娛樂滿紛 26FUN - Powered by Discuz! Board

標題: [愛情診療室] 有件事想大家幫幫忙..... [打印本頁]

作者: 遊戲 時間: 2005-7-5 09:13 PM 標題: 有件事想大家幫幫忙.....

盡量長話短說
我鐘意個女仔好耐,雖然同班但不太熟
佢前幾個月同男友分手
我跟住就同佢熟左好多,會講電話,出過3,4次街
過左一個月,我同佢表白,佢話諗下先,佢D fd都話覺得我好過佢前男友
1星期後佢應承左我,但是過兩日又話都係想了解多D先
話做返朋友先....跟住大家冇搵大家一排,
直至考完試(上星期)我打番電話比佢,
跟住佢而家就時常打來,但是她打來都是叫我
燒D日劇呀,演唱會比佢,雖然我冇咩所謂
但我唔想佢打來只係叫我燒碟比佢
我唔係想咁短時間要佢同番我一齊,我自己都冇信心,但也想約佢出街
咁我應唔應該再約佢出街?又唔知佢肯唔肯,冇理由燒
個幾隻碟比人就叫人同我出街架.....所以我唔敢約
我同佢出街初頭兩次睇戲,
第三次就咁行街,可能佢覺得開心,返到屋企佢就應承左同我一齊
第四次(過兩日),因為果日番完學我好累,仲要去番同一處地方,
大家冇咩野講,第二日,佢就話分手,話想了解對方多D先
所以我真係唔知應唔應該再約佢出街

又唔知佢肯唔肯,
其實我係唔係冇機會架la?
大家覺得我應該點做.....

thx

[ Last edited by 遊戲 on 2005-7-5 at 09:14 PM ]

作者: gundamman678 時間: 2005-7-5 09:48 PM

可能佢同你相處多左才發現和你唔夾，不過我強調這只是可能!

另外亦可能是他對自己感情事在思想上有點反覆。因為有些人在剛分手不久時會感情事有點混亂，需要時間去整理一下自己的想法。佢都可能是這個原因。

我覺得你可以繼續約佢去街既，始終人地有冇心都好，都唔會係佢主動約你去街啦! 你要知道上述所憂慮的一切，你再約佢去街，再看看佢對你的態度，你就會更加了解佢究竟點諗了。

作者: 雷公 時間: 2005-7-5 10:17 PM

繼續約佢好街,等大家多d見面,唔好停
原因:

1. 你同佢敢先有機會比佢瞭解你多d,話出街好平常,同朋友出街都好閒ja

2. d女仔係慣性,同你出多d街,係佢個腦先會成日有你架樣係度
慢慢就好容易有乜野都諗起你,佢好容易產生熟識同安全架feel
好容易轉化為鐘意feel

3. 出街時可以送d禮物比佢,等佢知道你唔係玩玩下,係好有誠意想佢做你女朋友

4. 帶佢去d佢未去過架地方,女仔會有不安架感覺,而你好自然就係佢係嗰度唯一
熟識,唯一比較有安全敢架人,佢就好易對你產生可以依靠架feel
你又會+分

講晒啦,自己執生la

作者: 遊戲 時間: 2005-7-5 10:57 PM

Originally posted by gundamman678 at 2005-7-5 09:48 PM:
可能佢同你相處多左才發現和你唔夾，...

佢之前真係咁樣同我講過話覺得我地唔夾....

其實我覺得佢唔係鐘意我....
仲有我一次
只係問佢有冇睇<下妻物語>,佢就話冇同冇興趣睇.....
我覺得佢意思即係唔想同我去睇.....
所以真係唔敢約佢

雖然佢而家一日打兩次電話來,但係都係叫我幫叫download D日劇...
至衰我真係鐘意佢
所以我至唔知約唔約佢出街好....

其實我係唔係點都應該開口試下約佢去街呢?
thx

作者: 遊戲 時間: 2005-7-5 10:58 PM

Originally posted by 雷公 at 2005-7-5 10:17 PM:
繼續約佢好街,等大家多d見面,...

仲約到佢我一定會咁做架

作者: gundamman678 時間: 2005-7-5 11:32 PM

佢呢一刻未鍾意，唔代表永遠唔會鍾意你，所以你應該繼續努力。但唔好死纏難打喎~~

作者: genesic 時間: 2005-7-7 10:39 AM

Originally posted by 遊戲 at 2005-7-5 09:13 PM:
盡量長話短說
我鐘意個女仔好耐,雖然...

引用 :
你說你鐘意個女仔好耐,雖然同班但不太熟,佢前幾個月同男友分手過左一個月,
你同佢表白...你鐘意個女仔好耐

問題已經好出,雙方都未認識得深...就拍拖?你估你是愛情膠布嗎?
同男友分了手後的創傷,新戀情可以治愈分手後的創傷嗎?就可以
解決嗎?佢分了手後的心情有幾複雜..你知幾多?!你有無從這個角
度想過,我覺得你的愛情觀,唔太成熟!!不顧及雙方情況,太急進!!自
己一廂情願想開始!佢有無心理準備,開始新戀情,你都唔清楚!!自私!!
你鍾意佢,喜歡佢,就要體貼佢!佢失戀了你守護佢的話!佢會feel到的,
實有好感同分加!!感情受傷的人心靈一定脆弱d,你能俾到佢有關愛
的表現!!你點會冇機會!!現在重要問題係你同佢現在咁快拍拖!!著數
唔多,會同前男友有所比較!你可以講你一定做得好過舊男友嗎!!
你最大的缺點!!同步率..都未接緊,撩解不深,無完全共同話題,有未
有得到佢信任,兩人默契還在成長中..對你不利因素都有咁多!!唔係
你話去愛就會順利的!!所以才說你未成熟!!還有你鐘意個女仔好耐,
係你的事,佢唔會知,但對個女仔來說無關係的,佢同你深交同認識
係現在起,你地對相方的感覺,完全唔同!你好耐你喜歡了她,她呢?
有可能係零!!佢對你撩解可能係空白,咩都唔多..點鍾意你?你想佢
點對你??做d咩你只是普通朋友!!

解決方法..唔洗我提意啦!! 當做朋友先,有街去就叫埋佢!多d問候同
關心!等佢知你對佢真心對佢好,咁事情先有眉目!!
你無事的...佢都唔抗拒你找佢,俾時間同恆心啦!!兄弟!!

問佢有冇睇<下妻物語>,佢就話冇同冇興趣睇.....
唔好問d無彎轉的問題得嗎?你應問佢想唔想睇新碟新戲
等佢自已講邊d like同唔 like!!你也不要太著意一個問題的
失誤!!我講過你地撩解唔深!!問錯問題係會發生的!!只要你
上心留意,自然慢慢會減少發生你講的事!咩都講,自已的事
都講!!慢慢收窄範圍!!慢慢建立彼此信任啦!!

歡迎光臨娛樂滿紛 26FUN (http://26fun.com./bbs/)