Board logo

標題: 人類始來源及人口膨脹真正原因 [打印本頁]
作者: bengrace50    時間: 2005-7-4 05:32 PM     標題: 人類始來源及人口膨脹真正原因

人類始祖來自天上

據阿含等經記載，天地更始，世界進入住劫之初，人類是從光音天上下來，既非上帝所造，更非亞當夏娃，偷食禁果的成績，亦非猿猴的演變，而是人類業力使然。因為住劫之初，天地更始，空無一物，色界二禪天上的光音天，天福享盡的人，遙見新天地空空蕩蕩，好奇心生，結伴下來人間遊覽。見地湧甘泉，以指取嚐，味如蘇蜜，食之再三，因此失去天人的神通，身光亦隱沒，天資妙色，漸漸變成粗糙的肌膚，生理亦隨之變化，現男女相，清淨禪心，忽起慾念。自此，不能復返天上，流落人間，飲食男女，世代相傳，此即是世界人類的來源。


人口膨脹真正原因

現在世界各地，人口不斷膨脹，主要原因，是他方世界中，有一世界，或多世界，正轉入壞劫，其中眾生，與婆婆世界有緣的，轉生來此界所致。今後唯一解除世界人口膨脹的方法，不是消極的墮胎節育，而是積極的改善業力，勸導眾生，修福、修慧、修淨土，發願往生諸佛淨土，以疏導此婆婆世界人口的密度，止息人口膨脹所引發的危機。
作者: sneakerfreaker    時間: 2005-7-5 09:37 PM

咪玩啦, 人口膨脹點會係因為哩個原因呀
作者: bengrace50    時間: 2005-7-6 12:16 AM

Originally posted by sneakerfreaker at 2005-7-5 21:37:
咪玩啦, 人口膨脹點會係因為哩個原因呀
依書直說，並無花假:cool:
作者: sneakerfreaker    時間: 2005-7-6 12:30 AM

但唔代表本書係 o岩架嘛
我尊重你的宗教觀念, 但人口膨脹點都唔會係因為哩個原因

如果好似段野所講, "主要原因，是他方世界中，正轉入壞劫"
係唔係即係另一個世界遭逢劫難, 所以地球人要做多D愛
作者: bengrace50    時間: 2005-7-6 12:26 PM

Originally posted by sneakerfreaker at 2005-7-6 00:30:
但唔代表本書係 o岩架嘛
我尊重你的宗教觀念, 但人口膨脹點都唔會係因為哩個原因

如果好似段野所講, "主要原因，是他方世界中，正轉入壞劫"
係唔係即係另一個世界遭逢劫難, 所以地球人要做多D愛
嘅然你尊重我的宗教觀念，就唔可以一句就話人地錯。呢個其實係佛教好基本的道理，並非作者作出來的。(你唔信都無法)佛教相信唔止我地地球一個世界有生物。

係唔係即係另一個世界遭逢劫難, 所以地球人要做多D愛
-->証明係唔明佛法。並非『另一個世界遭逢劫難, 所以地球人要做多D愛』。而是他方世界中，正轉入壞劫，即開始滅亡。難道要他們投胎在虛堅(太空)中？ 性相近而接近相的事物。 因為他方世界共業大，眾生業障重。 人因妄想執著以致有愛慾，有愛慾就有生死，有業，共業大的地方眾生業障也大，故生到此界。


本書係--->
正見與邪見
文珠法師講述

http://book.bfnn.org/books2/1924.htm
作者: 史艷文2    時間: 2005-7-6 12:35 PM

Originally posted by sneakerfreaker at 2005-7-5 09:37 PM:
咪玩啦, 人口膨脹點會係因為哩個原因呀
咁你認為係咩原因?
作者: bobbywu    時間: 2005-7-6 12:45 PM

人類世界多苦難(特別在古代)  理應更容易解脫 , 專心修佛。
因此外界往生來地球
作者: 迷途小羔羊    時間: 2005-7-6 09:28 PM

一係咁，將topic改成：從佛教觀看人類始來源及人口膨脹之原因
作者: sneakerfreaker    時間: 2005-7-7 10:41 AM

地球人口膨脹有好多原因, 主要的有
1. 糧食供應比古時穩定
2. 醫學進步令壽命延長
3. 嬰兒夭折機會減少

我想問下, 如果其他世界遭逢劫難, 佢地用乜途徑黎到我地哩個世界?
如果唔係做愛次數增加, o甘係唔係其他世界遭逢劫難會令受孕率提高?
如果又唔係做愛次數增加, 又唔係受孕率提高, o甘我想問下, 其他世界遭逢劫難點樣可以令地球人口增加呢?

