娛樂滿紛 26FUN - Powered by Discuz! Board

標題: [6/8兩性加分題]大家覺得網戀可唔可靠 [打印本頁]

作者: LMQ 時間: 2005-6-6 12:07 PM 標題: [6/8兩性加分題]大家覺得網戀可唔可靠

好多人o係現實識唔到女仔
就會o係網絡世界度麻醉自己(亦可以話尋找番自己目標)
o係一個forum度,大家三唔識七,抱住一個新鮮既態度去識朋友
久而久之應該可以搵到幾個異性朋友傾計~進而約出黎見面
如果有feel既遲下就可能拍拖添
但係呢段過程,會唔會太過簡單直接左d呢
同埋網戀又可唔可以一生一世呢~?

[ Last edited by trista_cheong on 2005-6-7 at 08:45 AM ]

作者: roykenroy 時間: 2005-6-6 01:27 PM

其實可以咁睇: "網絡"係一個交友既其中一條途徑！

就等如我地平時 fd 帶 fd 出黎某 d 聚會一樣，見到個o岩傾o岩睇既

、
有意思想發展下既...就會問個fd個女仔聯絡方法，或者要求多兩次聚會等..同樣都係唔知
對方係點，都要約會過、相處過先知。
如果我地咁樣做過，又會唔會簡單直接左d呢？(我既意思係單靠感覺 + 視覺，好多時仲
只係靠視覺！)

呢 d 正常既情況比起"網絡"，只係多左個"視聽效果"，而我地亦會將呢 d "未知" 有意無意
地"美化"。

但係一見到"實物"既時侯......就有"出入"既情況發生......(呢d大家都唔知，睇彩數啦！

)
到時就要睇你接受情度啦！

不過，之前我地o係"網絡"又多左一份溝通喎！  咁又點計呢??

我親眼見過(兩次)有朋友由 ICQ 中認識到而家結埋婚，亦都有朋友約出黎比人呃！
就算現實識既，呢兩個情況都會發生......。

其實我係想話：無咩所謂啦，一生一世呢家野要睇"緣份"同"做化"架，唔需要highlight佢o係邊度識，可能我要
去到非洲先搵到我老婆呢....點知喎?

會唔會係 LMQ 兄墮入左網戀呢?

  好多時當局者迷，如果係真既話，隨心啦.....如果呢段感情
係真，錯過左會唔會可惜呢??  唯一係自己既感覺無得呃自己，熱就係熱，凍就係凍！:cool:

題外話:
好似我阿妹話齋 :  如果個男仔傾第一、二次就問你電話或者叫你出街，你大約都知佢咩料啦！

[ Last edited by roykenroy on 2005-6-6 at 01:29 PM ]

作者: LMQ 時間: 2005-6-6 03:16 PM

Originally posted by roykenroy at 2005-6-6 01:27 PM:
其實可以咁睇: "網絡"係一...

嗯...但係咁睇喎
由於係一個網絡世界
我相信係人都應該會保守好多
唔會太過容易將自己表達出黎
咁樣人地又點樣睇到你自己既真正既一面呢

傻啦~你真係識講笑~
我絕對冇可能同網戀呢樣野扯上關係~
同埋我都唔信呢d野

只係我見有好多人一見岩傾
就自自然然一見鐘情(甚至仲未知鍾意果個人係咩樣)
咁實在太過簡單喇~~~

作者: roykenroy 時間: 2005-6-6 04:41 PM

1.  真實一面~有D人就算你日日對住佢都未必知佢"最真實"既一面啦，
   就好似公司D同事咁，都未必知佢諗咩，有日比佢篤一篤都唔知咩事；
   同埋就算拍拖都要一段時間大家先會"現形"，就好似o岩o岩分手果條女咁，
   初初咪以為佢"好人一個"，點知佢化咁"厚妝".

.....(呢個係正常社交認識)。
"網絡"都係，衰既個案大把 (報紙週時有)；但係好既都存在喎！
又係果句：點知o者！想試我就走去試左先，衰左咪多個經驗囉。

(對小弟黎講)

2. 你唔相信網戀，其實等於唔同信仰一樣，最緊要係自己選擇，而本人就係
無任何信仰既~卡卡~

3.  好多時愛情要"簡簡單單、真情流露(包括性格)、開開心心"先至長久。
   兩個人o係埋一齊，就係我鍾意你、想同你一齊..咁簡單囉！(拍拖入面既野就分開..唔講
   喇！)  是但啦~你鍾意佢黎咪簡單，複雜黎咪複雜囉，最緊要自己鐘意！

