娛樂滿紛 26FUN - Powered by Discuz! Board

標題: 經典白痴港女五揀一 [打印本頁]

作者: 地溝男 時間: 2016-8-31 01:47 PM 標題: 經典白痴港女五揀一

唉，夜晚播《巨輪2》，上一次劇情已經夠老土，今次又有老是常出現、演技嬌揉造作嘅陳凱琳，睇怕應該食唔到《城寨英雄》個勢，收視應該直線下降啦⋯⋯講真，有邊個會忍得到又煩又造作嘅人，更何況日日都睇有可能唔反感？以下5種做作女嘅性格，睇吓你或者身邊有無朋友中：

個人浮誇過做舞台劇－代表人物：陳凱琳
身邊有無啲人，表情誇張到不得了，無論見到咩，例如收禮物，都係得一個反應，就係瞪大對眼扮驚訝。然後最鍾意就係小動作多多，又鍾意搶住啲嘢嚟講，開口就吱吱喳喳，有佢講無人講，勁想表現自己，浮誇到不得了，造作得令人反感呢？

如果搵藝員例子解釋嘅話，就一定要搵陳凱琳啦。佢做親戲都勁用力，特別喺劇集《張保仔》一有獨腳戲，表情動作仲浮誇過做舞台劇。同其他演員做對手戲嘅時間，講嘢又急又快，一輪嘴咁連珠炮發，畀人感覺好串。其實做人呢，收斂少少會比較順眼。

高分貝、雞仔聲－代表人物：蔡思貝
朋友裡面，總有個女仔講嘢又尖又高又雞仔聲，每一次聽佢講嘢就好似虐待緊自己對耳。偏偏通常佢又唔覺自己把聲好擾民，越講越興奮就越高頻。最驚就係有啲女仔好哋哋用正常tone講嘢，一遇到突發事，例如見到好靚嘅風景或者甜品，又或者係見到小昆蟲，忽然整個高八度，耳膜真係為之一震。

講到高分貝嘅表表者，無理由唔講蔡思貝啦？蔡思貝成日被大台安排啲初出茅蘆，滿腔熱血，其實係衝動嘅新人女主，但又唔識用聲。所以佢每次要大條道理話人哋不擇手段唔啱嘅時候，就突然加快說話速度，調高八度講嘢，於是搞到講嘢一舊舊，觀眾唔知佢講緊咩，只聽到一堆煩音。我明白興奮嘅時候講嘢急速同大聲啲係正常，但都要有個限度掛？

點都要放閃－代表人物：吳若希
我閃，我閃，我再閃～有另一半嗰陣，好想話畀全世界人知拍緊拖好正常嘅。但係真係唔使日日放閃，食飯又影、收花收名牌袋又影、床照又影⋯⋯當然你實話咁唔鍾意咪unfriend囉，無人迫你睇架。但問題係，真係有人會做到unfriend咩，你咪又係只係敢背後討論唔敢真係搞到個關係咁僵？而且，有時你唔係想睇，但係你啲朋友會like啦，然後就會成個fb都係佢啲放閃相啦，但我真係睇到厭同煩啦。

就好似之前吳若希咁，同個富二代拍拖之後立即喺FB放閃，仲留言逼婚：「何生，你幾時同我求婚？」點知之後又傳吳若希係小三，跟住男友又要拿拿聲發聲明澄清，畀佢做咗幾日娛樂新聞，真係睇到人煩。

講嘢無內容－代表人物：連詩雅（Shiga）
有一啲煩女人最犀利嘅地方，係佢講咗幾粒鐘，但可以完全無內容，一啲邏輯都無，真係覺得白白浪費咗啲時間。去到expert程度真係想打鑊佢，無論佢問你咩問題，都唔係真心想知個答案，你答咗之後佢又當聽唔到繼續問點算呀。其實佢完全唔係要你理性分析，只係想食咗你啲時間聽佢陷入自己嘅世界，不停reloop同一件事，無間地獄咁恐怖。

