娛樂滿紛 26FUN - Powered by Discuz! Board

標題: 江若琳向寰宇解約，賺千萬冇分過1毫子 [打印本頁]

作者: 中出男 時間: 2014-4-18 09:42 AM 標題: 江若琳向寰宇解約，賺千萬冇分過1毫子

本帖最後由中出男於 2014-4-18 09:44 AM 編輯

【太陽報專訊】去年初嘗角逐影后滋味的女星江若琳雖然已成為「寰宇一姐」，但她昨日卻被《好報》獨家披露近日突然向經理人公司寰宇提出解約，令老闆林小明大感詫異，據知江若琳曾向公司墊支50萬元，聲稱是「生活費」，林小明聞言即「反擊」：「咁講會唔會因為佢收入唔夠支出多？代表我哋墊支咗好多畀佢？」
昨日《好報》獨家披露女星江若琳近日向經理人公司寰宇發出律師信要求解約，寰宇高層各持不同意見，老闆林小明雖然感到詫異及震怒，但仍希望和平解決，有高層則表示尊重合約精神，對簿公堂亦在所不計。而有消息人士透露江若琳多年來曾多次向公司墊支，據知她更曾開口要求墊支50萬元，寰宇亦一樣有「科水」。

墊支當「生活費」
記者昨日先後聯絡林小明及江若琳，林小明承認對方要求解約，希望和平解決事件，並表示由於事出突然，尚未跟對方溝通：「過年時有見面，完全冇先兆。」問到江若琳有否跟公司墊支50萬元？他直認說：「係舊年嘅事。（用咩理由借？）總之佢話有需要，咁咪借囉！公司幫助佢冇手軟。」問到如何解決事件？他表示會循法律途徑解決。
而江若琳則透過短訊回覆：「我對呢件事沒有甚麼回應了，只能說我是完成合約，而不是解約，而現在所有事交畀律師處理啦！謝謝你！」問到有否墊支一事？她回覆說：「現時我真的不便回應太多，我只能夠說，一個賺過千萬，但十年來一毫子收入也沒有分到過的藝人，向公司申請生活費，到底是借支還是酬金，我不知道怎介（界）定了……」擺明話中有話。
其後記者再聯絡林小明，提到江若琳的「話中話」，他說：「冇生活費一早過唔到生活啦！買車、食飯、租金啲錢邊度嚟？咁講會唔會因為佢收入唔夠支出多？代表我哋墊支咗好多畀佢？」

有簽結數單作實
問到墊支的詳情？他說：「佢舊年問公司借時，想佢媽咪安心，所以我哋借畀佢，會喺佢嘅工作酬金扣番。我哋每3個月都有Statement（結數單）畀佢簽，佢都清楚而且有簽，我哋係上市公司，每條數都好清楚。」雖然跟江若琳出現合約糾紛，但他仍然願意給對方機會：「佢到2014年5月死約先完，如果我哋唔捧佢，唔會2011年同佢開演唱會，2012年開《高舉‧愛》，同年開多套投資5,000萬嘅劇畀佢做女主角，2013年就收成。唔捧佢唔會咁做啦！只係想佢快啲醒，盡快好好工作，可能佢受人唆擺，年紀又輕，所以作出錯誤決定。」
據知，江若琳當年跟寰宇簽訂的是十五年合約，首十年為死約，接着的五年寰宇有使用權，代表如果寰宇繼續跟江若琳合作，江若琳並不能推辭，除非寰宇放棄這權利，江若琳才可成為自由身。合約將踏入第十一年，江若琳近日即透過律師尋求解約方法。有傳江若琳決定解約是因為去年在內地認識一位富商，兩人一見投緣，此後便有人開始教路，指她應跟寰宇解約，全面往內地發展。

圖片附件: 0418-00470-001b1.jpg (2014-4-18 09:43 AM, 203.1 KB) / 下載次數 0
http://26fun.com./bbs/attachment.php?aid=2656728&k=246f2bd3947a51fe05f61031d9864a07&t=1732476228&sid=a44HAA

作者: hiall2008 時間: 2014-4-18 04:32 PM

遙希真慘

歡迎光臨娛樂滿紛 26FUN (http://26fun.com./bbs/)