Board logo

標題: ＊＊＊香港足球其實係有得救呀＊＊＊ [打印本頁]
作者: kakeidevil    時間: 2005-7-23 08:26 AM     標題: ＊＊＊香港足球其實係有得救呀＊＊＊

大家係唔係覺得香港足球真係冇得救呢？？
其實唔係呀！！！
我有些少意見分享吓，希望大家比ｄ意見～～

＊『我覺得香港足球應該好似外國咁分好多個市咁打，例如可以分：沙田隊，旺角隊，尖沙咀隊，天水圍隊／屯門隊等市區創辦出嚟！！！咁做可觀性會提高，睇波人場會増加，又可以從中挑選精英代表香港足球國家隊＜因為香港好多球員係好有潛質＞，咁做的話我相信自己區ｏ既人都一定會捧自己區ｏ既球隊！！！
香港有都好多球場，有人造草地及草場～！～到時可以分成好多支球隊，然後分成早，乙，丙組球隊，有升班及降班制！每組我相信可以有１０支以上球隊參加，到時將香港足球事業推上最高峰！我相信這樣的話香港不耐之年就可以能耐打入《世界盃》』＊

【可能你地會覺得我係有少少瘋狂同妄想，但依句只係我少少想法，但我覺得這樣才可救回香港足球事業！！希望大家分享意見】
作者: bigfish    時間: 2005-7-23 08:32 AM

唔得la, 你估d 球迷唔理踢得好唔好都照入場俾錢睇咩
作者: kenneth_so03    時間: 2005-7-23 08:34 AM

其實香港仲有好多勁人..不過未俾人發掘到姐..有時係街場都見到d人腳法唔錯..一個過幾個..
有d腳頭幾好...etc..
作者: My heart will g    時間: 2005-7-23 08:46 AM

all about MONEY la...

why we pay for soccer, not basketbal? pang pong ball???

as a chinese person, our body already lose to those western ghost==
so...we should more focus on d sport like ping pong ball, badminton....volleyball gum...

those are the sports the department want to pay money...~
作者: myron722    時間: 2005-7-23 09:45 AM

香港入中國聯賽 就有希望

邊有咁多人肯比錢去買飛睇
香港的足球已經沒希望了
呢10年 我見到最專業得一個 鄭兆聰

其他 都no . 因為香港真係唔可以打波搵飯食
作者: kornstar    時間: 2005-7-23 09:48 AM

should make a HONG KONG team to go into 中國聯賽

Cancel the local one.
作者: hcee    時間: 2005-7-23 09:59 AM

我都覺得香港有實力既人肯定有唔少..........問題係沒有機會同發展空間.........
而且大部分人都不會當踢波係可以職業的.........因為大家都要生活.....而去做一些高收入的工作.....

香港人也不會放太多時間去踢波.......返工 返學 讀書 溫習 打機 玩樂 上網 去浦 訓覺......
很少人會專注太多時間花在足球上........

地方少啦.......人口密度低既地方有場.........
人口密度高既地方得幾個場..........成日都會幾隊跟一個場.........很多人都冇得踢.........
作者: hcee    時間: 2005-7-23 10:02 AM

Originally posted by myron722 at 2005-7-23 09:45 AM:
香港入中國聯賽 就有希望

邊有咁...
中國聯賽本身都未搞得好啦..........

不過試下都冇所謂........可以試下本地聯賽加埋參加中國聯賽..........
作者: wer    時間: 2005-7-23 10:21 AM     標題: 意見

1.區隊本身實力不及甲組,也無人來搞足球,何來提高可觀性
2.場地也不合規格,入場人數一定不增加
作者: jordi    時間: 2005-7-23 10:28 AM

算吧啦 ~ 六師弟 !
連体院都執笠 , 變左馬術 .....
香港運動員連一隻馬都不如呀 ,
香港足球冇架啦 ~
作者: 亨九利    時間: 2005-7-23 11:12 AM

如可做到以下幾點, 或可推動本地足球再現昔日光芒......

1) 萬事以錢為先, 首要的是找有實力的贊助商; 霍家父子整天嚷著支持本土體育, 他們為何不率先大灑金錢搞隊波, 以作表率?