如果有睇《跟住矛盾去旅行》，連詩雅真係非常好嘅例子。一開波就講咩「陽光勃勃」，都唔知咩中文嚟，當你「ABC」唔識中文啦。但成個旅程經常語無倫次，好似話「第一次見會怕醜，又唔係好怕醜嘅，但都係有啲怕醜」，媽呀我好亂呀，你知唔知你講緊咩？講人話啦唔該。

落街都要化濃妝－代表人物：江若琳
實有啲造作女人成日話素顏唔見得人，死都要化到行一行先出得街，但化到咁濃真係好咩？而且約親佢哋都例遲，因為化幾粒鐘先出到嚟，見到面又不停照鏡補妝，到底你係咪出嚟見我？（睇怕都係影相上IG呃like，我只係兵）

如果講化濃妝造作女，大家可能只會諗起Shiga影病照都要化全妝兼戴大眼仔，但佢並唔係始祖，江若琳先係。江若琳出道時長期戴俗稱「大眼仔」嘅有色隱形眼鏡，甚至拍古裝劇《洪武三十二》都要戴住，戴足6年，自此之後不時見好多女仔都戴「大眼仔」。不過近年江若琳都已經無再戴，接受訪開都話當時唔應該用「大眼仔」增加自信，搞到眼角膜受損，話用最真一面示人先最好。連始祖都醒覺，大家就放下眉筆，唔好再化咁濃啦，同易容有咩分別？造作過頭反而有反效果架。

圖片附件: tumblr_inline_ocpq3rOfUA1u6y8g7_1280.png.cf.jpg (2016-8-31 01:47 PM, 158.4 KB) / 下載次數 0
http://26fun.com./bbs/attachment.php?aid=2830790&k=29a00ab1e4a55492931ce9373669c6bc&t=1732840838&sid=5sr7f3

圖片附件: tumblr_inline_ocpq49SUX91u6y8g7_1280.png.cf.jpg (2016-8-31 01:47 PM, 111.8 KB) / 下載次數 0
http://26fun.com./bbs/attachment.php?aid=2830791&k=2ec1fc80df58775073885f533d49bcb1&t=1732840838&sid=5sr7f3

圖片附件: tumblr_inline_ocpq4kAzjz1u6y8g7_1280.png.cf.jpg (2016-8-31 01:47 PM, 185.9 KB) / 下載次數 0
http://26fun.com./bbs/attachment.php?aid=2830792&k=676c4aaebc109c71159d23445ade1781&t=1732840838&sid=5sr7f3

圖片附件: tumblr_inline_ocpq4webVM1u6y8g7_1280.png.cf.jpg (2016-8-31 01:47 PM, 201.4 KB) / 下載次數 0
http://26fun.com./bbs/attachment.php?aid=2830793&k=ba9b207dccf8c308b3ce1277a4c912ea&t=1732840838&sid=5sr7f3

圖片附件: tumblr_inline_ocpq56QTWt1u6y8g7_1280.png.cf.jpg (2016-8-31 01:47 PM, 100.2 KB) / 下載次數 0
http://26fun.com./bbs/attachment.php?aid=2830794&k=a5fc8ce73375cd58a1f31fe5b5a09927&t=1732840838&sid=5sr7f3

圖片附件: tumblr_inline_ocpq5ftLUz1u6y8g7_1280.png.cf.jpg (2016-8-31 01:47 PM, 89.5 KB) / 下載次數 0
http://26fun.com./bbs/attachment.php?aid=2830795&k=2e11f8e44e332c1aebaecebe55c041e6&t=1732840838&sid=5sr7f3

作者: 地溝男 時間: 2016-8-31 01:48 PM

江Ling我OK牙

作者: 迦樓羅女王 時間: 2016-8-31 01:52 PM

可唔可以換走肛弱能同連屎眼???

作者: 地溝男 時間: 2016-8-31 02:17 PM

可唔可以換走肛弱能同連屎眼???
迦樓羅女王發表於 2016-8-31 01:52 PM

可唔可以換走印度西施陳凱琳同包包麵吳若希

作者: Thomp 時間: 2016-8-31 06:14 PM

我要睇朱千雪bb

歡迎光臨娛樂滿紛 26FUN (http://26fun.com./bbs/)