[ Last edited by sneakerfreaker on 2005-7-7 at 10:49 AM ]
作者: bobbywu    時間: 2005-7-7 11:17 AM

我有另外想法:
這個世界的生命數量是固定的 , 當其他生物數量減少了, 而這些生命只好往生成人類 ,
但由於這些人有大部份都未有足夠的福德 , 或前生的業報未完 , 所以只能生到一些多
苦困的地方去。
這亦正好解釋到人口膨脹 主要增加在那些 第三世界國家了 !
作者: rest365days    時間: 2005-7-7 11:38 AM

Originally posted by sneakerfreaker at 2005-7-7 10:41 AM:
地球人口膨脹有好多原因, 主要的有
1...
我唔係佛學專家, 但係就內容所見, 我覺得對方講嘅係佢所相信嘅"原因", 你講嘅可以理解為"具體方法", 兩者未必有矛盾, 而兩者之間嘅關係就好在乎你相唔相信.  正如基督徒可能會答你因為係上帝叫人生養眾多...都係一種解釋.

信仰就是一定會有missing piece(s), 要你去信埋嗰部分.
作者: bengrace50    時間: 2005-7-7 04:11 PM

Originally posted by sneakerfreaker at 2005-7-7 10:41:
我想問下, 如果其他世界遭逢劫難, 佢地用乜途徑黎到我地哩個世界?
我想你弄清到底是講那些所謂的科學還是宗教先，如果你是說宗教，那麼我問你，你前世是如何去到令壽堂的肚內？  是搭車、搭飛機？
如果唔係做愛次數增加, o甘係唔係其他世界遭逢劫難會令受孕率提高?
從你說話中似乎未明因果法則， 是否你相信一定做愛就一定可以受孕？(我當然不是叫人濫交) 為何會有人一生不能生育？
如果又唔係做愛次數增加, 又唔係受孕率提高, o甘我想問下, 其他世界遭逢劫難點樣可以令地球人口增加呢？
用你信的所謂科學角度，但只是用我們自己可以證實到的法則，來去證明為之科學的邏輯去分析一些超越我們的法則，你呢世都無你想要的答案，如同你坐井觀天甚知天外天？

等於你是原始森林中的人，有人話你知可以乘火箭上太空，你又會同那人講你都short！  我們不用可能飛又點上太空。  咁你話邊有答案，邊個笨d？

你不明佛法，又不信有佛法，講極都唔會明。  最後講多次，你唔同意就算，我答都是為其他人而答。  有妄想執著，所以是凡夫，凡夫會作業，妄想執著-->成為輪回之因。  所以有生死。  而我們因為有共業，所以有因緣有共同的業的眾生會生於此界。
作者: 20steven    時間: 2005-7-8 03:22 AM

我明白ben兄的感受!由其係呢句(你不明佛法，又不信有佛法，講極都唔會明。  最後講多次，你唔同意就算)萭二分同意!
作者: sneakerfreaker    時間: 2005-7-8 03:46 AM

唔明佛法唔代表我錯, 我主要係唔同意哩個係人口膨脹"真正"原因

ben兄話 "是否你相信一定做愛就一定可以受孕？(我當然不是叫人濫交) 為何會有人一生不能生育？" 是偷換概念, 歪曲了我的意思, 我從來沒有說過做愛一定可以受孕

我想問的是
1. 其他世界遭逢劫難, 是否會令做愛率提高?
2. 其他世界遭逢劫難, 是否會令受孕率提高?

如果兩樣都唔係的話
3. 其他世界遭逢劫難, 如何令地球人口增加?
作者: bengrace50    時間: 2005-7-8 05:28 PM

Originally posted by sneakerfreaker at 2005-7-8 03:46:
我想問的是
1. 其他世界遭逢劫難, 是否會令做愛率提高?
2. 其他世界遭逢劫難, 是否會令受孕率提高?

如果兩樣都唔係的話
3. 其他世界遭逢劫難, 如何令地球人口增加?
1.  其他世界遭逢劫難--> 是其它世界的業果
    做愛率提高---> 也是我們自己的業果
所以不能相提並論

2. 其他世界遭逢劫難, 是否會令受孕率提高?
--> 同以上道理一樣

3. 其他世界遭逢劫難, 如何令地球人口增加?
--> 簡單來說是同性相吸，明未？  即是話你同你老婆點解一起，因為大家需要對方。  也是業力吸引所致。
作者: sneakerfreaker    時間: 2005-7-8 06:41 PM

這樣說的話就是其他世界遭逢劫難, 可以促進地球人的恩緣運?
作者: bengrace50    時間: 2005-7-8 08:51 PM

Originally posted by sneakerfreaker at 2005-7-8 18:41:
這樣說的話就是其他世界遭逢劫難, 可以促進地球人的恩緣運?
激死我，仲唔明！  都話唔係囉！  兩者無直接連帶關係，  首先其他世界遭逢劫難，度d眾生要轉寄他方。  這是對的，但地球人自己衰，作業重，結果，當然無理由會有好褔報的眾生投胎來，係咪？  咁業報重的遭逢劫難其他世界的眾生咪會來囉，明未？激死我！  都未試過講咁耐都未講得明人地。@@....
作者: sneakerfreaker    時間: 2005-7-8 09:56 PM

你跟本就冇解釋, 只係用不同文字包裝同一個概念
我明白你所說的, "佢地同地球有緣, 所以佢地可以轉生黎地球"

(1) 假設, 每做十次愛, 可以受孕一次
(1a)做多d 愛係唔係可以增加生育率?
(1b)係唔係因為其他世界遭逢劫難令地球人做多d 愛?

