娛樂滿紛 26FUN - Powered by Discuz! Board

標題: 甄子丹被老外勁歧視，元老點評? [打印本頁]

作者: 電騙男 時間: 2019-3-29 09:26 AM 標題: 甄子丹被老外勁歧視，元老點評?

查看相片

子丹有感事件傳出多個不實版本，決定親自回應正視聽。
更多

「宇宙最強」甄子丹日前出席慈善活動時有感受歧視，最終全家拉隊走人！事件前晚卻出現另一版本，有指他嫌座位不佳而離場，對此，他開腔反擊力斥「荒謬」，離場全因當晚受到外籍人士不禮貌對待，覺得有人想推卸責任，才出現「座位不佳」等謠傳！

甄子丹日前出席他擔任聯席主席的慈善晚宴，期間受到不禮貌對待，最後與妻女離場以示不滿，太太汪詩詩更在網上公開事件經過並強調：「中國人不是東亞病夫！」其後有不少「內幕消息」出現，更有指子丹嫌座位差才走人！

一直未有就事件發聲的子丹，有見太多不實報道出現，覺得事件被嚴重歪曲，前晚決定開腔回應，道出當日的真實情況：「大會邀請咗我做聯席主席好多年，之前因為時間唔啱做唔到，今年覺得點都要盡力幫手出席活動，做慈善同支持朋友。受邀請時，我同屋企人喺倫敦，我特登自己畀錢改機票返香港，仲去搵物資做拍賣，盡一分力。」

兩遭老外無禮對待

當日子丹一落車已出現混亂，冇保安亦冇指示，原本亦覺得問題不大，一直自己照顧自己，直至受到不禮貌對待才忍無可忍，他說：「我都明白多人實會咁，我入場時已經有好多人搵我影相，我見開始混亂就入咗Ballroom，點知裏面有一班PR團隊，其中一位外籍女士，佢非常冇禮貌咁叫我哋出去。我唔明白點解要咁唔禮貌？但當時都有好多外地藝人喺入面。太太見嗰位外籍女士態度咁差，就要求見團隊負責人，一位外籍男士就過咗嚟，佢用非常唔友善嘅眼神望咗我哋一眼，我太太說話未講完，佢就掉頭走咗，連基本尊重都冇，所以先至決定離開。」

湛琪清力撐表姐夫

對於被指帶20助手同行兼嫌座位不佳，子丹力斥：「簡直荒謬！應該有人為咗推卸責任，而搞咁多歪曲事實嘅嘢出嚟，好多人都知我得一個助手，而當晚我坐乜嘢位根本冇所謂，我只係想做慈善同支持朋友。朋友都有打畀我道歉，話嗰個人不嬲都係咁囂張傲慢，我都有搞過活動，好多嘢我都明白，但受到咁不禮貌對待，真係冇可能忍，呢個世界一定有種族歧視，我由細到大喺外國見好多。」

此外，汪詩詩表妹湛琪清昨日出席活動時，直言知道子丹與詩詩為事件不開心，又大讚他們專業和勤力，相信是遇到不公平對待才出聲。而去年曾出席同一晚宴的藝人馬天佑，前晚出席活動時表示明白現場多人，令工作人員壓力大：「當日經理人幫我用手機影相，工作人員話場內唔影得，叫我哋Delete（刪除），有啲無奈。」

查看相片

子丹與詩詩日前出席活動時，受外籍人士無禮對待。
更多

查看相片

湛琪清力撐表姐夫子丹態度專業。

作者: 電騙男 時間: 2019-3-29 09:28 AM

宇宙最強鬼佬當你係草

歡迎光臨娛樂滿紛 26FUN (http://26fun.com./bbs/)