娛樂滿紛 26FUN - Powered by Discuz! Board

標題: 世界游泳錦標賽 [打印本頁]

作者: sonyguy 時間: 2005-7-27 04:07 PM 標題: 世界游泳錦標賽

大家有無睇世界游泳錦標賽...
舊屎跳水...中國必定贏晒所有項目...
甚至好多都能夠一Q返...
但又上年奧運開始...
已經無晒優勢...
特別係男子果面...
成日都輸...唉...
中國人呀中國人...唉...~~

作者: twh1110 時間: 2005-7-27 05:16 PM

Originally posted by sonyguy at 2005-7-27 04:07 PM:
大家有無睇世界游泳錦標賽...
舊屎跳...

青黃不接期~

作者: brightlee 時間: 2005-7-27 06:00 PM

and many countries, they are using Chinese head coaches!!!

作者: wanmankit 時間: 2005-7-27 06:03 PM

唔係中國渣左，係人地國家請左我地中國既教練去教，佢地先會進步得咁快

中國再冇新方法教，咁個水平差距就愈來愈細

作者: ciger 時間: 2005-7-27 07:25 PM

Originally posted by sonyguy at 2005-7-27 16:07:
大家有無睇世界游泳錦標賽...
舊屎跳...

中國係男子組一向都唔係雄霸唒,尤其是三米彈板,最近一兩屆先第一次攞金牌,同埋我諗佢試新人啫

作者: ciger 時間: 2005-7-27 07:27 PM

Originally posted by wanmankit at 2005-7-27 18:03:
唔係中國渣左，係人地國家請左我地中國既教練去教，佢地先會進步得咁快

中國再冇新方法教，咁個水平差距就愈來愈細

不過我諗亞洲人係有d優勢,因為體形冇咁大隻,會靈活d

作者: tvben 時間: 2005-7-27 07:33 PM

Originally posted by wanmankit at 2005-7-27 06:03 PM:
唔係中國渣左，係人地國家請左我地中國既教練去教，佢地先會進步得咁快

中國再冇新方法教，咁個水平差距就愈來愈細

講得完全無錯呀....支持

其實中國跳水隊一向的強項是壓水花
同埋入水後的修正動作....
但中國的教練不斷輸出....
外國的運動員一路吸收中國的長處

而中國的跳水隊根本就沒有吸收外國運動員的長處
另如跳版的節奏同空中動作都可以向外國吸收一下...
但中國多數的運動教練都係固步自封....沒有對外吸收
所以做成今天連國家跳水隊的水平亦與外國越來越接近了

作者: ciger 時間: 2005-7-27 07:40 PM

Originally posted by tvben at 2005-7-27 19:33:

講得完全無錯呀....支持

其實...

我就覺得唔係中國有特別技巧,中國雄霸跳水之前人地已經出左個盧根尼斯,我諗係上一代中國運動員比較刻苦,成功攞獎係佢地唯一出路,依家靚仔d都去拍廣告啦,優勢咪越來越細

作者: tvben 時間: 2005-7-27 10:02 PM

Originally posted by ciger at 2005-7-27 07:40 PM:

我就覺得唔係中國有特別技巧,中國雄...

唔好意思....我唔係太同意
其實曾經睇過無線介紹過中國跳水隊的訓練,
我相信現時既中國所有國家隊的運動員, 包括所有運動, 絶對唔會唔克苦
我無記錯既話....個節目係介紹過中國跳水隊員早六5點就起身....
先做雜務...跟住熱身...然後要接受每天不少於8小時的訓練....

絶對不能因其中一些隊員既私人生活已抹殺中國運動員的努力
中國隊的運動員是世界其中一個最克苦的...我個人甚至相信係最克苦
另外我想你的意思係話田亮同郭晶晶等等, 佢地係有個人的品格問題
但你都唔可以抹殺佢地曾經克苦努力過才能代表國家隊取得成績

至於盧根尼斯的年代....當然佢係當時世界首席的跳水運動員
他之前係體操運動員....轉戰跳水...佢當時的強項的優美的空中動作及柔軟度
但近代的壓水花技術的確曾經是中國所長....
但如前文所講....教練外流....至令中國跳水隊的技術與其他國家拉近
所以我覺得不能隨便說是因近代的運動員不克苦...這樣對佢地似乎不太公平

作者: ciger 時間: 2005-7-27 10:29 PM

Originally posted by tvben at 2005-7-27 22:02:

唔好意思....我唔係太同意
其實...