(2) 假設(1)唔成立 , 又假設平均受孕率為 10%
(2a)係唔係其他世界的眾生和地球有緣可以提高受孕率?

(3) 假設(1) 和 (2) 都唔成立, 又假設每對夫妻每年做愛十次, 再假設受孕率為 10%
(3a)係唔係會促進地球人的姻緣運?

(4) 假設 (1), (2), (3) 全部唔成立
(4a)平衡做愛次數冇增加, 不受他方世界影響
(4b)平衡受孕率冇提高, 不受他方世界影響
(4c)平衡男女姻緣結合比例, 不受他方世界影響
(4d)請問多了出來的人口從何而來?

*注意生育率和受孕率的分別
作者: bengrace50    時間: 2005-7-8 10:06 PM

Originally posted by sneakerfreaker at 2005-7-8 21:56:
你跟本就冇解釋, 只係用不同文字包裝...
唉！  牛頭唔搭馬嘴！  根本就得個問字，但你完全無去領略下我答你d野，等於禪門有個公案，當中有個禪師俾佢師父指責：『你不倒了杯中水，又甚可例入新的水？』  看來我再回覆你有關的問題也只是浪費我的時間，因為你的根底不足以明白你現在問的問題的程度。

你不如去下以下的網頁補充下你的佛學知識先再同我討論吧，再見。


般若文海繁體站
http://book.bfnn.org/
作者: sneakerfreaker    時間: 2005-7-8 10:49 PM

平心靜氣討論, 信佛講野都o甘燥
我問又唔見你答? 你答唔出咋...

講多次, 你只係不停用不同文字包裝同一個佛學概念, 完全冇解釋
你只係重複他方世界有劫難, 佢地又同地球有緣, 所以會轉生黎地球

之前你的原始人和火箭的比喻非常恰當, 在佛學層面我是原始人, 你是現代人
現在原始人想請教現代人一些他一定已經知道的事情

請答我以下的問題
1. 點樣可以懷孕, 生育?
2. 做愛次數, 受孕率, 姻緣結合同他方世界有冇關係?
3. 點解平衡做愛次數冇增加, 地球人口會在近兩個世紀突然大幅增加?
4. 點解平衡受孕機會率冇增加, 地球人口會在近兩個世紀突然大幅增加?
5. 點解平衡姻緣結合機會率冇增加, 地球人口會在近兩個世紀突然大幅增加?
6. 如果他方世界發生任何事都唔會影響 (1)平衡做愛次數 (2)平衡受孕機會率 (3)平衡姻緣結合機會率, 地球人口會在近兩個世紀突然大幅增加?
7. 假設地球人全部唔做愛, 而他方眾生又同地球有緣, o甘會發生乜野事? 係唔係有緣就自然受孕?

你話我的根底不足, 即係你佛學慧根十足啦, 一定答得出啦
知就答, 答唔出的話請講一句 "我都唔知"
跟本同我對佛學的認識冇關係

注意
1. 地球人口近2-300年才開始劇增
作者: bengrace50    時間: 2005-7-8 11:37 PM

Originally posted by sneakerfreaker at 2005-7-8 22:49:
平心靜氣討論, 信佛講野都o甘燥
我問...
1. 我並非燥。  而是我發覺對牛彈琴。  從覆那句。  你不把自已心中杯裡的水倒去，那能把新的知識放入。 我只是用禪宗的點撥方法去令你放下執著，並非燥。  所以你的『激將法』是多餘的。 我師父是禪宗的，我自然也會用同樣方法去除你的執著。  你受不了我也沒法。  禪人修行多是這樣，你激我的說話也見怪不怪，相反也要多謝你幫我修行添。

