娛樂滿紛 26FUN - Powered by Discuz! Board

標題: 36G麥紫莉老作拍AV遭圍插，元老有乜啟示? [打印本頁]

作者: 港燦男 時間: 2017-9-14 03:47 PM 標題: 36G麥紫莉老作拍AV遭圍插，元老有乜啟示?

【東方日報專訊】月前自稱會拍AV的G奶o靚模麥紫莉自爆一切全是宣傳策略，拍AV是欺騙公眾的流料，她在網上乞求原諒，又自言預咗被鬧大話精，形象跌至谷底，引起公憤！昨日她出席活動時被同場的藝人麥家琪藐爆拒合照；今年有份出寫真的曹思詩怒斥她不負責任；寫真界元老黃榕更鬧爆她呃人呃得好恐怖！
擁有36G上圍的o靚模麥紫莉（Chili）7月時聲稱會遠赴日本拍AV，肉搏日本男優，原因是急着籌40萬醫母，短短幾日間成為傳媒焦點！不過大部分網友都不看好其AV路，她拍AV的日子一直拖延，有「吹水」之嫌，果然一切都是她與前經理人公司炮製出來的宣傳橋段，而她近日已與經理人公司解約，消息一出即引來全城圍插！
「原諒我幻滅咗大家嘅夢」
Chili接受本報訪問時承認拍AV只是宣傳策略，之前聲稱以五位數接演一場酒吧騷亦是報大數，事實上她雖然演出了幾場騷，月入卻得幾千！問到有否覺得被舊公司利用？她說：「當初喺自己知情情況下應承，冇得好講，我本身係一個好鍾意笑嘅人，但呢排完全笑唔出，瞓唔着。」雖然難免被公眾狠批，但她表示仍想在娛樂圈發展：「想繼續喺呢行發展，不過都要睇吓觀眾仲會唔會接受我。」昨日她在個人社交平台留言，表示終於可以做回自己，不用任人擺布，可理直氣壯地告訴大家不會拍AV，並向公眾致歉：「我知道欺騙大家係我錯，我唔可以推卸責任，當初我的確係喺知情嘅情況下，一次又一次咁講大話，但係當我脫離呢個枷鎖，我恨不得立刻走出嚟向大家道歉，因我痛恨呃人，亦痛恨畀人呃！」又指今次事件確實令人認識她，卻毫無形象可言：「我後悔了！希望大家可以原諒我，原諒我嘅不智，原諒我對大家嘅欺騙，原諒我咁遲先坦白，原諒我幻滅咗大家嘅夢，對唔住！」
黃榕心寒：好恐怖！
形象插水的Chili昨日出席ViuTV活動，與藝人麥家琪同場，當被邀跟Chili合照時，家琪即以補妝為由行開，以行動藐爆，拒絕合照！訪問時提到Chili，家琪亦不想多談，只高聲說：「咪大家都係姓麥囉！係咪同宗呀？（你兩個身材都好好！）個個都好，有啲有Muscle同腹肌添！」Chili受訪時則表示預咗被罵大話精：「冇得介意，預咗之後會有更多負面評價，有更多難聽嘅說話，冇得驚。（呢件事阻你搵錢路向？）依家努力挽救唔好嘅形象。」她透露現時是自由身，不排除簽新公司：「睇吓有冇公司搵我，錢係重要，要睇公司畀到咩我。」
Chili拍AV無中生有的消息一出，不少人都不齒她欺騙大眾，早前與她同場出席寫真活動的曹思詩（CC）曾鬧她有傷風化，昨日繼續睇唔過眼再鬧：「佢已經係成年人，但咩都賴晒公司，講嘢好不負責任，而且喺呢行講啲咁嘅大話，冇人會再信佢！」曾批評Chili拍AV教壞細路的黃榕，得知一切是騙局後激動地說：「我覺得呃人無中生有仲衰，仲未入行就諗埋啲奇招博出位，好恐怖！」至於「仙樂都」吳堯堯則表示同情Chili，認為肯認錯已很有勇氣；而艾美琦出席活動時說：「早知今日請佢嚟，想畀多啲工作機會佢，如果要搵錢嘅就搵我啦，去登台都收入高。佢個胸已經夠啦，我唔會叫佢拍AV，最多三級片。」

圖片附件: 0914-00282-001b2.jpg (2017-9-14 03:47 PM, 89.1 KB) / 下載次數 0
http://26fun.com./bbs/attachment.php?aid=2880198&k=cf70603230c2fea1532e3318dbeedce8&t=1732538718&sid=ZJg5AU