任何運動員唔好話世界級,就算校隊級都好刻苦,有人比較刻苦唔代表其他人唔刻苦,我唔係抺殺佢地嘅努力,我意思係以前中國運動員根本冇話去澳門表演,去香港做show,依家果d就唔同,佢地要出席商業活動,係會冇咁專注,而且中國之前奧運都唔係囊括所有金牌,96年就有個俄羅斯人叫薩烏丁就贏左十米高台,2000年佢都攞到1金一銀兩銅,可見其他國家冇中國教練亦唔見得出唔到冠軍人馬
有其他活動就可能影響到訓練程序同比賽狀態,應付得到好似郭晶晶咪照贏金牌囉,有少少唔適應咪可能輸囉
'另外我想你的意思係話田亮同郭晶晶等等, 佢地係有個人的品格問題'
我意思唔係話佢地,亦唔覺佢地有個人的品格問題,因為現今社會運動同商業已經分唔開,但這種情況早十年八載係唔會發生在中國

[ Last edited by ciger on 2005-7-27 at 10:32 PM ]

作者: tvben 時間: 2005-7-27 11:35 PM

Originally posted by ciger at 2005-7-27 10:29 PM:

任何運動員唔好話世界級,就算校隊級...

Sorry.....唔好意思.....我誤會左你先前既意思....

不過我亦唔係話其他國家無中國教練就出唔到冠軍....
我的意思只是人地會透過中國的教練吸取中國的長處而令自已變得更強大
而中國無咁做....
其實任何國家亦會出現潛質優厚的新手.....經過克苦努力訓練....
當然會有自已的成績

咁我都同意現在的商業活動對運動員的確有負面影響.....^_^

作者: ciger 時間: 2005-7-27 11:53 PM

Originally posted by tvben at 2005-7-27 23:35:

Sorry.....唔好意思.....我誤會左...

其實隨着經濟發達,中國人民出路多左,如果中國運動員收入唔大幅提高,我諗肯咁辛苦玩運動的人越來越少,比你都寧願讀多d書啦,做運動員唔一定成功,讀書就實際得多,因為中國運動員都係由國家集中培訓,唔同外國一路讀書一路練習,好多時都係退役後先讀大學,如果運動成績唔好,都唔知有冇得讀添

作者: sonyguy 時間: 2005-7-28 11:12 AM

我都知e+好多國家都用左中國教練...
某程度好矛盾...
可能e+世界既跳水強國都係用中國人做教練...
中國人可以好自豪...
但另一方面就另到中國失去跳水王國既優勢...
...
其實中國在世界體壇上已經唔係好多野可以稱為強國...
但世界各國好似好唔想中國贏咁...
經常改變另到中國無晒優勢...
另如乒乓波...
一向黎講中國乒乓波簡直係無敵...
但近十年八年...
中國人不斷外流...
攪到e+好多國家既國家隊其實都係中國人...
另外就係國際乒總不斷改例...
無神神將個波直徑改大2mm...
話令球速減慢可增大個可觀性...
其實因為中國實在太強...
其他對手跟本唔夠打...
...
你諗下人地由細到大...由練習到比賽都係用細波...
突然換左個大波...
影響有幾大...
你又唔見足總踼踼下改踼藍球咁大既波??

到佢地都適應左...
又係無敵既時候...
又改例唔打21分...打11分一局...
跟住又改例開波時唔可以用身體擋住...
一定要比人睇到...
嘩...
如果足球係咁就死...
就45分鐘太耐...打10分鐘...
真係場場打和要射十二碼都似...
果時香港都有機會贏世界杯!!

總之佢地就係咁改...改到中國無晒優勢先開心...

作者: shaqkobe 時間: 2005-7-28 08:28 PM

Originally posted by sonyguy at 2005-7-27 16:07:
大家有無睇世界游泳錦標賽...
舊屎跳...

跳水項本並唔係中國既專利。強隊如意大利、俄羅斯、澳洲……都係爭標隊伍。

歡迎光臨娛樂滿紛 26FUN (http://26fun.com./bbs/)