娛樂滿紛 26FUN - Powered by Discuz! Board

標題: [轉貼] 趣事[00+] [打印本頁]

作者: skysword 時間: 2005-6-17 04:52 AM 標題: [轉貼] 趣事[00+]

有無試過攪笑事發生過o係你身上or你身邊既人身上呢?

趣事一
有一次由灣仔撘小巴去銅鑼灣糖街咁諗住同個 friend去 “文輝”食野, 我一直係度諗緊食咩好,但係當差不多到既時候, 我好大聲咁叫: 墨丸河oY,唔該!!! (其實我係想叫:文輝oY , 唔該!!! ) 全車人都係度忍笑, 有D忍唔住笑左出黎, 個司機仲話:唔駛咁心急好餓咩??? 到啦...慢慢食...嘩.... 瘀到震

趣事二
我有個朋友是做幼稚園教師的，新學期開始時，她叫全班同學帶手冊回家，叫家長貼相片在手冊上。當她收回所有手冊時，發現竟然有一位家長將自己的相片貼在手冊上。

趣事三
三年前﹐當CALL機還是蠻流行的時候﹐不過秘書台服務人員的英語不是太好﹐我的朋友有一天收到一個MSG “亞娟叫你在冰雕城等﹗”我的朋友搔SAI頭。“冰雕城﹖﹖哪來個冰雕城呀﹖呀娟﹐誰來的﹖﹖“後來才知道﹐他的大學同學是說”MAIN BUILDING﹗” 而不是“冰雕城”﹗﹗而她的名字是呀焦﹐不是呀娟﹗

趣事四
我男友有次返學隨手拎左個電話出街,上到巴士諗住拎出o黎飛線,點知發現原來拎左個遙控出o黎, 嚇到佢收都收唔切!!

趣事五
講開CALL台,三年幾前大學時期攪大學學會, 學期初時要擺counter招收新會員,我call學會的男主席 "唔該叫佢帶埋RECEIPT簿來開檔" ~~最後,佢氣沖沖走到個counter,指住部CALL機問我, "你做咩叫我帶埋~護舒寶~來開檔 ??"

趣事六
我有一次放學搭巴士返屋企,當時我企係度都好輕鬆下,但突然間架巴士掟左個急彎,我當然失去重心,本能反應就係捉住d野羅番個平衡,點知我一手就叉住左一個3、40歲既男人條頸度,最好笑就係個男人仲係度扮翻眼同透唔到氣呀!!

趣事七
讀中學個時有個miss 用projector. 突然有陣風吹走張transparency. 跟住佢用隻手禁住幅牆!

趣事八
呢個笑話係我朋友無意中聽返黎既, 話說係前個排呢,手提電話好興有"語音撥號"呢樣野, 即係你向住個電話叫:小明,咁個電話就自動撥去小明個度,方便好多咁話.咁我朋友有日就如常咁放工搭地鐵,咁橋聽到係佢前面個西裝友向住部電話叫:八婆.跟住個電話就自動撥去亞"八婆"到啦, 到條線通左,西裝友就對住個電話, 用無比客氣既口吻話: 亞外母呀, 我今晚唔返黎食飯啦！

[ Last edited by sfxc0000 on 2005-6-17 at 12:16 PM ]

歡迎光臨娛樂滿紛 26FUN (http://26fun.com./bbs/)