戀愛同打麻雀一樣，你鍾意做大牌咪大牌，細牌咪細牌囉...不過仲要睇下當時手風順唔順、
   D牌點黎、同埋你點打，有時又會比人截糊 (至傷心、激氣)....變數好多，一定要學、
   同埋交學費 (特別麻甩仔)；對手次次都可能唔同.....我"數"既呢D野都唔重要，
   最驚係你手痕...無人同你打咋！

本人係非常之鍾意打牌，不過暫時唔夠腳！

作者: gundamman678 時間: 2005-6-6 07:51 PM

我個ex-gf都係icq識番黎，我同佢拍左5年拖，一齊時好開心。

所以無得話可唔可靠。邊個知哪個途徑是可靠? 係任何途徑識異性都唔擔保一定可靠架! 朋友介紹都會識錯人，自己追番黎既亦唔擔保話一定可以白頭到老。但一般黎講係網識既就係"高風險"d架啦! 即係話唔會冇成功例子，但看你有冇咁好彩會係冇俾人呃之餘仲識到個好對象。

今日心煩，所以寫d野好簡短~~

作者: LMQ 時間: 2005-6-7 11:21 AM

Originally posted by roykenroy at 2005-6-6 04:41 PM:
1. 真實一面~有D人就算你日日對住佢...

我鍾意你呢個打麻將比喻~
好多point都講得好準~
咁照你意思黎睇
係咪唔理結果如何
凡事都試過為之最好呢~?

作者: roykenroy 時間: 2005-6-7 01:11 PM

Originally posted by LMQ at 2005-6-7 11:21 AM:

我鍾意你呢個打麻將比喻~
好多point都講得好準~
咁照你意思黎睇
係咪唔理結果如何
凡事都試過為之最好呢~?

咁又唔係咩都試 (唔通吸毒又試咩

)，而係我個人認為，有一d事...我地係
唔知道到結果既...就好似考試咁樣，你考果時好有信心，但係出到黎既分數
唔係你既預期....後來先發覺呢度漏左、個度寫錯字....(你會明我意思！)。
跟住你好唔甘心走去check卷，結果得兩個 : 阿sir 冇改錯 or 阿sir改錯加返你分！
但係 o係你未check之前，又有邊個會知個結果，所以你先走去check卷之嘛，
梗係心中有個希望先去試o架，係唔係？

但係有一d事，你雖然唔知結果，但係你預計到既....
就譬如你去追一個女仔，兜口兜面表白之後，又係得兩個結果：
一係得，一係唔得。得左就梗happy啦！
咁唔得呢？？？ (你有冇諗個你會 & 覺得點呀？)
唔得之後..又有好多唔同反應，有d人會喊、有d人會再追、有d人就求佢...等等.....
呢都唔緊要，最緊要係你表白前個心理關口 (你都應該明呀呵！)，說穿左都係
自重/尊、怕瘀、怕冇面....其實係怕個結果(當然係負面果面啦！)，
呢個先係唔敢試既原因！

以上例子係人都明！但係做 / 想法人人唔同....
而我既想法係：追唔到就怕下個蘿柚走頭囉！佢都唔鐘意我，再諗都冇用。
                        寧願留番d精神睇下有冇新目標..好過！  而且後生咩都唔敢試，
                        唔通等六十歲退休先試咩？

而家單身都唔追女，唔通等有老婆果時咩？!

成日都係咁話o架啦，死就死唔差幾 (呢句新目標教既..卡卡)！趁青春o拿o拿聲
試多d啦！用咁多精神諗後果，不如留番d精神點追女吧啦......哈哈.....

LMQ兄..多口問句：係唔係學生哥兼未拍拖？？ (純粹八卦！

)

以上只係個人想法，希望冇冒犯各位大佬，事關細佬又長又吟！

作者: LMQ 時間: 2005-6-7 09:07 PM

Originally posted by roykenroy at 2005-6-7 01:11 PM:

咁又唔係咩都試 (唔通吸毒又試咩)...

讀IVE又算唔算係學生哥??

不過你講得冇錯~我而家的確係一枝公~

作者: vodka 時間: 2005-6-8 11:04 PM

我諗應該冇問題

我之前有3個女朋友都係玩icq識架
其實同係街識果d冇乜唔同,
唯一唔同就係佢地鐘意係屋企玩電腦
唔鐘意週街wet.......

作者: 天使藍 時間: 2005-6-10 04:46 AM

如果你係男仔係網度約d女仔出黎就冇問題啦
但係如果係女仔就要小心喇,約出黎帶多幾個fd,冇咁危險

同埋回應樓主,有好多人可能傾成年先約出黎,再.......
因為佢同時可以同緊好多女仔傾既
所以傾幾耐都要小心

(本人覺得永遠一齊係得5%,幾個月散既85%,一兩年既10%)

作者: LMQ 時間: 2005-6-10 12:13 PM

Originally posted by 天使藍 at 2005-6-10 04:46 AM:
如果你係男仔係網度約d女仔出黎就冇問...

