娛樂滿紛 26FUN - Powered by Discuz! Board

標題: 五戒的威力及一般人之誤解 [打印本頁]

作者: bengrace50 時間: 2005-7-17 06:34 PM 標題: 五戒的威力及一般人之誤解

史兄請注意

因為內容對其他人有益，故我copy出來另開新topic俾人看，請勿介意

作者: bengrace50 時間: 2005-7-17 06:35 PM 標題: 五戒的威力及一般人之誤解

五戒的威力及一般人之誤解

我已知自己有30%機會投入畜生道.
因我當時右腳膝頭哥以下是豬腳.我自己都好唔安樂!我都知修佛受戒一定幫到我,但我有一死穴戒唔甩........................好色!
五戒第一條殺戒,我又要食肉,又戒唔甩.
要唸經,我人又懶,
我都希望有一日我可以穿海青,戒衣!………. 以上我都知,
但係我冇婚外情,有婚外性呢,我有多的女性朋友,
互相有些感情,但又唔係淫亂.好難形容!!

我知可以捨戒,但係1,3,都捨埋,仲守嚟做乜.

佛為何制戒，因為戒律中的禁戒(即禁止人做的叫禁戒)是因為如果有人做了會有惡報，所以要禁。  所以受戒其實是用來提醒自己將會種下惡業。  故此，受戒的人會很短時間就積褔，而且受三寶加持，褔比無受戒的人大得多。改善命運也較快。  所以其實是因為你會犯戒先要受戒，如果你唔犯戒，你已是聖者，已是無相持戒，仲何戒之有？

五戒中的殺、盜、邪淫、妄語、酒，前四種是性戒。  意思是即使你是未信佛皈依、未受五戒的人，如果你做了其中一樣你也是種下惡業的。  當然，如果你受了戒會多條戒罪。但其實也隨笨有精。  點解？因為戒罪是可以懺悔的，懺悔之後就可清淨。  所以你不怕因為多了條戒罪就不敢受戒。  另外更重要的是，你犯戒只是對某一眾生犯，但你同時對其他眾生是持戒的。所以永遠你受了戒的功德也比犯戒的過失大。所以你如果犯戒要落惡道，也因為你受了戒而報應輕D甚至不用墮落的。  例如，你殺死一隻動物，你是犯殺戒。但五戒是受一世的，所以你雖然是犯殺戒，但你只是對那動物犯戒。但同時你是對今生的一切眾生(除了那隻)持不殺戒的。  你話持戒的功德幾大？

至於好色，我估你不至於攪婚外情，叫雞等呱！  五戒同菩薩戒唔同的。  五戒諗、看是不犯戒的。

仲有，除了出家人受的梵網菩薩戒，其餘的菩薩戒、五戒無明文要你持素的。  如果你不能持素，無人會迫你的。

若果你真的有D戒條無法持，五戒是可少受幾條的，例如你不能戒酒的，你可只受四條，甚至一條。五戒中的邪淫戒如果你無法受，到受戒當日師父問到呢條，：『邪淫是五戒之一，能持否？』到時你不作答便可。  即是你是四戒，只持殺、盜、妄語及酒戒。  這叫做多分優婆塞。  甚至只持不盜或不酒。  總之五戒是可以少到只受一條戒都得。  但已足可保你下世唔駛做豬。

還有，食三淨肉(不是你親手殺、叫人殺、專登為你殺的)肉是不犯殺戒的。

到你話懶唸經，咁你可以唸佛號囉！  如果連佛號都懶，你可以只是去受戒，都可保你人身嗎。

講多少少俾你知：

殺生的果報是短命，持素就當然是相反。

邪淫的果報就是做動物，所以......你知點做啦。之前做了的就只能懺悔及皈依受戒補救啦

作者: 魔術師 時間: 2005-7-17 10:39 PM

殺:我近排無啦啦唔鐘意食肉鐘意食素- -但我屋企話唔俾無益
盜:細個無知囉屋企人D錢去買onlinegame點數好多人都有但係無做lu都算守左
邪淫:有時上aio睇下相跟住就忍唔住手淫叫唔叫呢?
妄語:同FD吹下水做下故仔又叫唔叫- -?
酒:我盡量少飲但有時開心同埋出去交際一定要家喎~
殺生的果報是短命
咁我殺多D生......長命只係一個痛苦但一定唔自殺自殺係一種唔好既行為
請問玩弄人既感情收場係點?
重有佛教之中有冇D可以消除心中既恨既方法?心中帶恨令我個人好唔平穩(俾人玩弄感情)
我一向小食肉多食素同個人冷靜心境平和但係E家心中帶恨請問佛教之中係唔係一種罪過?