2) 可以效法日本邀請一些過氣名將到香港踢波(當然要有老細肯比錢), 如巴迪高, 韋斯仔, 蘇拿, 恩斯......等等, 藉以提升球迷的興趣購票觀賞球賽!!!

3) 香港已經是一個小地方, 如再繼續搞本土聯賽只有死路一條, 以香港隊名義加入中超聯踢主客賽制, 並以大球場為主場為基礎, 鼓勵球迷入場為主隊打氣!!!

4) 將現有香港足總的高層全部撤換, 換入一些有新思維的人掌舵(例如在下), 基本上現今香港足總已成一小撮人的私人俱樂部, 透明度極低兼老人政治當道, 一定要將這批人拉下馬才可!!!
:cool::cool::cool:
作者: terry369    時間: 2005-7-23 11:18 AM

亨哥說得對
第一點無可能, 他們絕對不會做這些事
第四點亦係, 因為香港fa是自己友玩晒

如果真係要搞起香港波, 真係要成立一支球隊, 對! 是一支, 香港咁細的地方, 咁多支球隊只會支支係廢, 搞一隊波, 將資源谷埋一隊, 等青年球員的競爭再強d, 因為出路得一個, 咁更加會出到勁的球員! 亦要搞好sponsor, 請一兩位明星球員來, 再join中國甲組聯賽, 我覺得是唯一出路
作者: abc123aa    時間: 2005-7-23 11:28 AM

其實都唔係第一次d人提議沙田隊,將軍澳隊,但係香港既市民隨時可以搬屋,但係外國既市民佢地唔會隨便搬屋,可以話係邊度出世係邊度死~而香港球場又唔多場,連依家職業果d都要同學生爭場練習......你話仲邊有得救= ="
作者: abc123aa    時間: 2005-7-23 11:31 AM

Originally posted by 亨九利 at 2005-7-23 11:12 AM:
如可做到以下幾點, 或可推...
講得好~加分呀^^
作者: astepor    時間: 2005-7-23 11:32 AM

Originally posted by 亨九利 at 2005-7-23 11:12 AM:
如可做到以下幾點, 或可推...
That's Right.
作者: 亨九利    時間: 2005-7-23 11:46 AM

Originally posted by terry369 at 2005-7-23 11:18:
亨哥說得對
第一點無可能, 他們絕對...
英雄所見略同......
作者: tvben    時間: 2005-7-23 11:48 AM

我唔記得之前睇球迷世界定體育世界...
其實香港依家已經有類似的體制....
但最主要是沒有足夠經費可以將體制做得好d同埋擴大

其實最主要的問題所在是香港政府根本沒有認真看待發展運動
更加沒有長遠計劃發展足球
首先資源不足...場地不足...誠意亦欠奉
霍先生跟本只是想出峰頭...根本對發展足球沒有長遠方向...

講真...如香想重新發展本地足球根本要從最基本開始
例如興建場地...組成新的獨立的發展足球部門(香港足總根本就可以解散喇)
最理想當然係政府興建足球學校...讓足球員從小至大發展....
當然費用相當龐大....現在之香港足總根本無可能做到....

另一方面在香港投資足球的人仕亦小之又小...
當然喇...在港投資足球等同燒銀紙....根本未能提高本地足球員之質素

足球員本身其實薪酬太低....根本不足以生活
球員亦有些要做其他工作幫補生活....未能全職做足球員
想想外國球員根本不需為生活以煩腦.......

至於球迷方面....現在要好似從前有幾千人入場睇波根本沒有可能
現在香港人搵錢分分鍾食飯都未夠錢.....
有錢既亦有很多活動可以選擇....強如巴西國家隊都未能爆滿
試問香港的足球隊有那隊可以有這樣的號召力....
我記得之前南華要降班....香港搞到好似暴動咁....
依家如果南華降班.....我諗好多人話低死囉 (我意思係踢得差)

根據我看來
天時...地利...人和都沒有
相信香港足球短期內都無可能有得救.....
作者: abc123aa    時間: 2005-7-23 11:54 AM