我反而有一兩個fd
佢地就話呢d野試下算
唔好當真囉~

不過我見d女仔見唔熟既多數會搵理由唔出~
即係約親佢,一係就話呢排好忙,唔出得街
一係就話要返工~唔知幾時free~

作者: 天使藍 時間: 2005-6-10 06:54 PM

Originally posted by LMQ at 2005-6-10 12:13 PM:

我反而有一兩個fd
佢地就話呢d野試...

因為d女仔驚出到黎唔知有咩事發生呀嗎

雖然可能有成功既例子,不過真係要小心
因為報紙成日都有賣,話d人出到黎,比人呃錢又有,呃身都有

所以小心為上

作者: roykenroy 時間: 2005-6-13 01:08 AM

Originally posted by LMQ at 2005-6-10 12:13 PM:

我反而有一兩個fd
佢地就話呢d野試...

女仔保護自己o者！
只要佢一日肯同你傾，就仲有機！
而家呢個，我都約左成7個月。

作者: today2028 時間: 2005-6-14 05:15 PM

網戀可唔可靠? 其實好睇你點去開始發展同用咩心態去開始.
其實上網都係一種識人嘅方法, 好似以前就寫信, 而家就上網. 所以理論上用咩方式溝通係唔重要. 不過而家有個情形係d人上網成日用埋d假資料,

明明男人就扮純情少女
明明豬排樣衰就扮俊男美女
明明三,四十歲就扮二十未到
明明有老婆仔女就扮純情寂寞少年

試問咁多虛假, 上網識人志在上床, 咁又點搵到真愛?.

其實現今社會要結識異性幾難, 上網真係一個唔錯嘅方法, 只要大家用真心, 真料, 真誠去發展網戀, 呢種方式係絕對可靠有用

作者: My heart will g 時間: 2005-6-20 02:05 AM 標題: ......

網戀....i can tell you from personal experience....
most of the ppl think 網戀 is two strangers chat in internet and fall in love!
BUT that is not true....
i know a girl through icq....introuduce by my friends in my old school in HK ( i am in USA)..so she is not a unknown person that can lie to me because my friends knows her and she in my friends school too....

we chat almost everyday even the timing is totally different....HK is 12 hours faster~which she is sleeping, me wake up~

we phone each other whenever we have a chance....coz their parents doesnt support~

we keep this relationship for 6 months~also this my first love....we broke up coz she say she feel so unsafe that i am in usa and she feel she like jor other guy~

SO 網戀 has other meaning...you can chat with people u know..u met....not only for strangers that search in icq!

作者: invisible 時間: 2005-6-30 02:21 PM

我曾經同一個12歲既靚妹發生過一段網戀
當時我都係中三
係網上既留言版識左呢個女仔
之後問佢拎左ICQ
係ICQ chat左一排
愈來愈發覺自己鐘意左呢個女仔
於是經常係網上博佢好感

終於有一日我問佢你有無男朋友啊
跟住佢話無啊
我又問佢：你鐘唔鐘意我啊(當時係一名乳汁既小子，問問題係會直接D)
佢問番轉頭：你係咪想玩網戀？
我答佢：係
接著佢考慮左一陣
佢話肯同我做一對網上情人

當時係一名死靚仔
咩都唔識死
後來我膽粗粗咁問佢拎電話
攞到電話就日日都佢係度傾電話
重搞到學業都荒廢哂，每日淨係係咁想住佢會咩樣呢
後來.......

我卒之打俾佢諗住約佢出黎
當電話通左之後
接電話既係一把男聲
我就話：唔該xxx
佢話：佢唔得閒喎(好無禮貌咁講)
跟住我問佢：你係佢邊位啊？(果時真係唔識死，如果係阿伯父就大獲喇)
佢答：我係佢條仔，我知佢而家同條仔玩緊網戀，佢都有同我講，佢玩你咋，傻仔！
跟住佢就收左線，我起初都唔信
於是係ICQ問佢
佢都直認不諱
傷心左兩個月後
最後我就再無搵佢喇

網戀的確可以給予我們少少的快感
但係在網戀的世界
你未見過戀人的樣子
未見識過夢中情人的性格
這些又怎算是愛呢？你又愛你戀人什麼呢？
所以個人愚見：網戀係不可靠的！！
即使你話真實世界都有好多人係假惺惺的
可是真人你有機會看穿
但係網戀連讓你看穿的機會都唔俾你呢！

作者: conversekita 時間: 2005-7-4 02:16 PM

超級唔可靠~~因為我親身試過!!
開頭有種~好sweet既慼覺~
但時間長長~就無左~
加上如果對方雖要人陪係身邊既時候~你又唔係~
好易俾人成x而入~~
總之.....千析唔好試~

作者: ronychan 時間: 2005-7-9 02:29 PM

其實係邊度識另一半完全同段感情長短無乜關係....

