麥美恩接受《東網》記者訪問，她坦言都有留意網民的留言，她笑謂：「我同森美成日喺節目都有碰頭，好明顯我同佢係撈亂骨頭，不過我哋係互相尊重嘅，佢喺我哋心目中係大哥哥，佢亦知我性格，都知我唔會亂辣火頭。」麥美恩又坦言昨晚二人節目中鬥嘴，是沒有夾過，亦沒有稿跟，出來效果確實不俗。說到網民提議二人做司儀，美恩謂：「無任歡迎呀！森美平時都有提我適可而止，不過我都收放自如。（佢都去得好盡，會唔會嬲？）No No No！佢都幾好笑，都算成功。我哋玩完之後森美都有話唔好再玩，驚搶咗成個Show。」說到她平時於熒幕前大癲大肺，就如吳君如般，她笑謂：「都有人講過，係嘅話我好榮幸，都好開心大家對我有印象，不過其實我都有斯文嘅一面。」
