娛樂滿紛 26FUN - Powered by Discuz! Board

標題: TVB 近年男男劇，元老點評? [打印本頁]

作者: 自拍男 時間: 2018-12-10 09:49 PM 標題: TVB 近年男男劇，元老點評?

近年無綫劇集尺度越嚟越大，近年好多劇集唔單止唔係Happy Ending，仲大玩hehe味濃嘅男男CP。2018年又就嚟完，不如我哋一齊重溫一吓今年無綫劇集男男CP啦！

《愛·回家之開心速遞》金城安 & 朱凌凌（周嘉洛及吳偉豪飾演）

查看相片

處境劇《愛·回家之開心速遞》一向深受觀眾愛戴，收視好多時都好過主打劇。除咗劇情輕鬆搞笑同埋唔使每集追之外，演員之間嘅火花同樣唔可以睇少。好似劇中飾演大學同學兼好兄弟嘅安仔（周嘉洛飾）同朱凌凌（吳偉豪飾），佢哋成日出雙入對，仲多過安仔同女朋友Bonnie。雖然佢哋有時都會鬧交，但佢哋之間嘅互動充滿愛，打風都打唔甩，唔少網民都認為佢哋先係「真愛」。無綫可能知道大家鐘意佢哋，最近「安凌CP」又派福利啦，劇情就講到安仔好驚George（張明偉飾）會搶走佢女朋友，所以就話幫George搵女朋友，但發現佢三姨熊心如（蘇韻姿飾）係完全符合晒George嘅要求。為咗撮合佢哋，安仔就諗計話幫上佢哋拍微電影幫補習社宣傳，希望透過微電影情節令佢哋對對方心動，可惜佢哋之間完全唔過電，最後要安仔及朱凌凌親身示範，佢哋互望嘅眼神加微笑，真係hehe味極濃，呢集播出之後得到網民熱烈討論，唔少網民仲話唔夠喉。無綫成日有意無意營造佢哋hehe嘅感覺，令到好多網民都有唔同幻想！佢哋又真係表現得十分自然，加上外型討好，兩人都係白淨靚仔，令人期待佢哋之後嘅發展。
《愛·回家之開心速遞》KC & Terry（歐瑞偉及李偉健飾演）

查看相片

講《愛·回家》嘅男男CP就點可以唔提KC同Terry呀！佢哋由《愛·回家》做到《愛·回家之開心速遞》，絕對係呢套處境劇嘅靈魂人物。唔少觀眾都好鍾意睇KC（歐瑞偉飾）與Terry（李偉健飾）兩舅甥嘅相處方式，佢哋喺劇中嘅互動有搞笑又有愛，好似Terry成日發明星夢，KC為咗幫佢入戲，早前已經試過重演情色電影《格雷的五十道陰影》大玩男男SM及KC為保自己喺Terry心目中啲地位唔好俾根叔（劉丹飾）搶走，佢竟然趁Terry沖涼時親吻額頭一下，雖然係擺明惡搞Hehe日劇《大叔的愛》，但唔少網民都好鍾意。被網民封為「最強CP」嘅佢哋，今年再獲提名「最受歡迎電視拍檔獎」，唔少網民都觀眾都睇好佢哋，希望佢哋今年可以攞獎啦！
《大帥哥》佘南 & 滿仔（古明華及黄耀煌飾演）

查看相片

熱播中嘅《大帥哥》，話晒係講軍閥割據年代，但無綫都可以加插到hehe情節喺入面，講緊嘅就係喺劇中飾演蒙大帥部下嘅佘南（古明華飾），佢喺劇中唔會好似其他軍閥咁攬女人，而係同部下滿仔（黄耀煌飾）出雙入對，好似出席晚會，佘大帥都會帶住滿仔，仲會將佢介紹俾蒙大帥識。另外，狄奇成功擺平叛軍，蒙大帥俾狄奇接管昇威鎮，仲希望其他三位在場旅長送另一半俾佢做姨太太，佘大帥當時好唔捨得將滿仔送俾狄奇，好彩狄奇覺得重口味唔要，滿仔先可以好開心咁返去佘大帥身邊。
《平安谷之詭谷傳說》陸金谷 & 烏公公（劉江及李國麟飾演）

查看相片

平安谷村長陸金谷「谷爺」（劉江飾）一向俾人感覺都係霸氣嚴肅，佢嘅話就好似皇上嘅聖旨一樣，其他人都要必須服從。就連佢自己親生仔（黄浩然飾）親人都要敬他三分。烏公公（李國麟饰）成日去搵谷爺幫手搵老婆，仲好親切咁叫佢做「谷谷」，但谷爺其實係睇錢份上先幫佢。佢哋嘅相處方式非常曖昧同親蜜，佢哋會摸手仔、手拖手、托下巴、掃背及拍屁股，劇中夠晒重口味，不過呢個136歲嘅HeHe情，真係幾頂癮。
《誇世代》Mike & 大頭B（陳豪及森美飾演）

查看相片

做咗50集嘅《誇世代》去到今年1月終於大結局，Mike（陳豪飾）同大頭B（森美飾）兩個喺劇中Man到不得了，點睇都唔似hehe，不過因為佢哋青梅足馬，所以都有唔少嘅HeHe鏡頭。劇中有好多佢哋默契而互望嘅一幕，就令到佢地產生強烈化學作用。佢哋都有Fit爆身型嘅兄弟，加上Hehe情節，真係令人睇到有啲唔知想點嘅爆笑感覺，好似佢哋打拳之後互相相擁抱嘅一幕，唔少網民睇到想叫佢哋「錫落去」同埋Mike唔俾大頭B作賤自己，唔俾佢同Paris（李佳芯飾）結婚，喺訂婚儀式「搶婚」，期間大頭B仲一臉冧笑，跳上Mike嘅電單車離開。

作者: 自拍男 時間: 2018-12-10 09:50 PM

睇鴨