娛樂滿紛 26FUN - Powered by Discuz! Board

標題: 瑤瑤敢亮劍 [打印本頁]

作者: 幫華出聲 時間: 2016-12-11 10:23 PM 標題: 瑤瑤敢亮劍

唔賣牛仔，賣韓牛？？

中環在線：港大畢業唔選港姐
蕭若元千金加入投行

46,206

[url=]適中字型[/url]
[url=]較大字型[/url]

■蕭瑤瑤話出於好奇所以撐爸爸場，點知成為傳媒焦點。　黃珮琳攝

易還財務（8079）主席蕭若元噚日畀咗個驚喜大家，就係首次正式介紹佢位愛女蕭瑤瑤。剛大學畢業嘅蕭瑤瑤一露面，即刻搶盡爸爸風頭，仲不停被人問佢會唔會考慮參選港姐。若果佢參選，肯定可以跟近日人氣嘅「十優狀元港姐」麥明詩好好較量。

■蕭若元（中）曾與兩個寶貝女瑤瑤（左）及雙雙接受訪問。　資料圖片
蕭瑤瑤想做恐龍專家蕭瑤瑤芳齡21歲，剛畢業於港大政治哲學系，談吐舉止都得大方得體。佢從小就讀國際學校，讀寫英文比中文好，所以說話時間唔中都中英文夾雜。
佢見爸爸噚日搞記者會，好奇走去撐場，蕭若元亦唔介意大家認識佢呢位可人兒。
被問到會唔會加入易還財務，瑤瑤就笑笑口話，「我會出去累積工作經驗先，well……我已經有offer，8月會去投行工作，由於唔係formal offer，所以都仲未知道係咩position」。
有人問瑤瑤會唔會選港姐，佢首先係露出腼腆神情，之後就甜笑咁問「點解個個都咁問我㗎？我唔會啦！人哋讀書咁叻……」企喺旁邊嘅蕭若元見狀，即刻慈父上身，掃一掃寶貝女嘅一把秀髮，加多句話「佢唔會（選港姐）嘅」。
其實，瑤瑤7歲時已經上過電視台節目，當時佢話想去美國研究恐龍，想做考古學家，又點會志在選港姐呢？
驟眼望落去，瑤瑤有啲似前學聯秘書長周澄，蕭若元咁鍾意論政，瑤瑤平日應該汲收唔少，佢唔選港姐，唔做恐龍專家，將來可以考慮去從政，肯定好多粉絲，話唔定成為一黨之首㖭呀。
講番轉頭，蕭若元其實有4個仔女，大家都識搞電影嘅蕭定一，仲有比較低調嘅蕭定欣，至於瑤瑤仲有個妹妹蕭雙雙。

作者: 幫華出聲 時間: 2016-12-11 10:25 PM

本帖最後由幫華出聲於 2016-12-11 11:26 PM 編輯

「才子」蕭若元嘅靚女千金蕭瑤瑤，芳齡22歲，舊年喺港大政治哲學系畢業，最近終於加入爸爸間公司學做生意。佢唔係幫手做文化事業或者放數喎，而係賣韓國國寶「韓牛」，負責做marketing。
蕭若元旗下有間創業板上市公司易還財務（8079），一聽個名，就知係做放數生意喇，原來老蕭今年靜雞雞撈過界，開設冷凍食品加工業務，新近引入韓牛，交畀蕭瑤瑤做推廣。
蕭若元噚日帶埋蕭瑤瑤講解韓牛業務，大家對上一次見蕭瑤瑤，佢仲講緊出去投資銀行做實習，未打算加入公司，可能佢都係鍾意幫爸爸打工多啲。
蕭瑤瑤好文靜，全程主要陪實爸爸，間中幫手撈牛肉刺身咁，好少出聲，所有問題由蕭若元自動波答晒。
蕭若元以前講過，蕭瑤瑤對錢冇乜概念，咁將來會否跟爸爸學番一兩招財技呢?呢下蕭瑤瑤就答得好快，話要「之後再睇」，似乎冇乜興趣。
講番韓牛，蕭才子一講起就滔滔不絕，由點樣配種、有幾矜貴，邊個部位最好食，仲講到「好食到喊出嚟」，認真誇張。
的確，韓牛作為韓國國寶，一向因供不應求而不出口，直到舊年底，先至有限量出口到香港。今次易還旗下凍肉公司俊興同韓國濟洲島簽訂獨家代理韓牛，就可以每日空運一隻到香港，供應香港餐廳同埋網上做網購「韓牛快遞」。

作者: goonejp 時間: 2016-12-12 03:29 PM

亮劍 ?
大島薫?
可愛すぎる男の娘

作者: 自拍男 時間: 2016-12-12 03:36 PM

幫港出聲孖生兄弟

歡迎光臨娛樂滿紛 26FUN (http://26fun.com./bbs/)