你伯爺出嚟行，半路就去咗賣鹹鴨蛋，睇個勢，依家個地盤分成三嚿，益州睇嚟都喺保唔住嘅啦，以後個世道睇嚟都幾難捱。但喺你伯爺留低班細嘅都好忠心，班懵柄出去劈友連命都唔要，呢D都喺睇在你老豆以前俾錢又俾女嘅份上，依家想報答翻你嘖。嗱，阿叔我依家就只喺想你醒醒定定，搞掂你老豆嘅遺願，等班兄弟都有得威，千其唔好將自己當成一嚿叉燒，辜負咗班手足。

（臣亮言：先帝創業未半而中道崩殂。今天下三分，益州疲弊，此誠危急存亡之秋也。然侍衛之臣不懈於內，
忠志之士忘身於外者，蓋追先帝之殊遇，欲報之于陛下也。誠宜開張聖聽，以光先帝遺德，恢弘志士之氣，不宜妄自菲薄，引喻失義，以塞忠諫之路也。）
　　家陣班兄弟都喺自己友嚟嘅，想鬧邊個摑邊個，都要公平；唔俾心機做嘢嘅，成日喺度搞三搞四嘅，同埋份人忠忠直直嘅，就交俾保衛科，應該斬手嘅斬手，應該升職嘅就升職，咁樣就表現到你對大家都喺公平嘅，你千其唔好幫埋一邊，對大家大細超。

（宮中府中，俱為一體；陟罰臧否，不宜異同；若有作奸犯科及為忠善者，宜付有司論其刑賞，以昭陛下平明之理；不宜偏私，使內外異法也。
）
　　郭仔、費仔、董仔，份人都好老實，做嘢好周到，你伯爺在世果時就特別睇得起佢哋，臨死前嗌佢哋好好咁幫你，阿叔我話齋，會入邊大大細細嘅事都可以交俾佢哋。

（侍中、侍郎郭攸之、費禕、董允等，此皆良實，志慮忠純，是以先帝簡拔以遺陛下。愚以為宮中之事，事無大小，悉以咨之，然後施行，必能裨補闕漏，有所廣益。）

　　你果個懵柄向叔，人好好，亦都好生猛，劈得玩得，你伯爺都話佢“掂”，你得就提拔下，我覺得收陀地劈友嘅嘢就交俾佢，一定可以搞大我哋個地盤，以後就冇人敢惹我哋嘅啦。

（將軍向寵，性行淑均，曉暢軍事，試用於昔日，先帝稱之曰能，是以眾議舉寵為督。愚以為營中之事，悉以咨之，必能使行陣和睦，優劣得所。）
　　我哋舊時個會點解開始咁勁，就喺因為一直收埋D老實人，趕走曬D呃飲呃食嘅，後嚟點解會搞到咁衰，就喺因為身邊剩翻班口噏噏當秘笈嘅廢人，你伯爺以前次次同我傾計，講起呢單嘢都赤赤銅。侍中、尚書、長史、參軍，呢幾條友都喺阿叔我斬過雞頭嘅好兄弟，你一定要信佢哋，我哋會重振雄風之日就指意曬你啦！

（親賢臣，遠小人，此先漢所以興隆也；親小人，遠賢臣，此後漢所以傾頹也。先帝在時，每與臣論此事，未嘗不歎息痛恨於桓、靈也。侍中、尚書、長史、參軍，此悉貞良死節之臣，願陛下親之信之，則漢室之隆，可計日而待也。）

　　阿叔本來就喺個耕田佬，喺南陽都有翻幾嚿田，喺呢個人隊人嘅年代，我不想隊人，只喺想唔俾人隊。你伯爺唔嫌棄我，三日唔埋兩日就走去我屋企，問我點搞好個會，阿叔我就感動到標曬馬尿，咁就跟咗你老豆啦。後嚟我哋會同操爺個會開片，衰咗，阿叔我撐住成個會，到依家都廿幾年囖。

（臣本布衣，躬耕於南陽，苟全性命於亂世，不求聞達于諸侯。先帝不以臣卑鄙，猥自枉屈，三顧臣於草廬之中，咨臣以當世之事，由是感激，遂許先帝以驅馳。後值傾覆，受任於敗軍之際，奉命於危難之間，爾來二十有一年矣。）

　　你伯爺知你阿叔我醒目，所以賣鹹鴨蛋之前就將D大事都交托曬俾我，自從換咗你做阿頭之後，我就日日失眠，擔心辜負咗大佬嘅心意，所以五月果時就帶住班手足開船過河，去果個山卡拉嘅地方，搞掂曬所有應該搞掂嘅嘢。依家南邊冇人再敢搞三搞四，我哋班靚又人強馬壯，應該好好哋俾班手足疏乎下。然後再將中原打翻翻嚟，將果D冇本心嘅二五仔通通做低曬，講我哋果D忠字頭嘅都扶翻起身。咁樣我就算對得你伯爺住啦。至於要點搞，冧橋呢D咁嘅嘢就要靠攸之、禕仔、允仔佢哋啦。

（先帝知臣謹慎，故臨崩寄臣以大事也。受命以來，夙夜憂歎，恐託付不效，以傷先帝之明，故五月渡瀘，深入不毛。今南方已定，兵甲已足，當獎率三軍，北定中原，庶竭駑鈍，攘除奸凶，興複漢室，還於舊都。此臣所以報先帝而忠陛下之職分也。至於斟酌損益，進盡忠言，則攸之、禕、允之任也。）
　　呢一次阿叔我就喺去劈班契弟，劈唔成嘅話你話點就點。如果搞唔掂個會，你就去搵攸之、禕仔、允仔，我就唔信果班嘢敢吃碗面反碗底。阿仔你都應該搵個時間好好哋咁念下你伯爺嘅話。咁你阿叔我就好欣慰啦。

（願陛下托臣以討賊興複之效，不效，則治臣之罪，以告先帝之靈。若無興德之言，則責攸之、禕、允等之慢，以彰其咎。陛下亦宜自謀，以咨諏善道，察納雅言，深追先帝遺詔。臣不勝受恩感激。）

　　得啦得啦，時間到，去劈友啦，男人老狗，標曬馬尿咁，都唔知講咗D乜。