娛樂滿紛 26FUN - Powered by Discuz! Board

標題: 梁芷珊難受：我提出離婚 [打印本頁]

作者: a09911688 時間: 2018-7-1 01:03 AM 標題: 梁芷珊難受：我提出離婚

本帖最後由 a09911688 於 2018-7-1 01:06 AM 編輯

【《蘋果》專訪】今年羅傑承與梁芷珊驚爆已離婚，15年婚姻劃上句號。有報道指羅傑承因為與老婆性格不合，去年提出離婚，而梁芷珊為了挽救婚姻，失眠暴瘦。不過事實是，芷珊忍受不了與丈夫變成二十四小時的工作拍檔，完全失去了愛情感覺，由愛人變了家人，惟有換個形式去愛。

家人關係昨日踏入50歲的梁芷珊，接受《蘋果》專訪首談離婚，還前夫一個清白︰「離婚其實係我提出，羅生有少少講笑同我講，話做乜話畀人聽係佢提出。我喺呢度作一個澄清，係我提出離婚，跟住我哋好和平。我哋分開之後，舊年5月仲合作開新project，雖然後來project冇咗，anyway幾開心有新關係，我哋真係家人，再見亦是家人，因為個女，我哋永遠友好。」
當兩夫妻之間，話題只有工作及女兒，芷珊覺得難受︰「乜嘢係愛情？兩個人應該有共同計劃同追求，唔關有冇錢事，當一段感情太過穩定同太過長，就冇咗兩個人冇咗火花！」
芷珊又說：「冇咗愛情感覺，或者對羅生嚟講唔重要，可能有啲人感覺賢內助就係愛情，我信任你就係愛情，但每個人唔同，我對羅生講，我哋每個對話、電話，都係關於工作同個女，唯一維繫我哋婚姻只係工作，呢樣唔係我最想要！」

重新戀愛芷珊坦言愛情很重要，回復單身後，她與細自己11年的法籍混血廚師Olivier再譜戀曲，重新戀愛，要克服不少心理關口︰「我成世人都未試過同外國人拍拖，又成日諗，當佢（Olivier）49歲時，我60歲喎，得唔得㗎？後來知道佢係法國同德國混血，比較理智同感性，大家諗法好夾。我好欣賞佢，工作獨當一面，同佢一齊令我有正能量。」戀愛就是對的時候遇上對的人，年齡、種族統統都不是問題。
採訪：余燕儀
場地提供：Spark Bar& Restaurant

歡迎光臨娛樂滿紛 26FUN (http://26fun.com./bbs/)