2.  我其實早已答了你的問題，只是你一味執著自己的見解，所以沒有好好的參悟我給你的答覆。  只問而不參對學佛法沒用的。

3.  你的世間見解執著太強，所以你的確要多看我給你的網頁才能明白我們討論的內容，你問的問題其實連中一佛教課的同學也能答得圓滿。  我相信你看完我給你的網頁也自有答案。  如果你認為我是答你不出的話，請你向中一佛教課的同學請教吧，你也自有答案。
作者: mememe    時間: 2005-7-9 12:31 AM

sneakerfreaker兄﹐

我啱啱睇完你同bengrace50既討論﹐或者我可以俾個好0的既比喻俾你。bengrace50兄﹐如果我以下有講錯﹐直插無妨﹐毋需俾面。

假設世界只有兩個星球 - "地球"同埋"A星"。A星既生物造業﹐所以死0左之後全部輪迴0左嚟地球。
假設A星死0左50萬人﹐0甘地球既人相對嚟講就要生番50萬個。
呢兩個空間既關係我哋淨係睇到地球呢邊﹐所以要從呢邊既情況去推斷0個邊發生咩事。

例如:
地球發明0左避孕套﹐引至人口上升減慢﹐可能係因為0個邊(A星)死少0左人。
地球爆發嬰兒潮﹐可能因為A星打緊仗。
地球人因為社會因素生少0左(以前既大陸因為政策﹐依家既日本﹐香港等地區因為多種原因)可能係因為多0左A星既人成佛。
地球人口不停上升﹐大概代表A星人口不斷下降

呢個係一個好簡淺既比喻﹐喺佛教既層面要加多五道(總共六道)同唔知幾多個星球。

總之﹐假設K係六道未有佛出現之前既總生命體數目﹐全六道既生命體(數目為K-F)不停0甘因為成佛(數目為F)而越嚟越少(冇增長因素)﹐不過就不停0甘由一界轉到另一界﹐一個空間轉到另一個空間。
作者: bengrace50    時間: 2005-7-9 12:35 AM

Originally posted by mememe at 2005-7-9 00:31:
sneakerfreaker兄﹐

我啱啱睇完你...
中少少，不過仲要因為眾生在地球的業力大，地球褔報少，咁A星的眾生又是少褔之人先會轉生呢度
作者: bengrace50    時間: 2005-7-11 12:51 AM

成見不空


有位學者，特至南隱禪師處請示什麼叫做「禪」？
禪師以茶水招待，並在茶倒滿杯子時，並未停止，仍又繼續的注入。眼看茶水不停的一直往外溢，學者實在忍不住，就說道：「禪師！茶已經滿出來了，請不要再倒了。」

「你就像這隻杯子一樣！」南隱禪師說道：「你心中滿是學者的看法與想法，如不事先將自己心中的杯子空掉，叫我如何對你說禪？」

自滿、傲慢，一直懷著成見的人，就算天降甘露，也無法流入他的心中。

器皿要裝入真理的法水，一要空而無物，二要清潔無染，否則即使再好的飲料，也會變質

以上供學佛法之人參考共勉
作者: spucker    時間: 2005-7-12 11:53 AM

don't force other people to believe what you believe

if what you believe is true, it's doesn matter what other people believe; and the last thing:

be it
作者: bengrace50    時間: 2005-7-12 12:40 PM

Originally posted by spucker at 2005-7-12 11:53:
don't force other people to believe what you believe

if what you believe is true, it's doesn matter what other people believe; and the last thing:

be it
呢度無人迫人信教，只有人問，問完就答。  看清楚上文下理先
作者: sneakerfreaker    時間: 2005-7-12 01:44 PM

算啦 spucker, 我都放棄左
一面叫人唔好有成見, 唔好執著, 一面自己又執著於佛教論說
你信佛可能認同哩個理論, 但你唔信佛, 佢就會話你係凡夫俗子冇慧根

他用的"禪宗去除執著"的方法更是可笑
"唉！  牛頭唔搭馬嘴！" "激死我!" 應該係成個方法的重點

一個人唔執著應該唔會激親
一個執著的人叫人唔好執著
一個只信佛法的, 叫一個只信科學的信佛法, 是道理
一個只信科學的, 叫一個只信佛法的信科學, 是執著

其實如果開始哩個 post 的 topic 係 "佛學對人類始來源及人口膨脹的解釋" 的話, 跟本就完全冇問題但如果係 "真正原因", 實在有點誤人子弟
作者: joebar    時間: 2005-7-12 02:34 PM

有d平行世界ga論點

世界a 同世界b 同時存在於不同次元,但互相影響

假設世界a死一個人, 世界b 就會出生一個人
而兩個世界興衰係相反,當世界a發生大劫(大量死亡),
世界b 就會興盛, 而世界a 死亡人口(假設為靈魂)就會大量轉入世界b
所以世界b的出生率會提升,由於世界b 興盛 (如科學發達,和平),令死亡率下降
而導致世界b人口膨脹。
世界a依然會有人出生,因為世界b都會死人,不過人數不多。
如當兩個世界同時興盛將會導致不育率上升。

