娛樂滿紛 26FUN - Powered by Discuz! Board

標題: 國泰狂炒IT部門致泄私隱，隨時一舖清袋，160212 點評? [打印本頁]

作者: 自拍男 時間: 2018-10-26 12:25 PM 標題: 國泰狂炒IT部門致泄私隱，隨時一舖清袋，160212 點評?

IT人最重要是真的

國泰及港龍乘客資料外泄事件，若被歐盟裁定違反私隱新例，國泰面臨最高約三十九億元罰款。
更多
【星島日報報道】國泰及港龍航空的九百四十萬位客戶資料外泄，但事隔五月才向外公布。有資訊科技界人士指事件若牽涉歐洲公民，國泰或違反歐盟《一般資料保護規則》要求，在發現事件後七十二小時內通報，有機會被罰約三十九億港元。國泰高層昨向客戶表示歉意，並向受影響客戶提供一年免費個人資訊監測服務，再次解釋延遲公布事件，是希望更掌握情況，不想引起「不必要恐慌」。私隱專員黃繼兒批評國泰做法與市民期望有落差，將展開循規調查。
國泰航空今年三月發現系統異常，五月留意到有客戶資料外泄，但前晚才透過聯交所公布。香港資訊科技商會資訊保安召集人范健文稱，歐盟今年五月實施《一般數據保護條例》（GDPR），訂明若歐盟公民的資料外泄，涉事公司須在七十二小時內通報事件，否則會被罰款。范健文相信，是次事件必定牽涉歐盟公民，國泰或已違反GDPR。按例最高可罰公司去年全球總收入的百分之四，或二千萬歐羅（約一點八億港元），以價高者為準，若以國泰航空去年總收入九百七十二點八四億港元計，罰款或高達三十八點九億元。
國泰航空昨向受影響旅客發電郵表示，將為他們提供一年的免費個人資訊監測服務，可以在互聯網上公開的位置如網頁、討論區、網誌以至非公開的位置，都可監測相關的個人資料是否有被披露。使用有關服務屬自願性質，旅客亦可決定甚麼資料需交由有關服務監測，亦只會用於以上用途。此外，電郵亦提醒旅客最好不時更換帳戶密碼，以及查看有否可疑活動，亦要對詐騙行為時刻保持警覺。
國泰航空顧客及商務總裁盧家培昨在電台節目指，相信事件未令客戶造成金錢損失，強調國泰關心事件對乘客影響，感到抱歉之餘亦完全沒隱瞞；而國泰已堵塞保安漏洞，目前未有證據顯示三月後有其他入侵。盧家培表示，逾半外泄資料涉及姓名及電話號碼或電郵，其他外泄資料也不包括會員帳戶密碼；而涉及的四百三十張信用卡資料中，有九成三逾期，剩下的資料也不完備，因而相信事件未有令客戶造成金錢上的損失。
盧家培表示，多月後才發放訊息，是希望更掌握情況及避免造成「不必要的恐慌」。國泰行政總裁何杲昨亦錄製短片及向客戶發電郵致歉。國泰表示，已就事件通知個人資料私隱專員公署及報警。警方昨晚稱，已接獲案件，暫列為「有犯罪或不誠實意圖而取用電腦」，會交由網絡安全及科技罪案調查科跟進。
私隱專員黃繼兒表示，香港現時出現資料外泄事故通報只屬自願性質，即使國泰不通報，在本港法律上亦難指其違規。他說，公署會對保安程序作循規審查，又認為國泰做法在道德層面上導致顧客有期望落差，「在道德責任來說，一發覺有異常活動、有不妥，便應立即通知」。
目前違反個人私隱條例的罰則為，最高罰款五萬元與監禁兩年。執業大律師陸偉雄不認同要加強罰則，因為即使增加最高罰款額及監禁年期，法庭都不會判以最高刑罰，但了解法庭考慮多個因素的裁決。他建議，個人資料私隱專員公署應加強教育不同機構，甚麼情況下才須儲存資料以及保存多久後便應刪除。

