娛樂滿紛 26FUN - Powered by Discuz! Board

標題: 郭嘉文衣著樸素行街唔睇名牌，成功收服李澤階，胡生點評? [打印本頁]

作者: DQ男 時間: 2019-6-10 10:50 PM 標題: 郭嘉文衣著樸素行街唔睇名牌，成功收服李澤階，胡生點評?

老謀深算

查看相片

郭嘉文
更多
香港首富李嘉誠之子「小小超」李澤楷（Richard）身家以億計，絕對係城中嘅超級鑽石筍盤。感情事一向低調處理嘅佢，與2015年港姐季軍郭嘉文（Karmen）嘅戀情傳足三年，期間多次被影到出外旅遊，直至今年4月尾Richard帶埋郭嘉文罕有現身沙田馬場，期間以情侶姿態大方合照，顯得二人感情甜蜜穩定，間接承認郭嘉文嘅地位。「楷女郎」郭嘉文日常生活簡單樸素，外表順眼得嚟又有鄰家女孩嘅感覺，深得「小小超」愛戴。
26歲嘅Karmen喺2015年參選香港小姐奪得季軍後，加入無綫成為旗下藝人，不過演出機會唔多，最多戲份嘅劇集都係喺2016年《廉政行動2016》擔任第三女主角。Karmen曾經接受傳媒訪問時，提到自己想搵一個有經濟能力、成熟及照顧到自己嘅人，就算男方比自己年齡上相差十年都冇問題。
早幾日，有記者見到Karmen相約閨密《愛·回家之開心速遞》飾演Bonnie嘅林凱恩，一齊去銅鑼灣行街街，佢哋係同一屆港姐參選，後來成為閨密，今次行街仲有一位女性朋友同行。雖然Karmen而家正式降服Richard，但係佢絕對唔係鍾意炫耀名牌嘅女仔，出街打扮都係衣著舒服簡單為主，再加上以素顏示人，真係可以話平凡到極。

查看相片

郭嘉文&林凱恩
更多
當日Karmen同林凱恩及女性朋友一齊行韓國時裝店，呢間韓國時裝店嘅牌子都係以樸素簡單同埋價廉物美為主。佢哋買完戰利品後，就去到時代廣場門口，一齊結伴上小小超平日為Karmen預備好嘅專車。
Karmen外表斯文順眼，知慳識儉，又聽教聽話，又點會收服唔到Richard嘅心呢？！