補充: 以上為最簡單的平行世界觀, 而實際上平行世界可多達數個至數千個世界互相影響。

依個唔係我個人想法,而係一套天文學家提出ga理論
作者: bengrace50    時間: 2005-7-12 02:44 PM

Originally posted by sneakerfreaker at 2005-7-12 13:44:
算啦 spucker, 我都放棄左
一面叫人...
哦原來你講個題目呀，早D講呀。  喂，但呢度係講宗教靈異版，唔係科學討論版喎，講D所謂的科學唔係呢版講。

仲有，佛教教人唔執著係唔好執一個有『我』，唔係叫你做人無原則，一個叫人做人無原則、人講乜你就做乜、毫無主見、的宗教我都會叫你唔好信。

叫人唔好執著，唔係叫你連原則也放棄。唔通你父母就餓死，你就話唔好執著要養父母，唔理佢呢D叫佛教的道理。

你咁講係誹謗人地的宗教道理。

學史兄話頭，你批評人的宗教、道理、論點前先明白人地的含意先。  你連乜野係佛教的執著真正含意都未明，就用執著來攻擊佛教徒，有D好似連飛機都唔識鴐就學人鴐部F-16去打人咁，唉。
作者: 史艷文2    時間: 2005-7-12 02:55 PM

Ben兄,又一阿牛哥呀.
作者: bengrace50    時間: 2005-7-12 03:01 PM

Originally posted by 史艷文2 at 2005-7-12 14:55:
Ben兄,又一阿牛哥呀.
係呀，依家好多呢D人，由其係香港。  所以我好讚成人去讀下哲學。  你滿肚子道理但無邏輯有乜用。
作者: 史艷文2    時間: 2005-7-12 03:15 PM

所以一遇到呢D人,講2句我就唔講,由得佢.
作者: research2005010    時間: 2005-7-12 03:46 PM

雖然我係其他topic跟佢地學左唔少野, 不過今次我都覺得迷途小羔羊之前的reply中肯. Anyway, 26fun的post 一個鐘之後就無得改.
作者: kaixinren    時間: 2005-7-12 03:55 PM

現在好喜歡睇bengrace50加史艷文2同其他網友的討論，好“得”啊！hahaha.......
兩位表達的都好“清楚”，好有“邏輯”。:cool:

[ Last edited by kaixinren on 2005-7-12 at 05:58 PM ]
作者: research2005010    時間: 2005-7-12 04:00 PM

點解你個post會去左下面?
作者: kaixinren    時間: 2005-7-12 04:07 PM

Originally posted by research2005010 at 2005-7-12 06:00 PM:
點解你個post會去左下面?
按错左“引用”，改完发完先知，就刪左原來個post咯。
作者: sneakerfreaker    時間: 2005-7-12 11:00 PM

我一早已經講左我係唔意個 topic 架啦
証明你冇睇清楚我的回應

"叫人唔好執著，唔係叫你連原則也放棄"  講得好
我的原則是科學的合理性
o甘點解我信科學就係凡夫俗子? 你信佛教就一定o岩呀?

點解你信佛教一些解釋唔到的理念就得, 我信一些可以証明的事例, 就係你所講的 "你滿肚子道理但無邏輯"?

係唔係信一 D解釋唔到的理念比信可以解釋到的更有邏輯, 更合理?
作者: bengrace50    時間: 2005-7-13 01:38 AM

Originally posted by sneakerfreaker at 2005-7-12 23:00:
咪玩啦, 人口膨脹點會係因為哩個原因呀
呢句係你講唔係我講，我無迫你同我討論。
最後講多次，你唔同意就算，我答都是為其他人而答。
呢句係講。
點解你信佛教一些解釋唔到的理念就得, 我信一些可以証明的事例, 就係你所講的 "你滿肚子道理但無邏輯"?
你咁仲意屈人不如返大陸做公安。  而家係我Post文章出來後你唔同意然後仲要捉住我不停問完又問同樣問題。 解完你唔明仲要話人無答。 連因同果都攪錯，我無迫你同意，而一直係你迫我同意你！  所以我話你道理多多但無邏輯。

仲有，學生唔明老師同學生都有責任。  不過我不是你老師。  但你為何不想下人人都明點解你唔明？  是否『成見不空』？

最後，呢度係靈異版唔係科學版，人人都知呢度係POST有關宗教靈異野，我覺得你應該去錯地方，你不如去呢度咁D

http://www.newton.com.tw/forum/forum.asp
作者: bengrace50    時間: 2005-7-13 01:55 AM

Originally posted by sneakerfreaker at 2005-7-12 23:00:
o甘點解我信科學就係凡夫俗子? 你信佛教就一定o岩呀?
仲有我無講邊個先啱，更惶論凡夫俗子。  我一路都係講佛理，呢度人人都知。  由頭到尾係你話人錯，駛唔駛我介紹D哲學班你去上下？  不過我都估係.......唉！  算...唔講...
作者: sneakerfreaker    時間: 2005-7-13 06:00 AM

