仔真係....你估e度英超咩, 朗尼踢到不知所謂, 不過都係我意料之內, 始終英超同意甲水平唔同

作者: brightlee 時間: 2005-3-9 01:35 PM

hey, would you pls combine to one topic?! I am not meaning rude.. but it may be better to do it in this way....
otherwise, it's hard to respond you.

作者: antonytwl1679 時間: 2005-3-9 03:01 PM

琴晚我有睇直播呀~
唉,原本我係希望曼聯win既
但睇睇下就覺得真係唔夠AC黎
相反另外果邊車仔同巴塞係咁入波
搞到我幾想轉台
一心諗住曼聯有運,死唔去
但下半場傑斯比馬甸尼撞到爆光
D鼻血係咁出
以為曼聯D友仔會發奮啦
點知愈打愈衰.....
雲佬就下下唔係射廣告板就打飛機
C仔插插下花比尼斯達一個唔該就搞掂左,慶到C仔面都紅曬
朗尼就直情唔知去左邊
(可能攝影師哥哥都費事影佢,呀有!,影佢鬧C仔獨食口UPUP,肯定爆緊粗啦)
傑斯我就覺得最勤力(但爆光要提早收公)
史高斯就頻頻番轉頭
堅尼就最搞野,係自己禁區P低左仲攬住個波(球證睇唔到掛)
軒斯比卡度素串到聲都冇得出,係咁撞,下下都同你死過
李奧同布朗就不過不失,時時解圍
曼聯真係唔夠AC揪.......認命啦

作者: 拳王洛奇 時間: 2005-3-9 03:13 PM

我自己睇完下半場都覺得
曼聯仲未夠班可以再一次奪歐聯
我相信樓上所講既差唔多係我想講既野

作者: shaqkobe 時間: 2005-3-9 04:41 PM

Originally posted by 拳王洛奇 at 2005-3-9 03:13 PM:
我自己睇完下半場都覺得
曼聯仲未夠班可以再一次奪歐聯
我相信樓上所講既差唔多係我想講既野

唉！的確今季既曼聯真係唔夠班。青黃不接，希望下季會好d啦。依家好多曼聯迷都係死硬派，鬼唔知佢唔掂咩，不過鐘意就要支持架啦。由細睇到大總係有種情義結係到。

作者: pkdonald 時間: 2005-3-9 05:54 PM

Originally posted by shaqkobe at 2005-3-9 04:41 PM:

唉！的確今季既曼聯真係唔夠班。青黃不接，希望下季會好d啦。依家好多曼聯迷都係死硬派，鬼唔知佢唔掂咩，不過鐘意就要支持架啦。由細睇到大總係有種情義結係到。

佢打英超都未必夠車仔砌啦

何況出到去打歐洲賽呢......

作者: 段云 時間: 2005-3-9 06:03 PM

連加度素都可以中路突破，過左一兩個之後再同卡卡玩撞牆
再射埋波，你就知曼聯既情況有幾壞喇。
抵輸！
Ａ米好波！！！！！

作者: gigg11 時間: 2005-3-9 06:19 PM

其實冇所謂ga~~
曼聯既新一代
應該需要更加失敗來建立成功既基石ga.........

何況今場俾人技藝性擊到,唔係自己犯錯已經好好ga啦~~
其實曼聯輸左首回合後我已覺返魂無術

現不如盼望佢地足總杯吧啦~~
起碼足總杯得阿仙奴係真正對手
聯賽就車仔攞冠軍基本上冇咩問題
如果今季俾曼聯攞左我反而會為車仔有d唔抵
因為佢地聯賽真係打得好好,呢家漸時睇唔出有咩理由要車仔讓出榜首,
如果佢真係衰左既話都係自己攞黎

不過點都好,我反而諗
ba塞都輸左俾車仔,仲有邊隊可砌贏佢???
皇馬??祖記??AC??

作者: shaqkobe 時間: 2005-3-9 07:21 PM

Originally posted by gigg11 at 2005-3-9 06:19 PM:
其實冇所謂ga~~
曼聯既新一代
應該需要更加失敗來建立成功既基石ga.........