(以上沒任何(霧)反的意思,如有是我個人表達能力錯誤,希望多多見諒)

作者: 史艷文2 時間: 2005-7-18 12:14 AM

Originally posted by bengrace50 at 2005-7-17 06:34 PM:
史兄請注意

因為內容對其他人有益，故我copy出來另開新topic俾人看，請勿介意

不介意

作者: bengrace50 時間: 2005-7-18 01:55 AM

Originally posted by 史艷文2 at 2005-7-18 00:14:

不介意

謝過

作者: bengrace50 時間: 2005-7-18 02:30 AM

Originally posted by 魔術師 at 2005-7-17 22:39:
殺:我近排無啦啦唔鐘意食肉鐘意食素- -但我屋企話唔俾無益

--> 佛教中除了梵網菩薩戒(主要是出家人才受的，但也有在家人受的)之外，其它戒條沒有明文規定要食素。  雖然大家都鼓勵你食素，但不食對你信佛沒有影響。尤其是五戒，思想方面作業也不犯戒的。
同時另一方面，如果你怕食不到素就不信佛，咁你估你不信就不犯佛教中的因果嗎？  當然不是啦。  這是鴕鳥政策的思想。  況且，無話食肉的不可信佛以及受五戒的。
至於食素無益，你說食肉新鮮還是食蔬菜新鮮？  肉是死屍，蔬菜不到煲它還未死。還有食蔬菜沒有心血管病，但食肉呢？  還有很多病、毒藥都是肉食的專利。  我食了四年都沒病。  還有你好氣力還是少林寺的出家人健康？  不過話說回頭，你如果家庭不方便也無須多作煩惱的。  隨緣也可。

盜:細個無知囉屋企人D錢去買onlinegame點數好多人都有但係無做lu都算守左

未受戒不算守戒，但你無做我當然隨喜

但只算是沒作業。要有受戒的好處必須先到出家人前受戒的。

邪淫:有時上aio睇下相跟住就忍唔住手淫叫唔叫呢?

邪淫指與夫婦以外的人發生性行為為之邪淫。手淫只算是種下惡業，因為你手淫必有思想上的邪念。這會種下將來邪淫甚至強姦人的惡業。但的確你不與夫婦以外的人真真正正發生性行為是不算為之邪淫。即是你已受五戒也如是。要真的做才算犯戒。

妄語:同FD吹下水做下故仔又叫唔叫- -?

有騙人之心就算。但有幾重罪就要看你的目的。

酒:我盡量少飲但有時開心同埋出去交際一定要家喎~

你飲酒的日子多還是不飲的日子多？

殺生的果報是短命
咁我殺多D生......長命只係一個痛苦但一定唔自殺自殺係一種唔好既行為

如果你殺生的目的是想自己早死，這等於自殺。自殺的罪比殺生的罪還大。還有，殺生的果報是短命。但這只是現世的報應。其實死後還要下地獄。如果你自殺，即是殺人。殺人的罪是殺罪中最大。

請問玩弄人既感情收場係點?

非常複雜。先是欠人情債。你下世要還給他。你玩佢，佢下世就要俾佢玩番。人債通常唔會好準咁番一樣咁多。所以通常多。所以大家會越來越慘。還有，如果當中有犯邪淫，仲慘。
。

重有佛教之中有冇D可以消除心中既恨既方法?心中帶恨令我個人好唔平穩(俾人玩弄感情)

就算你不能戒食肉，也先戒掉食、蒜、蔥、薤。因為會令你的善神遠離你。同時這些是會影響你的定力及心理平和。

然後就是修觀音法門。每日安排自己起碼半個鐘至一個鐘坐定定，閉起眼念『南無觀世音菩薩』。聽就聽番自己念的『南無觀世音菩薩』。你慢慢便會感覺了。

[quote]
我一向小食肉多食素同個人冷靜心境平和但係E家心中帶恨請問佛教之中係唔係一種罪過?

只是種下惡業，不是罪。

作者: 魔術師 時間: 2005-7-18 09:57 AM

Originally posted by bengrace50 at 2005-7-18 02:30 AM:

--> 佛教中除了梵網菩薩戒(主要...

多謝ben兄詳盡解釋但係南無觀世音菩薩係唔係經文黎係邊到有?

作者: bengrace50 時間: 2005-7-18 12:28 PM

Originally posted by 魔術師 at 2005-7-18 09:57:

多謝ben兄詳盡解釋但係南無觀世音菩薩係唔係經文黎係邊到有?

南無是皈依、投靠、依靠的意思。觀世音菩薩是菩薩的聖號。全句即是皈依觀世音菩薩，請祂加持的意思。我教你念南無觀世音菩薩是念佛的一種方法。並非經文(你都可以說是的，因為很多經文都有提這位菩薩)。

點解念觀世音菩薩，因為祂易感應、特別慈悲，《觀世音菩薩益門品》有提眾生有乜心病念祂聖號便可以改變。

觀世音菩薩聖號

http://club.buda.idv.tw/files/music/NWGYPS01.mp3

作者: 史艷文2 時間: 2005-7-18 01:27 PM

Ben兄!有嘢請教.
如果一位女信徒皈依,咁佢可否替男友口交?