請對自己說過的話須負責
"成見不空"這個故事你是想用來比喻我吧?
"有妄想執著，所以是凡夫" <-- 這句是你講的嗎?
可能你有講凡夫, 冇講俗子, 對唔住冤枉左你
作者: bengrace50    時間: 2005-7-13 09:46 AM

Originally posted by sneakerfreaker at 2005-7-13 06:00:
"有妄想執著，所以是凡夫"
唔該你去進修下佛學啦！  又試唔知頭唔知路就亂罵人。  你最好唔好去外國啦，因為你好容易未了解人地D文化前就以為人地罵緊你！  自己連車都未識駕又學人話人交通違例！

凡夫呢個字係佛學的字眼，你如果請問人地佛法時，人地當然用佛法說話答你！  唔通同你談情呀！ 學你咁牛頭唔搭馬嘴呀！(當時你問緊我，我用佛法角度答你，有乜唔妥？)  

凡夫---> 呢個字是用來指一切未證果位的眾生。  因為未曾證悟的眾生都是"有妄想執著，所以是凡夫"，這種凡夫甚至包括天上的所謂神，地上的一切鬼、人、動物，以及地獄的眾生。  在佛法上，未證果位的眾生，如果自稱是聖人是犯下重罪的，難道你要我稱你是聖人？

同你對話多次，其實我都未有正式起過瞋心，但老實說，出得來弘法，有人問法我去答是理所當然，但我上次停止答你，正是因為你份人又要問人，但問之餘又要人用你自己早已期待自己一早切下的答案才肯接受。  你要知道，你問人佛法的角度，別人用佛法角度回答你是理所當然的事。  我亦一早就提過你(我當你是小朋友唔識諗)，你不接受也大可不理我，但你仍不斷糾纏。

所以我兩次用《成見不空》的故事提醒你，目的是希望你若真心想知道佛法的事，應對事放下成見，這樣才會用易明白。

但無奈我仍是凡夫，我真的是對你無法可施！  這次看到你的回覆我真的對你的行為起瞋心，你的確好野，你竟可令我的菩提心倒退！  

我可以肯定，以你的思想作風在學業成績都不會好得了那裡，工作都不會順利得去那裡。  如果有講錯恕我無眼光。  但我真的覺得你份人是我見的人之中最不知所謂的一個！  如果你覺得我是罵你的，我今次就真的是罵你！  

我講完啦！  我向各位保證我不會再與sneakerfreaker對話，以免浪費版面及大家時間。  亦同時請大家做個公道。

版主：  如果閣下認為是我錯的話，就請閣下無須客氣deduce我的分甚至block 我IP，同時就此謝罪！

[ Last edited by bengrace50 on 2005-7-13 at 10:05 AM ]
作者: tsui331    時間: 2005-7-13 08:49 PM

Originally posted by bengrace50 at 2005-7-13 09:46 AM:



唔該你去進修下佛學啦！  又試...
咪係!  自己無知又話人鬧你!  跟本就自己玩野!  大愚若智之徒
作者: bengrace50    時間: 2005-7-13 11:40 PM

Originally posted by tsui331 at 2005-7-13 20:49:


咪係!  自己無知又話人鬧你!  跟本就自己玩野!  大愚若智之徒
算啦！  我都廢事再理佢
作者: olaf    時間: 2005-7-14 12:51 AM

其實在 02 版裡面，大家都有其不同的信仰、理論、觀點.............

個人認為每一個 post 並不是要他人「接受」或「改變」他人，
最重要的是彼此「互相分享、互相交流」...........

建議：
1.  大家唔好一開始就評論他人的 post 是錯、失實 或 不對...........

2.  用詞方面可選用較「溫和」的「討論字句」..........
     例如：bengrace50 兄的 post #1  「人類始來源及人口膨脹真正原因」........
     如果 大家唔同意 bengrace50 兄 的說法，可以說：
      「從科學的角度，人口膨脹真正原因是............」
       用自己的「理據」向 bengrace50 兄求證、討論、說服..........

我的建議澄清：
我不是針對任何人，而是不想 02 版變成「罵戰區」。

如以上文字引起他人不滿，在此「致謙」！
作者: bengrace50    時間: 2005-7-14 07:41 AM

Originally posted by olaf at 2005-7-14 00:51:
其實在 02 版裡面，大家都有其不同的...
agree & support
作者: bobbywu    時間: 2005-7-14 10:23 AM

Originally posted by olaf at 2005-7-14 12:51 AM:
個人認為每一個 post 並不是要他人「接受」或「改變」他人，
最重要的是彼此「互相分享、互相交流」...........
同意 ! 應該用較客觀的態度來討論才有意思。
站在對方立場先 理性地想一想, 否則各有各說, 何來交流 !
作者: research2005010    時間: 2005-7-14 09:06 PM

如果我忽然出一個post話佛教徒其實係可以三妻四妾(在此先各位道歉, 不過想唔到更恰當的比喻), 咁bengrace兄可以點樣回我先唔會引起「駡戰」呢?
作者: olaf    時間: 2005-7-14 09:51 PM

Quote:
Originally posted by research2005010 at 2005-7-14 09:06 PM：
#47  
如果我忽然出一個post話佛教徒其實係可以三妻四妾(在此先各位道歉, 不過想唔到更恰當的比喻), 咁bengrace兄可以點樣回我先唔會引起「駡戰」呢?

