娛樂滿紛 26FUN - Powered by Discuz! Board

標題: 阿布有錢大晒狂燒50億 [打印本頁]

作者: Jeans 時間: 2005-7-4 09:14 PM 標題: 阿布有錢大晒狂燒50億

阿布有錢大晒狂燒50億
被轟搞亂英超生態
04/07/2005

英格蘭超級聯賽係世上最受歡迎聯賽，但係做老闆就不一定有錢賺。如果冇利潤，點解要做老闆？好難講，因為所有英超大老闆身家都係天文數字，賺蝕幾億都當冇到。



英超最高姿態老闆係阿布拉莫域，呢位俄羅斯富豪入主車路士之後，上季球會人工開支升至超過十五億港元，增幅超過百分之二百。車路士雖然贏得聯賽及聯賽杯冠軍，歐聯亦打入四強，但依然入不敷支，虧蝕約十二億港元。專家指阿布拉莫域投資車路士資金已近五十億港元。

雲格責殺死聯賽


阿布拉莫域蝕本照樣大手筆投資引來激烈評論。阿仙奴領隊雲格認為咁係不良現象，佢話投資者亂使錢等如殺死聯賽。雲格道理好簡單：球會本應靠門票、贊助、轉播、商品、獎金、廣告等收益來達至收支平衡，若大量資金流入就會令球會變成少數富豪玩意，「老細波」會令球會失去巿場價值。

蘇加轟球員懶惰


雲格好似言之有理，但事實卻係另一回事。富豪唔怕蝕錢，最緊要出名，佢希望透過球會影響力，獲得不可估計隱性回報。

不過，亦有老細因為搞波蝕入肉而打退堂鼓，前熱刺主席阿倫蘇加就係一例。性格火爆蘇加曾入主熱刺做大股東，結果搞到一肚氣。蘇加形容投資英超球會等如燒銀紙，更狂轟球員係世上最懶惰員工。最後，蘇加決定賣出大部分股權，話唔做老闆好過。

---------------------------------------------------------------------------------------------------------------------------
另類孖寶班主
04/07/2005



騎呢老闆
球壇大姑媽


艾頓莊（屈福特）

英國樂壇名人艾頓莊為圓兒時夢想，七六年入主至愛球會屈福特做會長，○二年下台，但至今仍然是榮譽會長。艾頓莊掌管屈福特期間有不少出位行徑，由於球會資金不足，又要死撐挑戰頂級聯賽，他曾開演唱會為球隊籌務經費，夠晒騎呢。

艾頓莊本身已經是個話題，他也令屈福特成為英國著名球會，屈福特最光輝的時代也由艾頓莊所創。這位樂壇奇才紅透七十年代，玩足卅年依然大把fans，靠玩音樂成百萬富翁。

除音樂外，他的私生活也廣受矚目，包括大膽公開自己是同性戀者及承認染上毒癮，總之一舉一動都是球迷及樂迷的焦點，因而有「樂壇大姑媽」之稱。

屈福特在艾頓莊領導期間，曾經請來名帥格拉咸泰萊執，八十年代曾躋身甲組聯賽（當時的頂級聯賽，八四年更殺入足總杯決賽），最後敗於愛華頓。

艾頓莊做老闆勝在親力親為，球會欠錢就開騷籌錢。他相信努力就有成績，也經常質疑球員的努力。艾頓莊講過：「英超球員身價愈來愈貴，他們只是在場上走來走去就可以做百萬富翁，實在不可思議。」

傳奇女子
英國方太


德莉亞（諾域治）

德莉亞是英國烹飪權威，著作無數，影響力深遠，堪稱「英國方太」。她憑超凡廚藝成為英國名人，煮最叻，但講到最出位就是撈過界搞波。德莉亞學人搞生意，與老公膽粗粗入股諾域治，現已成大股東兼球會總監，可說是球會的老闆娘。

德莉亞有幾巴閉？她成名於七十年代，著書立說師奶們煮，將烹飪變成潮流，後來上電視開騷創烹飪節目先河，一直紅到依家。德莉亞經典事多籮籮，她人炒蛋，炒到英國雞蛋零售額上升百分之十；人曬乾紅莓，結果師奶們瘋狂掃貨令全英陷入紅莓荒。

德莉亞廚藝頂呱呱，在廚房全權弗，搞波亦充滿熱誠，深得諾域治球迷歡心。諾域治升上英超令德莉亞成為唯一的英超老闆娘，雖然上季護級失敗，但已成為英國球壇的傳奇女子。

----------------------------------------------------------------------------------------------------------------------------

作者: abcde1918 時間: 2005-7-5 09:26 AM

真係「有錢洗得鬼推磨」

作者: zz1988 時間: 2005-7-5 10:35 AM

開演唱會為球隊籌務經費
wa ,anyone go?

歡迎光臨娛樂滿紛 26FUN (http://26fun.com./bbs/)