作者: bengrace50 時間: 2005-7-18 05:29 PM

Originally posted by 史艷文2 at 2005-7-18 13:27:
如果一位女信徒皈依,咁佢可否替男友口交?

1. 無論是否已皈依，就算是天主教徒，邪淫一樣有惡報。
2. 所以只受皈依，不受五戒，同上。
3. 受五戒，邪淫多條戒罪。但隨笨有精，原因之前講過，不再提。仲有，如果你本身會做，你唔受戒都會做。但受了戒就越做越少。所以到你bye-bye那日就會少d惡業多d福。
4. 何謂邪淫，夫妻以外的性行為便是邪淫。嚴格來說婚前性行為都算。不過，凡是罪都有分上中下品(即上品最重)。如果强姦出家人、亂倫等當然是上品。如果當時大家只有一個男/女朋友，又有心結婚的話，只算下品。還有正式性交比普通性行為又重D。

結論：
未受戒，不算犯戒，只算作惡業，還有只是口交，更輕少少。

作者: 魔術師 時間: 2005-7-18 08:03 PM

我又想請問ben兄佛教之中一些問題
佛教理論死後是否經過一些時間就會轉世投胎?(不清楚幾耐) 我想問鬼道係唔係即係個一世係做鬼?如果係要做幾耐人死後落到地獄如果經過刑罰之後知錯有冇機會改過?
佛教是否要信佛先可以唔洗落地獄?還是學天主教這樣你好人也好無信教就要落地獄?

作者: bengrace50 時間: 2005-7-18 08:46 PM

Originally posted by 魔術師 at 2005-7-18 20:03:
佛教理論死後是否經過一些時間就會轉世投胎?(不清楚幾耐) 我想問鬼道係唔係即係個一世係做鬼?

-->死後會成為中陰身，中陰身每7日會再歷一次死狀(有如沉睡)，期間會受業力引入六道投胎，49之內會一定投胎。若不，便會成為餓鬼(鬼道)。但並非全部餓鬼都是咁嚟，業力重的會很快甚至立即投胎。若不，便會成為餓鬼。

很興趣知多D的話，介紹你聽寬濟法師講的靈界的生活
http://www.poyin.net/kuanji9.php

如果係要做幾耐人死後落到地獄如果經過刑罰之後知錯有冇機會改過?

當然有，懺侮知錯罪會減輕。但其實落地獄真的好慘，苦到連懺侮都未必記得。結果要受報完，再到餓鬼、畜生，一直到你嘅業減輕至可以做人才可再生為人。所以不要作業。
如果生前有種下善根，或有後人為他種福，佛菩薩就有機緣度佢離開地獄。
又或理論上，修得甚深般若之人，一念空觀就連地獄也空。但這種人又甚會落地獄，除非去度人。

佛教是否要信佛先可以唔洗落地獄?還是學天主教這樣你好人也好無信教就要落地獄?

佛教唔理你信乜，信上帝又好、阿拉又好、信有因果無因果又好，你作惡業就落梗地獄，做好事就上天堂。不過信佛的人會修行，天唔係我地最終目的地，因為上天都始終會再死，再入輪迴。而信佛的大乘修行人自己要成佛之餘仲會去度其他人離開六道。

註：如果將來有其他問題不如到【滿天神論】討論研究吧！

[ Last edited by bengrace50 on 2005-7-18 at 08:50 PM ]

作者: 史艷文2 時間: 2005-7-19 11:52 AM

呢位寬濟法師D嘢好好聽,我有幾套佢既講座.

作者: bengrace50 時間: 2005-7-19 12:15 PM

Originally posted by 史艷文2 at 2005-7-19 11:52:
呢位寬濟法師D嘢好好聽,我有幾套佢既講座.

史兄，原來我同你及Justin兄都有D Fans，你去《反映區》睇睇，都算我地無白做，幾好笑。

作者: 史艷文2 時間: 2005-7-19 12:29 PM

Originally posted by bengrace50 at 2005-7-19 12:15 PM:

史兄，原來我同你及Justin兄都有D Fans，你去《反映區》睇睇，都算我地無白做，幾好笑。

我未去過,去睇下先.

作者: swho 時間: 2006-3-3 04:25 PM

困擾我多時的問題得到解決! 謝謝各位幫忙! 還有一問題, 如果一個人(不是歸依), 初一十五持素, 但在該日與女友發生性行為, 可為惡業?

歡迎光臨娛樂滿紛 26FUN (http://26fun.com./bbs/)