娛樂滿紛 26FUN - Powered by Discuz! Board

標題: 垃圾片金雞sss [打印本頁]

作者: goonejp 時間: 2014-2-5 09:45 AM 標題: 垃圾片金雞sss

本帖最後由 goonejp 於 2014-2-5 09:47 AM 編輯

賀歲猛片《金雞sss》因嘲諷長毛喺立法會掟吓嘢就收工，乾豆人工，又指撐政府及反政府之示威人士，都係收錢做嘢，引起網民強烈反應，甚至呼籲罷睇，本來一套胡鬧笑片抽長毛水，不值一提。但《金雞》系列，主力sell本土情懷吸引歡眾，第一及第二集由陳可辛監製，用金雞此人經歷，回顧香港歷史，尤其第二集沙士一段，令香港人感同身受。有此背景，就要認真討論了。第三集換上吳君如監製，視覺觀點自然會改變，變好定變壞，大家心中有數。

兜圈抹黑反梁示威套用「中國模式」思維，即毛澤東延安整風反右style，《金雞sss》乃一株「毒草」，散佈一種「我討厭政治」之消極情緒，與王菀之出任基本法大使、黃百鳴電影為反佔中籌款、GEM撐梁振英後成功變身內地天后同出一轍。《金雞sss》抽長毛水，長毛本人一笑置之，認為係創作自由。但大家諗諗，長毛掟嘢收工乾豆八萬元，並非甚麼創作，而係來自「五毛」言論，過去兩年充斥大小論壇，乃建制派長期攻擊長毛嘅觀點。如果抽長毛水真係創作，就屬於低水平五毛水平創作，仲收觀眾50蚊門票！網民過去一見到論壇或fb post回應之中有此「白豆人工」論調，定必嘲笑為「五毛又出動」，所以當電影出現100%複製品時，自然火大。
至於收錢示威表面兩邊砌，但實際係人都知係「臭格派二百五」嘅挺梁大遊行醜聞，「主場新聞」全程放蛇人贜並獲；而忽然湧現之愛字頭紅衞兵，背景不明，引起傳媒關注背後是否由內地支持；仲有多次政總示威，被傳媒發現有職業示威者。兩邊砌實際效果係抹黑反梁示威，用一種「冇個好人」態度，鼓吹「政治好黑暗」低B白癡言論。
香港娛圈人搵食格係人都知，如果你打正旗號好似成龍在《警察故事2013》變公安，劉青雲在《逃出生天》變廣州市消防大隊長，香港人就最多選擇唔睇，但金雞擺明係以香港市場為主，sell本土情懷，強行加上「反動」政治觀點，香港人就要小心，因為今年要全方位打擊佔中，搶奪話語權，攻佔意識形態戰綫，由此觀之，《金雞sss》唔似獨立事件。
當然，用流行文化宣傳和諧論要好有技巧，如果硬生生設計一個戴耀廷角色去奸淫擄掠會冇市場，但兜個圈去鼓吹一種「政治好污糟、討厭、黑暗」就容易得多，起碼appeal to一班小白領、baby kingdom常客。
當年我好欣賞陳可辛一套電影叫《投名狀》，要成功賺人仔，尤其電影屬意識形態領域，敏感行業，要加入成為官方一夥，當然也要納政治「投名狀」

作者: 中出男 時間: 2014-2-5 10:03 AM