Originally posted by tvben at 2005-7-23 11:48 AM:
我唔記得之前睇球迷世界定體育世界......
始終真係錢作怪,加上依家足總班人又冇心搞足球喎~你講得好岩,係香港做足球員根本連生活都成問題,點樣吸引到人去做同埋點吸引到d家長放心比d小朋友係香港做足球員呀,另外足球學校呢樣野都係香港所缺少既,依家d小朋友想踢球通常都係參加校隊或者同d朋友去踢,但係依家有d學校根本連校隊都冇,話取消就取消.......令到一大班想踢足球既小朋友們唔可以由細踢到大~
作者: tvben    時間: 2005-7-23 12:05 PM

Originally posted by abc123aa at 2005-7-23 11:54 AM:

始終真係錢作怪,加上依家足總班人又...
完全同意呀....錢作怪

其實我覺得唔駛太多間....只要有兩三間有系統有設施的足球學校
我想信已經可以大大提高青少年球員的質素
但唔知點解香港足總真係完全無咁樣做呢....

不過香港政府錢就唔係無.......無鬼端端拿去搞馬術....真係令人失望
你講得絶對無錯...講真如果d細路去踢波唔話真係話要搵好多錢....
我諗係搵到食既話....d父母都唔會咁反對d仔女去踢波.....
講真.....如果我有仔女都唔會支持佢去踢香港的所謂職業足球
真係分分鍾無錢開飯
作者: ciger    時間: 2005-7-23 12:06 PM

其實入場睇波唔在於球隊水準有幾高,而已在於氣氛同你對球隊嘅喜愛程度,剛畢業時都有同d舊同學去睇自己母校校隊比賽,講真水準有幾高吖,但就睇得好投入,因為有歸屬感,而香港足球員依家已經冇乜人尊重,主要係形象差,多數都係讀書唔成,球場上講粗口,場外又食煙,仲搞單亞運打假波,幾個球員終生停賽,其實呢d野外國都有,但香港球圈少,令人覺得大部分球員都係咁,令到d球員由偶像淪為笑柄,又點會花錢入場睇波吖
作者: leeyanta    時間: 2005-7-23 12:08 PM

香港足球=>晒氣啦
作者: abc123aa    時間: 2005-7-23 12:11 PM

Originally posted by tvben at 2005-7-23 12:05 PM:


完全同意呀....錢作怪

其實我...
係呀~錢係好重要,所以如果家誠拎少少出黎搞足球就好
如果我係家長我都唔會比佢係香港做足球員,我會送佢去外國既青訓學校由細踢到大,到時如果佢做到足球員當然開心啦,但做唔到足球員都冇問題的~依家香港d足球員8千蚊人工都唔知有冇= ="
作者: kornstar    時間: 2005-7-23 12:31 PM

點解馬會唔開埋盤？ 有游水 就有attention。

香港隊入中國聯賽打。
大球場再整靚佢
搵呀華仔唱首會歌，沈嘉偉間 it crossover nike 出波衫 ， 搞多d門面野
我覺得有得諗，一樣有錢賺。
有錢賺，多大笠佬去dum錢。
青訓都會好好多，唔係話要同出面比，至少要人地知到 香港人都識咩叫波。
作者: abc123aa    時間: 2005-7-23 12:33 PM

Originally posted by kornstar at 2005-7-23 12:31 PM:
點解馬會唔開埋盤？ 有游水 就有atten...
依家香港d球會搞既門面野真係差左d,d波衫鬼咁核凸,一d美感都冇= ="
作者: kornstar    時間: 2005-7-23 12:34 PM

我記得　我靚仔果時　快易通果件　幾靚
作者: abc123aa    時間: 2005-7-23 12:37 PM

其實呢,有冇人知道點解d波衫前面要加數字呢,唔加的話靚好多= ="
作者: john199276    時間: 2005-7-23 01:07 PM     標題: 唉~~~d家長俾會俾d仔女踢波呀!!!!!!!!!