小弟愚昧之見，試試回答research2005010兄：

苦我是bengrace兄，如果即是回應 research2005010兄 是︰
「你傻 0架」、「亂說廿四」、「唔知就唔好講」......這些說話，我估research2005010兄
一定會發火而作出「對罵」............
但如果「即時回應」的是：
「research2005010兄，我估你對佛教可能認識不深...........從我所知，佛教徒係「唔可以」
三妻四妾............然後再引証「經文」說服大家..........我估，大家在「心平氣和」的討論
氣氛下，定必不會用「惡言」去侮辱對方。
作者: research2005010    時間: 2005-7-14 09:53 PM

多謝指教, 不過就算ben兄咁鬧我, 我想也不會引發駡戰
作者: olaf    時間: 2005-7-14 10:04 PM

Quote:
Originally posted by research2005010 at 2005-7-14 09:53 PM：
#49  
多謝指教, 不過就算ben兄咁鬧我, 我想也不會引發駡戰

小弟只是愚昧之見...........
其實 bengrace50 兄 是一個「用心良苦」的佛教弟子，我亦需向他賜教..........
而 research2005010 兄的「寬宏」之心，小弟也會「緊記學習」..........
作者: research2005010    時間: 2005-7-14 10:07 PM

唔好意思, 得罪左你
作者: olaf    時間: 2005-7-14 10:34 PM

research2005010 兄：
我估你唔會了，
小弟衷心地說：你的寬宏之心，大家亦應該學習，這才可以讓 02 版更有討論價值。
作者: research2005010    時間: 2005-7-14 11:09 PM

你寫野有時以我來看又真係有一點令人意會到與你原先想表達出現了相反的意思

以上純係個人觀點, 如有得罪, 敬請原諒.
另外對本人的觀點希望大家可以考慮抱著有則改之無則嘉勉的精神, 如有問題, 請指教, 讓我可從中學習.
作者: olaf    時間: 2005-7-14 11:41 PM

文字的表達，有時會讓「觀看者」誤會.............

所以大家如能用「善意」的詞句互相澄清，便有助互相了解及討論，對嗎？

此外，我正摸索如何將字句變色、放大，
這可使「別人說話」與「自己回應」分開，這樣我估可以減輕「觀看者」誤會.........

如可以，請research2005010兄 或各位 指教如何「變色」或「放大」字句.....
作者: research2005010    時間: 2005-7-14 11:46 PM

變色 reply的時候係discuz!代碼的第一行最右可以選擇, 向左一格見到3字就可以選擇大小

「多謝」你對我的「讚賞」, 亦希望以上純熟個人使用reply時的經驗能夠對你有所幫助

以上純係個人觀點, 如有得罪, 敬請原諒.
另外對本人的觀點希望大家可以考慮抱著有則改之無則嘉勉的精神, 如有問題, 請指教, 讓我可從中學習.

[ Last edited by research2005010 on 2005-7-14 at 11:50 PM ]
作者: bengrace50    時間: 2005-7-15 12:40 AM

看完各位的對話，小弟又學到不少野。  同時亦看到alof兄的深不可測的境界，小弟亦要向兄多學習。  

又講下research2005010的例子，其實如果你真的用的你講的例子，我又唔會罵你喎！ 真，因為我會即時覺得好好笑  跟住我會話你知你是錯就算，而且講真你話佛教徒可以三妻四妾的話無乜人會信。  所以傷害性不大。

那些事我會即使『媽叉』佢呢，就是那些對眾生的慧命有損害的見解(令人生邪見的事)、對眾生會產生即時危險的見解，我就會立即行動。  例如：話俾人聽念金剛經是激怒靈體、晚上不可念地藏經、信佛一定要食素、教人點樣玩碟仙是安全、帶小朋友去睇可能有鬼的屋來證實是否真的有鬼等。  呢D都是邪見、誹佛之說，又或者是如果真的有人信了去做會有危險的事。  所以我一定立即『媽叉』佢。  原因有二，(1) 等人/佢知道呢D一定是錯的見解，無得反駁的。  (2) 避免Poster/作者繼續作業。

