娛樂滿紛 26FUN - Powered by Discuz! Board

標題: 80後股市獲利，425萬買樓成功上車 [打印本頁]

作者: 地溝男 時間: 2015-4-11 03:58 PM 標題: 80後股市獲利，425萬買樓成功上車

狂野北水好過打一世工牙

【太陽報專訊】【本報訊】港股大時代，有人選擇「按咗層樓」加碼投資股市，有人則選擇沽股買「磚頭」。一名八十後年輕人，見近日股市急漲，遂調撥部分首期資金投資股票，獲利後隨即套現，首期變得充裕下，終於斥資425萬元買入青衣青怡花園一個單位圓上車夢。
有散戶「按咗層樓」加碼
利嘉閣市務經理彭錦添透露，一名來自九龍區的八十後年輕人，鍾情青衣區屋苑配套，原先預算以約40萬元首期、九成樓按在區內選購樓價約400萬元單位，睇樓已經一個多月，可惜未能物色到心水單位。近日股市急漲，這名年輕人調動部分首期資金投資股票，獲利後隨即套現，估計獲利達六位數字。首期變得充裕下，與業主僅議價5萬元後，以425萬元購入青怡花園一個極高層實用面積343方呎單位，首期約65萬元，單位實用呎價12,391元，成交價及呎價均創同類單位新高。
港股連漲多日，散戶個個有錢賺，部分選擇去旅行、食自助餐、買靚衫獎勵自己。更有個別愈來愈心雄散戶，計劃「按咗樓層」增加投資股票，梁先生表示：「內地不斷有水放，個市實會繼續升，預期恒指升多1,000點先會回調，我已經幫層自住樓搞緊按揭，加碼150萬元投資股市。」
此外，港股復活節長假後爆升三日，但飲食業人士相信「魚翅撈飯」景象未必會立即重現。本身是叙福樓集團董事總經理的稻苗學會主席黃傑龍指，港股如能健康穩定地持續向上，對飲食業一定是好事，但近三日急升未有明顯帶旺飲食業市道，相信或要到今個周末才會見到「慶功宴」上演：「所謂一節淡三墟，復活節後生意一定會淡靜啲，股市升得急，股民都驚會跌得快，所以生意無話恒指升咗千幾點就特別旺。」

歡迎光臨娛樂滿紛 26FUN (http://26fun.com./bbs/)