作者: 自拍男 時間: 2018-10-26 12:30 PM

嗯... 就係咁，大家的資訊都被看光啦❤️
首先，求神拜佛呢940萬個乘客資料入面冇一個係歐洲人。點解？因為歐盟幾個月前通過左GDPR(一般資料保護法規），暫時是史上最辣的條例，違者可以處罰最高2000萬歐元或全球營業額4%的罰款，可以話係傳說中的「一見發財」，不過發嘅係歐盟咁解。不過呢單野據稱是在三月發生，早於GDPR實行前爆鑊，只是現在才公佈，到底GDPR內設的「回溯」一年期限會否一觸即發，而歐盟又會否因此而「一捉即發」？我呢啲師奶仔真係唔知，留返俾一眾法律界KOL，例如何君堯議員解答。
好啦，我地唔講法律，講返啲花邊新聞。國泰今次俾人睇清光，主因當然係網絡防衛做得唔好啦！但點解做得唔好呢？人妻先生最鍾意考古，我地今日一齊考下國泰個股。
2009年- 國泰IT部300員工大執位
2016年- 國泰資訊科技部連同部門總裁17人滿門抄斬
2017年- 國泰IT部再炒77人，可謂屠你滿門
似乎每年夏天都係國泰狗肉節，專宰IT狗。
係架，我作為半個marketing人、半隻IT狗，我真係想講：做IT嘅，尤其是做informationsecurity 嘅真係日日望落行行企企，食飯幾味，又唔識賺錢、更唔會研發到啲咩野出到黎令班高層個wifi上網快啲，作用完全係一個謎。你睇我返工日日遲到早退顧住玩facebook就知有幾廢，仲要個樣望落又霉又毒，簡直影響公司形象，唔宰你宰邊個？
但係，「神人無功、聖人無名」，或許IT部的同事的努力和貢獻，就是在於「令你感覺不到有問題」？有次落吧俾仔溝，同人介紹我的工作範疇，朋友都笑說這是冗員，我只是回應：我就像一間醫院，越忙代表公司越不健康，公司求神拜佛也該希望我可以每日繼續花兩小時食午飯的。
好多野係以為係必然，但有人講過，每間公司，平均每39秒就會受到1次駭客攻擊，銀行同大企業就更加係密集式攻擊，畢竟誰不想打劫銀行呢？在公司一片歌舞昇平的背後，也是由IT部同事和vendor們，扛下一波又一波攻勢的。
國泰將所有IT狗屠到七七八八後，我估一係外判、一係請合約員工，在嚴重缺乏撥款下，你認為呢班僱傭兵可以為你做到啲咩？咪就係按章工作囉，反正不在其位，當然不謀其事。又，講真嗰句，最好你爆鑊啊，唔爆你又點捨得再俾更多的錢呢班外判商？
當越來越多公司賺了錢就投資落IT身上，國泰來個反高潮去裁IT。目光短淺的管理層當然樂見財政報表又省了幾百萬人工，但是那不過是飲鴆止渴，終有一天會更兇更狠地反噬回來— 要是這次真的觸犯了GDPR，就算炒晒全公司所有IT，都維唔返條數。
奉勸各位膠層，唔好見IT部同事的外表無助提升企業形象，就成日都想炒佢地。佢地無野特別忙行行企企，你成間公司先有得食飯幾味。
如果真心想幫間公司慳錢，我介紹一班專業人士幫手。你打2426 6262，話係人妻先生介紹過黎，佢地有專人幫你。
係咩專業人士咁厲害？
「香港戒賭中心」
#咪L再沉迷炒期油咪無事囉
#沉迷賭博
#倒錢落海
#以後國泰起飛前唔好播片教人扣安全帶
#播反賭博條政府宣傳片啦
#倒完又倒
#善待IT同事
#沒有裁員沒有傷害
#下下都炒IT先
#你叫啲後生點敢入行
#然後又話香港冇IT人材

作者: 自拍男 時間: 2018-10-26 12:32 PM

成個 IT 部門外判都夠薑

作者: 160212 時間: 2018-10-26 12:39 PM

國泰出名慳炒人如炒飯

作者: 自拍男 時間: 2018-10-26 12:43 PM

國泰出名慳炒人如炒飯
160212 發表於 2018-10-26 12:39 PM

國泰、TVB、港鐵，臭味相投

作者: 自拍男 時間: 2018-10-26 12:51 PM

國泰出名慳炒人如炒飯
160212 發表於 2018-10-26 12:39 PM

炒晒所有IT人、賣晒所有電腦、全部改為純人手

作者: 浪子 時間: 2018-10-27 03:22 PM

嗯... 就係咁，大家的資訊都被看光啦❤️
首先，求神拜佛呢940萬個乘客資料入面冇一個係歐洲人。點解？因為歐盟幾個月前通過左GDPR(一般資料保護法規），暫時是史上最辣的條例，違者可 ...
自拍男發表於 2018-10-26 12:30 PM

估佢唔到, 呢篇文個作者FB都幾多野睇, 發人深醒,

圖片附件: 44145099_693459097700350_608011543405133824_n.jpg (2018-10-27 03:22 PM, 27.3 KB) / 下載次數 0
http://26fun.com./bbs/attachment.php?aid=2927028&k=9c63fe4d64af6443ecc6f8c5df79d545&t=1732463654&sid=VltrU5

歡迎光臨娛樂滿紛 26FUN (http://26fun.com./bbs/)