本人覺得無乜好討論 -0-"

作者: 悟飯 時間: 2005-7-17 01:22 PM

雖然我玩icq的日子唔係好長,但係我覺得網戀不太可靠,因為icq的人成日呃人;
例如係男仔就話自己係女仔,又用假名.......;我相信大家玩icq都想打發時間,傾計,講心事,識朋友.......;既然大家互相交談,為什麼要說謊,現實生活已經虛偽,人與人之間互相猜忌,難道大家將心比心咩?

作者: LMQ 時間: 2005-7-19 12:44 PM

Originally posted by roykenroy at 2005-6-13 01:08 AM:

女仔保護自己o者！
只要佢一日肯同你傾，就仲有機！
而家呢個，我都約左成7個月。

咁約唔約到出黎???

作者: roykenroy 時間: 2005-7-20 02:46 PM

Originally posted by LMQ at 2005-7-19 12:44 PM:

咁約唔約到出黎???

YES!:cool:見左添啦！！

LMQ兄，你果邊又點呀???

作者: LMQ 時間: 2005-7-22 01:18 AM

Originally posted by roykenroy at 2005-7-20 02:46 PM:

YES!:cool:見左添啦！！

LMQ兄，你果邊又點呀???

唉...你就好啦
好羨慕你

我果邊都係食緊白果....真係要幫幫手諗諗計先得喇

作者: roykenroy 時間: 2005-7-22 11:59 AM

Originally posted by LMQ at 2005-7-22 01:18 AM:

唉...你就好啦
好羨慕你

我果邊都係食緊白果....真係要幫幫手諗諗計先得喇

點食????講唔講得?????

作者: dennis0330 時間: 2005-7-22 05:07 PM

其實我自己覺得呢d野唔係幾可靠......因為你識到個女仔佢一定會叫你比你張相佢睇~~而你為咗睇佢嘅盧山真面目~~只好比你張相佢睇......但係你約佢出黎見面~~發現貨不對板~~果陣就後悔莫及......我本人就係有過呢d經驗先覺得唔可靠T_T........

作者: a362951847 時間: 2005-7-23 01:59 AM

我覺得一段感情唔應該建築o係一個虛擬o既世界上面

作者: Ca2+ 時間: 2005-7-24 07:58 PM

所謂ge可靠...我諗應該會係一生一世咁...
網戀...在網路世界中是可靠的..因為雙方都一定會上網..keep in touch的..
但在現實世界...就是不可靠..就算雙方在網路上有多了解對方...
一但出黎見面...好ge就繼續...唔好ge就散..
好到最後一起生活..但maybe會相見好同住難....hmm...
不過...網路也是一個認識異性的途徑...網戀..都可以係一種可以滿足自己心靈上的空虛啦...
anyway...唔好咁沉迷呀!

作者: LMQ 時間: 2005-7-25 12:47 AM

Originally posted by roykenroy at 2005-7-22 11:59 AM:

點食????講唔講得?????

無他既
總之icq就好鬼好傾
但係約親佢出黎佢就好多籍口...
有時我都唔知邊d係真邊d係假..
一係話病左出唔到聲,一係就要陪屋企人or fd出街,一係就好忙有野做
總之次次藉口都唔同...但係俾人既感覺佢又好似真係因為咁而出唔到黎

我都唔想約親幾次都係咁..佢唔覺得沉我都覺得沉...

問佢幾時得閒佢又話唔知..真係.../.\

作者: roykenroy 時間: 2005-7-26 11:31 AM

Originally posted by LMQ at 2005-7-25 12:47 AM:

無他既
總之icq就好鬼好傾
但係約...

都係果句 : 佢仲肯同你傾...你就仲有機...！

追女要有耐性...其實個過程當中...你仲可以了解佢多d...睇下係咪真係o岩自己...:cool:

你就一路係咁約囉...比佢睇下你d誠意嘛....一、兩個月就放棄....咁你先問一問自己...
你有幾鍾意佢?!

呢 d ...係普遍女仔...安全感問題o者....比d心機啦！

祝...蜜運成功！

作者: roadshow1007 時間: 2005-7-28 12:41 AM

網絡世界裡面所講既野有幾多真, 幾多假, 無人知,
佢對你請既野, 對過幾多人講, 你又唔知 (可能係copy, copy又copy都唔奇)
佢係咩人, 咩background, 你又唔知
係網上個個都可以吹噓自己係超人, 能人所不能, 唔通你又相信?
網戀可以話係虛無飄渺, 真係"妄戀" (妄想可以真心戀愛)

歡迎光臨娛樂滿紛 26FUN (http://26fun.com./bbs/)