娛樂滿紛 26FUN - Powered by Discuz! Board

標題: 周永恒疑患鼻咽癌 [打印本頁]

作者: 地溝男 時間: 2014-10-2 12:12 PM 標題: 周永恒疑患鼻咽癌

（Roy）早前和趙頌茹（阿Yu）發生家暴傷人被判守行為，在守行為期間再因滋擾阿Yu而涉嫌刑事恐嚇被控告，聲稱身體不適以致聆訊押後的他，目前在伊利沙伯醫院羈留病房留醫，本身患有腦水瘤的Roy，前日檢查時更懷疑患上鼻咽癌！至於阿Yu則決意重新出發，繼早前復出接拍廣告後，日前被拍得到家品店買家具，似乎準備與兩名愛女展開新生活！

早前因打傷太太趙頌茹而被判守行為的歌手周永恒可謂一波未平，一波又起，繼被爆出背妻偷食o靚模兼工作拍檔劉依靜（Ruby）後，近日又因到阿Yu娘家吵鬧一事而涉嫌刑事恐嚇被控告。原定上月26日到屯門出席聆訊的他，最終因腦水瘤惡化缺席聆訊，並由律師申請押後至本月三日再提訊，Roy更被轉送到伊利沙伯醫院羈留病房留醫。
目前仍在羈留病房留醫的Roy病情再現新狀況，一直受到鼻塞及流鼻水困擾的他，起初以為只是鼻敏感，惟前日在醫院檢查時，經醫生抽取鼻腔組織檢驗後，卻發現其淋巴出現問題，更初步懷疑Roy患上鼻咽癌！然而一切尚待醫院的報告結果才能確診，而他今日將會接受磁力共振檢查，進一步了解病情。本身患有腦水瘤的他，自入院後又因持續出現嚴重頭痛而被懷疑患上腦炎，認真「百病纏身」！
命仔緊要過官司
本報記者昨日就Roy懷疑患癌一事致電周永恒媽媽，她對此事直認不諱：「Roy有打畀我講呢件事（可能患癌），不過一切都要等報告出咗先知。」得知Roy有機會患癌的周媽媽雖然受訪時聲音冷靜，惟坦言擔心兒子的病情，並指「命仔」比官司緊要：「好擔心佢，條命好緊要，官司唔諗住。」她更趁機為Roy喊冤：「我個仔真係有病，啲人成日懷疑佢扮病，病邊有得扮。」
一直為兒子撐起半邊天的周媽媽又透露曾為Roy的官司而痛哭：「之前同律師傾官司，知道佢（Roy）有機會被重判三年刑期嘅時候，我有崩潰同喊過，不過覺得呢個時候要頂住，唔可以冧。」自言會堅強面對的她更承認兒子有做錯，惟作為母親會無條件支持兒子，並與他共同面對未來的難關。
對於兒子「百病纏身」，她認為冥冥中自有主宰：「或者一切都係神安排，如果佢唔係被捕，就唔會發現佢身體出現咁多問題。」不過問到Roy會否因病情惡化而再度押後上庭時，她表示希望官司盡快得到解決，讓他有更多時間接受治療。
僅通電話解思念
愛子心切的周媽媽又透露連日來未見過Roy，指現時僅靠每日少於一分鐘的通話以解思念：「因為佢喺羈留病房，所有朋友都唔可以去探佢，就連父母去探佢都要經過多重手續，阿仔唔想我哋每日舟車勞頓出九龍探佢，所以我哋一直都冇去過。我哋每日都會傾幾次電話，但係每次都得幾秒鐘，唔夠一分鐘，我真係好掛住佢。」
她稱雖然Roy目前可進食，但因需接受不同的檢查及治療，並服用抗生素及打針而經常睡覺，故令她擔憂：「佢依家可以食嘢，佢仲同我講醫院嘅鰻魚飯幾好食，唔知係咪怕我哋擔心先咁講。」與兩名孫女分隔的周媽媽更直言掛住「兩粒孫」：「好掛住佢哋，知道阿Yu就快搬屋，曾經打過畀佢想幫手湊番兩粒孫，不過佢冇覆過我。」

圖片附件: 1001-00470-001b1.jpg (2014-10-2 12:12 PM, 390.9 KB) / 下載次數 0
http://26fun.com./bbs/attachment.php?aid=2694453&k=04e8aa621e339d83981dfce39d351f95&t=1732628423&sid=mIjOEe

歡迎光臨娛樂滿紛 26FUN (http://26fun.com./bbs/)