唉~~~d家長俾會俾d仔女踢波呀~~d家長話踢波友找唔到大錢~~~咁友係~~~你估我地可唔可踢到好姒謝仔禁多錢咩~~謝仔一個星期找成百幾"慢"港"梓"~~咁我地hk既球員要踢幾柰先找到謝仔一個星期找既錢呀~~~may be 到 retire 都唔找到呀!!!!!!!!!!!!!!!!!!!!!!!!
作者: abc123aa    時間: 2005-7-23 01:08 PM

Originally posted by john199276 at 2005-7-23 01:07 PM:
唉~~~d家長俾會俾d仔女踢波呀~~d家長...
呢個就係錢既問題= ="
作者: terry369    時間: 2005-7-23 01:12 PM

講真, 你話香港足球先生係歐偉倫, 講出黎都俾人笑, 又醜, 波屎就已經衰, 佢仲要金毛食煙, 金毛食煙形象差都唔緊要, 仲要當日話食煙唔會影響佢體能........ 搞到跑完千五米死咁滯
作者: abc123aa    時間: 2005-7-23 01:13 PM

Originally posted by terry369 at 2005-7-23 01:12 PM:
講真, 你話香港足球先生係歐偉倫, 講...
香港有邊個足球員唔食煙= ="
作者: 亨九利    時間: 2005-7-23 02:39 PM

Originally posted by abc123aa at 2005-7-23 13:13:

香港有邊個足球員唔食煙= ="
山度士, 佢條基佬剩係食"雪茄" 唔食煙.....
作者: kornstar    時間: 2005-7-23 02:49 PM

禁呀科拿都食白粉啦

搞ｄ正面型像　都有得諗既。

有大笠佬肯洗錢，球員價都會好ｄ掛

ｉｆ搞得好　就有錢賺啦。

有ｍａｒｋｅｔ　就有好人才。

起馬　比ｄ所謂既　壞學生　（讀唔成書果ｄ　又對踢波有ｄ天份既）　有條出路丫

搞埋ｄ　奧運馬術　又識ｄｕｍ　錢。

孩～
作者: abc123aa    時間: 2005-7-23 03:02 PM

Originally posted by 亨九利 at 2005-7-23 02:39 PM:

山度士, 佢條基佬剩係食"雪茄" 唔食煙.....
吓,上次我係新都城見到佢有仔陪wo@@"
作者: sing888    時間: 2005-7-23 06:17 PM

Originally posted by hcee at 2005-7-23 09:59 AM:
我都覺得香港有實力既人肯定有唔少......
好同意你既講法..
我相信香港好多人都鐘意足球..包括o靚仔 ...去到熱愛既程度都唔少..
但係普遍我地會覺得係香港踢波冇出息..賺埋都唔夠交呢樣交個樣..最終放棄做職業足球員既夢想..
而且即使真係想做足球員 ..有咩途徑? ..好多人都唔知唔清楚 ..我身邊好多波友都有咁既問題
作者: 飛兒    時間: 2005-7-23 06:53 PM

叫李嘉成買起香港其中一隊波,再攪佢,香港足球味有救囉
作者: 亨九利    時間: 2005-7-23 06:56 PM

Originally posted by 飛兒 at 2005-7-23 18:53:
叫李嘉成買起香港其中一隊波,再攪佢,香港足球味有救囉
佢有錢都返潮州搞啦, 佢0係香港剩係搵錢!!!:cool:
作者: abcde1918    時間: 2005-7-23 08:29 PM

Originally posted by 亨九利 at 2005-7-23 06:56 PM:

佢有錢都返潮州搞啦, 佢0係香港剩係搵錢!!!:cool:
香港其實都掂呀
作者: kenny9129    時間: 2005-7-23 08:31 PM     標題: 場地也不合規格

場地也不合規格!Q!!!!!eat shit la!!hong kong football!"
作者: 飛兒    時間: 2005-7-23 11:24 PM

Originally posted by 亨九利 at 2005-7-23 06:56 PM:

佢有錢都返潮州搞啦, 佢0係香港剩係搵錢!!!:cool:
救香港足球緊係向香港攪波啦,去潮州把鬼咩
作者: kakeidevil    時間: 2005-7-24 11:33 AM

Originally posted by 飛兒 at 2005-7-23 11:24 PM:

救香港足球緊係向香港攪波啦,去潮州把鬼咩
佢係潮州人



歡迎光臨 娛樂滿紛 26FUN (http://26fun.com./bbs/) Powered by Discuz! 7.0.0