另外一種情況就是那些明顯是來玩野多過討論宗教的人。  因此而激起我的瞋念的人，我自問修為麻麻！  雖然明顯脾氣比信佛前少了，但仍在學。

老實講，佢地作業對我有乜損失！  只不過唔想有人受害同有危險而已。

我同意有時可以『好聲氣』D，我日後會盡量都唔用D咁重的語氣，不過不能保證(因為要看情況)。

若小弟令各位添了煩惱，在此致歉。
作者: research2005010    時間: 2005-7-15 12:55 AM

我覺得有時真情流露都未必一定係壞事anyway, 都係尊重唔同人的style好d
作者: research2005010    時間: 2005-7-15 12:58 AM

我以為小朋友的感應強d,所以睇樓會帶埋佢地去. 當然已經知道可能有鬼就唔會特登帶個細佬去測試... ...唔知有無問題??
作者: bengrace50    時間: 2005-7-15 01:16 AM

Originally posted by research2005010 at 2005-7-15 00:58:
我以為小朋友的感應強d,所以睇樓會帶埋佢地去. 當然已經知道可能有鬼就唔會特登帶個細佬去測試... ...唔知有無問題??
當然有問題啦， 咁你咪即是搵你的小朋友笨，搵佢做實驗！  你疼愛佢的話又點會咁做。  所以我話講呢D野D人我會立即媽叉佢囉，為害幾大！  攪到幾多人以為真的應該咁做，這種邪見害人不淺！

小朋友感應強是真的，但亦較弱，D如果是惡鬼，你無攪佢都會害你的話，咁多大人，又有小朋友係度，要攪你話會攪邊個？
作者: research2005010    時間: 2005-7-15 01:19 AM

係wor無諗過對方會攻擊佢tim. 咁點知個小朋友有無事? 例如忽然變得脾氣暴躁? 胃口?etc
作者: bengrace50    時間: 2005-7-15 01:25 AM

Originally posted by research2005010 at 2005-7-15 01:19:
係wor無諗過對方會攻擊佢tim. 咁點知個小朋友有無事? 例如忽然變得脾氣暴躁? 胃口?etc
會有好多不同反應，有時可能好似大人被鬼上身的情況，又有時會成日哭，又或者會好驚，視乎情況而定。  你唔係....
作者: research2005010    時間: 2005-7-15 01:29 AM

因為我有一次睇中左間樓, 跟住帶埋個小朋友去, 去到我又忽然覺得唔鍾意. 所以想知道點樣detect個小朋友有無中招. 不過講開又講, 呢個小朋友近來無以前咁乖... .... 應該唔關事掛?
作者: bengrace50    時間: 2005-7-15 01:34 AM

Originally posted by research2005010 at 2005-7-15 01:29:
因為我有一次睇中左間樓, 跟住帶埋個...
幾耐之前事？ 佢幾大？
作者: research2005010    時間: 2005-7-15 01:36 AM

兩三個月前, 個細佬十歲
作者: bengrace50    時間: 2005-7-15 01:42 AM

Originally posted by research2005010 at 2005-7-15 01:36:
兩三個月前, 個細佬十歲
都唔算細得太離譜，如果無乜好特別的事就無須太擔心。  觀察住先啦，不過下次盡量唔好帶D小朋友，尤其是那些得幾歲那些呀。  除非你們個個都有信仰，連小朋友司
也是就可以例外。

註：有乜要幫忙即管出聲，我攪唔掂可以幫你找師父
作者: research2005010    時間: 2005-7-15 01:47 AM

好彩得你提醒, 有時人就係有盲點, 既然知道細佬可以detect到又會諗唔到對家都可以還擊, 以為好似溫度計... ...

禪家or 佛家(仲係分唔清)係唔係叫呢d做當頭棒喝呢?

[ Last edited by research2005010 on 2005-7-15 at 01:50 AM ]
作者: bengrace50    時間: 2005-7-15 01:51 AM

Originally posted by research2005010 at 2005-7-15 01:47:
好彩得你提醒, 有時人就係有盲點, 既然知道細佬可以detect到又會諗唔到對家都可以還擊, 以為好似溫度計... ...
如果真係擔心，去佛寺請支大悲水俾佢飲就OK，你同師父講清楚原因佢一定俾你的，不用錢的，當然最好簽番少少香油啦
作者: bengrace50    時間: 2005-7-15 01:52 AM

記得叫佢飲前念十聲南無觀世音菩薩
作者: bengrace50    時間: 2005-7-15 01:58 AM

禪是佛教的一門


請參看下面綱止

佛教各宗大意
黃懺華居士編述
http://book.bfnn.org/article2/1301.htm
作者: research2005010    時間: 2005-7-15 11:21 AM

謝謝, 有事搞唔掂一定上來找你, 畢竟呢個惡因係我種... ...



歡迎光臨 娛樂滿紛 26FUN (http://26fun.com./bbs/) Powered by Discuz! 7.0.0