娛樂滿紛 26FUN - Powered by Discuz! Board

標題: [轉貼]真人真事我撞鬼的經驗 [打印本頁]

作者: stephen851214 時間: 2005-6-2 12:26 AM 標題: [轉貼]真人真事我撞鬼的經驗

真人真事我撞鬼的經驗

我係一個海外留學生, 所以, 搬屋差不多成為我每年都要做的事.

個年係1999 年, 當時我冇家可歸, 因為照顧開我的表哥, 已經讀完書, 佢就要番香港. 所以當時我中學個校長就安排我到佢個妹到住, 之後又因為佢兩個仔要番黎住, 我又被逼搬多一次. 個年係我最苦的一年.

之後, 朋友幫我搵到一個出租的房, 當時冇家可歸的我只好搬到個間屋到.
其實個間屋都唔錯, 有三間房, 我住其中一間, 另外兩間分別係個越南華僑屋主, 同一個馬來西亞華僑佢叫亞全.
我的房間係第二大, 因為我間房係冇陽光晒到, 可能又大, 所以比較陰涼, 到了冬天就更加凍到訓唔到.

我剛搬到時, 冬天剛剛開始, 係冇辦法之下, 我就同亞全要求, 晚上到他的房間訓, 佢都好明白我的苦況, 就答允了.

我當然高興, 因為晚上再唔到凍到訓唔到. 但係惡夢才剛剛開始.

我仲好清楚記得當晚係十五, 因為個月亮好光好大, 係亞全間房係見到晒.
當晚我同亞全吹左一陣水就訓, 正當大家都熟睡時, 我的惡夢就開始, 我一向都係扒係到訓, 當時我越訓就覺得越重, 就好似有一個人訓左係我背上. 之後我發覺我的手腳都開始郁唔到, 越黎越辛苦. 我知道情況不妙, 就大叫亞全, 叫佢救我, 但我發覺盡管我幾大聲叫, 佢都係聽唔到. 佢依然係熟睡中, 我開始發覺手腳可以動, 但係個身仲係好似俾人坐住咁.
當時我好驚, 都唔知可以點, 我就再發力轉身, 點知今次轉身成功. 但係仲大鑊, 因為我好清楚見到個黑影站在我面前,我見唔到佢個樣, 但係就好清楚見到佢著住見背心, 帶住一頂CAP帽, 手持一枝壘球棍. 當時我好驚, 因為我D手腳又不能再動. 我眼見佢一邊笑, 一邊行近.
之後佢行到我身邊, 就手起棍落, 打向我個頭到. 正當枝棍點到我個頭, 佢就消失左….
當佢消失之時, 我就開番聲, 亞全都因為咁俾我吵起來. 佢係完全唔知發生乜野事
之後我好幾晚都訓唔到. 一係見到佢, 一係就俾佢坐. 佢就再冇黎過…

作者: 左輪仔 時間: 2005-6-3 05:18 PM

多謝你對本版既支持

歡迎光臨娛樂滿紛 26FUN (http://26fun.com./bbs/)