娛樂滿紛 26FUN - Powered by Discuz! Board

標題: 陳方安生︰痛心及氣憤 [打印本頁]

作者: 中出男 時間: 2013-10-24 09:31 PM 標題: 陳方安生︰痛心及氣憤

元祖香港良心

http://hk.apple.nextmedia.com/realtime/news/20131024/51837461

香港電視網絡不獲發免費電視牌照引起極大爭議，政府卻以行會保密制為由拒絕詳細交代原因。前政務司司長陳方安生出席電台節目時指出，行會保密制旨在讓行會成員暢所欲言，但政府不能以此為藉口，在重大政策上不解釋原因。她批評政府以此為擋箭牌，破壞行之有效及高透明度的制度。

陳方安生早上出席電台節目時表示，事件令她痛心及氣憤，又說近日多名行會成員發言想與政府劃清界線，估計不發牌予香港電視並非大多數行會成員決定。她建議行會成員主動提出再開會討論發牌事件。

圖片附件: 1382581785_e3ed.jpg (2013-10-24 09:31 PM, 169 KB) / 下載次數 0
http://26fun.com./bbs/attachment.php?aid=2612479&k=89a846f72161c9e6e8374debdcb33043&t=1732410215&sid=k8xXpR

作者: d228216 時間: 2013-10-24 10:10 PM

作者: 中出男 時間: 2013-10-24 10:12 PM

d228216 發表於 2013-10-24 10:10 PM

她建議行會成員主動提出再開會討論發牌事件

作者: bobo21 時間: 2013-10-24 11:18 PM

睇完都扯火, 320個電視從業員因為政府政策的錯誤, 失去了自己做開職位, 即時失去了飯碗, 將來亦不知何去何從, 咁都是少少事就上街喎.

轉貼報導 :

【電視風雲】曾志偉繼續解畫: 唔希望香港有少少事就上街噚日辭去演藝人協會會長職位嘅曾志偉，今日繼續接受電台訪問解畫，除咗再次解釋點解要辭職，更表明「業界」唔應該「呼籲」上街。

主持李慧玲問佢，演藝人協會只係唔贊成導演會個聲明，遊行前一日導演會十大屬會聯署冇落演藝人協會名義，但問到志偉點解星期日唔去遊行，係咪唔支持業界，曾志偉仍然強調，如果星期六出聲明或記招，就好似煽動人上街咁，佢唔想有一個煽動嘅行為，佢話:「我覺得呼籲唔應該係煽動性，係一個支持就好，可能我保守，我唔希望香港有少少事就出街，點解成日有人上街，係咪會覺得香港會混亂咗呢?」

主持又問:「咁會唔會諗係政府做得唔好?」志偉答:「我知，咁但我哋個行業唔係呼籲人哋上街。」

主持再問:「雖然你唔認同份聲明，點解你唔上街?」志偉話:「我覺得咁多個會長未Clear個動機，係指責政府?一齊出街?要有明確指示。」

訪問中志偉好幾次質疑王維基炒人的決定:「而家唔係撐一個台去有牌，點解一話唔發牌就炒人呢?組織一個公司係諗一個年期，點解係320人呢?係咪一早預咗要炒人?....你應該要考慮政府唔發會點?點解你做野咁草率?」主持話有政府官向王維基表示合資格就有牌，志偉話:「咁大個人點會信政府?」之後仍強調:「點解要炒人?有能力去捱幾年，點解依家要炒?點解我唔係咁支持王維基，因為覺得佢做事草率。」

主持話志偉令人覺佢對維基有火，但對政府反而體諒，志偉辯解:「政府依家請人已經冇人敢做，個個都比人鬧得好犀利，我唔覺得有人做政府部門會懶懶閒唔想做好，咁我哋要比啲時間佢唔好迫佢。」

主持問:「咁12萬人辛苦啲定政府辛苦啲?」志偉話:「大家都辛苦。」但佢話唔覺得「12萬人都係支持一個機構」又反問政府係咪每一樣嘢都要交待:「某程度上政府做咗嘢，有時好多嘢唔能夠太過責罵，因為其實今次件事俾咗個交代...我唔明白，我哋究竟逼佢哋話『喂，你樣樣都有交代』...係咪每樣嘢都要交代呢?」

圖片附件: 20131024.jpg (2013-10-24 11:18 PM, 200.7 KB) / 下載次數 0
http://26fun.com./bbs/attachment.php?aid=2612480&k=ec8f54b489f0a5fd6039b2f9fcfdf7d4&t=1732410215&sid=k8xXpR

作者: shehboy 時間: 2013-10-24 11:20 PM

兩個前政務司司長都X, 如果仲有個唔係等緊坐監, 應該有三個

歡迎光臨娛樂滿紛 26FUN (http://26fun.com./bbs/)