娛樂滿紛 26FUN - Powered by Discuz! Board

標題: 韓國女團KARA具荷拉事件，yahoo33 點評? [打印本頁]

作者: 自拍男 時間: 2018-10-4 04:30 PM 標題: 韓國女團KARA具荷拉事件，yahoo33 點評?

查看相片

從CCTV片段中可見具荷拉向男友下跪(Viu《K1頭條》提供)
更多
韓國女團KARA嘅27歲前成員具荷拉上月因涉嫌毆打27歲髮型師男友A某而要接受警方調查，具荷拉曾公開婦產科診斷書，指自己子宮及陰道出血，具荷拉同A某先後接受警方調查，當中具荷拉有意和解，但A某就似乎冇和解嘅打算。而警方亦指即使A某最終取消起訴，具荷拉都有可能要接受刑事處罰。
而今日事件又再次有新發展，根據韓媒《Dispatch》報道，具荷拉被A某以性愛影片作出威脅，並指要毀了具荷拉嘅事業。而報道更詳細指二人發生衝突經過，當中具荷拉得知A某用性愛影片威脅自己時，更向對方下跪，報道中亦可以從電梯嘅CCTV影片中，見到疑似具荷拉喺電梯外下跪。
韓媒公開事件嘅經過，9月13日凌晨12時36分，A某喺具荷拉屋企發生肢體衝突；到凌晨01時26分，A某就向《Dispatch》發爆料郵件「聯繫我，晚了就告訴別的媒體」；凌晨1時42分具荷拉搭電梯，聯繫被A某懷疑嘅所屬社前代表B某（A某要求B某下跪），同時A某喺電梯上查看傷口；凌晨2時04分A某向具荷拉發送性愛片段；凌晨2時14分具荷拉告知B某，A某用性愛片段威脅自己，具荷拉坦言：「我之前喺佢手機發現片段，明明已經刪除咗，我好害怕，佢會唔會爆料，會唔會分享畀朋友，我嘅藝人生涯呢？我身為女人嘅生活呢……我心情很複雜。」；凌晨2時20分具荷拉喺電梯前向A某下跪；凌晨2時23分A某到達停車場裝上行李之後，向具荷拉發送另外8秒嘅片段；凌晨2時24分具荷拉來到A某車前尋求對話；凌晨2時25分具荷拉為咗同B某通話，暫時離開；凌晨2時27分A某此期間酒後駕車離開，此後具荷拉報警。凌晨4時具荷拉好友同A某通話，A某卻狂爆粗話：「我冇乜嘢可以失去」；凌晨4時21分A某向《Dispatch》發出第二份爆料郵件。
對於具荷拉受性愛影片威脅報道，其所屬事務所就指：「目前調查尚在進行中，還需要法律上建議，目前無法確認任何情況。」
而具荷拉嘅代表律師就A某以性愛影片威脅一事發出聲明，表示具荷拉方面將以違反性暴力法、威脅等罪名起訴A某，希望相關部門盡快調查事件。至於A某就職嘅髮型屋亦發聲明表示，已經將A某解僱，並強調髮型屋與事年無關，只係A某嘅個人行為，希望網民克制發佈虛假消息及惡評。