娛樂滿紛 26FUN - Powered by Discuz! Board

標題: Thomp 當年有冇 J「倪詩蓓」? [打印本頁]

作者: 港燦男 時間: 2017-11-30 11:59 AM 標題: Thomp 當年有冇 J「倪詩蓓」?

已故巨星張國榮初戀女友、黃玉郎前妻倪詩蓓，十三年前為了患嚴重自閉症的兒子移居新加坡，最近又為了兒子回港居住，十多年來獨力撫養照顧，辛酸事不足為外人道，生活上更是難關重重，令她身心俱疲及傷痕纍纍，身上有數不盡的傷口！

久未露面的51歲倪詩蓓，前晚出席We Like HK「努力有明天」勵志感人故事徵集比賽頒獎典禮時透露現居香港，繼而豁達地談及患有嚴重自閉症的17歲兒子Royce，見她神態輕鬆，可見已走出陰霾。她說：「佢喺香港抽到間特殊寄宿學校，都十幾年冇返嚟香港，唔係好習慣啲天氣。（好大犧牲？）咁自己個仔，但都幾辛苦，作為自閉症兒子嘅母親，生活都好艱難，唔容易行到呢步，精神同心理上都好大傷害。」

「冇嘢多，膠布最多」
倪詩蓓指自閉症兒童經常無故發脾氣，已數不清她身上的傷口，繼而指着手上的膠布，開玩笑地稱是聖誕禮物：「成日都有，啲朋友話我屋企冇嘢多，膠布最多。（小朋友有時都會抓到？）會，但我個仔算好，因為好多都有啲敏感動作，會傷害到自己身體，或者身邊人，我自己身體都有好多傷，但依家已經有啲小秘訣去應付。」

十多年來，倪詩蓓對兒子寸步不離，當中最深刻是她受傷未能照顧兒子：「兩年前我喺屋企跌親，夜晚十二點幾我又起唔到身，爬去拎電話叫救護車入院，冇人照顧囝囝，要送佢去兒童醫院。」她表示當時用了大約十個月拐杖，很久沒穿過高踭鞋：「今次着咗高踭鞋，但唔可以着咁耐，平時要着治療嘅波鞋。（要做手術？）唔使，當初以為腫完會好番，結果搞到好嚴重，依家行路都會拐吓拐吓。」

問到與前夫黃玉郎可有聯絡？她沒有正面回答：「我冇同香港嘅朋友聯絡，決定去到新加坡時，一個朋友同自己生活都冇，由朝到晚要照顧小朋友。自閉症嘅人身體上少咗一種賀爾蒙，愈夜愈精神，每晚三、四點先瞓，我呢十三年每日瞓得四小時。」倪詩蓓每天的生活與思想都是兒子，難題日日新鮮，從中學習如何面對，因此她寫了一本書講述自己的奮鬥故事，好讓其他父母作參考處理事情：「都完成晒，依家整理緊。（獨力照顧好辛苦？）係艱辛唔容易，我碰過好多釘，希望對睇咗本書嘅父母有幫助。好似我當初求助無門又咩都唔知，不過依家已經捱過。」她坦言兒子快將成年又是另一個問題：「唔好以為自閉症唔識講嘢唔麻煩，佢哋唔識表達自己。」

另外，問到有否留舊愛意張國榮胞姊張綠萍病逝消息？倪詩蓓說：「我啲時間比較緊湊，冇睇新聞，我呢啲年紀大嘅師奶要喺屋企整嘢食，之後又要拎畀佢，又要寫吓嘢，冇同香港嘅朋友聯絡。（會出席喪禮？）我諗都唔會。」

兒子突然暴瘦
倪詩蓓不時於微博分享與兒子的點滴，本月24日她上載與兒子的照片，但刻意在他面上加公仔圖案，並寫上最近兒子被「某人」照顧突然暴瘦：「多年來兒子身體都是高大健康，因為給予某人的短暫照顧，突然瘦得可怕，好端端的現在還要吃營養奶粉！」事隔兩日，她再留言指兒子已入讀寄宿學校，周末才回家：「前陣子他被人湊到不適當，暴瘦，生病，自閉症患者很容易情緒低落，到時連動也懶惰，連吃也不想。」並上載為兒子炮製的愛心營養餐，努力為他找回健康。據知，有一段時間，倪詩蓓兒子經常撼頭埋牆或打頭，控制不到自己，而她亦因長時間照顧囝囝，除了試過跌斷腳外，更多次因高血壓入院，身心俱疲。

圖片附件: 83d30b6ebcb7dbc8c4cc53a77a517837.jpg (2017-11-30 11:59 AM, 106.8 KB) / 下載次數 0
http://26fun.com./bbs/attachment.php?aid=2888424&k=2c957b209bc34ff2c73ffac01b38a93f&t=1732892564&sid=zNN2U0

圖片附件: ae967859c5585d087b290e4911741b83.jpg (2017-11-30 11:59 AM, 203.1 KB) / 下載次數 0
http://26fun.com./bbs/attachment.php?aid=2888425&k=a1a896beadab67afa9e9401970f5dff7&t=1732892564&sid=zNN2U0

圖片附件: 402749c7dafdeec34a290d678b494857.jpg (2017-11-30 11:59 AM, 172.8 KB) / 下載次數 0
http://26fun.com./bbs/attachment.php?aid=2888426&k=dd4f5d96916b0d76d77a722774e9ac95&t=1732892564&sid=zNN2U0

作者: 港燦男 時間: 2017-11-30 12:01 PM

好嫁唔嫁，嫁條咸蟲

作者: sarmsan 時間: 2017-11-30 02:33 PM

唔知道原來有個咁既初戀

作者: sarmsan 時間: 2017-11-30 02:34 PM

好嫁唔嫁，嫁條咸蟲
港燦男發表於 2017-11-30 12:01 PM

邊個人唔咸

作者: 港燦男 時間: 2017-11-30 03:00 PM

邊個人唔咸
sarmsan 發表於 2017-11-30 02:34 PM

元老

歡迎光臨娛樂滿紛 26FUN (http://26fun.com./bbs/)