何況今場俾人技藝性擊到,唔係自己犯錯已經好好ga啦~~
其實曼聯輸左首回合後我已覺返魂無術

現不如盼望佢地足總杯吧啦~~
起 ...

我認為最大既攔路虎會係強守既AC。如果皇馬vs祖記，皇馬出線反而對車仔有利

作者: Kev 時間: 2005-3-9 07:32 PM

man utd係唔夠ac勁..
不過未至於你講到 c.ron , rooney 個d真係廢成咁..
c.ron今場少左推波... 係佢成熟左... 佢有推個幾球都過幾個人... 你當佢神呀... 一兩次比人偷波係正常.. 難道zidane可以? 好多人串c.ron因為佢太花巧姐... 而家d dribbling都實際好多... 同埋我"唔滿意"你話英超D後衛係雪糕筒... 你唔好玩針對囉...
rooney... 佢真係好波... d射波好有水準... 成場波佢小波踢只係因為冇供應... 有得起腳個一兩球都好有工價... 前鋒係咪要真係成日出鏡先叫勁呢... 你睇下crespo咪知囉... 佢掂過幾多球波... 同rooney差唔多姐... 不過分別係佢頂入左一球...

成場波.. man utd 難攻因為AC 放重黎守.. 你唔可compare ac and man utd with chelsea and barcelona.. 兩場波唔同.. 一邊打進攻一邊打防守.. 如果man utd 真係你講到咁唔夠班.. 連攻都攻唔到既話.. 佢上回合雖然入唔到波.. 但係你唔可以話佢地係0-0個時.. ac 未死守既時候.. 佢地冇做過任何野囉.. 睇野睇得客觀d好...

作者: 堅少 時間: 2005-3-9 07:52 PM

曼聯好明顯唔夠砌 , 有 d 攻不銳守不穩 , AC 實在太強 , 我愛曼聯但明顯 .. 技不如人 la ...

作者: 科 時間: 2005-3-9 08:12 PM

Originally posted by 堅少 at 2005-3-9 07:52 PM:
不過點都好,我反而諗
ba塞都輸左俾車仔,仲有邊隊可砌贏佢???
皇馬??祖記??AC??

我認為AC/拜仁最大機會,
要贏車仔唔可以一味靠死攻
係要同佢玩部署,好似捉棋咁的........
呢樣野AC/拜仁最擅長

作者: 奧丁 時間: 2005-3-9 08:40 PM

Originally posted by antonytwl1679 at 2005-3-9 03:01 PM:
但下半場傑斯比馬甸尼撞到爆光
D鼻血係咁出

唔係馬甸尼撞ga!!係加度素!!

我有睇e埸波!!ac係我最喜愛球隊!!所以我好開心!!

作者: 奇 時間: 2005-3-9 08:58 PM

giggs個球撞柱可惜

作者: yuripenny 時間: 2005-3-9 09:34 PM

Originally posted by 科 at 2005-3-9 08:12 PM:

我認為AC/拜仁最大機會,
要贏車仔唔可以一味靠死攻
係要同佢玩部署,好似捉棋咁的........
呢樣野AC/拜仁最擅長

我覺得ac同祖仔最大機, 我覺得拜仁差少少, 始終佢作客唔係好點

作者: RNRSKY 時間: 2005-3-9 10:53 PM

身為曼聯迷,尋晚睇到87分鐘已熄電視
不能否認,曼聯真係技不如人,成場挨打
正如安察洛堤話齋
對AC條防線有威脅的只有傑斯上半場果球中柱波
雲佬嚴重缺態,係門前7至8碼無人mark佢射果球,夠膽死連龍都唔中
史高斯最佳係後上攻門,但尋晚就完全做哂防守球員,好似一腳射門都冇
堅尼老la,要佢又防守又派波,搞到條中場死哂火
相反AC班球員分工好清明,要mud有mud
有加度素不斷走,破壞曼聯D中場傳波
施多夫同派路協助防守,做派波角色
卡卡快速推散曼聯條防線,基斯普在禁區等隊友傳波
所以尋晚基斯普勁多射門
我敢膽講曼聯真正射門只得兩次(傑斯果球同朗尼禁區外ge遠射)
想唔輸都幾難...
曼聯缺乏一個可控制中場傳送派波ge人
我認為這也是以往華朗係曼聯時打歐聯特別醒神ge原因
曼聯現時想用係英超ge踢法去挑戰歐洲列強,結果好明顯
想入人一球都難.......................................................

作者: kwongt 時間: 2005-3-10 12:06 AM

每一支強隊都有青黃不接, 調整期....
AC係荷蘭三劍俠後都有一段時間好低沉....
國米係德國三劍俠後亦一樣.....
今期係車路士....幾年後又另一隊.....

作者: Pharaoh 時間: 2005-3-10 12:33 AM

Originally posted by kwongt at 2005-3-10 12:06 AM:
每一支強隊都有青黃不接, 調整期....
AC係荷蘭三劍俠後都有一段時間好低沉....
國米係德國三劍俠後亦一樣.....
今期係車路士....幾年後又另一隊.....

Chelsea唔會bor!
因為 J.Cole 已經表現o左佢有成為第二個 Lampard o既潛力! 除o左唔知講o左幾多句 'fxxking hell' 之外, 佢對Barcelona真係踢得好好!
少一份獨食, 多幾份努力!! 最重要係有積極參與防守!!

作者: kwongt 時間: 2005-3-10 12:58 AM

Originally posted by Pharaoh at 2005-3-10 12:33 AM:

Chelsea唔會bor!
因為 J.Cole 已經表現o左佢有成為第二個 Lampard o既潛力! 除o左唔知講o左幾多句 'fxxking hell' 之外, 佢對Barcelona真係踢得好好!
少一份獨食, 多幾份努力!! 最重要係有積極參與防守!!

你講緊係個別球員既表現...
我講既係球會興衰.....

cole同林伯特尋晚係打得好, 但始終欠缺好似施丹, 朗拿甸奴或者巴治澳呢d憑個人能力扭轉敗局既能力!
佢地能否成功要靠佢地既努力, 由其係cole, 佢係車路士唔係必然正選, 國家隊都唔係每次都蒜佢, 就算選到都係以後備上場多.....

作者: Pharaoh 時間: 2005-3-10 01:32 AM

Cole 之前冇正選係因為佢唔積極參與防守, 所以少帥唔鍾意用佢!
憑個人能力扭轉敗局? 朗拿甸奴都做唔到喎! STRONG TEAM WORK is the main trend of world football already! Look at Greece in Euro 2004!! I knew none of the players indeed...
Besides, Robben, Kezmen, Terry, Cole, Cech are all young! And if still under current boss... what Chelsea won't lack of is CASH!!!!!

作者: pkfuck 時間: 2005-3-10 04:10 PM

基斯普好波,佢第二春呀

作者: 丹山 時間: 2005-3-10 08:01 PM

Originally posted by Pharaoh at 2005-3-10 01:32 AM:
Cole 之前冇正選係因為佢唔積極參與防守, 所以少帥唔鍾意用佢!
憑個人能力扭轉敗局? 朗拿甸奴都做唔到喎! STRONG TEAM WORK is the main trend of world football already! Look at Greece in Euro 2004!! I kn ...

咁唔係次次都係扭轉敗局o架麻=/
係講佢地有果種能力 ...."佢地唔放棄以及往往係比賽未段靠個人技術助球隊反勝
唔係幾多個球員有佢地呢種精神力" 就正如希臘打世界盃外圍賽打到咁o既樣....
足球o既野無必然o既 teamwork仲要但往往隊中有一個比其他隊友認同技術出眾o既球員
係勝利o既一個關鍵"

歡迎光臨娛樂滿紛 26FUN (http://26fun.com./bbs/)