娛樂滿紛 26FUN - Powered by Discuz! Board

標題: 停搞人夫轉攻鮮肉，蔡思咬實余德丞，元老點評? [打印本頁]

作者: 自拍男 時間: 2019-2-20 04:13 PM 標題: 停搞人夫轉攻鮮肉，蔡思咬實余德丞，元老點評?

想洗底

28歲的蔡思貝在娛樂圈浸淫了五年半，演藝事業穩步上揚，不過最出色就是搞男女關係，與她合作過的男藝員大部分都難免中招，專吼人夫及別人男友，王浩信、羅仲謙、洪永城及張振朗都榜上有名，「無綫發電機」絕非省油的燈。
明知姣人夫會令自己形象掃地，最近蔡思貝明顯收斂想洗底，不過收兵習性未變改，去年與余德丞拍旅遊節目一撻即著，乖仔小鮮肉易氹易處理，好使好用隨傳隨到，一於咬實唔放。早前在將軍澳電視城出席完活動，蔡思貝坐余德丞車離開，見她除晒鞋在車廂內大晒美腿，對住頭號貼身兵，隨便到一個點，毫無矜持勁失禮。
撰文：東方新地圖片：新傳媒圖片、Instagram
延伸閱讀：
梁家輝一家陪外傭抗癌成功主僕情義戰勝癌症！
《延禧》張嘉倪遺憾生完兩子仲未結婚老公承諾補辦婚禮
蔡思貝咬實余德丞有一種「姣」叫蔡思貝，姣技比演技出色的她，入行以來緋聞不絕，與他合作過的男演員都大讚她為人率真爽直，結果墮入姣網不能自拔，即使早年與排舞師麥秋成拍拖，蔡思貝一樣有殺錯冇放過，有傳中招者包括人夫王浩信，以及當年未婚的羅仲謙、有拖拍的洪永城及張振朗等。蔡思貝前年拍劇集《踩過界》與王浩信過從甚密，令本來觀眾緣已麻麻的她形象更加有跌無升，靜了一排以為她會改過自新專注事業，原來本性無變，只是對象卻由人夫變成鮮肉。

查看相片

去年中合作主持旅遊節目《緬甸奇幻旅程》，蔡思貝與余德丞對足12日，即傳出撻著，蔡思貝公開話余德丞一早仰慕佢，看來早已密謀收兵。
更多

查看相片

乖仔變蒲友據知情者透露：「思貝瀨過咁多次嘢，佢都唔想形象再差落去，始終都要繼續喺無綫生存，再搞人夫分分鐘冇監製肯用佢，舊年開始佢刻意洗底，不過忍得一時又重施故技，改向啲後生仔埋手囉！之前佢試過同周志文行得好埋，跟住仲有大隻仔溫家偉，不過時間耐咗啲仔知道自己根本冇行，唔想再嘥時間做佢隻兵。去年同余德丞主持旅遊節目《緬甸奇幻旅程》，日對夜對返到香港又玩埋咗，思貝貪余德丞夠聽話，可以任佢點，本來余德丞好乖仔好少夜蒲，識咗佢之後就成日成班人出去玩，仲玩到三更半夜，舊年余德丞趕緊劇都成日出去陪思貝，後來打波出事入ICU，思貝不知幾緊張，當晚就仆去醫院，不過余德丞媽咪就對思貝印象唔多好，覺得佢係啲冇厘正經嘅女仔，好反對個仔群佢咁多。」

查看相片

甜過豬年
蔡思貝與余德丞一齊出席新春商場活動，合唱〈一事無成〉時雖然一度唱錯歌詞兼甩嘴，但拖晒手又咬晒耳仔，情意綿綿。

查看相片

查看相片

冧出面
玩遊戲時余德丞為蔡思貝穿上斗篷，打結時差點面貼面都唔會面紅，雙方仲表現得好冧。
公開見家長最後余德丞大步檻過，與蔡思貝更加患難見真情，而無綫亦見他們的情侶檔受歡迎，近月不時安排二人出席公開活動及商場騷，有錢齊齊搵。農曆新年期間，蔡思貝與余德丞到尖沙咀出席新春商場活動，當日雙方家長都在場，只見余德丞母親對住蔡思貝及其父母木無表情，雙方未有任何交流，對於被在場傳媒邀請雙方家長一齊大合照，余母勉強地影完相即彈開，顯然並未接受蔡思貝。蔡思貝表示余德丞與其父母早已見過面，早前唱K為活動練歌時母親也在場，更透露母親大讚男方識氹人、充滿陽光氣息及懂照顧人，但當余德丞被追問母親對蔡思貝的印象？他只說：「媽咪冇反應，可能比較怕醜。」